Siyosat
Rasmiy statistikani ishlab chiquvchilar besh yilda bir marta auditdan o‘tadi
Hukumat qarori bilan rasmiy statistikani ishlab chiquvchilarning statistika metodologiyalarini auditdan o‘tkazish tartibiga oid nizom tasdiqlandi. Unga ko‘ra, besh yilda kamida bir marta audit o‘tkazilishi hamda aniqlangan kamchiliklar majburiy bartaraf etilishi belgilanmoqda.
Umumiy amaliyot shifokori oilaviy shifokorga aylantiriladi
Umumiy amaliyot shifokori haqiqiy oilaviy shifokorga aylantiriladi, — deya qayd etdi prezident. Ularga yordam berish uchun tibbiyot brigadalari tashkil etiladi va o‘zlariga biriktirilgan oilalar kesimida manzilli ish olib boradi.
«Bundan buyon sog‘liqni saqlash vazirligi faoliyatiga hech kim aralashmaydi» — prezident
«Bundan buyon sog‘liqni saqlash vazirligi faoliyatiga, uning kadrlar masalasiga hech kim aralashmaydi», — dedi Shavkat Mirziyoyev. Prezident va bosh vazirdan boshqa birorta rahbar vazir va uning o‘rinbosarlarini yig‘ilishlarga chaqirishii taqiqlab qo‘yildi.
Prezident Sog‘liqni saqlash vazirligi tizimini «to‘liq qayta ishga tushirish» bo‘yicha yig‘ilish o‘tkazadi
Shavkat Mirziyoyev sog‘liqni saqlash masalasi bo‘yicha videoselektor yig‘ilishini o‘tkazadi. Asosiy e’tibor koronavirusga qarshi kurashishga emas, balki sog‘liqni saqlash tizimini to‘liq qayta ishga tushirishga qaratiladi.
Jizzaxda tuman hokimi uchun Trailblazer xizmat mashinasi sotib olindi
Zarbdor tumani hokimligida mahalla ishlari bo‘yicha hokim o‘rinbosariga avtomobil yetishmagan. Keyin tuman rahbari birinchi o‘rinbosariga o‘zining Captiva avtomashinasini bergan va o‘z navbatida u Lacetti rusumli xizmat avtomobilini hokimning mahalla ishlari bo‘yicha o‘rinbosariga topshirgan. Hokimning o‘zi uchun esa 370 mln so‘m evaziga Trailblazer sotib olingan.
Toshkent shahar hokimiga o‘rinbosarlar tayinlandi
G‘ofir Jamolov Toshkent shahar hokimining o‘rinbosari — uy-joy kommunal xo‘jaligi bosh boshqarmasi boshlig‘i, Muxtor Muhitdinov Toshkent shahar hokimining o‘rinbosari — kanallardan foydalanish boshqarmasi boshlig‘i etib tayinlandi.
Anvar Alimov sog‘liqni saqlash vazirining o‘rinbosari etib tayinlandi
Anvar Alimov sog‘liqni saqlash vazirining o‘rinbosari — Toshkent shahar sog‘liqni saqlash bosh boshqarmasi boshlig‘i etib tayinlandi. U 2012−2016 yillarda sog‘liqni saqlash vaziri bo‘lgan edi.
Denov tumaniga hokim tayinlandi
Mutaxassisligi iqtisodchi bo‘lgan Rustam Pardayev Surxondaryo viloyati Denov tumani hokimi lavozimiga tayinlandi. U bunga qadar viloyat hokimining birinchi o‘rinbosari lavozimida ishlab kelayotgan edi.
O‘zbekiston bosh vaziri Qirg‘iziston tashqi ishlar vazirini qabul qildi
O‘zbekiston bosh vaziri Abdulla Aripov Qirg‘iz Respublikasi tashqi ishlar vaziri Ruslan Kazakbayevni qabul qildi.
«Adolat» milliy huquqiy axborot markaziga direktor tayinlandi
Yuridik xizmatlarning faoliyatini muvofiqlashtirish boshqarmasi boshlig‘i lavozimida ishlab kelayotgan Furqat Tojiyev «Adolat» milliy huquqiy axborot markazi direktori lavozimiga tayinlandi.
«Yordam berishga imkoniyatingiz bo‘lmasa, xalaqit qilmang!» Sherzod Shermatov hokimlarga murojaat qildi
Xalq ta’limi vaziri Sherzod Shermatovning ta’kidlashicha, o‘qituvchilarni majburiy mehnatga jalb qilish holatlarini nafaqat prezident siyosatiga xiyonat, balki ataylab davlat rahbarining imijini diskreditatsiya qilishga harakat deb baholash kerak. «Yordam berishga imkoniyatingiz bo‘lmasa, iltimos, juda bo‘lmasa xalaqit qilmang», — deya murojaat qildi Sherzod Shermatov hokimlarga.
«O‘zbekkonsert» rahbari o‘zgardi
Anvarjon Tojiboyev «O‘zbekkonsert» davlat muassasasi direktori vazifasini vaqtincha bajaruvchi etib tayinlandi. Direktor vazifasini vaqtincha bajarib kelgan Alisher Jamoliddinov direktorning ijodiy masalalar bo‘yicha o‘rinbosari sifatida o‘z ish faoliyatini davom ettiradi.
Jo‘rabek Mirzamahmudov energetika vazirining birinchi o‘rinbosari lavozimidan ketdi
Jo‘rabek Mirzamahmudov Energetika vazirining birinchi o‘rinbosari lavozimidan ozod etildi. U «O‘zatom» agentligi va «O‘zkimyosanoat» kompaniyasidagi rahbarlik lavozimlarini saqlab qoldi.
Muzaffar Fayziyev Toshkent viloyati hokimining birinchi o‘rinbosari bo‘ldi
«O‘zneftmahsulot» boshqaruvi raisi, qishloq xo‘jaligi vaziri o‘rinbosari lavozimlarida ishlagan Muzaffar Fayziyev Toshkent viloyati hokimining birinchi o‘rinbosari etib tayinlandi.
Qirg‘iziston tashqi ishlar vaziri O‘zbekistonga tashrif buyuradi
Qirg‘iziston tashqi ishlar vaziri Ruslan Kazakbayev boshchiligidagi delegatsiya 5−6 noyabr kunlari O‘zbekistonga kelishi kutilmoqda.
G‘ozg‘on shahar rahbarlari tayinlandi
Hukumat qarori bilan Navoiy viloyati G‘ozg‘on shahar hokimi va sektorlar rahbarlari tayinlandi.
Abdurasul Vaxobov vaqtincha Olmazor hokimi o‘rinbosari lavozimiga qayta tiklandi — hokimlik
Toshkent shahrining Olmazor tumani hokimining o‘rinbosari Abdurasul Vaxabov, 2019 yil sentyabr oyining oxirida jurnalistlar bilan bo‘lgan ziddiyatdan so‘ng ishdan bo‘shatilgan edi, biroq u ushbu lavozimga v.b. sifatida qayta tiklandi. Hokimlik matbuot xizmatining xabar berishicha, ushbu lavozimga nomzodlar yo‘qligi va uylarni buzish masalasi bo‘yicha aholidan tushayotgan ko‘plab murojaatlar sababli Vaxobov vaqtincha ish joyiga qaytarildi.
Prezident huzuridagi Davlat boshqaruvi akademiyasiga rektor tayinlandi
«El-yurt umidi» jamg‘armasi direktori Adxam Bekmurodov prezident maslahatchisi o‘rinbosari — prezident huzuridagi Davlat boshqaruvi akademiyasi rektori lavozimiga tayinlandi.
Prezident maslahatchisiga birinchi o‘rinbosar tayinlandi
TTAning sobiq rektori prezident maslahatchisining birinchi o‘rinbosari vazifasiga tayinlandi
Shavkat Mirziyoyev O‘zgidromet bayonotidan so‘ng yig‘ilish o‘tkazdi
Prezident O‘zgidromet tizimi faoliyatini takomillashtirish bo‘yicha yig‘ilish o‘tkazdi. Unda soha xodimlari oyligi oshirilib, ustama to‘lash tizimi joriy etilishi ta’kidlandi. Avvalroq O‘zgidromet tizimga e’tibor yo‘qligidan shikoyat qilgan edi.
Eng ko‘p o‘qilgan xabarlar | So‘nggi yangiliklar
- O‘zbekiston Afg‘onistonga 169 tonnadan ortiq insonparvarlik yordamini yubordi (foto)
- Bosh prokuratura Nig‘matilla Yo‘ldoshev va qidiruvdagi tadbirkor o‘rtasidagi suhbat videosiga izoh berdi
- O‘zbekiston AQShning intellektual mulk bo‘yicha qora ro‘yxatidan chiqarildi
- Prezident davlat muassasalarini Yangi Toshkentga ko‘chirish bo‘yicha taklif tayyorlash topshirig‘ini berdi
Qo‘shimcha imkoniyatlarga ega bulish uchun saytda ro‘yxatdan o‘ting