«prezident» tegli maqolalar
Prezident «Yangi O‘zbekiston ma’muriy islohotlari dasturi»ni ishlab chiqish bo‘yicha topshiriq berdi
Prezident «2022−2023 yillarga mo‘ljallangan Yangi O‘zbekiston ma’muriy islohotlari dasturini ishlab chiqish» bo‘yicha topshiriq berdi. Unda davlat boshqaruvi tizimi va mahalliy davlat hokimiyati organlarini «aholining farovonligini ta’minlash samaradorligi»ga e’tibor qaratish hamda «mobil boshqaruv apparati»ni yaratish orqali ularning samaradorligini oshirish maqsad qilingan.
Prezident tibbiyot xodimlari bilan ochiq muloqot o‘tkazadi
Shavkat Mirziyoyev navbatdagi ochiq muloqotni tibbiyot sohasi vakillari, jumladan, olimlar, shifokorlar, farmatsevtlar, hamshiralar va tizim xodimlari bilan o‘tkazadi. Shundan kelib chiqib, SSV aholi va tibbiyot xodimlarining taklif, muammo va kamchiliklarini o‘rganish maqsadida maxsus «Call-markaz»ni ishga tushirdi.
Prezident qishloq xo‘jaligiga mo‘ljallanmagan yerlarni xususiylashtirishga oid qonunni imzoladi
Endi tadbirkorlik, shaharsozlik, yakka tartibda uy-joy qurish va uni obodonlashtirish uchun berilgan yerlar, qolaversa, xususiylashtirilgan davlat obyektlari hududlarini xususiylashtirish mumkin. Ariza berish tartibi, uni rad etish asoslari, xususiylashtirilgan yerlarni mulkdordan olib qo‘yishni tartibga soluvchi qonun prezident tomonidan imzolandi.
Konstitutsiyani takomillashtirish taklifi bildirildi
Prezident Shavkat Mirziyoyev inauguratsiyaga bag‘ishlangan marosimda Konstitutsiyani takomillashtirish masalasini ko‘rib chiqishga e’tibor qaratdi. «Tub burilish davrida ko‘pgina davlatlarda konstitutsiyaviy islohotlar amalga oshirilganini ko‘ramiz», — dedi u.
Shavkat Mirziyoyev O‘zbekiston prezidenti sifatida qasamyod qildi
oktabrda prezidentlikka qayta saylangan Shavkat Mirziyoyev O‘zbekiston prezidenti sifatida qasamyod qildi va yana davlat rahbari lavozimini bajarishga kirishdi.
Endi uncha og‘ir bo‘lmagan jinoyatni sodir etganlar ham farzand asrab olishi mumkin
Prezident farzand asrab olish tartiblarini soddalashtirishga qaratilgan qonunni imzoladi. Unga ko‘ra, hayotga, sog‘liqqa qarshi, giyohvandlik va boshqa jinoyatlarni qasddan sodir etganlar bola asrab olishi mumkin emas deb belgilanmoqda. Uncha og‘ir bo‘lmagan jinoyatni sodir etgan va jazo muddatini o‘taganlarga esa farzand asrab olishga ruxsat beriladi. Qolaversa, farzandlikka oluvchi va olinuvchi yoshidagi farq 15 yoshdan kam bo‘lmasligi shart.
Deputat yordamchisi instituti joriy etildi
Deputat yordamchisi institutini joriy etishga oid qonun qabul qilindi. Yordamchi deputatning vakili sifatida saylov okrugida doimiy faoliyat yuritadi va sudlanmagan bo‘lishi lozim. U deputat va saylovchi o‘rtasidagi muntazam aloqani yaxshilashga ko‘maklashadi.
Endi tadbirkorlar aylanmadan olinadigan soliqni bo‘lib-bo‘lib to‘lashi mumkin
Soliq kodeksiga qo‘shimcha va o‘zgartishlar kiritishga oid qonun prezident tomonidan imzolandi. Unga muvofiq, endi tadbirkorlar aylanmadan olinadigan soliqni bo‘lib-bo‘lib to‘lashi mumkin. Qolaversa, OTMlar qatorida kasb-hunar maktablari, kollejlar, texnikumlarda ta’lim olish uchun yo‘naltirilgan daromadlar soliqqa tortilmaydi.
Prezident Toshkentdagi yangi qurilish loyihalari bilan tanishdi
Prezident Shavkat Mirziyoyev poytaxtda amalga oshirilayotgan qurilish loyihalari bilan tanishdi. Respublika onkologiya va radiologiya tibbiyot markazining 10 qavatli, 650 statsionar va 100 ambulator o‘ringa ega bino loyihasi taqdim etildi. Shuningdek, «Yangi O‘zbekiston» universitetining o‘quv kampusi va Alisher Navoiy nomidagi O‘zbekiston Milliy bog‘i hududidagi yangi kutubxona loyihasi ko‘rib chiqildi.
Shavkat Mirziyoyev BMT sessiyasida nutq so‘zlaydi
Bugun prezident huzurida qator obyektlar qurilishiga bag‘ishlangan taqdimot bo‘lib o‘tadi. Ertaga Shavkat Mirziyoyev videoaloqa orqali BMT Bosh Assambleyasining 76-sessiyasi tantanali ochilishida ishtirok etadi va nutq so‘zlaydi.
Daraxtlarni kesishga muddatsiz moratoriy joriy qilinadi — prezident
Shavkat Mirziyoyev o‘z saylovoldi dasturida daraxtlarni kesishga muddatsiz moratoriy joriy qilinishi haqida ma’lum qildi. O‘zLiDeP nomzodi parklar va yashil zonalar hududini boshqa maqsadlar uchun ishlatish qat’iyan taqiqlanashini qayd etdi. Har yili kamida 200 mln tup daraxt ko‘chatlari ekilishi ta’kidlandi.
2030 yilga borib aholi jon boshiga daromad 4 ming dollardan oshiriladi — Shavkat Mirziyoyev
Shavkat Mirziyoyev kelgusi besh yilda aholi jon boshiga yalpi ichki mahsulotni 1,6 barobar oshirish vazifasi oldinda turganligini ta’kidladi. Shuningdek, prezident 2023 yil oxirigacha inflyatsiya darajasi 5 foizga tushirilishini aytib o‘tdi.
2023 yildan QQS 12 foizga tushiriladi — Shavkat Mirziyoyev
Prezident Shavkat Mirziyoyev saylovoldi dasturida 2026 yil oxirigacha kambag‘allikni 2 barobar qisqartirishini ta’kidladi. O‘zLiDeP nomzodi 2023 yildan QQS 12 foizga, mol-mulk solig‘i stavkasi 1,5%ga tushirilishini ham qayd etdi. Tadbirkorlarni qo‘llab-quvvatlash uchun yana qator rejalar e’lon qilindi.
2026 yilga borib O‘zbekiston aholisi 38 mln dan oshishi kutilmoqda — prezident
Shavkat Mirziyoyev 2026 yilga borib O‘zbekiston aholisi soni 38 mln dan oshishi kutilayotganini ma’lum qildi. Prezident bunday demografik o‘sish mamlakat uchun ham imkoniyat, ham juda katta mas’uliyat ekanligini ta’kidladi.
«Islom Karimovning sodiq shogirdi va siyosiy farzandi». Shavkat Mirziyoyevga prezidentlik yuklatilgan majlisdan 5 yil o‘tdi
2016 yil 8 sentabr kuni O‘zbekiston parlamenti palatalarining qo‘shma majlisida mamlakatning o‘sha vaqtdagi bosh vaziri Shavkat Mirziyoyevga O‘zbekiston prezidenti vazifa va vakolatlari vaqtincha yuklatildi. Majlisda o‘sha vaqtdagi Senat raisi Nig‘matilla Yo‘ldoshev rahbarlik lavozimlarida yetarli tajribaga ega emasligi sababli prezidentlikni bajarishni unga yuklamasliklarini so‘ragan edi. Sobiq moliya vaziri esa Shavkat Mirziyoyevni Islom Karimovning «sodiq shogirdi va siyosiy farzandi» deya ta’riflagan edi.
Besh yil ichida O‘zbekiston YAIMni kamida 100 mlrd dollarga yetkazishni rejalashtirmoqda — prezident
Yaqin 5 yilda O‘zbekiston iqtisodiy o‘sishni 1,5 barobarga oshirishni va YAIMni kamida 100 mlrd dollarga yetkazishni rejalashtirmoqda, dedi prezident. Shu munosabat bilan, elektr ta’minoti uchun 6,5 mlrd dollarlik 19 ta loyiha bo‘yicha qo‘shimcha quvvatlar joriy etiladigan minglab sanoat korxonalarini ishga tushirish rejalashtirilgan.
Shavkat Mirziyoyev Navoiyga yo‘l oldi
Prezident Shavkat Mirziyoyev Navoiy viloyatiga jo‘nab ketdi. Davlat rahbari u yerda quyosh fotoelektr stansiyasi va kimyo sanoati korxonalarining ishga tushirish tadbirlarida ishtirok etib, aholi bilan muloqot qiladi.
O‘zbekiston prezidenti Pokiston tashqi ishlar vazirini qabul qildi
O‘zbekiston prezidenti Shavkat Mirziyoyev Pokiston tashqi ishlar vaziri Mahmud Qurayshiyni qabul qildi. Uchrashuvda Afg‘onistondagi vaziyat rivojiga alohida e’tibor qaratildi.
Prezident tadbirkorlar bilan uchrashuvda e’lon qilgan eng muhim o‘zgarishlar
Shavkat Mirziyoyev 20 avgust kuni tadbirkorlar bilan ochiq muloqot o‘tkazdi. Unda kreditlar endi faqat so‘mda berilishi, mikromoliya tashkilotlari uchun yengilliklar, biznes uchun soliq yukini kamaytirish, yer sotish va xususiylashtirish, infratuzilma yaratish, eksportyorlarni qo‘llab-quvvatlash, transport-logistika tizimini rivojlantirish va tadbirkorlikka oid tartiblarni soddalashtirish yo‘nalishlarida qator yangiliklar e’lon qilindi. «Gazeta.uz» ushbu uchrashuvda ta’kidlangan barcha muhim o‘zgarishlarni taqdim etadi.
Prezident 20 avgustni «Tadbirkorlar kuni» deb e’lon qilishni taklif etdi
Shavkat Mirziyoyev tadbirkorlar bilan uchrashuvni har yili o‘tkazish kerakligini ta’kidlab, 20 avgustni mamlakatda «Tadbirkorlar kuni» deb e’lon qilishni taklif qildi.
Eng ko‘p o‘qilgan xabarlar | So‘nggi yangiliklar
- O‘zbekistonda yaqin besh kun juda issiq bo‘ladi
- Timur Kapadze Olimpiya shaharchasida muammolar ko‘pligi haqida gapirdi
- Xulian, Ashraf, Fermin, Eldor: Olimpiya o‘yinlarida ishtirok etadigan 11 mashhur futbolchi
- O‘zbekiston Olimpiadadagi ishtirokini Ispaniyaga qarshi futbol o‘yini bilan boshlaydi
- Prezident Shavkat Mirziyoyevning tug‘ilgan kuni: U bu kunni qanday o‘tkazadi?
Qo‘shimcha imkoniyatlarga ega bulish uchun saytda ro‘yxatdan o‘ting