Siyosat
Prezident Turkiya milliy mudofaa vazirini qabul qildi
Prezident Shavkat Mirziyoyev va Turkiya milliy mudofaa vaziri Xulusi Akar ikki mamlakat o‘rtasidagi harbiy sohadagi hamkorlikning holati va istiqbollarini muhokama qilishdi.
Guanchjou shahrida O‘zbekistonning Bosh konsulxonasi ochildi
Xitoyning Guanchjou shahrida O‘zbekiston Bosh konsulxonasining rasmiy ochilish marosimi bo‘lib o‘tdi.
Prezident 2021−2022 yillarda elektr energiyasi tariflarini oshirmaslik bo‘yicha topshiriq berdi
Shavkat Mirziyoyev videoselektorda elektr energetikasi sohasi transformatsiyasi orqali tannarx kamaytirilishi lozimligini ta’kidladi. Soha transformatsiyasini esa tannarxga ta’sir qilmagan holda, harajatlarni kamaytirish evaziga amalga oshirish bo‘yicha topshiriqlar berdi.
Karantin talablari buzilganda avtomobil jarima maydonchasiga joylashtirilishi mumkin
Ma’muriy javobgarlik to‘g‘risidagi kodeksdagi yangi o‘zgartirishlarga ko‘ra, karantin talablari buzilganda avtomobil jarima maydonchasiga majburiy joylashtirilishi mumkin. Bundan tashqari, epidemiyalarga qarshi kurashish qoidalarini buzish bilan bog‘liq ma’muriy ishlar ichki ishlar organlari tomonidan ham ko‘rib chiqilishi mumkin.
Prezident arzon turar joylar loyihalari taqdimoti bilan tanishdi
Sardoba hamda Mirzaobod tumanlari tajribasi asosida besh qavatli uylar loyihasi ishlab chiqildi. Xonadonlar joylashuvi va xonalar ichki maydonini maqbullashtirish, qurilish materiallarini loyihaga mos o‘lchamda ishlab chiqish hamda hovli va yo‘laklarga sensorli elektr chiroqlari o‘rnatilishi hisobiga uylarning narxi 30 foizgacha arzonlashishi ta’kidlandi.
Milliy o‘quv dasturini ishlab chiqish rejalashtirilmoqda
O‘zbekistonda 2021 yil 1 martga qadar Milliy o‘quv dasturini ishlab chiqish rejalashtirilmoqda. Tegishli prezident farmoni loyihasida o‘quv rejasini takomillashtirish, umumiy haftalik o‘quv yuklamasini kamaytirish va o‘zaro uzviy bog‘liq fanlarni birlashtirish ko‘zda tutilgan. OTMga kirish testlariga abituriyentlarning mantiqiy fikrlashi va talabalikka tayyor ekanini baholovchi kompetensiyaviy testlar kiritilishi mumkin.
«Korrupsiya bilan oldingi tizim ko‘plarga ma’qul. Bo‘lmaydi boshqa» — prezident
Shavkat Mirziyoyev orqada qolayotgan korxonalar faoliyatini tanqid qildi va yaratilgan imkoniyatlardan foydalanmayotgan tarmoqlar va hududlar rahbarlari ishdan bo‘shatilishi va sudga tortilishi haqida ogohlantirdi. Uning so‘zlariga ko‘ra, «Korrupsiya bilan oldingi tizim ko‘plarga ma’qul. Bo‘lmaydi boshqa». Prezident, shuningdek, davlat korxonalari bilan O‘zbekiston o‘z maqsadlariga erisha olmaydi, deb hisoblaydi.
Bojxona qo‘mitasi bank siriga ega bo‘lish to‘g‘risidagi qonun loyihasi yuzasidan izoh berdi
Davlat bojxona qo‘mitasining xabar berishicha, bank sirlari to‘g‘risidagi qonunga qo‘shimcha kiritishdan maqsad tashqi iqtisodiy faoliyat ishtirokchilariga nisbatan bojxona nazoratining soddalashtirilgan shakllarini qo‘llash va yashirin iqtisodiyot ulushini kamaytirishdir.
Markaziy Osiyo davlatlari rahbarlarining uchrashuvi 2021 yilga qoldirildi
Kuzda Bishkekda o‘tkazilishi rejalashtirilgan Markaziy Osiyo davlatlari rahbarlarining uchinchi maslahat uchrashuvi koronavirus pandemiyasi sababli 2021 yilga qoldirildi. Uchrashuv Turkmanistonda o‘tkazilishi mumkin.
«Adolat» sotsial-demokratik partiyasiga yangi rais saylandi
Fanlar akademiyasi vitse-prezidenti Bahrom Abduhalimov «Adolat» sotsial-demokratik partiyasi siyosiy Kengashi raisi etib saylandi.
Samarqanddagi ikkita ko‘chaga O‘ktam Barnoyev va A’zamxon Bahromov nomi beriladi
Samarqanddagi ikkita ko‘chaga turli yillarda Samarqand viloyati hokimi bo‘lgan Azamxon Bahromov va O‘ktam Barnoyev nomlarini berish taklif qilindi.
Madaniyat vaziriga yangi o‘rinbosar tayinlandi
«Kiberxavfsizlik markazi» DUK direktori o‘rinbosari bo‘lib ishlagan Olimjon Mirzayev madaniyat vaziri o‘rinbosari etib tayinlandi.
Prezident Davlat xavfsizlik xizmati rahbari Xavfsizlik Kengashiga o‘tdi
Mart oyidan beri O‘zbekiston prezidenti Davlat xavfsizlik xizmati raisi sifatida ishlab kelayotgan Bahodir Toshmatov prezident huzuridagi Xavfsizlik Kengashi kotibi o‘rinbosari etib tayinlandi.
Markaziy bank asosiy foiz stavkasini o‘zgarishsiz qoldirdi
Markaziy bank asosiy stavkani yillik 14 foiz, inflyatsiyaning yil yakuni bo‘yicha prognozini yillik 11−12,5 foiz darajasida o‘zgarishsiz qoldirdi.
Xonobod shahriga yangi hokim tayinlandi
Mash’al Tojiboyev Xonobod shahar hokimi lavozimiga tasdiqlandi
Prezident sanoat tarmoqlaridagi 9 oylik natijalar va kelgusi vazifalarga bag‘ishlangan yig‘ilish o‘tkazdi
9 oyda 55 ta hududiy loyiha ijrosi kechikkan, 144 ta loyihada ishlab chiqarish hajmi ta’minlanmagan. Oqibatda 720 mlrd so‘mlik mahsulot tayyorlash imkoniyati yo‘qotilgan. Davlat rahbari qolgan 3 oyda $7 mlrdlik 80 ta tarmoq va 44 ta hududiy loyihani ishga tushirish muhimligini ta’kidladi.
YHXBB 16 yoshdan haydovchilik guvohnomasi berish taklifi bo‘yicha bayonot berdi
IIV YHXBB 16 yoshdan mashina boshqarishga ruxsat berish taklifi bo‘yicha bayonot berdi. YHXBB yoshlar bu vaqtda o‘qishini davom ettirishi, boshqa ishlar bilan chalg‘imasligi kerakligini ma’lum qildi. Boshqarma ma’lumotlariga ko‘ra, 9 oy davomida haydovchilik guvohnomasini olganiga 2 yil bo‘lmagan haydovchilar tomonidan 612 ta YTH sodir etilgan, ularning oqibatida 191 kishi vafot etgan, yana 571 nafari tan jarohatlari olishgan.
Sovuq qurollarni g‘ilofsiz olib yurganlar uchun javobgarlik belgilanishi kutilmoqda
Covuq qurol sifatida foydalanilishi mumkin bo‘lgan ashyolarni g‘ilofsiz olib yurgan fuqarolar jarimaga tortiladi. Jarima miqdori BHMning bir baravarigacha etib belgilanadi.
«Deyarli har kuni byudjet mablag‘larining noo‘rin sarflanishi masalasi ko‘tarilmoqda» — Senat raisi
Senat raisi Tanzila Narbayeva mutasaddilarda byudjetga qo‘shimcha manbalar aniqlash borasida tashabbuskorlik, izlanish yo‘qligi, ayrim hollarda ularning moliyaviy savodxonligi yetishmasligini tanqid qildi. Shuningdek, muhim ko‘rsatkichlarni qo‘shib yozish illatiga to‘liq barham berilmaganiga e’tibor qaratdi.
Senatorlar «Qimmatbaho metallar va qimmatbaho toshlar to‘g‘risida"gi qonunni rad etishdi
Senatorlar «Qimmatbaho metallar va qimmatbaho toshlar to‘g‘risida"gi qonunni uning ayrim moddalari talablarga mos kelmasligi sababli rad etishdi.
Eng ko‘p o‘qilgan xabarlar | So‘nggi yangiliklar
- “O‘zbekistondan meva-sabzavotlarni kutamiz”. Mirziyoyev va Putin qishloq xo‘jaligi mahsulotlarini yetkazib berishni muhokama qildi
- Agrosanoat, iqlim o‘zgarishi, migrantlar va turizm: Shavkat Mirziyoyev YeOII bilan hamkorlikni kengaytirmoqchi
- “Charchasam bo‘lmaydi, katta-katta ishlarni endi boshlayapmiz” — Shavkat Mirziyoyev
- Shavkat Mirziyoyev xalqni 9-may munosabati bilan tabrikladi
Qo‘shimcha imkoniyatlarga ega bulish uchun saytda ro‘yxatdan o‘ting