O‘zbekistonda bosh vazir rahbarlik qiladigan meva-sabzavot va oziq-ovqat eksporti bo‘yicha komissiya tuziladi. Prezident savdo uylarini tadbirkorlar boshqaruviga berish, tomorqasida meva-sabzavot yetishtirayotganlarni o‘zini o‘zi band qilgan shaxs sifatida ko‘rish va boshqalarni qo‘llab-quvvatladi.
Bandixon tumanida voyaga yetmaganga uylanishini aytib shilqimlik qilgan 22 yoshli yigit 5 sutkaga qamaldi. Sudda yigit qizni yaxshi ko‘rib qolgani, lekin qizga shilqimlik qilmaganini aytib ko‘rsatuv berdi.
O‘zbekistonda 100 yoshga to‘lgan yoki undan oshgan 514 nafar fuqaro pensiya va nafaqa oladi. Ularning 78,6 foizi (404 nafari) ayollardir. Bir asrdan beri umr ko‘rayotganlarning eng ko‘pi Qashqadaryo, Surxondaryo, Toshkent, shuningdek, vodiy viloyatlarida yashaydi.
O‘zbekistonda yakshanba kuni bo‘lib o‘tgan Rossiya prezidenti saylovida 4661 kishi (2018-yilda 5500 dan ortiq) ovoz berdi. Mamlakatda jarayon uchun ikkita uchastka hozirlandi — Toshkent va Samarqandda. Poytaxtda peshin vaqtida Rossiya elchixonasi oldidagi navbat yuzlab metrlarga cho‘zildi (foto).
Farg‘onada “Agrobank” filiali sobiq xodimlari uchta holatda salkam 4 mlrd so‘mni o‘zlashtirgani aniqlandi. Ularga nisbatan sud hukmi o‘qilib, tegishli jazolar tayinlangan.
“Gazeta.uz” maqolasidan bir necha soat o‘tib, Toshkentning Amir Temur xiyoboni yonidagi reklama konstruksiyasi demontaj qilindi. Avvalroq u yerda reklama joylashtirish noqonuniy ekani, sababi yaqin atrofda madaniy meros obyektlari borligi haqida yozgandik. Holatga rasmiy izoh berilganicha yo‘q. Foto.
Navro‘z bayrami munosabati bilan dam olish kunlari deya e’lon qilingan 21, 22, 23 va 24-mart kunlari Toshkentda avtobuslar yakshanba kunlari uchun tasdiqlangan jadvallar asosida harakatlanadi.
Toshkentdagi Amir Temur xiyoboni oldidagi ajratuvchi orolchalarga reklama konstruksiyalari o‘rnatilmoqda, holbuki madaniy meros obyektlari yonida bunday qurilmalarni o‘rnatish taqiqlangan (xiyobonda yettita madaniy meros obyekti bor). Konstruksiyalar binolar manzarasini to‘sadi va haydovchilarga xalal beradi.
Toshkent shahrida yashovchi ayol ikki yoshli nabirasini Rossiyadan olib kelishda yordam so‘rab, bolalar ombudsmani Surayyo Rahmonovaga murojaat qildi. Onasi uni enaga bilan qoldirib, olib ketgani kelmaganidan keyin qizaloq vasiylik organiga topshirilgan.
Prezident yana bir bor eksport muhimligini ta’kidladi. “Bir haqiqatni aniq tushunib olish zarur. Inflyatsiyani jilovlash va valyuta barqarorligini ta’minlash eksport bilan chambarchas bog‘liq. Qanchalik ko‘p mahsulot ishlab chiqarmaylik, eksport uchun kerakli shart-sharoitni yaratmasak, o‘zgarish bo‘lmaydi”, — dedi u.
Prezident O‘simliklar karantini va himoyasi agentligida bo‘lib, qishloq xo‘jaligi mahsulotlari eksportini 3,5 mlrd dollarga yetkazish rejalari bilan tanishdi. Shavkat Mirziyoyev meva-sabzavot mahsulotlarini to‘g‘ri qadoqlash, eksportga yetkazib berishda klaster tizimini yaratish muhimligini ta’kidladi.
O‘zbekistonda tabiiy va suyultirilgan gazni iste’molchilarga yetkazib berish bo‘yicha monopoliyani bekor qilish va past bosimli gaz taqsimlash tarmoqlarini boshqarishga xususiy biznesni jalb qilish rejalashtirilmoqda.
Mudofaa vazirligi ijtimoiy tarmoqlarda Afg‘oniston va O‘zbekiston chegarasida urib tushirilgan afg‘on harbiy vertolyoti haqidagi xabarni rad etdi. “Ushbu xabarlar hech qanday asosga ega emas”, — deyiladi vazirlik xabarida.
Rossiyada 3 kunlik prezident saylovi yakunlandi. Vladimir Putin unda beshinchi bor g‘alaba qozonmoqda. Ovoz berishning ilk kunlarida saylov uchastkalarida vandalizm holatlari qayd etilgan bo‘lsa, oxirgi kuni Rossiya va xorijda “Putinga qarshi peshin” aksiyasi bo‘lib o‘tdi. “Gazeta.uz”da saylovning qisqacha sharhi.
Respublika bo‘ylab tashkil qilingan hashar doirasida Uzum xodimlari Toshkentda, shuningdek, O‘zbekistonning yana 20 ta shahrida 100 dan ortiq daraxtlar ekishdi.
Turkmaniston Xalq Maslahati raisi Gurbanguli Berdimuhamedov energiya resurslarining eng yirik ishlab chiqaruvchilaridan biri sifatida Turkmaniston ularni qardosh mamlakatlarga yetkazib berishga va yetkazib berish hajmini oshirishga tayyor ekanini ta’kidladi.
“O‘zbekneftgaz” 2024-yil oxirigacha 29,3 mlrd metr kub gaz qazib olish uchun gaz quduqlarini burg‘ilashga 320 mln dollardan ortiq, ularni ta’mirlashga 45 mln dollar sarflash va 79,6 mln dollarlik geologik qidiruv ishlarini olib borishni rejalashtirmoqda. Bu hajm avvalgi prognozlardan 4,8 mlrd kub metrga kam.
Kogon tumanida ichida o‘quvchilari bo‘lgan avtobus yuk mashinasi bilan to‘qnashdi. Oqibatda bir o‘quvchi vafot etdi, bir kishi shifoxonaga yotqizildi, yana 25 kishi tibbiy ko‘rikdan o‘tkazilmoqda. O‘quvchilar avtobusda teatrga olib ketilayotgan bo‘lgan.
O‘zbekistonda budjet jarayoni va ichki auditni takomillashtirish bo‘yicha qonun loyihasi yuzasidan jamoatchilik muhokamasi davom etmoqda. Loyiha, jumladan, Moliya vazirligi davlat budjeti ijrosi bo‘yicha Qonunchilik palatasiga har chorakda emas, har yarim yilda axborot berishini nazarda tutadi. Asosiy ma’lumotlar.
O‘zgidromet 20−22-mart kunlari respublikaning tog‘ oldi va tog‘li hududlarida sel-suv toshqin hodisalari yuzaga kelishidan ogohlantirdi. Kutilayotgan kuchli yomg‘ir suvlari to‘planishi hududlarni suv bosishiga olib kelishi mumkin, deya eslatdi agentlik.
Qo‘shimcha imkoniyatlarga ega bulish uchun saytda ro‘yxatdan o‘ting