Jamiyat
Jizzaxda 18 ming AQSh dollarga o‘qishga kiritmoqchi bo‘lganlar ushlandi
Jizzaxda 2 nafar fuqaroni 18 ming AQSh dollari evaziga xorij universitetlaridan biriga kiritib qo‘ymoqchi bo‘lganlar ushlandi. Firibgarlik va pora berish moddalari bilan jinoyat ishi qo‘zg‘atildi.
Toshkentdagi ommaviy to‘planishga sababchi bo‘lgan rossiyalik bloger jarimaga tortildi
Amir Temur xiyobonida 150−200 ga yaqin fuqarolar to‘planishiga sababchi bo‘lgan rossiyalik bloger Subxan Mamedov (Subo) ma’muriy javobgarlikka tortildi. Unga 1 mln 225 ming miqdorida jarima jazosi tayinlandi.
O‘zbekistonga 90 ming doza «Sputnik V» vaksinasi olib kelindi
Toshkentga Rossiyadan «Sputnik V» vaksinasining 70 ming dozalik 1-komponenti, 20 ming dozalik 2-komponentini yetkazib berildi.
14 iyul kuni O‘zbekistonda sodir bo‘lgan eng muhim xabarlar dayjesti
Amir Temur xiyobonidagi ommaviy to‘planish, Buyuk Britaniyaning “oltin vizasi"ni olgan o‘zbekistonliklar, noqonuniy yer sotish bilan bog‘liq holatlar, Yangi O‘zbekiston universitetining kontrakt narxi, Andijonda IIB xodimlari fuqaroning qo‘lini sindirgani rad etilishi — “Gazeta.uz"ning 14 iyuldagi eng muhim xabarlari dayjestida.
Andijonda IIB xodimlari fuqaroning qo‘lini sindirgani rad etildi
Andijon shahar deputati Jahongir Jiyanov IIB xodimlari fuqaroning qo‘lini sindirgani haqida xabar berdi. Bosh prokuratura Andijon shahar prokuraturasi tergovga qadar tekshiruv o‘tkazayotganini ma’lum qildi. IIV matbuot kotibi esa fuqaroga IIB xodimlari tomonidan jarohat yetkazilganini rad etdi. Xabar berilishicha, fuqaro ertalab tez tibbiy yordam bo‘limiga IIO xodimlari tan jarohati yetkazganligi bo‘yicha murojaat etgan. Hozirda fuqaro jarohatni qayerda olganligi bo‘yicha surishtiruv ishlari amalga oshirilmoqda.
Energetika sohasining faxriy xodimi Ruslan Mubarakshin vafot etdi
O‘zbekiston energetika sohasining faxriy xodimi Ruslan Mubarakshin 59 yoshida vafot etdi. U 2021 yil fevraldan hozirga qadar “Chirchiq transformator zavodi” AJ bosh direktori lavozimida faoliyat yuritib kelayotgan edi.
SSV Amir Temur xiyoboni yaqinidagi ommaviy to‘planish bo‘yicha izoh berdi
Karantin qoidalari va cheklovlari qo‘pol ravishda buzilayotgan holatlar, xususan, 13 iyul kuni Toshkentdagi Amir Temur xiyobonida 150−200 nafarga yaqin yoshlar yig‘ilgan holati epidemiologik vaziyatning yanada og‘irlashishiga olib kelishi mumkin, deya ma’lum qildi Sog‘liqni saqlash vazirligi. «Kasallikning yangi shtammlari tez yuqishi, jadal rivojlanishi hamda yashirin ravishda organizmni kuchli jarohatlashi kuzatilmoqda», — deya qo‘shimcha qilinadi xabarda.
O‘zbekiston Xalq o‘qituvchisi To‘xtamurod Jumayev vafot etdi
O‘zbekiston Xalq o‘qituvchisi, «Buyuk xizmatlari uchun» va «Mehnat shuxrati» ordenlari sohibi, «Qorako‘l maktabi» asoschisi To‘xtamurod Jumayev 76 yoshida vafot etdi.
Yangi O‘zbekiston universitetida bir yillik kontrakt narxi qariyb 50 mln so‘m bo‘ladi
Yangi O‘zbekiston universitetida mahalliy talabalar uchun bir yillik kontrakt narxi 49 mln 700 ming so‘m ekanligini ma’lum qilindi. Xorijiy talabalar uchun esa 10 ming dollar etib belgilandi.
Farg‘onada 50 sotix yerni 25 ming dollarga sotmoqchi bo‘lgan shaxs qo‘lga olindi
Farg‘ona viloyatida qurilish balansida bo‘lgan 50 sotix yer maydonini 25 ming dollarga sotmoqchi bo‘lgan shaxs qo‘lga olindi. Shuningdek, Namangan viloyati, Buxoro viloyati, Sirdaryo viloyatining Sardoba, Toshkent shahrining Chilonzor hamda Navoiy viloyatining Qiziltepa tumanlarida ham noqonuniy yer sotish bilan bog‘liq holatlar aniqlandi.
O‘zXDP yo‘llarda radarlardan foydalanish tartibini qayta ko‘rib chiqishni taklif qilmoqda
O‘zXDP deputati Sherzod Rahmonov ayrim yo‘l harakati qoidalarini qayta ko‘rib chiqish zarurligini ta’kidladi. Xususan, partiya harakatlanayotgan transport vositalarida radarlardan foydalanishni bekor qilishni va barcha turdagi radarlarning joylashuvi onlayn rejimda ko‘rsatilishini taklif qilmoqda.
Vaksina olish uchun yaratilgan imkoniyatlardan 2 baravar past darajada foydalanyapmiz — Nurmat Otabekov
SES rahbari o‘rinbosari Nurmat Otabekov ta’kidlashiga ko‘ra, hozirda O‘zbekiston bo‘ylab emlash tadbirlari uchun yaratilgan imkoniyatlarning teng yarmidan foydalanilmoqda. Har bir emlash punktida kuniga 36 nafar fuqaro emlanmoqda, rejada esa 70 kishi bo‘lgan. «Vaksinadan boshqa biz epidemik vaziyatni barqarorlashtiradigan bir taklifni yoki qandaydir tashabbusni ko‘rmayapmiz», — dedi u. Shuningdek, vaksinatsiya jarayonlarida faol ishtirok etayotgan tibbiyot xodimlariga rag‘bat sifatida moddiy qo‘llab-quvvatlash mexanizmlarini joriy etish rejalashtirilmoqda.
Farg‘ona vodiysining tog‘li hududlariga sel kelishi xavfi kutilmoqda
O‘zgidromet kecha Namangan viloyatining Kosonsoy tumanida sodir bo‘lgan, sakkiz kishi halok bo‘lgan sel kelishi holati bo‘yicha ma’lumot berdi. Shuningdek, 15−16 iyul kunlari Andijon, Namangan va Farg‘ona viloyatlarining tog‘ oldi va tog‘li hududlarida sel kelishi xavfi borligi haqida xabar berildi.
«Maktabning maqsadi „universal odam“ yaratish emas» — Respublika ta’lim markazi direktori
Respublika ta’lim markazi direktori Shuhrat Sattorovning fikricha, o‘quv dasturlari va darsliklarda asosiy e’tibor o‘quvchilarga qoidalar va ma’lumotlarni yodlatishga emas, mustaqil hayotda kerak bo‘ladigan ko‘nikmalarni rivojlantirishga qaratilishi kerak. Biroq bunday yondashuv asosida darsliklar yaratish jarayoni har doim ham silliq kechayotgani yo‘q. Bu haqida u «Gazeta.uz»ga bergan intervyusida gapirib berdi.
Xalq ta’limi tizimiga qariyb 45 ming nafar erkak o‘qituvchi qaytdi
O‘zbekistonda qariyb 45 ming nafar erkak o‘qituvchi xalq ta’limi tizimiga qaytdi. Shuningdek, o‘rta maxsus ma’lumotli o‘qituvchilar soni 64 ming 892 nafardan 46 ming 214 nafarga (30%ga) kamaygan.
Amir Temur xiyobonidagi ommaviy to‘planishga rossiyalik bloger sabab bo‘lgan — poytaxt IIBB
13 iyul kuni Amir xiyobonida 150−200ga yaqin fuqarolar to‘plangan. Toshkent shahar IIBBning ma’lum qilishicha, bunga rossiyalik bloger, «Subo»ning obunachilariga pul tarqatish haqidagi e’loni sabab bo‘lgan. Ichki ishlar organlari tomonidan to‘plangan fuqarolarga karantin qoidalariga rioya qilish va ommaviy to‘planmaslik kerakligi tushuntirilgan hamda ular tarqatilgan, deyiladi boshqarma bayonotida.
13 iyul kuni O‘zbekistonda sodir bo‘lgan eng muhim xabarlar dayjesti
Toshkentning 11 tumanida koronavirusga chalingan bemorlarni davolash uchun tashkil etilgan maxsus poliklinikalar, O‘zbekistonning London fond birjasiga $635 mln va 2,5 trln so‘mlik yevrobondlarni joylashtirish, Kosonsoy tumanida sel kelishi — «Gazeta.uz»ning 13 iyuldagi eng muhim xabarlari dayjestida.
Qurbon hayiti 20 iyul kuni nishonlanadi, o‘zbekistonliklar 3 kun dam oladi
O‘zbekistonda Qurbon hayiti bayrami 20 iyul kuni nishonlanadi. Bayram munosabati bilan o‘zbekistonliklar 21−22 iyul kunlari ham dam olishadi.
Biz emlash bo‘yicha boshqa davlatlarga qaraganda yaxshi ko‘rsatkichda ketyapmiz — Sherzodxon Qudratxo‘ja
Xalqaro press-klub raisi Sherzodxon Qudratxo‘ja vaksinatsiya bo‘yicha O‘zbekiston yaxshi ko‘rsatkichda ketayotganligini ta’kidladi. 12 iyul holatiga O‘zbekistonda koronavirusga qarshi to‘liq emlangan fuqarolar mamlakat aholisining 2,64 foizini tashkil qilmoqda.
Islom dinida vaksina olishga taqiq yo‘q — Musulmonlar idorasi raisi o‘rinbosari
Islom dinida koronavirusga qarshi vaksina olish bo‘yicha taqiq yo‘qligi aytildi. Ta’kidlanishicha, dinda xarom deyilgan narsalar insonning sog‘ligini saqlashda shundan boshqa chora qolmasa, o‘sha narsadan foydalanish yoki uni iste’mol qilishga ham ruxsat beriladi. “Mutaxassis shuni davo deb tayinladimi, demak, bu halol tomonga o‘tdi”, — dedi Musulmonlar idorasi raisining birinchi o‘rinbosari Homidjon Ishmatbekov.
Eng ko‘p o‘qilgan xabarlar | So‘nggi yangiliklar
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting