AQSh 2023-yilgi grin karta dasturini muddatidan oldin yakunlashini e’lon qildi. Mavjud bo‘lgan barcha 55 000 ta viza berib bo‘lingan. AQShning Toshkentdagi elchixonasida 3100 dan ortiq murojaatchi bilan suhbat o‘tkazilgan.
IShIDga aloqadorlikda gumon qilingan kontrabandachi o‘zbekistonlik bir guruh muhojirlarga Meksika orqali AQShga kirishga yordam bergan. Bu ma’lum bo‘lgach, FQB ularni butun mamlakat bo‘ylab “qidirishga shoshildi”, — deb yozadi CNN. 15 nafar o‘zbekistonlikning manzili hali aniqlanmagan.
Insoniyat taqdiri AQSh va Xitoy qay darajada murosaga kela olishiga bog‘liq. Har ikki kuch qarshi tarafning strategik xavf tug‘dirishiga o‘z-o‘zini ishontirib bo‘lgan. Xitoy va AQSh bir-biri bilan keng qamrovli urush tahdidisiz birga yashay oladimi? Amerikalik nufuzli diplomat Genri Kissinjer mulohazalari.
AQSh Senatining Milliy xavfsizlik va hukumat ishlari qo‘mitasi raisi Geri Piters O‘zbekiston prezidenti, Senat raisi va TIV rahbari tomonidan qabul qilindi. Muzokaralarda iqtisodiy hamkorlik, mintaqaviy kun tartibi, parlamentlar o‘rtasidagi munosabatlar, inson huquqlari va boshqalar muhokama qilindi.
Prezidentning Afg‘oniston bo‘yicha maxsus vakili Ismatulla Irgashev va AQSh Kongressi Senatining Tashqi aloqalar qo‘mitasi vakili Sharlott Oldhem-Mur Afg‘onistonga gumanitar va boshqa yordam ko‘rsatishda O‘zbekiston va AQShning harakatlarini muvofiqlashtirish muhimligini ta’kidladi.
AQSh prezidenti Jo Bayden O‘zbekiston prezidenti Shavkat Mirziyoyevni “Markaziy Osiyo — AQSh” (“C5+1”) formatidagi birinchi sammitga taklif qildi. U sentabr oyi oxirida Nyu-Yorkda BMT Bosh Assambleyasi sessiyasining ochilish kunlarida o‘tkazilishi rejalashtirilgan.
AQSh Eronni Rossiyaga Ukraina shaharlarini o‘qqa tutishda foydalanayotgan hujum dronlarini yetkazib berishni to‘xtatishga undamoqda, deb yozdi FT. Buning evaziga Vashington Tehronga qarshi yangi sanksiyalar kiritmaslikka va allaqachon kiritilgan cheklovlarga “qat’iy amal qilmaslikka” va’da bermoqda.
AQSh “Tolibon” harakatini “inson huquqlari bilan bog‘liq vaziyatning yomonlashishiga olib keluvchi siyosatini, ayniqsa, ayollarga nisbatan qayta ko‘rib chiqishga” chaqirdi. “Tolibon”, o‘z navbatida, Afg‘oniston Markaziy bankining muzlatilgan aktivlarini qaytarishni so‘radi.
AQSh Moliya vazirligi Qirg‘izistonning to‘rtta kompaniyasini sanksiyalar ro‘yxatiga kiritdi. Ma’lumotlarga ko‘ra, ular Rossiya mudofaa sanoati uchun Rossiyaga elektronika va sanksiya ostidagi boshqa mahsulotlarni yetkazib bergan. Ukraina TIV Qirg‘iziston elchisini chaqirtirdi.
Nyu-York shahrida sodir bo‘lgan otishmada og‘ir yaralangan 15 yoshli o‘zbekistonlik yigit shifoxonada vafot etdi. 17 yoshli gumonlanuvchi qidiruvga berilgan.
AQSh Rossiyaga qarshi cheklovlarni chetlab o‘tishda yordam bergani uchun Qirg‘izistonga qarshi sanksiyalar joriy etishga tayyorlanmoqda, deya xabar berdi The Washington Post. Mamlakat hududi orqali sanksiyalar ostidagi mahsulotlar, xususan, Xitoy dronlari Rossiyaga yetkazib berilayotgani ta’kidlangan.
O‘zbekiston “odam savdosiga barham berish bo‘yicha minimal standartlarga to‘liq rioya etayotgani yo‘q, ammo buning uchun jiddiy sa’y-harakatlarni amalga oshirmoqda”, deyiladi AQSh Davlat departamentining dunyodagi odam savdosi bo‘yicha yangi hisobotida.
AQSh davlat kotibi Entoni Blinken Pekinda Xitoy raisi Si Szinpin bilan uchrashdi. Muzokaralarda Xitoy tomoni Rossiyaga halokatli qurollar yetkazib bermaslikka va’da berishini, Tayvan masalasida esa yon bermasligini ma’lum qildi. AQSh tomoni esa Shinjon va Gonkongdagi inson huquqlari masalasini ko‘tardi.
DXX tomonidan Samarqandda ikki fuqaroni Meksika orqali Qo‘shma Shtatlarga yuborishi uchun 44 ming dollar talab qilgan shaxs ushlandi.
2022-yilda AQShning Toshkentdagi elchixonasi murojaat qilgan O‘zbekiston fuqarolarining 47 foiziga viza berishdan bosh tortgan. AQSh elchisi Jonatan Xenik rad etishlar ko‘payganiga qaramay, rekord miqdorda viza berilayotganini ta’kidladi va AQShga Meksika orqali noqonuniy migratsiya urinishlariga izoh berdi.
Jo Bayden AQSh davlat qarzi chegarasini vaqtincha bekor qiluvchi qonunni imzoladi. Bu AQSh tarixidagi birinchi defoltdan qutulib qolish imkonini beradi. Agar davlat qarzi chegarasi bekor qilinmaganida yoki oshirilmaganida, AQSh G‘aznachiligi hukumat faoliyatini moliyalashtirish imkoniyatini yo‘qotgan bo‘lardi.
AQSh Kongressining Vakillar palatasi defoltga yo‘l qo‘ymaslik uchun davlat qarziga qo‘yilgan yuqori chegarani oshirish bo‘yicha qonun loyihasini ma’qulladi. Qonun 2025-yilning 1-yanvarigacha federal hukumatga qo‘yilgan chegaradan ko‘proq miqdorda qarz olish imkonini beradi.
AQSh moliya vaziri Janet Yellen mamlakatda kutilayotgan ehtimoliy defolt sanasini 1-iyun deb e’lon qilgach, bu boradagi muhokamalar yanada qizg‘in tus oldi. Ehtimoliy yoki muqarrar defoltning sabablari, potensial oqibatlari va AQSh hukumati ixtiyoridagi favqulodda choralar to‘g‘risida “Gazeta.uz” sharhi.
AQSh Rossiyaga qarshi yangi sanksiyalar kiritdi: “qora ro‘yxat”da 100 dan ortiq kompaniya, o‘nlab jismoniy shaxslar, shuningdek, eksport embargosi ostida bo‘lgan 1000 dan ortiq turli tovarlar mavjud. Rossiya TIV bunga javoban 500 nafar amerikalik, jumladan, Barak Obamaning mamlakatga kirishini taqiqladi.
AQSh ichki xavfsizlik vaziri Alexandro Mayorkas chegarani noqonuniy kesib o‘tganlarga boshpana berilmasligi to‘g‘risidagi bayonot bilan chiqdi (bu hamrohi bo‘lmagan migrant bolalarga taalluqli emas). O‘zgarish koronavirus cheklovlari olib tashlangach, chegarada muhojirlar soni keskin oshishi fonida sodir bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting