Siyosat
Rim huquqining tamoyillari Konstitutsiyada qayd etilishi mumkin
O‘zbekiston qonunchiligida bajarib bo‘lmaydigan yoki bajarish qiyin bo‘lgan normalar ham uchrab turadi, dedi prezident. U Konstitutsiyaga fuqarolarga bajarib bo‘lmaydigan majburiyatni yuklamaslik haqidagi nomrani kiritishni taklif qildi. Hayot daxlsizligi Bosh qonunda mustahkamlanishi kerakligi ham aytildi.
Fuqarolarga qonunchilikka oid takliflarini Oliy Majlisga kiritish huquqi berilishi mumkin
100 ming kishidan kam bo‘lmagan miqdordagi fuqarolar o‘z qonunchilik takliflarini Qonunchilik palatasiga kiritish imkoniyatiga ega bo‘lishi mumkin. Prezident buning uchun Konstitutsiyada qonunchilik takliflarini kiritish institutini qayd etish taklifini ilgari surdi.
Shavkat Mirziyoyev prezidentning ayrim vakolatlarini Senatga o‘tkazishni taklif qildi
Shavkat Mirziyoyev prezidentning Korrupsiyaga qarshi kurashish agentligi hamda Hisob palatasi rahbarlarini lavozimga tayinlash va ozod qilish bo‘yicha vakolatlarini Oliy Majlisga o‘tkazishni taklif qildi. Uning so‘zlariga ko‘ra, har ikki tashkilot avvalambor Senat oldida hisobdor bo‘lishi lozim.
«Miranda qoidasi» va «Xabeas korpus» tamoyillarini Konstitutsiyada aks ettirish taklif qilindi
Shavkat Mirziyoyev gumonlanuvchi shaxs qo‘lga olinganda, unga huquqlarini tushuntirish bo‘yicha qoidani («Miranda qoidasi») va «Xabeas korpus» tamoyillarini Konstitutsiyada aks ettirish kerakligini ta’kidladi. Ushbu qoidalar O‘zbekiston qonunchiligida allaqachon belgilangan.
Konstitutsiyani referendum orqali o‘zgartirish taklif etildi
Prezident Konstitutsiyani parlament vakolati bilan emas, balki referendum o‘tkazish yo‘li orqali o‘zgartirishni taklif qildi. «Konstitutsiyaviy islohotni fuqarolarimiz fikri va qo‘llab-quvvatlashi asosida referendum orqali amalga oshirsak, bu — haqiqiy xalq Konstitutsiyasi bo‘ladi», — dedi Shavkat Mirziyoyev.
Prezident uy-joy bo‘yicha konstitutsiyaviy kafolat belgilashni taklif qildi
Shavkat Mirziyoyev «snos"larga barham berish uchun uy-joy bo‘yicha konstitutsiyaviy kafolat belgilab qo‘yish kerakligini aytdi. «Sud qarorisiz hech kim uy-joyidan mahrum qilinmasligi kerak. Imorat buzilishga tushadigan bo‘lsa, bu uchun buzishdan oldin uning qiymatiga mos ravishda kompensatsiya to‘lanishi shart», — dedi u.
Prezident Konstitutsiyaga o‘lim jazosini taqiqlash bo‘yicha norma kiritishni taklif qildi
Shavkat Mirziyoyev o‘lim jazosini qaytarish haqidagi takliflarga qo‘shilmasligini aytib, uni taqiqlash to‘g‘risidagi normani Konstitutsiyada mustahkamlab qo‘yishni taklif qildi. «Chunki yashash huquqi — har bir insonning tabiiy huquqidir», — dedi u.
Shavkat Mirziyoyev Konstitutsiyaviy islohotni o‘tkazish zarurati nimadaligini tushuntirdi
Shavkat Mirziyoyev Konstitutsiyaviy islohotni o‘tkazish zaruratiga to‘xtalib o‘tdi. Uning so‘zlariga ko‘ra, hozirgi tahlikali zamonda O‘zbekistonda insonning yuksak o‘rni va qadrini, mamlakat uchun qanday qadriyat va manfaatlar ustuvor ahamiyatga ega ekanligini «Konstitutsiyada aks ettirish — davr taqozosidir».
Shavkat Mirziyoyev Hindiston prezidenti va bosh vaziriga hamdardlik bildirdi
Yakshanba kuni Shavkat Mirziyoyev Hindistonning shimoli-sharqiy hududlarida yuz bergan tabiiy ofatlar oqibatida insonlar halok bo‘lgani munosabati bilan hamdardlik bildirdi. Hodisa oqibatida Bangladesh va Hindistonda kamida 42 kishi vafot etgani aytilmoqda.
Abdulaziz Kamilov Kobulda Afg‘oniston TIV rahbari v.b. bilan uchrashdi
O‘zbekiston prezidentining tashqi siyosat masalalari bo‘yicha maxsus vakili Abdulaziz Kamilov Afg‘onistonda muvaqqat hukumat TIV rahbari bilan muzokaralar o‘tkazdi.
Davlat boshqaruvini o‘zgartirish, prezidentga impichment, bosh vazirga ishonchsizlik votumi — Konstitutsiyaga takliflar
Davlat boshqaruvini o‘zgartirish, prezidentga impichment hamda bosh vazirga ishonchsizlik votumini e’lon qilish tartibini joriy etish, bodikamerasi yo‘q ichki ishlar xodimining maqomini oddiy fuqaroga tenglashtirish, o‘zbek tilini bilishni majburiy qilish — Konstitutsiya bo‘yicha ayrim takliflar «Gazeta.uz» materialida.
Referendum to‘g‘risidagi qonunga o‘zgartirishlar kiritildi
Referendum to‘g‘risidagi qonunga saylov komissiyalari vakolatlarini o‘zgartirish, kuzatuvchilar huquqlarini kengaytirish va boshqalarni nazarda tutuvchi qo‘shimchalar kiritildi. Shuningdek, referendumda qabul qilingan qarorlarni faqat referendumda bekor qilish talabiga istisno kiritildi.
Qasim-Jomart Toqayev DXR va LXR «kvazi-davlatlari» tan olinmasligini ma’lum qildi
Qozog‘iston Lugansk va Donetsk xalq respublikalaridan bo‘lgan «kvazi-davlat hududlari»ni tan olmaydi, dedi prezident Qasim-Jomart Toqayev. «Xalqlarning o‘z taqdirini o‘zi belgilash huquqi amalga oshaversa, yer yuzida hozirgi 193 taning o‘rniga 500−600 dan ortiq davlat bo‘ladi. Bu tartibsizlik degani», — dedi u.
Prezident Bolalar gematologiyasi va onkologiyasi shifoxonasidagi bolalarga dalda berdi
Prezident Shavkat Mirziyoyev Bolalar gematologiyasi, onkologiyasi va klinik immunologiyasi markaziga tashrif buyurdi. «Yoningizga yana kelishdan maqsadim — sizlarga kuch berish, umidni ikki karra ko‘paytirish. Bu hammamizga sinov», — dedi davlat rahbari markazda davolanayotgan bolalarga va ularning ota-onalariga.
Prezidentning tashqi siyosat masalalari bo‘yicha maxsus vakili vazifalari belgilab berildi
O‘zbekiston prezidentining tashqi siyosat masalalari bo‘yicha maxsus vakili lavozimi O‘zbekiston prezidenti Administratsiyasi tuzilmasiga kiritilib, mehnatiga haq to‘lash sharoitlari prezident maslahatchisi o‘rinbosariga tenglashtirildi.
Faqat kuch tilini tushunadi, propagandasini yengish oson, hech kim obyektiv ma’lumotga ega emas — AQSh diplomatining SSSR haqidagi telegrammasi
1946 yil AQSh diplomati Jorj Kennanning «Uzun telegrammasi»da Sovet Ittifoqi siyosiy tizimiga berilgan ta’rif hali ham dolzarb bo‘lishi mumkin. Sovetlarning faqat kuch tilini tushunishi, tashqi dunyo haqida obyektiv ma’lumotga ega bo‘lmagan Stalin, yengish oson bo‘lgan propaganda — hujjatdagi qiziqarli fikrlar.
Yangi Konstitutsiya qabul qilinsa, Shavkat Mirziyoyev ham saylovlarda qatnasha oladi — Sodiq Safoyev
Agar yangi Konstitutsiya qabul qilinsa, hamma qatori prezident Shavkat Mirziyoyevga ham saylovlarda qatnashish imkoni yaratib beriladi, dedi Senat rahbarining birinchi o‘rinbosari Sodiq Safoyev. U Shavkat Mirziyoyevning «hokimiyatga tish-tirnog‘i bilan yopishib olgan siyosatchi emas"ligini qo‘shimcha qildi.
Prezident «Qo‘riqlash faoliyati to‘g‘risida»gi qonunni imzoladi
«Qo‘riqlash faoliyati to‘g‘risida»gi qonun Milliy gvardiyaga bu boradagi davlat siyosatini amalga oshirish huquqini berdi. Hujjat bilan qurol-yarog‘ va maxsus texnikani qo‘llash shartlari ham belgilab qo‘yildi.
Ozarbayjon prezidenti O‘zbekistonga tashrif buyuradi
Ozarbayjon prezidenti Ilhom Aliyevning 21−22 iyun kunlari rasmiy tashrif bilan Toshkentga kelishi kutilmoqda.
Tanzila Narbayeva AQSh rasmiylari bilan uchrashdi
Senat raisi Tanzila Narbayeva AQSh davlat kotibining fuqarolik xavfsizligi, demokratiya va inson huquqlari bo‘yicha o‘rinbosari Uzra Zeya, Demokratlar partiyasidan kongressmen Ami Bera va AQShning Yevropada xavfsizlik va hamkorlik bo‘yicha komissiyasining katta siyosiy maslahatchisi Jenis Xelvig bilan uchrashdi.
Eng ko‘p o‘qilgan xabarlar | So‘nggi yangiliklar
- “O‘zbekistondan meva-sabzavotlarni kutamiz”. Mirziyoyev va Putin qishloq xo‘jaligi mahsulotlarini yetkazib berishni muhokama qildi
- Agrosanoat, iqlim o‘zgarishi, migrantlar va turizm: Shavkat Mirziyoyev YeOII bilan hamkorlikni kengaytirmoqchi
- Prezident urush faxriylarini ziyorat qildi (foto)
- “Charchasam bo‘lmaydi, katta-katta ishlarni endi boshlayapmiz” — Shavkat Mirziyoyev
Qo‘shimcha imkoniyatlarga ega bulish uchun saytda ro‘yxatdan o‘ting