Shavkat Mirziyoyev turkiyalik hamkasbi Rejep Tayyip Erdog‘an bilan telefon orqali muloqoti davomida uni tug‘ilgan kuni bilan tabrikladi. Qolaversa, prezidentlar Toshkentda o‘tadigan Strategik hamkorlik bo‘yicha oliy darajadagi kengashning navbatdagi yig‘ilishiga tayyorgarlik ko‘rish masalalarini ham muhokama qildi.
Prezident qarori bilan O‘zbekiston hamda Pokiston hukumatlari o‘rtasida tranzit savdo to‘g‘risidagi bitim tasdiqlandi. Mazkur hujjat 2021 yilning 15 iyulida Pokiston bosh vaziri Imron Xonning Toshkentga tashrifi doirasida imzolangandi.
Qoraqalpog‘istonga 3 kunga ketgan prezident, 1 martdan O‘zbekistonda niqob taqish majburiyati bekor qilinishi, Toshkentdan Qoraqalpog‘istonga borib ishlagani uchun shifokorlar maoshiga to‘lanadigan 100% ustama, O‘zbekistonda avtomobil yo‘llarini ta’mirlash uchun $273,8 mln ajratgan OTB, Toshkentda Afg‘onistondagi vaziyatni muhokama qilgan MO va YeI maxsus vakillari va boshqalar — «Gazeta.uz» ning 23 fevraldagi eng muhim xabarlari dayjestida.
Davlatga 1,7 mlrd so‘m zarar yetkazganlikda ayblanayotgan Andijon shahri hokimi Bahrom Haydarov, Qozog‘istondagi mitinglar sabab hibsga olingan 14 nafar o‘zbekistonlik, Qozog‘istonga nota yuborgan O‘zbekiston, martda Pokistonga borishi kutilayotgan Shavkat Mirziyoyev, vakolatxonasi ochilgan Global yashil o‘sish instituti va boshqalar — «Gazeta.uz» ning 22 fevraldagi eng muhim xabarlari dayjestida.
Shveysariya bankidagi mablag‘lari ochiqlangan 4 nafar o‘zbekistonlik, ichki ishlar xodimlarining videosini ruxsatsiz tarqatish taqiqlanishi mumkinligi, qadimiy qo‘lyozmalar sabab O‘zMU mansabdorlariga nisbatan ochilgan jinoiy ishi, avtomobil uchun navbatlarni sotish sxemasini oshkor qilgan «O‘zavtosanoat» rahbari, jarimaga tortilgan Firdavs Abduxoliqov va boshqalar — «Gazeta.uz» ning 21 fevraldagi eng muhim xabarlari dayjestida.
Sergelidagi buziladigan 409 ta yog‘och uy, ikkiga ajratilgan Turizm va sport vazirligi, 1 noyabrgacha Toshkentda ishga tushadigan pullik yo‘l bo‘yi «parkovkalari», «Yetti o‘lchab bir kesib» tramvaylar marshrutlari aniqlanishi, poytaxtga olib kelinadigan 18 metrli «garmoshkali avtobuslar», Navro‘zda ketma-ket 5 kun dam oladigan o‘zbekistonliklar va boshqalar — «Gazeta.uz» ning 18 fevraldagi eng muhim xabarlari dayjestida.
Shavkat Mirziyoyev Yangihayot tumaniga tashrifi chog‘ida mahalla davlatning asosi ekani, u obod bo‘lsa, mamlakat obod bo‘lishini ta’kidladi. «Ko‘rayapsizlar, zamon tahlikali bo‘lib turibdi. Qiyinchiliksiz oila bo‘lmaganidek, qiyinchiliksiz davlatning o‘zi yo‘q. Biz ham sabr bilan, ilm bilan, mehnat va harakatimiz bilan rejalarimizni amalga oshirayapmiz», — dedi u.
YTHlar soni yil davomida 43 foizga, o‘lim esa 24 foizga ko‘paygani, 3 yil bir postda ishlagan bojxonachilarning rotatsiya qilinishi, $100 ming pora bilan ushlangani aytilgan Jizzax pedinstitut xodimi, Markaziy Osiyoning eng qimmat futbolchisiga aylangan Shomurodov, rekonstruksiya qilinadigan Bobur ko‘chasi, MOQ raisligidan ketgan Rustam Shoabdurahmonov va boshqalar — «Gazeta.uz» ning 17 fevraldagi eng muhim xabarlari dayjestida.
Ichki ishlar vaziri o‘rinbosari Bekmurod Abdullayev «Ichki ishlar vazirligi xodimlariga yo‘l harakati xavfsizligi sohasidagi barcha muammolarning sabablarini tushuntirib bergani va ularning oldini olish choralarini o‘zi belgilab bergani» uchun prezidentga minnatdorlik bildirdi.
Yo‘l harakati xavfsizligi sohasidagi muammolar bilan shaxsan o‘zi shug‘ullanishini aytgan Shavkat Mirziyoyev, maktab va bog‘chalar oldida tezlik 30 km/soatdan oshmasligi, Andijondagi tibbiyot markazidagi portlash tafsilotlari, Demokratiya indeksi reytingida 150-o‘rinni egallagan O‘zbekiston, mehribonlik uyi tarbiyalanuvchisiga zo‘ravonlik qilgan hodim, yo‘l belgilarini ishlab chiqarishda «O‘zavtoyo‘lbelgi»ning monopoliyasi tugatilishi va boshqalar — «Gazeta.uz» ning 11 fevraldagi eng muhim xabarlari dayjestida.
Prezident Shavkat Mirziyoyev yo‘l harakati qoidalari xalqaro standartlar asosida yangidan ishlab chiqilishini ma’lum qildi. Qoidabuzar haydovchilarga ball hisoblab boriladi, bir yilda qoidabuzarliklari 12 balldan oshgan haydovchi avtomobil boshqarish huquqidan mahrum bo‘ladi. «Har yili 500 ming kishi haydovchilik guvohnomasini olsa, ulardan 25 foizi mashg‘ulotlarga qatnashmaydi» dedi prezident va haydovchilikka o‘qitish va guvohnoma berish bo‘yicha yangi tizim joriy etilishini ta’kidladi.
2021 yilda O‘zbekistonda 10 mingdan ortiq yo‘l transport hodisasi sodir bo‘ldi, unda 9 mingdan ortiq fuqaro jarohat olgan. Avariyalar oqibatida 2,5 mingga yaqin inson halok bo‘lgan, shundan 263 nafar yosh bola hisoblanadi. Prezident videoselektorda Namangan viloyati IIB boshlig‘i, Andijon va Samarqand viloyatlari YXHB boshliqlarini ishdan olishga ko‘rsatma berdi.
Samarqandga tashrif buyurgan Shavkat Mirziyoyev, martda ochiladigan Samarqand xalqaro aeroporti, Behzod Musayevga yuborilgan parlament so‘rovi, Toshkentga tramvayni qaytishi, 1−2-sinflar uchun «Ona tili va o‘qish savodxonligi» fanidan uyga vazifa berish bekor qilinishi, Samarqandda 10 nafar amaldorni ishdan bo‘shatgan prezident va boshqalar — «Gazeta.uz» ning 10 fevraldagi eng muhim xabarlari dayjestida.
Prezident Shavkat Mirziyoyev Samarqand tumani hokimi va IIB boshlig‘i, Nurobod tumani hokimi, Oqdaryo tumani prokurori va IIB boshlig‘i, Markaziy bank Samarqand viloyati Bosh boshqarmasi rahbari va viloyat elektr tarmoqlari korxonasi rahbari va boshqa amaldorlarni ishdan bo‘shatdi. Ularning ba’zilariga nisbatan korrupsiya holatlari bo‘yicha jinoiy ish ochilishi mumkin.
Shavkat Mirziyoyev Samarqanddagi 59-son ko‘zi ojizlar maktab-internatining to‘rt o‘quvchisi OTMlarga imtihonsiz qabul qilinishini ta’kidladi. O‘qituvchilar nogironligi bo‘lgan shaxslarning pensiyasini qayta hisoblash muddatini yoshartirish hamda 2009 yildan buyon yangilanmayotgan brayl yozuvidagi ayrim o‘quv darsliklarini qayta ishlash zarurligini aytdi. Prezident esa ushbu masalalar hal etilishini ma’lum qildi.
Prezident Shavkat Mirziyoyev Toshkentga tramvay qaytarilishini ma’lum qildi. Davlat rahbari tramvay bo‘yicha fuqarolardan ko‘plab xatlar va murojaatlar kelayotganligini ta’kidlagan.
Prezident Toshkentda avtomobil harakati tezligi 60 km/soatgacha pasaytirilishi kutilayotganini ma’lum qildi.
UzAuto Motors avtomobillari uchun oldindan to‘lov ko‘pi bilan 50% bo‘lishi kerakligini aytgan Rasul Kusherbayev, Marhamat hokimi tashabbusi bilan ota-onalardan uzr so‘ragan o‘qituvchilar, raqobat rivojlangan sohalarda davlat muassasalari tugatilishi, «Kapitalbank» aksiyalariniing boshqaruv paketini qo‘lga kiritgan Alisher Usmonov, yakshanba kuni yig‘ilish o‘tkazgan Buxoro viloyati hokimi va boshqalar — «Gazeta.uz» ning 9 fevraldagi eng muhim xabarlari dayjestida.
Shavkat Mirziyoyev 1500 tadan ortiq mahallada markazlashgan ichimlik suvi taminoti yo‘lga qo‘yilmagani, 2 mingga yaqin bog‘cha, maktab va tibbiyot muassasalari ichimlik suvini tashib kelishga majbur bo‘layotganini ma’lum qildi. Buning yechimi sifatida kelgusi 5 yilda sohaga 40 trln so‘m investitsiya yo‘naltirilishi va ichimlik suvi ta’minoti 90 foizga yetkazilishi aytildi. 2022 yilning o‘zida budjetdan 2 trln so‘m, xalqaro moliya tashkilotlaridan esa 245 mln dollar jalb etiladi.
Lukashenkoning O‘zbekiston haqidagi fantaziyalarini munosabat bildirgan siyosatchilar va jamoatchilik faollari, prezidentni haqorat qilgani uchun 3 yilga qamalgan bloger, so‘m ramzini yaratish bo‘yicha tanlov e’lon qilgan Markaziy bank, Respublika maxsus komissiyasi faoliyati yuzasidan izoh bergan Ruslanbek Davletov, «shakar zavodlari bizga kerakmi?» degan savolni o‘rtaga tashlagan Mirkomil Xolboyev va boshqalar — «Gazeta.uz» ning 8 fevraldagi eng muhim xabarlari dayjestida.
Qo‘shimcha imkoniyatlarga ega bulish uchun saytda ro‘yxatdan o‘ting