Jamiyat
“Afg‘onistondan O‘zbekistonga metamfetamin oqimi ko‘payishi mumkin” — CADAP dasturi rahbari
Afg‘onistonda ko‘knori yetishtirish sezilarli darajada kamaygan bo‘lsa-da, u yerda opioidlar o‘rnini bosuvchi metamfetamin ham yetishtiriladi. Shu munosabat bilan O‘zbekistonga metamfetamin yetkazib berish ko‘payishi mumkin, deya ogohlantirdi Markaziy Osiyoda narkotik moddalar tarqalishining oldini olish dasturi.
“Sog‘liqni saqlash bo‘yicha yagona axborot tizimi kerak” — YUNISEFning O‘zbekistondagi sobiq rahbari
YUNISEFning O‘zbekistondagi vakolatxonasi sobiq rahbari Munir Mamedzade “Gazeta.uz”ga bergan intervyusida ijtimoiy sektor ehtimoliy favqulodda chaqiriqlarga hozircha tayyor emasligi va nima uchun mamlakatga sog‘liqni saqlashning barcha masalalarini qamrab oluvchi yagona axborot tizimi kerakligini tushuntirdi.
AQSh universitetlarida o‘qiyotgan o‘zbekistonliklar soni o‘tgan o‘quv yilida 72,6 foizga oshdi
Xalqaro ta’lim instituti ma’lumotlariga ko‘ra, 2022−2023 o‘quv yilida AQSh universitetlarida o‘zbekistonlik 1000 dan ortiq talaba tahsil olgan. Bu oldingi yilga nisbatan 72,6 foizga ko‘p.
2024-yildan Sariosiyo aeroportiga qatnovlar tiklanadi — prezident
2024-yildan Surxondaryoning Sariosiyo tumanidagi aeroportga yo‘lovchi samolyotlari qatnay boshlaydi, Sariosiyo va Toshkent o‘rtasida poyezd qatnovi amalga oshiriladi, dedi Shavkat Mirziyoyev. Shuningdek, u Boysunda ochiq osmon muzeyini tashkil etish rejasini ham ma’lum qildi.
1-dekabrdan ish haqi, pensiya va ijtimoiy nafaqalar miqdori 7 foizga oshadi
Prezident farmoni bilan 1-dekabrdan ish haqi, pensiyalar va ijtimoiy nafaqalar miqdori 7 foizga oshiriladi. Shuningdek, bazaviy hisoblash miqdori (BHM) 340 ming so‘m etib belgilanmoqda.
Toshkenting to‘rtta tumanida issiq suv va isitish tizimi vaqtincha o‘chiriladi
18-noyabr kuni Yunusobod, Olmazor, Shayxontohur va Mirzo Ulug‘bek tumanlarining ayrim hududlarida issiq suv va issiqlik ta’minoti vaqtincha o‘chiriladi.
Amir Temur xiyoboni atrofidagi trotuarlar bruschatkalari yangilanmoqda — poytaxt hokimligi
Toshkent shahri hokimligi Amir Temur xiyoboni atrofidagi ta’mirlash ishlari yuzasidan ma’lumot berdi. U yerda piyodalar yo‘laklariga yotqizilgan bruschatkalar va yo‘lning asfalt qoplamasi yangilanmoqda. Hokimlik hudud ko‘rinishi keskin o‘zgarib ketmasligiga ishontirdi.
Surxondaryo yoshlarini sportga jalb qilishga 30 mlrd so‘m ajratiladi
Prezident Termizdagi Yoshlar sanoat va tadbirkorlik zonasiga bordi. U Surxondaryo yoshlarining sportga qobiliyati zo‘rligi, ammo ular shug‘ullanayotgan sport turlari cheklanganini aytib, bu sohaga 30 mlrd so‘m ajratilishini bildirdi. Yoshlar tadbirkorligini rivojlantirishga esa 50 mln dollar yo‘naltiriladi.
Samarqand viloyatida voyaga yetmaganlar sodir etgan jinoyatlar soni bir yilda 40 foizga ortgan
Senatning Yoshlar, madaniyat va sport masalalari qo‘mitasi majlisida Samarqandda voyaga yetmaganlarning huquqbuzarligi ortgani aytildi. Xususan, huquqbuzarlik 2021-yilda 1331 tani, 2022-yilda 3941 tani hamda 2023-yilning 8 oyi davomida esa 3128 tani tashkil etgan. Jinoyatlar soni esa 40 foizga ortgan.
Prezident: “Suv tekin emas, degan g‘oyani aholiga chuqur singdirish lozim”
Shavkat Mirziyoyev Surxondaryoga tashrifi chog‘ida O‘zbekistondagi suv muammosi haqida gapirdi. U “suv tekin emas”, degan g‘oyani aholiga chuqur singdirish va buni kundalik turmush qoidasiga aylantirish asosiy vazifa bo‘lishi lozimligini ta’kidladi.
Namangandagi bog‘chada bolalarni urgan tarbiyachi ishdan olinadigan bo‘ldi
Chustdagi davlat bog‘chasida tarbiyachi qizchani kiyim almashtirish chog‘ida urgani aks etgan video tarqaldi. Holatni o‘rgangan MMTB voqea 2022-yilda bo‘lgani, o‘sha yili xodim boshqa lavozimga tushirilganini bildirdi. Hozirda tarbiyachini ishdan olish masalasi ko‘rilmoqda. Bog‘cha ta’mir ishlari uchun yopilgan.
