Jamiyat
Toshkentda avtomobil urib yuborishi natijasida piyoda halok bo‘ldi
30 avgustda piyoda yuqori tezlikda harakatlanib kelayotgan Nexia-3 avtomobili urib yuborishi oqibatida voqea joyida vafot etdi. YTHni sodir etgan shaxs Toshkent shahar ma’muriy sudi sudyasining katta yordamchisi ekani aytilmoqda. Holat yuzasidan jinoyat ishi qo‘zg‘atildi.
DXX Zangiota tuman hokimligi xodimini hibsga oldi
Zangiota tuman hokimligi xodimi ikki fuqaroni Qirg‘izistonda o‘qiyotgani haqidagi soxta hujjat tayyorlab, keyin o‘qishini poytaxtdagi OTMga ko‘chirib berishiga ishontirgani aytilmoqda. DXX o‘tkazgan tezkor tadbirda gumonlanuvchi 18 ming dollarni olganida ushlandi. Shunga o‘xshash yana ikki holat aniqlandi.
2022-yilda ishbilarmon xotin-qizlarni qo‘llab-quvvatlashga qo‘shimcha 1 trln so‘m ajratiladi
2022-yilda xotin-qizlarning tadbirkorligini rivojlantirish uchun qo‘shimcha 1 trillion so‘m ajratiladi, deya ma’lum qildi Oila va xotin-qizlar qo‘mitasi. Shuningdek, soha rivoji uchun xalqaro moliya institutlaridan $300 mln jalb etilishi rejalashtirilmoqda.
CPJ vakilining O‘zbekistonga kirishiga rad javobi berildi, biroq keyinroq ruxsat etildi
Jurnalistlarni himoya qilish qo‘mitasi (CPJ) dasturi koordinatori Gulnoza Saidning O‘zbekistonga kirishiga rad javobi berilib, ortga — Nyu-Yorkka qaytarib yubormoqchi bo‘lishdi. Biroq Mass-mediani qo‘llab-quvvatlash fondi aralashuvi bilan uning mamlakatga kirishiga ruxsat etildi.
Prezident qatag‘on qurbonlarini yod etish marosimida qatnashdi (foto)
31 avgust tongida Shavkat Mirziyoyev Shahidlar xotirasi xiyobonida qatag‘on qurbonlarini yod etish marosimida ishtirok etdi. Qolaversa, davlat rahbari «Yangi O‘zbekiston» bog‘idagi Mustaqillik monumenti poyiga gul qo‘ydi. Kechga yaqin mustaqillikning 31 yilligiga bag‘ishlangan bayram tadbiri bo‘lib o‘tadi.
“Saxovat” va “Muruvvat” uylari hamda respublika pansionati Davlat bojxona qo‘mitasiga biriktiriladi
Prezident qarori bilan “Saxovat” va “Muruvvat” uylari hamda Urush va mehnat faxriylari uchun respublika pansionati DBQga biriktiriladi. Yuklatilgan vazifalar qo‘mitaning maxsus jamg‘arma mablag‘lari hisobidan amalga oshiriladi.
Sentabr oyining birinchi besh kunligi issiq bo‘lishi kutilmoqda — O‘zgidromet
O‘zgidrometning ma’lumot berishicha, 2−4 sentabr kunlari havo harorati shimoliy va markaziy viloyatlarda +39 darajagacha, janubiy viloyatlarida esa +40 darajagacha issiq bo‘ladi.
30 avgust kuni O‘zbekistonda sodir bo‘lgan eng muhim xabarlar dayjesti
Chet el fuqarolarini mukofotlagan prezident, Samarqandda 19 sentabrdan boshlanadigan darslar, Yoshlar telekanalida «blur» qilib ko‘rsatilgan Ukraina bayrog‘i, Nukus voqealaridan so‘ng ozodlikka chiqarilgan 24 nafar fuqaro, 1 sentabrgacha to‘lab beriladigan pensiya va boshqalar — «Gazeta.uz» da kun dayjesti.
Qoraqalpog‘istonda namoyishlarda qatnashganlikda gumonlangan yana 10 kishi jamoat kafilligi asosida oilalariga qaytarildi
Qoraqalpog‘istondagi namoyishlarda ishtirok etganlikda gumonlanayotgan 10 nafar fuqaroning qamoq ehtiyot chorasi uy qamog‘iga almashtirildi. Avvalroq 24 kishining jamoat kafilligi asosida o‘z oilasiga qaytarilgani xabar qilingan edi.
Qarama-qarshi yo‘nalishda harakatlangan Lacetti haydovchisi 15 sutkaga qamaldi
Toshkentning Chilonzor tumanida qarama-qarshi yo‘nalishda harakatlangan Lacetti haydovchisiga 15 sutka ma’muriy qamoq jazosi tayinlandi. U hujjatlari yo‘qligi hamda belgilanmagan joyda qayrilib olgani uchun uni to‘xtatgan YHXBB xodimlaridan yashirinishga uringanini aytdi.
