«prezident» tegli maqolalar
Prezident O‘zbekiston bo‘ylab sayohatlar uchun turistik keshbek dasturini e’lon qildi
1 sentabrdan O‘zbekiston bo‘ylab sayohatlar uchun avia, temir yo‘l va avtobus chiptalarini xarid qilish, mehmonxona xarajatlari, muzeylar va boshqa madaniyat maskanlariga tashrif buyurish uchun keshbek tizimi joriy etiladi. Shuningdek, 1 iyuldan «Ziyorat turizmi» dasturi doirasida xorijiy aviakompaniyalarga ko‘rsatiladigan xizmatlarga 50 foizgacha chegirmalar joriy qilinadi.
Ramazon hayiti munosabati bilan o‘zbekistonliklar 5 kun dam oladi
Prezident kelgusi haftada Ramazon hayiti munosabati bilan ham aholiga 5 kunlik dam olish berilishini aytdi. Uning aytishicha, Navro‘z bayramidagi dam olish kunlarida Buxoro va Samarqandga qo‘shimcha 110 ming mahalliy turistlar borgan. 2022 yildan davlat tashkiloti xodimlariga yiliga bir marotaba mahalliy sayohatga chiqish xarajatlarining 20 foizini budjetdan tashqari mablag‘lar hisobidan qoplash amaliyoti yo‘lga qo‘yiladi.
«Pop-Namangan» yo‘li kengaytirilib, 11 ta chorraha va yer osti yo‘laklari quriladi
Prezident Pop va Namangan yo‘lini rekonstruksiya qilish loyihasi bilan tanishdi. Unda transportlar qayrilib olishi uchun chorraha va piyodalar uchun yer osti o‘tish joylarini qurish rejalashtirilgan. Natijada, o‘rtacha tezlik 40−60 km/s dan 90−100 km/s gacha oshishi mumkin.
«Ayrim hokim yordamchilari ta’magirlik qilayotgani juda achinarli holat» — Shavkat Mirziyoyev
Prezident To‘raqo‘rg‘on tumani «Sharq» mahallasidagi hokim yordamchisi pora olgani uchun 5 yilga qamalganini ma’lum qildi. «Joylardagi ayrim hokim yordamchilari „kredit, subsidiya, yer olib beraman“, deb ta’magirlik qilayotgani ham juda achinarli holat», — dedi Shavkat Mirziyoyev. Barcha viloyat, tuman va shahar hokimlari qat’iy ogohlantirildi.
O‘zbekistonda 410 mingdan ko‘proq xonadonda ijtimoiy himoyaga muhtoj oilalar yashaydi
Mahallalardagi hokim yordamchilari 35,3 mln aholi istiqomat qiladigan 6,9 mln xonadonni to‘liq xatlovdan o‘tkazdi. Natijada xonadonlarning 47 foizida qo‘shimcha daromadga ehtiyoji bor, 36 foizida o‘ziga to‘q, 11 foizida kam daromadli va 6 foizida ijtimoiy himoyaga muhtoj oilalar yashashi ma’lum bo‘ldi.
Endi jismoniy shaxslar ham bankrot deb topilishi mumkin
Prezident to‘lovga qobiliyatsizlik to‘g‘risidagi qonunni imzoladi. Unga ko‘ra, jismoniy shaxslar ham bankrot deb topilishi mumkin, ilgari bunday tartib mavjud emas edi. To‘lovga qobiliyatsizik holati sud tomonidan ko‘rib chiqiladi va sud qarorisiz undiruvni mol-mulkka qaratishga yo‘l qo‘yilmaydi. Bundan tashqari, «Bankrotlik to‘g‘risida»gi qonun ham o‘z kuchini yo‘qotdi.
Prezident Samarqand turizm markazini qurishni tezlashtirishga ko‘rsatma berdi
Shavkat Mirziyoyev chorshanba kuni Samarqand turizm markazini qurishni tezlashtirish yuzasidan mas’ullarga topshiriq berdi. Loyihaga ko‘ra, ushbu majmuada kongress xoll, «Abadiy shahar» karvon saroyi, 8 ta mehmonxona qurish ko‘zda tutilgandi. Hozirgi kunga kelib, mehmonxonalar, qadimiy shaharchalar, yo‘l va ko‘priklarni qurish ishlari olib borilmoqda (foto).
Yangi O‘zbekiston ko‘chasi bo‘ylab uylar, mehmonxona, kinoteatr va restoranlar quriladi
Shavkat Mirziyoyev Yangi O‘zbekiston ko‘chasi bo‘ylab 610 gektar maydonda quriladigan binolar loyihalari bilan tanishdi. Uy-joylar, mehmonxonalar, kinoteatr, restoranlardan iborat zamonaviy majmualar to‘rt qavatli va to‘rt xil dizaynga ega bo‘ladi. Shuningdek, piyoda va velosiped yo‘laklari, yerosti va yerusti yo‘llari barpo etiladi. Bundan tashqari, prezident Olimpiya shaharchasi loyihasini tasdiqladi.
Navoiy va Samarqandda 2 ta universitet tashkil etildi
Prezident qarori bilan Navoiy davlat konchilik instituti Navoiy davlat konchilik va texnologiyalar universiteti etib qayta tashkil etildi. Samarqandda esa veterinariya meditsinasi instituti negizida yangi Samarqand davlat veterinariya meditsinasi, chorvachilik va biotexnologiyalar universiteti ochildi.
Samarqand tibbiyot instituti universitet sifatida qayta tashkil etildi
Prezident qaroriga ko‘ra, Samarqand davlat tibbiyot instituti universitet sifatida qayta tashkil etildi. OTMda bakalavriat bitiruvchilari uchun poliklinikalarda 6 oylik malakaviy amaliyot ko‘rinishidagi subordinatura joriy etiladi. Samarqand viloyati Abu Ali ibn Sino nomidagi Jamoat salomatligi texnikumlari va tibbiyot kollejlari universitetga biriktiriladi.
10-apreldan respublika bo‘ylab ommaviy sport tadbirlari o‘tkaziladi
Juma kungi yig‘ilishda Shavkat Mirziyoyev 6 mln nafar yoshlar ishtirokida 10-apreldan mahalla, tuman, viloyat va respublika bosqichlaridan iborat ommaviy sport tadbirlarini o‘tkazish yuzasidan topshiriq berdi. Buning uchun har bir viloyatga 100 mln so‘mgacha, g‘olib va sovrindorlarni taqdirlash uchun 1 mlrd so‘mgacha mablag‘ ajratiladi.
31 mart kuni O‘zbekistonda sodir bo‘lgan eng muhim xabarlar dayjesti
O‘zbekiston iqtisodiyotini qo‘llab-quvvatlash va tashqi xatarlarni yumshatish choralari, YPX xodimini suratga olishga qarshiligini aytgan Svetlana Artikova, Ramazon oyining boshlanishi, Urganchda quriladigan Al-Xorazmiy shaharchasi, valyuta bozorida keskin tebranishlarning oldini olish uchun zaxiralar yetarli ekanini ta’kidlagan Shavkat Mirziyoyev, tibbiyot xodimlarining hijob kiyishi bo‘yicha taqiq olib tashlangani va boshqalar — «Gazeta.uz» ning 31 martdagi eng muhim xabarlari dayjestida.
Urganchda Al-Xorazmiy shaharchasi quriladi
Prezident tashabbusi bilan Urganchda Al-Xorazmiy shaharchasi barpo etilishi rejalashtirilmoqda. Unda universitet, IT-park, turar-joy binolari, maktab, bolalar bog‘chasi va sport majmuasi bo‘ladi.
30 mart kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevni Turkiyaga taklif qilgan Rejep Tayyip Erdog‘an, tergov vaqtidagi qiynoq uchun zararni davlat to‘lab berishi, imtihon qoidalarini buzgan abituriyentlar 5−7 yilgacha testdan chetlatilishi mumkinligini, Samarqandda o‘zini yotoqxonaning 9-qavatidan tashlab, joniga suiqasd qilgan talaba qiz, kontaktsiz to‘lov kartalarini taqdim etgan Uzcard, Sirdaryoda aniqlangan noqonuniy mayning ferma va boshqalar — «Gazeta.uz» ning 30 martdagi eng muhim xabarlari dayjestida.
29 mart kuni O‘zbekistonda sodir bo‘lgan eng muhim xabarlar dayjesti
Toshkentda mozaikalarni saqlab qolish uchun maxsus material bilan qoplanayotganini aytgan poytaxt hokimligi, xorijda davolanayotgan Abdulaziz Kamilov, qizini ayiq qafasiga tashlagan ayolning ishi sudga oshirilgani, Bosh prokuratura ishda vafot etgan xodimi uchun to‘laydigan 951 mln so‘m nafaqa puli, iqtisodiyotga davlat qarzi yuki o‘sgani, Turkiya prezidentining Toshkentga tashrifi va boshqalar — «Gazeta.uz» ning 29 martdagi eng muhim xabarlari dayjestida.
Mahallalar va jamoalardagi keksalar faolligi yanada oshiriladi
Prezident qaroriga muvofiq, Mahalla va nuroniylarni qo‘llab-quvvatlash vazirligi keksalar bilan yanada faol hamkorlik qiladi. Bunda «tarbiyasi og‘ir» yoshlar bilan muloqotda bo‘lganlarga «Bir nuroniy o‘n yoshga mas’ul» tamoyiliga muvofiq moddiy yordam ko‘rsatiladi.
24-mart kuni O‘zbekistonda sodir bo‘lgan eng muhim xabarlar dayjesti
Investorlar muvaffaqiyatini kafolatlashini aytgan prezident, yil oxirigacha o‘zgarmaydigan ipoteka va ta’lim kreditlarining foiz stavkalari, Autodriver Study atrofidagi voqealar, shakar narxi oshishiga “vahimachi tadbirkorlar” sababchi ekanligi, YPX xodimi suratini uning ruxsatisiz tarqatishni taqiqlash taklifi va boshqalar — “Gazeta.uz” ning 24-martdagi eng muhim xabarlari dayjestida.
Jamshid Qo‘chqorov — valyuta kreditlari va oziq-ovqat narxlari bo‘yicha choralar haqida
Bosh vazir o‘rinbosari Jamshid Qo‘chqorov banklar va Markaziy bank O‘zbekiston aholisiga rublda pul o‘tkazmalarini uzluksiz ta’minlash choralarini ko‘rayotganini ma’lum qildi. Bundan tashqari, davlat tadbirkorlarga valyuta kreditlarini so‘mlik qarzga aylantirish imkoniyatini beradi, shuningdek, ayrim oziq-ovqat mahsulotlari importi uchun bojxona to‘lovlarini nolga tenglashtiradi.
Prezident 75 nafar shaxsni afv etdi
Navro‘z arafasida prezident Shavkat Mirziyoyev jazo muddatini o‘tayotgan hamda qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 75 nafar shaxsni afv etish bo‘yicha farmonni imzoladi. Ular orasida 18 nafar chet el fuqarolari, 17 nafar ayollar, 6 nafar nogironlar bor.
18 mart kuni O‘zbekistonda sodir bo‘lgan eng muhim xabarlar dayjesti
Konstitutsiyaga o‘zgartirishlar kiritishni taklif qilgan Shavkat Mirziyoyev, 2025 yilgacha QQS va bojxona bojidan ozod qilingan import tibbiy jihozlar, ish vaqti soat 20:00 gacha uzaytirilgan poliklinikalar, Ohangaronda 20 ming dollar pora olayotganda ushlangan hokimlik xodimi, ayrim shifokorlarga belgilanadigan 100 foizgacha oylik ustama, Samarqand aeroporti ochilgani, Navro‘zda qor yog‘ishi va boshqalar — «Gazeta.uz» ning 18 martdagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
- Chevrolet avtomobillarini endi yanada qulay shartlarda xarid qilish mumkin
- Hafta davomida havo issiq bo‘ladi, joylarda yomg‘ir yog‘ishi kutilmoqda
- UzAuto Motors 23-aprel kuni Damas uchun kontraktatsiyani ochadi (1)
- “Sog‘inchimni qondirish uchun chizaman”. Umidjon Alimovning “Qishloq anatomiyasi” ko‘rgazmasidan reportaj
- Prokuratura, tibbiyot muassasalari va boshqa davlat idoralari flagman smartfonlar xarid qilmoqda
Qo‘shimcha imkoniyatlarga ega bulish uchun saytda ro‘yxatdan o‘ting