Siyosat
Anvar Asamov investitsiyalar va tashqi savdo vaziriga o‘rinbosar etib tayinlandi
Davlat bojxona qo‘mitasi raisining birinchi o‘rinbosari lavozimida faoliyat yuritib kelgan Anvar Asamov investitsiyalar va tashqi savdo vazirining o‘rinbosari etib tayinlandi.
Mansabdor shaxslar qanday avtomobil sotib olishi aniq belgilab beriladi
Ijtimoiy tarmoqlarda vazirlik va hokimiyatlar tomonidan qimmatbaho avtomobillarni xarid qilishi ko‘plab muhokamalarga sabab bo‘ldi. Mazkur masala yuzasidan quyi palata deputatlari moliya vaziriga savol bilan murojaat qilishdi. «Davlat idoralari rahbar, xodimlari nima avtomobil olishini aniq ko‘rsatib qo‘yish bo‘yicha hukumatdan topshiriq oldik», — dedi Timur Ishmetov.
Xasan Kabirdjanov Majburiy ijro byurosi direktori etib tayinlandi
Shu kunga qadar direktor v.b. bo‘lib kelayotgan Xasan Kabirdjanov Bosh prokuratura huzuridagi Majburiy ijro byurosi direktori lavozimiga tayinlandi.
Sud hujjatlarini ijro etish tizimi takomillashtiriladi
Ijro ishi yuritishni to‘xtatib turish to‘g‘risida qaror qabul qilish vakolati sudlardan davlat ijrochisiga o‘tkazilmoqda. Shuningdek, SSP va Biznes-ombudsmanga tadbirkorlarning qarzlari yuzasidan ijroni kechiktirish yoki bo‘lib-bo‘lib ijro etish to‘g‘risida murojaat qilish huquqi berilmoqda.
Prezident COVID-19 shifoxonalarini optimizatsiya qilish bo‘yicha topshiriq berdi
Davlat rahbari bugun o‘tkazilgan videoselektor yig‘ilishda mutasaddilarga koronavirusga ixtisoslashgan shifoxonalarni optimizatsiya qilish bo‘yicha topshiriq berdi. Shuningdek, prezident matbuot xizmati COVID-19 shifoxonalarida 6570 nafar bemor davolanayotganini qayd etdi. SSV esa 17 noyabr holatiga mamlakatda 2123 nafar koronavirus bemori borligini ma’lum qilgan.
O‘zbekiston Afg‘onistonda temir yo‘lini qurish uchun AQSH mablag‘larini jalb etadi
«Mozori-Sharif — Qobul» temir yo‘li AQSH Xalqaro taraqqiyot moliya korporatsiyasi mablag‘lari evaziga qurilishi ko‘zda tutilgan. Qurilish ishlari kelasi yilning sentyabr oyida boshlanishi kutilmoqda. Ushbu loyiha O‘zbekistonga Pokiston dengiz portlariga chiqish imkoniyatini beradi.
Qishloq vrachlik punkti — oilaviy shifokor punkti etib o‘zgartiriladi
Prezident farmoni bilan 2021 yil 1 yanvardan boshlab qishloq vrachlik punkti — oilaviy shifokor punkti deb, qishloq va shahar oilaviy poliklinikasi — oilaviy poliklinika deb qayta nomlanadi. OTMni oxirgi 3 yilda tamomlab, qishloq joyga ishlashga borganlarga 30 mln so‘m pul mukofoti beriladi. Ular uy-joy bilan ham ta’minlanadi.
Geologiya sohasida 50 foiz vaqt investitsiya bilan shug‘ullanishga sarflanishi kerak — prezident
Shavkat Mirziyoyev geologiya sohasida 50 foiz vaqt investitsiya bilan shug‘ullanishga sarflanishi kerakligini ta’kidlandi. Xorijiy investorlarni jalb qilish uchun yondashuvni ham o‘zgartirish lozimligi aytildi. Istiqbolli maydonlarni shakllantirish, ularni xorijiy investorlarga taqdim etish, geologik qidiruvlar o‘tkazish bo‘yicha topshiriqlar berildi.
Yangihayot tumaniga hokim tayinlandi
Yangihayot tumani Xalq deputatlari Kengashining navbatdan tashqari sessiyasida Hayot Inog‘omov Yangihayot tumani hokimligiga tasdiqlandi. Shuningdek, Yangihayot tumani prokurori lavozimini Azamat Azimov, Ichki ishlar bo‘limi boshlig‘i lavomini esa Murat Raimov egalladi.
«Menga qorovul bo‘ladigan vazir kerak emas». Prezident suv xo‘jaligi vazirini tanqid qildi. Shuhrat G‘aniyev ham tanbeh eshitdi
Prezident suv xo‘jaligini vaziri Shavkat Xamrayevni Qashqadaryodagi irrigatsiya va melioratsiya ishlari holati uchun tanqid qildi. Shavkat Mirziyoyev unga viloyat suv xo‘jaligi rahbarlarini ishdan olish va ishlaydigan odamlarni qo‘yish bo‘yicha topshiriq berdi. Bosh vazir o‘rinbosari Shuhrat G‘aniyev ham davlat rahbaridan tanbeh eshitdi.
Sirdayorda sog‘liqni saqlashga oid ikkita tajriba-sinov o‘tkaziladi
Sirdaryo viloyatida sog‘liqni saqlash tizimining yangi modeli va davlat tibbiy sug‘urtasi mexanizmlari bo‘yicha tajriba-sinov loyihasi o‘tkaziladi. Oilaviy shifokor, terapiya va pediatriya bo‘yicha yordamchilar, hamshira va doyadan iborat guruhlar tuziladi. Bepul tibbiy xizmatlar va dori vositalari paketi ishlab chiqiladi. Davlat tibbiy sug‘urtasi jamg‘armasi tashkil etilmoqda.
«Ro‘ziyev sharmanda qilgan ekan, endi bilinayapti». Prezident — Qashqadaryoning sobiq hokimi haqida
«Janobi Ro‘ziyev sharmanda qilgan ekan, endi bilinayapti hammasi. Qashqadaryo zo‘r, gazi bor, deb yuravergan ekanmiz. Viloyat respublika gazining 63 foizini beradi. Ammo odamlarda gaz yo‘q, suv yo‘q. Qani adolat?», — dedi Shavkat Mirziyoyev viloyatning sobiq hokimi Zafar Ro‘ziyev haqida.
Shavkat Mirziyoyev Qirg‘iziston prezidenti v.b. bilan telefon orqali muloqot qildi
O‘zbekiston va Qirg‘iziston prezidentlari telefon orqali muloqot qilishdi. Sadir Japarov «Qirg‘iziston uchun qiyin davrda» ko‘rsatgan insonparvarlik yordami uchun O‘zbekistonga minnatdorchilik bildirdi.
Bog‘chadan oliy ta’limgacha — o‘g‘il-qizlarga jinsiy tarbiyadan ta’lim beriladi
Senat raisi Tanzila Narbayeva jinsiy tarbiyani yoshlikdan boshlash zarurligini ta’kidladi. Jumladan, maktabgacha ta’limda yoshga mos qilib, yuqori sinflar va oliy ta’limda yigit-qizlarni oilaga tayyorlash, reproduktiv salomatlikka o‘qitish kerakligi aytildi. «Biz yopganimiz sari internet ochiq. U salbiy oqibatlarga olib kelayapti», — dedi yuqori palata raisi.
10 oyda qariyb 8,5 ming xotin-qizga himoya orderi berildi
10 oy mobaynida qariyb 8,5 ming xotin-qiz davlat himoyasiga olindi. Ular orasida oilada otasi yoki onasi tomonidan zo‘ravonlikka duch kelgan qizlar ham bor. Shuningdek, himoya orderi olinishi natijasida 418 ta oila ajrashib ketdi.
Gulnora Karimova koronavirusga chalinmagan va u o‘z jazosini o‘tamoqda — IIV JIEBB
IIV Jazoni ijro etish bosh boshqarmasi Gulnora Karimovaning COVID-19`ga chalinmaganini ma’lum qildi. Uning o‘z joniga qasd qilgani haqidagi gaplar ham asossiz ekani aytilmoqda. Shuningdek, Senat raisi Tanzila Narbayeva Gulnora Karimovaga oid gap-so‘zlar yuzasidan o‘z munosabatini bildirib, «Hozir gender tengligi haqida gapiryapmiz, ayolmi, erkakmi, jinoyat qilsa teng javob berishi kerak», — dedi.
«O‘sha davrda gender tengligi masalasi haqida gapira olmasdik» — Tanzila Narbayeva
«O‘zbekistonda ayollar va erkaklarga teng imkoniyatlar to‘g‘risidagi qonunni ishlab chiqish kerak, deb necha yillardan beri aytsak ham, bizning gapimizga hech kim quloq solmagan. O‘sha paytlar shunaqa davr edi» — Tanzila Narbayeva Vazirlar Mahkamasida ishlagan vaqtida gender tengligi masalasiga qanday yondashuv bo‘lganini so‘zlab berdi.
Prezident Shahrisabzda sintetik aralashmali ip va mato ishlab chiqarish jarayoni bilan tanishdi
Prezident Shavkat Mirziyoyev Qashqadaryoga safarini Shahrisabzdagi Oqsaroy Vortex MCHJda sintetik aralashmali ip va mato ishlab chiqarish jarayoni bilan tanishishdan boshladi.
Yangihayot tumani hokimligi tashkil etildi
Prezident qarori bilan Toshkent shahri tarkibida Yangihayot tumani hokimligi tashkil etildi.
O‘zbekiston va Qozog‘iston qirg‘iz xalqiga iqtisodiy va gumanitar yordam ko‘rsatadi
Shavkat Mirziyoyev Qozog‘iston prezidenti Qasim-Jomart Toqayev bilan telefon orqali muloqot qildi. Davlat rahbarlari ikki tomonlama munosabatlar, mintaqaviy hamkorlik va qirg‘iz xalqiga iqtisodiy yordam ko‘rsatish masalalarini muhokama qilishdi.
Eng ko‘p o‘qilgan xabarlar | So‘nggi yangiliklar
- Bosh prokuratura Nig‘matilla Yo‘ldoshev va qidiruvdagi tadbirkor o‘rtasidagi suhbat videosiga izoh berdi
- Prezident davlat muassasalarini Yangi Toshkentga ko‘chirish bo‘yicha taklif tayyorlash topshirig‘ini berdi
- Shavkat Mirziyoyev ta’tildan qaytdi
- Yangi Andijonda viloyat hokimligining yangi binosini qurish boshlandi (foto)
Qo‘shimcha imkoniyatlarga ega bulish uchun saytda ro‘yxatdan o‘ting