Siyosat

Qirg‘iziston prezidenti davlat tashrifi bilan O‘zbekistonga keladi
Bugun, 12:23

Qirg‘iziston prezidenti davlat tashrifi bilan O‘zbekistonga keladi

Qirg‘iziston prezidenti Sadir Japarov 18−19-iyul kunlari davlat tashrifi bilan O‘zbekistonda bo‘ladi. Uning Shavkat Mirziyoyev bilan muzokaralar o‘tkazishi va qator qo‘shma tadbirlarda qatnashishi kutilmoqda.

Qurilish inspeksiyasi hukumat tarkibiga o‘tkaziladi
Bugun, 12:21

Qurilish inspeksiyasi hukumat tarkibiga o‘tkaziladi

Qurilish inspeksiyasi Vazirlar Mahkamasi tarkibiga o‘tkaziladi va vakolatlari kengaytiriladi. Ruxsatsiz yoki loyihadan chetga chiqib qilinayotgan qurilishlar bo‘yicha jazo choralari kuchaytiriladi.

Qurilish vaziri Botir Zokirov lavozimidan ozod etildi
Bugun, 12:09

Qurilish vaziri Botir Zokirov lavozimidan ozod etildi

Qurilish va uy-joy kommunal xo‘jaligi vaziri Botir Zokirov sog‘lig‘idagi muammo tufayli lavozimidan ozod etildi. Birinchi o‘rinbosar Sherzod Hidoyatov vazir vazifasini bajaruvchi etib tayinlandi.

10 ta tuman va shahar hokimlari ishdan olindi
Bugun, 11:05

10 ta tuman va shahar hokimlari ishdan olindi

Prezident bosh vazirning 28 ta tuman-shahar hokimiga nisbatan intizomiy jazo qo‘llash va 10 nafar hokimni ishdan olish bo‘yicha taklifini qo‘llab-quvvatladi.

Shavkat Mirziyoyev Donald Trampga suiqasd uyushtirilganini qoraladi
14 iyul 2024, 13:15

Shavkat Mirziyoyev Donald Trampga suiqasd uyushtirilganini qoraladi

Shavkat Mirziyoyev Donald Trampga saylovoldi uchrashuvda nutq so‘zlayotgan chog‘ida suiqasd uyushtirilganini chuqur xavotir bilan qabul qildi va keskin qoraladi. Prezident unga tez fursatda sog‘ayib ketishini tiladi.

Prezident daromad solig‘ining yarmini tuman budjetlarida qoldirishni taklif qildi
13 iyul 2024, 00:28

Prezident daromad solig‘ining yarmini tuman budjetlarida qoldirishni taklif qildi

Prezident jismoniy shaxslardan olinadigan daromad solig‘ining yarmini tuman budjetida qoldirish masalasini ko‘rib chiqishni buyurdi. Bu orqali tumanda manfaat ko‘payishi, tadbirkorlar soyadan chiqishi kutilmoqda. Hozirda ko‘plab viloyat hokimliklari JSHODSning katta qismini o‘zlarida saqlab qoladi.

Kambag‘allikni qisqartirish Ijtimoiy himoya agentligi zimmasida bo‘ladi
12 iyul 2024, 14:24

Kambag‘allikni qisqartirish Ijtimoiy himoya agentligi zimmasida bo‘ladi

Kambag‘allikni qisqartirish va ijtimoiy himoya masalasi Ijtimoiy himoya milliy agentligi zimmasiga yuklanadi, dedi prezident. Hozir kambag‘allik masalalari bilan Kambag‘allikni qisqartirish va bandlik vazirligi shug‘ullanadi, oldin bunga Iqtisodiy taraqqiyot va kambag‘allikni qisqartirish vazirligi javob bergan.

Qonunchilik palatasi vitse-spikerlaridan biri o‘lim jazosini yoqladi, boshqa biri — qarshi
12 iyul 2024, 10:48

Qonunchilik palatasi vitse-spikerlaridan biri o‘lim jazosini yoqladi, boshqa biri — qarshi

Qonunchilik palatasining ikki vitse-spikeri o‘lim jazosini qaytarish bo‘yicha turli fikrlarni bildirdi. Alisher Qodirov Toshkentda bolaning o‘ldirilishiga oid xabardan so‘ng bunday qotillar “yashamasligi kerak”, dedi. Odiljon Tojiyev esa o‘lim jazosi jinoyatni kamaytirmasligini ta’kidladi.

Prezidentga Farg‘ona turizm halqasi loyihasi taqdim etildi
11 iyul 2024, 19:16

Prezidentga Farg‘ona turizm halqasi loyihasi taqdim etildi

Qo‘qonda prezidentga Farg‘ona turizm halqasini yaratish konsepsiyasi taqdim etildi. Halqani yaratishdan maqsad — sayyohlarning viloyatda qolish muddatini 3 kundan 7 kungacha uzaytirish.

Uchtepa hokimi Texnologik metallar kombinati raisi bo‘ldi
11 iyul 2024, 14:41

Uchtepa hokimi Texnologik metallar kombinati raisi bo‘ldi

2019-yildan buyon poytaxtning Uchtepa tumani hokimligini boshqarib kelgan Farxod Abdullayev “O‘zbekiston texnologik metallar kombinati” boshqaruv raisi bo‘ldi. Tumanni birinchi o‘rinbosar Jamshid Alimjonov vaqtincha boshqarib turadi.

Shavkat Mirziyoyev Farg‘ona viloyatiga boradi
11 iyul 2024, 10:38

Shavkat Mirziyoyev Farg‘ona viloyatiga boradi

Prezident payshanba kuni Farg‘ona viloyatiga borib, yirik loyihalarga start beradi. Viloyatni rivojlantirishga oid yig‘ilish o‘tkaziladi.

Jizzaxda 10 ta tuman hokimining raqobatga zid qarorlari bekor qilindi
10 iyul 2024, 22:39

Jizzaxda 10 ta tuman hokimining raqobatga zid qarorlari bekor qilindi

Raqobat qo‘mitasining Jizzax viloyati boshqarmasi o‘tkazgan tekshiruvda 10 ta tuman hokimligi va 9 ta tashkilotning 124 ta hujjatida qonun talablari buzilgani aniqlandi. Ushbu holatlar yuzasidan hokimliklarga tegishli taqdimnoma va ko‘rsatmalar yuborilib, imzolangan qarorlar bekor qilindi.

Buxoro shahri sobiq hokimi viloyat ekoboshqarmasiga boshliq bo‘ldi
10 iyul 2024, 09:36

Buxoro shahri sobiq hokimi viloyat ekoboshqarmasiga boshliq bo‘ldi

Jamol Nosirov Buxoro viloyati ekologiya, atrof muhitni muhofaza qilish va iqlim o‘zgarishi boshqarmasi boshlig‘i etib tayinlandi. Buxoro shahriga 3 yil hokimlik qilgan Nosirov may oyida sog‘lig‘i yomonlashgani uchun ishdan ketgandi.

O‘zbekiston XMT bilan yangi dastur ishlab chiqadi
9 iyul 2024, 18:03

O‘zbekiston XMT bilan yangi dastur ishlab chiqadi

O‘zbekiston prezidenti Xalqaro mehnat tashkiloti bosh direktori Jilber Ungbo bilan uchrashuv o‘tkazdi. Unda 2026−2030-yillarga mo‘ljallangan yangi mamlakat dasturini ishlab chiqish va qabul qilishga kelishib olindi.

Hokimlar bir vaqtning o‘zida xalq deputatlari kengashi raisi bo‘lishi taqiqlanmoqda
9 iyul 2024, 12:43

Hokimlar bir vaqtning o‘zida xalq deputatlari kengashi raisi bo‘lishi taqiqlanmoqda

Viloyat, tuman, shahar hokimi lavozimini egallab turgan shaxs bir vaqtning o‘zida xalq deputatlari kengashining raisi lavozimini egallashi mumkin emasligini nazarda tutuvchi qonun loyihasi birinchi o‘qishda qabul qilindi.

Senatning 54-yalpi majlisi 10-iyulda bo‘ladi
8 iyul 2024, 20:45

Senatning 54-yalpi majlisi 10-iyulda bo‘ladi

Senatning 54-yalpi majlisi 10-iyul kuni chaqiriladi. Senatorlar Shaharsozlik kodeksiga o‘zgartirishlar kiritish, Turkmaniston va Turkiya bilan tuzilgan bitimlarni ratifikatsiya qilish to‘g‘risidagi qonunlarni ko‘rib chiqadi. Shuningdek, ekologiya sohasiga oid parlament so‘rovi natijalari tinglanadi.

Prezident Xitoy parlamenti rahbarini qabul qildi
8 iyul 2024, 19:18

Prezident Xitoy parlamenti rahbarini qabul qildi

Shavkat Mirziyoyev va Xitoy parlamenti rahbari Chjao Letszi Toshkentda bo‘lib o‘tgan uchrashuvda XXR O‘zbekistonning islohotlar dasturini qo‘llab-quvvatlashi, mamlakatlarning ta’lim sohasidagi hamkorligi kabi masalalarni muhokama qildi.

Andijon viloyati SSBga yangi rahbar tayinlandi
8 iyul 2024, 14:22

Andijon viloyati SSBga yangi rahbar tayinlandi

Shohruxmirzo Mamajonov Andijon viloyati sog‘liqni saqlash boshqarmasi boshlig‘i etib tayinlandi. Tayinlovga qadar u SSV Fan-ta’lim va innovatsiyalar boshqarmasi Malaka oshirish va qayta tayyorlash bo‘limi boshlig‘i sifatida faoliyat ko‘rsatib kelayotgan edi.

Shavkat Mirziyoyev Shusha shahrida Turkiy davlatlar tashkilotining norasmiy sammitida ishtirok etdi
6 iyul 2024, 17:17

Shavkat Mirziyoyev Shusha shahrida Turkiy davlatlar tashkilotining norasmiy sammitida ishtirok etdi

O‘zbekiston rahbari Ozarbayjonda Turkiy davlatlar tashkilotining norasmiy sammitida ishtirok etdi. Unda Shavkat Mirziyoyev savdo va transport yo‘llarini rivojlantirish, iqlim o‘zgarishi hamda muqobil energetika bo‘yicha takliflarni ilgari surdi. Falastin va Afg‘oniston muammolariga yana bir bor e’tibor qaratdi.

Shavkat Mirziyoyev Mas’ud Pezeshkiyonni Eron prezidenti etib saylangani bilan tabrikladi
6 iyul 2024, 11:44

Shavkat Mirziyoyev Mas’ud Pezeshkiyonni Eron prezidenti etib saylangani bilan tabrikladi

O‘zbekiston prezidenti Erondagi prezidentlik saylovlarida g‘alaba qozongan Mas’ud Pezeshkiyonni tabrikladi. Shavkat Mirziyoyev o‘z maktubida mamlakatlar o‘rtasidagi ko‘p qirrali va uzoq muddatli sheriklik barcha ustuvor yo‘nalishlarda yanada yuqori bosqichga ko‘tarilishiga ishonch bildirdi.


"Gazeta.uz"da ro‘yxatdan o‘tish

Qo‘shimcha imkoniyatlarga ega bulish uchun saytda ro‘yxatdan o‘ting