Sergeli tumanida 184-sonli avtobus haydovchisi boshqaruvni yo‘qotishi oqibatida avval stolbaga, so‘ng beton to‘siqqa urildi. “Toshshahartransxizmat” hodisa oqibatida faqat haydovchi, YHXB esa jami 4 kishi jarohatlanganini ma’lum qildi.
Qibray tumanida daraxtga urilgan 18 yoshli Spark haydovchisi voqea joyida halok bo‘ldi, bir yo‘lovchi shifoxonaga yotkizildi. Voqeaga yo‘lning xavfli burilish qismida haydovchining boshqaruvni yo‘qotishi sabab bo‘lgan.
Farg‘ona viloyatida sodir bo‘lgan ikki YTH oqibatida ikki yo‘lovchi vafot etdi. YTHlarning har ikkisi ham Damas ishtirokida sodir bo‘lgan.
O‘zbekistondagi YTHlarning qariyb yarmi piyodalarni urib yuborish bilan bog‘liq. Shunday qoidabuzarlikka yo‘l qo‘ygan haydovchilar qanday jazolanmoqda? Shu savolga javob topish maqsadida “Gazeta.uz” sudlarning tasodifiy 50 ta qarorini o‘rgandi. Spoyler: piyoda o‘limi uchun biror bir haydovchi qamalmagan.
Urganch shahri IIO FMB boshligʻi YTH oqibatida vafot etdi. Mashina yoʻlning qatnov qismidan chiqib ketib, beton ustunga urilgan. Holat yuzasidan jinoyat ishi qoʻzgʻatildi.
Toshkentning Mirzo Ulug‘bek shohko‘chasida Malibu yengil avtomobili qayrilib olmoqchi bo‘lgan Yutong avtobusi bilan to‘qnashib ketdi.
2030-yilgacha jiddiy YTHlar sonini kamida 50 foizga kamaytirish, kengligi 2 va undan ortiq polosali piyodalar o‘tish joylarini svetofor bilan jihozlash rejalashtirilmoqda. YHXXning yilning birinchi yarmida raqamlarni kamaytirish bo‘yicha rejalariga qaramay, YTHlar va og‘ir oqibatlar ko‘paydi.
Toshkentning Bunyodkor shohko‘chasida uchta yengil avtomobil to‘qnashib ketdi, bir mashina haydovchisi va 3 nafar yo‘lovchisi jarohatlandi.
Toshkentda 21 yoshli haydovchi boshqaruvidagi Malibu tartibga solinmagan piyodalar o‘tish joyini kesib o‘tayotgan 17 yoshli piyodani urib yubordi. O‘smir vafot etgan.
Prezident Yo‘l harakati xavfsizligi xizmati boshlig‘i Olim Saidovga hayfsan berdi va uch viloyat YHXB rahbarlarini ishdan bo‘shatdi. Uning ta’kidlashicha, hokimliklar va “O‘zavtoyo‘l” yo‘l harakati xavfsizligi masalalariga e’tibor bermay, faqat asfalt yotqizish bilan ovora.
Toshkent shahrining Istirohat ko‘chasi bo‘ylab harakatlanayotgan 147-yo‘nalishdagi Yutong avtobusiga “ZIL” haydovchisi uni o‘ng tomondan quvib o‘tmoqchi bo‘lganida shikast yetdi.
Namangan shahrida Shimoliy Farg‘ona kanaliga tushib ketgan Damas mashinasini qutqarish paytida ichida 5 nafar bola bo‘lgan yana bir Damas kanalga tushib ketdi. Hozirda bolalarning ahvoli yaxshi, bir nafari shifoxonaga yotqizilgan.
Toshkentda yengil avtomobil haydovchisi qoidalarni buzib, YTH holatini yuzaga keltirdi, shu sababli 28-yo‘nalishdagi elektrobus haydovchisi keskin tormoz bosishga majbur bo‘ldi. Oqibatda avtobus yo‘lovchilaridan biri yiqilib, shifoxonaga olib ketildi.
Qamchiq dovonida DAF yuk avtomashinasi yoqilg‘isining oqib ketishi sababli ortidagi CIMC transport vositasi toyib xandaqqa tushib ketdi. YTH oqibatlari yo‘lning bir tomoni vaqtincha yopilgan holda bartaraf etilgan, tan jarohati olganlar yo‘q.
Toshkentdagi eng xavfli piyodalar o‘tish joylaridan biri — Bunyodkor shohko‘chasidagi Qonunchilik palatasi binosi yaqinida navbatdagi YTH bo‘ldi. Lacetti katta tezlikda Damas ortiga urildi, oqibatda Damas ko‘chani kesib o‘tayotgan ayolni turtib yubordi. YHXBga ko‘ra, piyoda tirik, kasalxonaga murojaaat qilinmagan.
Yakkasaroy tumanida 77-sonli avtobus haydovchisi yo‘lning belgilanmagan qismidan kesib o‘tayotgan piyodani urib yubordi. Fuqaro olgan tan jarohatlari sababli shifoxonada vafot etdi.
Toshkent shahri Shirin ko‘chasida uchta yengil avtomobil ishtirokida YTH sodir bo‘ldi, ulardan birining haydovchisi kasalxonaga yotqizildi.
Jizzaxda ikki o‘zbekistonlik futzalchi yo‘l-transport hodisasi oqibatida vafot etdi.
Dushanba tongida Mirzo Ulug‘bek tumanida Nexia-3 TAPOiCh ko‘prikdagi beton to‘siqqa urildi. Voqeaga 21 yoshli fuqaroning boshqaruvni yo‘qotishi sabab bo‘lgan. Ikki yil avval ko‘prikdan Matiz ham qulab tushgandi.
Jizzax viloyatining Sharof Rashidov tumanida Lacetti va Cobalt to‘qnashishi oqibatida ikki haydovchi voqea joyida halok bo‘ldi. Mashinalarda bo‘lgan 3 nafar yo‘lovchi shifoxonaning jonlantirish bo‘limiga yotqizildi.
Qo‘shimcha imkoniyatlarga ega bulish uchun saytda ro‘yxatdan o‘ting