Dam olish kunlari havo harorati pasayib, yomg‘ir yog‘adi
Dam olish kunlari O‘zbekistonga nam va sovuq havo massasi kirib keladi. Harorat kechasi +5…+10, kunduzi +13…+18 darajagacha pasayadi. Shanba kuni respublika bo‘yicha yomg‘ir yog‘adi. Joylarda shamol tezligi kuchayishi mumkin.
“O‘zlashtirmaydigan bola bo‘lmaydi”. YUNISEFning O‘zbekistondagi sobiq rahbari — ijtimoiy himoya va inklyuziya haqida
O‘zbekistonda o‘z missiyasini yakunlagan YUNISEF rahbari Munir Mamedzade ijtimoiy faoliyatning ahamiyati va nima uchun ijtimoiy himoya sohasidan tezkor natijalarni talab qilib bo‘lmasligi haqida gapirdi. Shuningdek, u bolalarning bilim olish qobiliyati ular uchun mos muhit yaratishga bog‘liqligini ta’kidladi.
Toshkentda haydovchilar yo‘l talashishi oqibatida ommaviy mushtlashuv yuz berdi
Mirobod tumanida Spark va Nexia haydovchilari yo‘l talashib, mojaro ommaviy mushtlashuvga aylandi. Hodisa oqibatida yo‘lovchilardan biri stomatologiya klinikasiga murojaat qildi. Holat yuzasidan bezorilik bo‘yicha jinoyat ishi qo‘zg‘atildi.
Prezident Surxondaryoda ichimlik suvi ta’minoti loyihasining birinchi bosqichini ishga tushirdi
Surxondaryoda ichimlik suvi ta’minoti loyihasining birinchi bosqichi ishga tushirildi. Mazkur bosqichda suv Sariosiyo, Denov, Sho‘rchi va Qumqo‘rg‘on tumanlariga yetib bordi. Viloyat aholisining markazlashgan ichimlik suvi bilan ta’minlanish darajasi 70 foizga yetdi.
O‘zbekiston aeroportlarida unutib qoldirilgan yuklar sotilmaydi — Uzbekistan Airports tarqalgan xabar haqida
Tarmoqlarda Toshkent xalqaro aeroportida unutib qoldirgan yuklar 26 ming so‘mdan sotilayotgani haqida xabar tarqaldi. Uzbekistan Airports yolg‘on ma’lumotlarga ishonmaslikka va firibgarlarga pul o‘tkazmaslikka chaqirdi. Kompaniya yuklari sotilmasligi va uchinchi shaxslarga berilmasligi bildirdi.
“Nega mening bolam tajriba quyoni qilindi?” — “Dok-1 Maks” ishi bo‘yicha jabrlanuvchilarning 13-noyabrdagi ko‘rsatmalari
“Dok-1 Maks” ishi bo‘yicha 13-noyabrda bo‘lgan sudda farzandidan ayrilgan to‘qqiz jabrlanuvchi ko‘rsatma berdi. Ulardan biri Farmagentlik sobiq rahbari Sardor Kariyev bilan munozaraga kirishdi. Sudda tibbiyot xodimlari va Sog‘liqni saqlash vazirligining mas’uliyatsizligiga e’tibor qaratish chaqiriqlari yangradi.
O‘zbekistonda 9 oyda onalar o‘limi 100 ming tirik tug‘ilishga nisbatan 14,1 promillini tashkil etdi
O‘zbekistonda 9 oy davomida onalar o‘limi ko‘rsatgichi 100 ming tirik tug‘ilishga nisbatan 14,1 promillini tashkil etdi. Bu ko‘rsatkich 2022-yilning shu davriga nisbatan 13,1 promilliga teng bo‘lgan. Xususan, Sirdaryo viloyatida ko‘rsatkich 11,6 promillidan 45,6 promilliga oshgan.
Toshkent viloyatida vertolyot va Captiva`lardan iborat to‘y korteji uyushtirildi
Oqqo‘rg‘on tumanida kelin-kuyovni olib ketayotgan vertolyot va yettita Captiva ishtirokida to‘y korteji uyushtirildi. Toshkent viloyati YHXB kortej ishtirokchilariga nisbatan ma’muriy bayonnomalar rasmiylashtirilganini bildirdi.
Sanitariya va gigiyena qoidalarini buzganlik uchun jarima jazosi kuchaytirildi
Ma’muriy javobgarlik to‘g‘risidagi kodeks va Litsenziyalash bo‘yicha qonunchilikka o‘zgartirish kiritildi. Endi sanitariya va gigiyena qoidalarini buzgan fuqarolar 3,3 mln so‘mgacha, mansabdor shaxslar 6,6 mln so‘mgacha jarima to‘laydi. Shuningdek, litsenziya shartlarini muntazam buzganlar undan 1 yilga mahrum bo‘ladi.
Eng ko‘p o‘qilgan xabarlar | So‘nggi yangiliklar
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting