Jahon
KVN boshlovchisi Aleksandr Maslyakov vafot etdi
1964-yildan beri KVN televizion yumoristik o‘yinlariga boshlovchilik qilgan Aleksandr Maslyakov 83 yoshda vafot etdi. U so‘nggi yillarda kovid va undan keyingi asoratlardan aziyat chekayotgandi.
Qirg‘iziston “Tolibon”ni taqiqlangan tashkilotlar ro‘yxatidan chiqardi
Qirg‘iziston TIV “mintaqaviy barqarorlikni mustahkamlash va muloqotni davom ettirish” maqsadida “Tolibon”ni taqiqlangan tashkilotlar ro‘yxatidan chiqardi. Mamlakat Afg‘onistonda hamda butun mintaqada tinch muhitni ta’minlash bo‘yicha sa’y-harakatlarni qo‘llab-quvvatlash tarafdoriligini bildirdi.
Dunyo ketma-ket ikkinchi yil rekord darajadagi eng issiq yozni boshdan kechirdi
O‘tgan uch oy — iyun, iyul va avgust — tarixdagi eng issiq davrga aylandi. Sayyorada ketma-ket ikkinchi yil anomal issiq yoz qayd etilmoqda.
Durov Fransiyada hibsga olinganidan so‘ng ilk bor bayonot berib, ayblovlarni rad etdi
Telegram asoschisi Pavel Durov Fransiyada hibsga olinganidan so‘ng birinchi marta bayonot berdi. Uning fikricha, agar mamlakat internet xizmatidan norozi bo‘lsa, uning rahbarini ta’qib qilmasdan, kompaniyani sudga berishi kerak. Shu bilan birga, Durov suiiste’molliklarga qarshi kurashishga va’da berdi.
Harris va Tramp 10-sentabr kungi debat qoidalarini kelishib oldi
AQSh prezidentligiga nomzodlar Kamala Harris va Donald Tramp o‘rtasidagi ilk debat 10-sentabr kuni bo‘lib o‘tadi. Zalda tomoshabinlar bo‘lmaydi, raqiblarning mikrofonlari esa navbat bilan yoqiladi.
Mishel Barne — Fransiyaning yangi bosh vaziri
Parlament saylovlaridan ikki oy o‘tib, Fransiya prezidenti Emmanuel Makron sobiq yevrokomissar va Fransiya Tashqi ishlar vazirligining sobiq rahbari Mishel Barneni mamlakat bosh vaziri etib tayinladi. 73 yoshli siyosatchi Fransiya tarixidagi eng keksa bosh vazirga aylandi.
Qozog‘iston Konstitutsiyaviy sudi tinch yig‘ilishlarga qo‘yilgan cheklovlarning qonuniyligini tekshiradi
Qozog‘iston Konstitutsiyaviy sudi mahalliy hokimiyat organlarining boshqa tadbirlar o‘tkazish, tanlangan vaqt va joyda ta’mirlash ishlarini olib borish kabi sabablar bilan tinch yig‘ilishlarni o‘tkazishdan bosh tortishi qanchalik qonuniy ekanini ko‘rib chiqadi.
Braziliya sudi X’ni bloklashni buyurdi, Starlink ijtimoiy tarmoqqa kirishni cheklashga rozi bo‘ldi
Braziliya Oliy sudi X’ga (Twitter) kirishni cheklashga qaror qildi va blokni chetlab o‘tganlik uchun jarimalar joriy qildi. Bunga ijtimoiy tarmoq egasi Ilon Mask mamlakatda qonuniy vakil tayinlashdan bosh tortgani sabab bo‘ldi. Milliarderga tegishli Starlink tortishuvlardan so‘ng tarmoqni bloklashga rozi bo‘ldi.
AQSh HAMAS yetakchilariga 7-oktabr kuni Isroilga uyushtirilgan hujum bo‘yicha ayblov qo‘ydi
AQSh hukumati HAMAS yetakchisi Yahyo Sinvar va guruhning qator rahbarlariga 2023-yil 7-oktabr kuni Isroilga qilingan hujum munosabati bilan rasman jinoiy ayblovlarni e’lon qildi.
Qozog‘istonda AES qurilishi bo‘yicha referendum oktabr oyida bo‘ladi
Qozog‘istonda atom elektr stansiyasini qurish bo‘yicha referendum 6-oktabr kuni bo‘lib o‘tadi, dedi mamlakat prezidenti Qosim-Jomart Toqayev. Uning so‘zlariga ko‘ra, referendum “keng umummilliy muloqotning yana bir ko‘rinishi” va “eshituvchi davlat” konsepsiyasini amalga oshirishning yorqin namunasi bo‘ladi.
Germaniya yana afg‘onistonliklarni deportatsiya qila boshladi
Germaniya hukumati uch yildan so‘ng afg‘onistonlik mahkumlarni vataniga deportatsiya qilishni tikladi. Avvalroq OAV Berlin O‘zbekiston va Kobulning boshqa qo‘shnilari bilan afg‘onistonliklarni ular orqali deportatsiya qilish bo‘yicha muzokaralar olib borayotgani haqida yozgan edi.
Isroil va HAMAS G‘azoda bolalarni poliomiyelitga qarshi emlash uchun vaqtinchalik sulh tuzdi
Isroil va HAMAS gumanitar tashkilotlar bolalarni poliomiyelitga qarshi emlashlari uchun G‘azodagi jangovar harakatlarda uch kunlik tanaffusga kelishdi. Avvalroq JSST anklavda 25 yil ichida birinchi kasallanish holatini tasdiqlagan edi.
Gruziya Konstitutsiyaviy sudi “xorijiy agentlar to‘g‘risida"gi qonun bo‘yicha da’volarni ko‘rib chiqishni boshladi
Gruziya Konstitutsiyaviy sudi mamlakatda ommaviy noroziliklarga sabab bo‘lgan “xorijiy agentlar to‘g‘risida"gi qonunga qarshi da’volarni ko‘rib chiqishni boshladi. Da’vogarlar Gruziya prezidenti, nodavlat tashkilotlar, muxolifat deputatlari va mediatashkilotlar hisoblanadi.
Namibiya go‘sht uchun 700 dan ortiq yovvoyi hayvon, jumladan, fil va begemotlarni otishni rejalashtirmoqda
Namibiya hukumati 700 dan ortiq yovvoyi hayvon, jumladan, fil, begemot va zebralarni o‘ldirish rejasini tasdiqladi. Ularning go‘shti mamlakatda yuz bergan so‘nggi 100 yildagi eng yomon qurg‘oqchilik fonida oziq-ovqat tanqisligiga duchor bo‘lgan jamoalarga tarqatiladi.
Qozog‘iston benzin eksportiga taqiqni uzaytiradi va olma importini cheklaydi
Qozog‘iston avtotransportda benzin va dizel olib chiqishga 2022-yil iyul oyida joriy etilgan taqiqni yana uzaytiradi, shuningdek, mamlakat ichidagi yaxshi hosil tufayli olma importi cheklanadi. Yil boshidan buyon O‘zbekiston Qozog‘iston bozoriga 2,8 mln dollardan ortiq olma yetkazib berdi.
Yaponiyaga “Shanshan” tayfuni yopirildi, millionlab aholi evakuatsiya qilinmoqda
Yaponiya janubi-g‘arbida “Shanshan” tayfuni kuzatildi, 200 mingdan ortiq xonadon elektr ta’minotisiz qoldi. Toyota va boshqa avtomobil ishlab chiqaruvchilar zavodlarda ishni to‘xtatdi, yuzlab reyslar bekor qilindi. Hukumat mamlakat bo‘ylab 5,2 milliondan ortiq aholini evakuatsiya qilish topshirig‘ini berdi.
Trampga saylov natijalarini bekor qilishga urinish bo‘yicha yana ayblovlar qo‘yildi
Maxsus prokuror Jek Smit Donald Trampning 2020-yilgi saylov natijalarini bekor qilishga urinishi bo‘yicha yangi ayblov xulosasini sudga berdi. Hujjat Oliy sudning AQSh sobiq prezidentlarining qisman jinoiy immunitetga bo‘lgan huquqi to‘g‘risidagi qarorini inobatga olgan holda qayta ko‘rib chiqildi.
Ukraina Rossiya bilan urushni tugatish rejasini AQShga yuboradi
Ukraina Rossiya bilan urushni tugatish rejasini tayyorladi va AQShga taqdim etadi, dedi Ukraina prezidenti Vladimir Zelenskiy. U bir necha banddan iborat, ulardan biri — Kursk viloyatidagi operatsiya.
AQSh sudi Baydenning migrantlarni qonuniylashtirish dasturini to‘xtatdi
Texas sudi prezident Jo Baydenning amerikaliklar bilan turmush qurgan migrantlarga qonuniy maqomga ega bo‘lish imkonini beradigan dasturini to‘xtatishga qaror qildi.
Qirg‘izistonda internetdagi dezinformatsiya uchun fuqarolarga jarima solish taklif etildi
Qirg‘iziston Madaniyat vazirligi OAV va internetda yolg‘on ma’lumotlarni tarqatganlik uchun fuqarolar va yuridik shaxslarga jarimalar joriy etishni taklif qildi. Vazirlikning fikricha, bu “internet-kontent iste’molida tanqidiy fikrlash zarurligi yuzasidan aholi xabardorligini oshiradi”.
Qo‘shimcha imkoniyatlarga ega bulish uchun saytda ro‘yxatdan o‘ting