Siyosat
Davlat idoralari xodimlari moddiy manfaatdorligi odamlarning roziligidan kelib chiqib belgilanadi — prezident
Shavkat Mirziyoyev Yangiariq tumanidagi «Yantex Invest» MCHJ faoliyati bilan ham tanishdi. Shu yerda mahallabay ishlash bo‘yicha yangi tizimni yo‘lga qo‘yish masalalari muhokama qilindi. «Endi davlat idoralari xodimlarining moddiy manfaatdorligi odamlarning roziligidan kelib chiqib belgilanadigan tizim qilamiz», — dedi prezident.
Prezident Xorazmga tashrifini Xonqadagi innovatsion issiqxonadan boshladi
Prezident Shavkat Mirziyoyev Xorazm viloyatiga tashrif buyurib, Xonqa tumanidagi yil davomida hosil olish imkoniyatiga ega innovatsion issiqxona faoliyati bilan tanishdi. “Xorazm qishloq xo‘jaligining kelajagi shu”, — dedi davlat rahbari va qo‘shimcha sifatida har bir issiqxonaning laboratoriyasi, o‘z brendi bo‘lishi kerakligini ta’kidladi.
Shavkat Mirziyoyev Xorazmga jo‘nab ketdi
Prezident Shavkat Mirziyoyev islohotlarning mahallabay tizimda yo‘lga qo‘yilgani va ularning odamlar hayotidagi ifodasini ko‘rish uchun Xorazm viloyatiga jo‘nab ketdi.
Prezident Yevroosiyo iqtisodiy ittifoqi sammitida ishtirok etadi
Shavkat Mirziyoyev Belarus prezidenti Aleksandr Lukashenkoning taklifiga binoan Yevroosiyo iqtisodiy ittifoqining videoanjuman shaklida o‘tadigan sammitida qatnashadi. O‘zbekistonga tashkilot huzuridagi kuzatuvchi davlat maqomini berilishi kutilmoqda.
Shavkat Mirziyoyev va Narendra Modi videoanjumanda uchrashadi
Prezident Shavkat Mirziyoyev va Hindiston bosh vaziri Narendra Modi videoanjuman shaklida uchrashuv o‘tkazadi. Unda turli sohalarda o‘zaro hamkorlik masalalari, qolaversa, jahon va Markaziy Osiyodagi vaziyat yuzasidan fikr almashish kutilmoqda. Ikki davlat yetakchilari koronavirusga qarshi kurashishga ham ham e’tibor qaratishadi.
Turizm sohasiga berilgan imtiyozlar 2021-yil oxiriga qadar uzaytiriladi
Shavkat Mirziyoyev pandemiya sababli turizm sohasi uchun 2020-yil oxirigacha berilgan imtiyoz va preferensiyalarni 2021-yil oxiriga qadar uzaytirish muhimligini ta’kidladi. Shuningdek, aholining bor-yo‘g‘i 19 foizi jismoniy tarbiya va sport bilan qamrab olingani aytildi. Cport infratuzilmasini rivojlantirish masalasiga alohida e’tibor qaratildi.
Prezident Uzbekistan Airways chiptalari narxi balandligini tanqid qildi va uni arzonlashtirish vazifasini qo‘ydi
Shavkat Mirziyoyev 2021-yildan Yevropa mamlakatlari, Malayziya, Indoneziya, Pokiston, Tailand, Yaponiya bilan aviaqatnovlarni bosqichma-bosqich tiklash, yangi reyslarni yo‘lga qo‘yish bo‘yicha ko‘rsatma berdi. Prezident Uzbekistan Airways chiptalari narxi balandligi tanqid qildi va uni arzonlashtirish vazifasini qo‘ydi.
Xususiy sektor davlat xizmatlarini ko‘rsatishda agent sifatida ishtirok etadi
2021 yil 1 martdan tadbirkorlarga ayrim turdagi davlat xizmatlari ko‘rsatilishida agent sifatida ishtirok etishga ruxsat beriladi. Xizmatlarni ko‘rsatish Davlat xizmatlari agentligining yagona platformasi doirasida amalga oshiriladi.
Sudyalarni lavozimga tayinlash imtihonlari ilk bor onlayn yoritiladi
2021 yil 1 fevraldan sudyalarni lavozimga tayinlashda imtihonlar onlayn tarzda yoritib borish yo‘lga qo‘yiladi. Qolaversa, sudyalarni huquqni muhofaza qiluvchi organlarga guvoh yoki gumonlanuvchi sifatida so‘roq qilish uchun chiqarishga tegishli malaka hay’atlari ruxsati bilan yo‘l qo‘yilishi belgilanmoqda.
Tadbirkorlarga yo‘llarda foto va video registratorlar o‘rnatishga ruxsat berildi — prezident qarori
Tadbirkorlarga 2021 yil 1 martdan boshlab avtomobil yo‘llarida foto va video fiksatsiya vositalarini o‘rnatishga ruxsat beriladi. 2021−2022 yillarda respublika bo‘yicha jami 3356 ta intellektual videokameralar va 763 ta statsionar radarlar, jumladan, Toshkent shahrida jami 2574 ta foto va video registratorlar o‘rnatilishi rejalashtirilgan.
Davlat tomonidan tartibga solinadigan sohalarga xususiy sektor jalb qilinadi
Davlat funksiyalarini autsorsing, kraudsorsing, davlat ijtimoiy buyurtmasi, akkreditatsiya, sertifikatlashtirish va boshqa usullar orqali bosqichma-bosqich xususiy sektorga berish ko‘zlanmoqda. Jumladan, 2021 yil 1 apreldan kadastr yig‘majildlarini tayyorlash bilan tadbirkorlar ham shug‘ullanishi mumkin.
Xususiy pudratchilardan kvartira sotib olish uchun kreditlarning cheklangan miqdori belgilandi
Xususiy pudratchilardan kvartira sotib olish uchun taqdim etiladigan kreditlarining cheklangan miqdori belgilandi. Fuqarolarga xonadon sotib olish uchun 240 mln so‘mdan 352 mln so‘mgacha miqdorda kredit ajratiladi.
Shavkat Mirziyoyev Toshkent metallurgiya zavodidagi texnologik jarayon bilan tanishdi
Shavkat Mirziyoyev Toshkent metallurgiya zavodi faoliyati bilan tanishdi. Majmuada 27 ta mamlakatdan asbob-uskunalar keltirib, o‘rnatilgan. «Hududlarda yana yuzlab korxonalarning barpo etilishi uchun juda katta zamin bo‘ladi», — deya ta’kidladi prezident.
Prezident Toshkent metallurgiya zavodi faoliyatiga start berdi
Prezident Shavkat Mirziyoyev Toshkent metallurgiya zavodini ishga tushirdi. Mazkur majmuada birinchi bosqichda 400 mln dollarga yaqin mablag‘ tejaladi, yiliga 90 mln dollarlik mahsulot eksport qilinadi. Davlat rahbari ushbu majmua ochilishini «tarixiy voqea» deb atadi. «Harakatlarimizning asosiy maqsadi yaqin yillarda yaxlit, „noldan tayyor mahsulotgacha“ bo‘lgan metall ishlab chiqarish klasterini yaratishdan iborat», — dedi prezident.
«Biz TAPOiChni tiklashga harakat qilyapmiz» — Shavkat Mirziyoyev
Prezident Shavkat Mirziyoyev rossiyalik hamkorlar bilan muzokaralarda TAPOiCh aviazavodining taqdiri muhokama qilinganini ma’lum qildi. «Meni ham alamim bor. Dunyoda sanoqli samolyot chiqaradigan davlatlar bor edi, biz uni o‘z qo‘limiz bilan yopdik, ming afsus. Lekin baribir biz uni tiklashga juda ko‘p harakat qilayapmiz», — dedi davlat rahbari.
Prezident Rossiya Federatsiyasi delegatsiyasini qabul qildi
Prezident Shavkat Mirziyoyev Rossiya Federatsiyasi sanoat va savdo vaziri Denis Manturov boshchiligidagi delegatsiyani qabul qildi. Muzokaralar davomida metallurgiya mahsulotlari ishlab chiqarish bo‘yicha yirik va zamonaviy korxonani tashkil etish loyihasi ikki davlat o‘rtasidagi samarali hamkorlikning namunasi ekani qayd etildi.
Sud UzAuto Motors ishini qayta ko‘rib chiqadi
Monopoliyaga qarshi kurashish qo‘mitasining sud qarori ustidan apellyatsiya shikoyati qabul qilindi. Sud 11 dekabr kuni UzAuto Motors ishini qayta ko‘rib chiqadi.
Toshkentda Yaponiya raqamli universiteti tashkil etildi
Toshkent shahrida Yaponiya raqamli universiteti tashkil etildi. Universitet axborot-kommunikatsiya texnologiyalari va axborot tizimi kabi sohalarda mutaxassislarni tayyorlashga ixtisoslashadi. O‘qitish yapon va o‘zbek tillarida to‘lov-kontrakt asosida amalga oshiriladi.
Buxoro tumaniga yangi hokim tayinlandi
Xayrullo Jo‘rayev Buxoro tumani hokimi etib tayinlandi. U hozirga qadar «G‘ijduvon» EIZ rahbari vazifasida faoliyat yuritgan.
Shavkat Mirziyoyev Rossiya Federatsiyasi delegatsiyasini qabul qildi
Prezident Shavkat Mirziyoyev Rossiya Federatsiyasi prezidenti Administratsiyasi rahbarining o‘rinbosari Dmitriy Kozak boshchiligidagi delegatsiyani qabul qildi. Uchrashuvda O‘zbekiston raisligida bo‘lib o‘tadigan sammitga tayyorgarlik masalalari ham muhokama qilindi.
Eng ko‘p o‘qilgan xabarlar | So‘nggi yangiliklar
- “O‘zbekistondan meva-sabzavotlarni kutamiz”. Mirziyoyev va Putin qishloq xo‘jaligi mahsulotlarini yetkazib berishni muhokama qildi
- Agrosanoat, iqlim o‘zgarishi, migrantlar va turizm: Shavkat Mirziyoyev YeOII bilan hamkorlikni kengaytirmoqchi
- “Sayxunobod tajribasi” bo‘yicha ishlarda sustkashlikka yo‘l qo‘ygan 400 ga yaqin mas’ul ishdan olindi
Qo‘shimcha imkoniyatlarga ega bulish uchun saytda ro‘yxatdan o‘ting