83 marta qoida buzgan Surxondaryo YHXBga tegishli ikki mashina jarimasi bekor qilindi
Surxondaryo YHXBga tegishli 75 424 VSF hamda 75 701 VSF raqamli ikkita «Lacetti» mashinasi jami 83 marta qoida buzgani, biroq jarima undirilmagani ma’lum bo‘ldi. Viloyat prokuraturasi haydovchilar qoidalarni xizmat davomida «oxirgi zarurat holatida buzgani» sababli jarimalar bekor qilinganini qayd etdi.
Islom Karimov nomidagi kutubxona foydalanishga topshirildi — fotoreportaj
Poytaxtdagi Oqsaroy qarorgohida Islom Karimov nomidagi kutubxona rasman ochildi. 70 mingdan ortiq kitob va 10 mingdan ziyod jurnalni jamlagan kutubxonada olim va tarixchilarning birinchi prezident haqidagi qo‘lyozmalari ham mavjud. Barchani 5 sentabrdan qabul qiladigan maskandan «Gazeta.uz» fotoreportaji.
Futboldagi Ukraina bayrog‘i montajchi xatosi bilan xiralashtirilgan — «Yoshlar» telekanali
«Yoshlar» telekanalining «Yangi davr» ko‘rsatuvida Real Madrid jamoasi nomi yonidagi Ukraina bayrog‘i xiralashtirib ko‘rsatildi. Buni montajchi xato qo‘yilgan deb o‘ylagan va o‘zboshimchalik bilan berkitgan, deya tushuntirdi telekanal rahbariyati. Montajchi va mas’ul muharrir jazolangani aytilmoqda.
OIV va OITS bilan kasallanganlikda gumonlangan shaxslarni majburiy tekshiruvdan o‘tkazish taklif etilmoqda
IIV OIV/OITS bilan kasallanganlikda gumon qilinayotgan shaxslarni majburiy tibbiy tekshiruvdan o‘tkazish tartibini belgilashni taklif qilmoqda. «Xavfli guruh» qatoridagilar va ular bilan aloqada bo‘lgan shaxslar ushbu toifaga kirishi mumkin.
Asialuxe Travel va Travel World Group kuz-qish mavsumida Chexiyaga sayohatlarni e’lon qildi
Travel World Group va Asialuxe Travel kompaniyalari Chexiyaga to‘g‘ridan-to‘g‘ri parvozlar amalga oshirishda, mehmonxona topish va viza olishga yordam beradi.
O‘zbekistonda 190 mingdan ortiq abituriyent talaba bo‘ldi — DTM
Davlat test markazi 2022−2023 o‘quv yili uchun 190 375 nafar abituriyent talabalikka tavsiya etilganini ma’lum qildi. Xususan, 39 962 nafari davlat granti, 150 413 nafari esa to‘lov-kontrakt asosida o‘qishga kirdi. OTMga qabul qilinganlarning 13 mingdan ko‘prog‘i imtiyozga ega nomzodlar hisoblanadi.
Shavkat Mirziyoyev bir guruh Ozarbayjon fuqarolarini mukofotladi
Prezident O‘zbekiston va Ozarbayjon o‘rtasida birodarlik rishtalarini mustahkamlashga qo‘shayotgan munosib hissasi uchun bir guruh ozarbayjonliklarni taqdirladi. Ulardan biriga «O‘zbekiston xalq artisti» faxriy unvoni, qolgan uch nafariga esa «Do‘stlik» ordeni berildi.
Bayram munosabati bilan pensiya to‘lovlari plastik kartaga 1-sentabrgacha to‘lab beriladi
Pensiya jamg‘armasi mustaqillik bayrami munosabati bilan sentabr uchun pensiya va nafaqa to‘lovlari (naqdsiz shaklda) oyning birinchi sanasigacha plastik kartalarga o‘tkazilishini ma’lum qildi. Naqd shaklda oluvchi fuqarolarga esa 5-sentabrdan boshlab nafaqa pullari yetkazib beriladi.
Xivaga boruvchi tezyurar poyezdga Jaloliddin Manguberdi nomi beriladi
Prezident taklifiga ko‘ra, Toshkentdan Xivaga qatnovchi tezyurar poyezdga Jaloliddin Manguberdi nomi beriladi. U 2024 yilda ishga tushirilishi rejalashtirilgan.
Samarqandda ilk bor kon texnogen chiqindilaridan volfram olindi
Samarqand viloyatida joylashgan «Ingichka» konining texnogen chiqindilaridan ilk marta volfram mahsuloti olinganligi ma’lum qilindi. Ushbu loyihaning yo‘lga qo‘yilishi 150 ta yangi ish o‘rnini yaratib, qayta ishlash evaziga yiliga 100 tonna volfram olishga imkon berdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting