«100 ta ovoz uchun 100 dollar». Open budget`chilar nimalarni taklif qilishmoqda? Video
O‘zbekistonda «Tashabbusli budjet» loyihasining ovoz berish jarayoni qizg‘in kechmoqda. Yashash hududidagi muammolarni hal etish uchun loyiha taklif etgan aholi ko‘proq ovoz yig‘ishga harakat qilmoqda va turli usullardan foydalanmoqda. «Gazeta.uz» mazkur jarayon ishtirokchilariga mikrofon tutdi (video).
Toshkent aholisi — zilzilalar haqida
O‘zbekistonda 21 mart kuni 5−6 balli va 23 martga o‘tar kechasi 4−5 balli yer silkinishlari sezildi. Hattoki ko‘p qavatli uylar aholisi aftershokdan havotirlanib, bir necha soat ko‘chada qolishdi. «Gazeta.uz» zilzila vaqtida poytaxt aholisi nimalarni his qilgani va qanday yo‘l tutgani bilan qiziqdi (video).
O‘zbekistonda taroveh namozlari boshlandi — foto
23 martdan O‘zbekiston bo‘ylab taroveh namozlarini ado etish boshlandi. «Gazeta.uz» Toshkent, Andijon, Namangan va Termizdagi masjidlardan fotoreportaj tayyorladi.
O‘zbekiston prezidenti Turkiya vitse-prezidentini orden bilan taqdirladi
Turkiya vitse-prezidenti Fuat Oktay O‘zbekistonning «Do‘stlik» ordeni bilan taqdirlandi. Mukofotni Anqarada prezident Shavkat Mirziyoyev topshirdi.
Shavkat Mirziyoyev — rulda
Shavkat Mirziyoyev Surxondaryoga tashrifi vaqti aholining yo‘llar bo‘yicha e’tirozlari tasdig‘ini «o‘z ko‘zi bilan ko‘rish» maqsadida ta’mirtalab yo‘lda mashina haydadi. Prezident rulda o‘tirgan holda ommaga birinchi marta ko‘rinish berayotgani yo‘q.
Foto: Shavkat Mirziyoyev Termizda qo‘shinlarning taktik o‘quvini kuzatdi
Shavkat Mirziyoyev Janubi-g‘arbiy maxsus harbiy okrugi «Termiz» dala o‘quv maydonida qo‘shinlarning brigada taktik o‘quvini kuzatdi. Ularning jangovar tayyorgarligini oshirish bo‘yicha ko‘rsatmalar berdi. Mashg‘ulotlar jahonda kuzatilayotgan harbiy harakatlar xususiyatidan kelib chiqib o‘tkazilgani qayd etildi.
Foto: Bahor darakchilari
O‘zbekistonda — bahor va “har bahorda shu bo‘lar takror”: o‘riklar (va nafaqat o‘riklar) gullagan, yam-yashil o‘tloqlarda momaqaymoqlar sap-sariq bo‘lib bo‘y cho‘zgan, ularning ustida esa qishki uyqudan uyg‘ongan tabiat ramzi o‘laroq xonqizilarni ko‘rasiz. “Gazeta.uz"dan bahoriy fotojamlanma.
«O‘zbekiston ayoli — o‘tmish, nafosat, kelajak ramzi» ko‘rgazmasidan fotoreportaj
Toshkent fotosuratlar uyida «O‘zbekiston xotin-qizlari ta’lim sohasida» mavzusida ko‘rgazma ochildi. Unda o‘zbek xotin-qizlari aks etgan 200 dan ziyod fotosurat namoyishga qo‘yilgan bo‘lib, ular orasida ilk bor jamoatchilik e’tiboriga havola qilinayotgan o‘nlab kadrlar bor. Ko‘rgazma 11 martgacha davom etadi.
O‘quvchi qizlarning TikTok`dagi videosida huquqbuzarlik aniqlanmadi. XTBB bayonoti asossiz bo‘lib chiqdi
Toshkentdagi 181-maktab o‘quvchilari «Za dengi da» qo‘shig‘iga video olgani ko‘plab muhokamalarga sabab bo‘ldi. Shundan so‘ng poytaxt XTBB ularning ota-onalari jarimaga tortilishini aytdi. Aslida-chi, video rostdan odob-axloqqa to‘g‘ri kelmaydimi? Yoki boshqacha talqin qilindimi — «Gazeta.uz» surishtiruvi.
Foto: Qoraqalpog‘istonliklar «Juo‘yeri gurtik» kunini nishonladi
Qoraqalpog‘istonliklar ilk bor milliy taom — juo‘yeri gurtik bayramini o‘tkazdi. Tashabbus jamoatchilik tomonidan ilgari surildi. Taomning eng katta porsiyasi Nukusdagi prezident maktabida tayyorlandi. Bayramni boshqa mamlakatlarda yashovchi qoraqalpog‘istonliklar ham nishonladi.
«Oilamni qutqargandek bo‘ldim». Turkiyadan qaytgan o‘zbekistonlik qutqaruvchilarning hikoyalari
18 kun davomida Turkiyadagi zilzilalar oqibatlarini bartaraf etishda ko‘maklashgan, 18 nafar tirik insonni qutqargan va 200 ga yaqin jasadni olib chiqqan FVV qutqaruvchilari Toshkentga qaytdi. «Gazeta.uz» aeroportda ular bilan suhbatlashib, ko‘rgan-kechirganlari va qutqaruv ishlari haqida so‘radi (video).
Toshkentning yangi qiyofalari. Qurilishlar poytaxtning me’moriy qiyofasini qanday o‘zgartirdi?
Oxirgi yillarda shaharning rivojlanib borishi va qurilishlar sonining ko‘payishi Toshkent qiyofasini o‘zgartirib yubordi. Binolar xuddi kardiogramma chiziqlari kabi tobora yuqoriga qarab intilib bormoqda. Osmono‘par binolar va kranlarning poytaxt odatiy qiyofasiga ta’siri Yevgeniy Sorochin obyektivida.
Foto: O‘zbekiston qo‘riqxonalaridagi fotoqopqonlarga tushgan jonivorlar
Tabiat resurslari vazirligi fotoqopqonlarga tushib qolgan hayvonlarning foto va video tasvirlarini e’lon qildi. Ularda, jumladan, O‘zbekiston Qizil kitobiga kiritilgan jonivorlar ham aks etgan.
Foto: Prezident Qashqadaryoda yangi qurilgan maktab va kasanachilik markazida bo‘ldi
Shavkat Mirziyoyev Qashqadaryoga tashrifi chog‘ida Qarshi tumanidagi «Yangi Batosh» mahallasida bo‘ldi. U yerdagi yangi qurilgan maktab va kasanachilik markazini ko‘zdan kechirib, aholi bilan suhbatlashdi.
“Bu — fojia”. Turkiya va Suriyadagi zilzila oqibatlari haqida fotohikoya
Turkiya va Suriyadagi vayronkor zilzilalar yuz berganiga ikki hafta bo‘ldi. “Bu yerdagi aholining 40 foizi halok bo‘lgan bo‘lishi mumkin”, deydi qabristonida bo‘sh joy qolmagan Turkiyadagi shahar imomi. “Bu bolalarga ota-onalari endi hech qachon qaytmasligini qachondir aytishimiz kerak”, — deydi suriyalik shifokor.
«Ta’lim tizimiga e’tibor berish kerak». Vazirlikning topshirig‘iga talabalar nima deydi?
Oliy ta’lim vaziri Ibrohim Abdurahmonov barcha talabalarni jinoyatchilikka moyil, yot g‘oyalar ta’siriga tushish arafasida va qoidalarga rioya etmaydigan kabi guruhlarga ajratish topshirig‘ini bergandi. Bu esa tarmoqlarda tanqidlarga sabab bo‘ldi. «Gazeta.uz» talabalar fikrini bilish uchun ularga mikrofon tutdi.
Boeing so‘nggi 747 samolyotini yig‘ishni yakunladi — afsonaviy layner tarixi
Boeing kompaniyasi so‘nggi 747 samolyotini yig‘ib tugatdi. Afsonaviy «o‘rkachli» layner 1969 yilda paydo bo‘lgan va ommaviy aviatsiya ramziga aylangan edi. Ushbu maqolada bu turdagi havo laynerlarning paydo bo‘lishi va u bilan bog‘liq tarixiy voqealar eslab o‘tiladi.
“Mushtum” medallari: Ikkiyuzlamachiga, safsatabozga, sansalorchiga va boshqalarga
100 yoshga to‘lgan “Mushtum"ning ko‘plab adabiy qahramonlari, doimiy ruknlari bor. ““Mushtum” medallari” — shunday ruknlardan biri. “Gazeta.uz” 1972 yilda jurnalning 15 ta soni davomida e’lon qilingan “medallar"ni bir sahifaga jamladi. Bu “medallar"ga loyiqlar hali ham oramizda bo‘lishi mumkin.
100 yoshga to‘lgan «Mushtum»ning karikaturalari
100 yil avval — 1923 yil 18 fevralida Qodiriy asos solgan «Mushtum»ning ilk soni chiqqan. Tanqidiy hajviyalar istalgan nashrda chiqishi mumkin, ammo bu jurnalni ajratib turuvchi jihat — uning o‘tkir karikaturalari edi. «Gazeta.uz» «Mushtum»da chiqqan hajv-suratlar to‘plamini e’tiboringizga havola qiladi.
Toshkent aeroportida elektron chegara nazorati va bodiskanerlar ishga tushirildi
Uzbekistan Airports Toshkent aeroportida elektron chegara nazorati tizimi va qo‘l yuklarini tekshirish uchun yangi rentgen uskunalarini namoyish etdi. Endilikda yo‘lovchilar poyabzalini yechmasdan va suyuqlik idishlarini ochmasdan tekshiruvdan o‘tadi. Hududda yana bir Duty Free do‘koni, kafe va dorixona ham ochildi.
ENG KO‘P O‘QILGAN XABARLAR
- Zilzila paytida nima qilish va unga qanday tayyorgarlik ko‘rish kerak?
- 27 mart kuni O‘zbekistonda sodir bo‘lgan eng muhim xabarlar dayjesti
- Toshkentda uylar orasiga yashirilgan narkotiklarni izlagan 28 kishi ko‘rsatma berdi
- 9 ta hududda sel-suv toshqini xavfi e’lon qilindi
- «Seniki. Meniki. Bizniki». Yangi Konstitutsiya bo‘yicha referendum kampaniyasi qanday ketmoqda? Foto
Qo‘shimcha imkoniyatlarga ega bulish uchun saytda ro‘yxatdan o‘ting