Jamiyat
Samara yaqinida minglab o‘zbekistonliklar uylariga qaytishga harakat qilmoqda
Rossiyaning turli mintaqalaridan kelgan 4500 nafarga yaqin O‘zbekiston fuqarosi Samara yaqinidagi vaqtinchalik chodir lageridan uylariga qaytish uchun imkoniyat kutmoqda, deya xabar qildi «Novaya gazeta». O‘zbekiston parvozlarni qayta tiklashga urinmoqda, ammo masalaning yechimi ko‘proq Rossiyaga bog‘liq, deya ta’kidladi Transport vazirligi vakili.
Uchko‘prikda haydovchilik guvohnomasi bo‘lmagan yigit rulda uxlab qolib, piyodani urib yubordi
Uchko‘prik tumanida haydovchilik guvohnomasi bo‘lmagan yigit boshqaruv vaqtida uxlab qolib, yo‘l chetida to‘xtab turgan piyodani urib yubordi. YTH natijasida 44 yoshli fuqaro shifoxonada vafot etdi.
Bolalar kutubxonasi binosi rekonstruksiya qilinadi
Respublika bolalar kutubxonasi metsenatlar mablag‘lari hisobidan rekonstruksiya qilinadi. Kutubxonada kovorking uchun xonalar, laboratoriyalar va studiya barpo etiladi. Loyihaga binoan, binoning tarixiy ko‘rinishi saqlab qolinadi. Ish 2021 yilning bahorigacha yakunlanishi ko‘zda tutilmoqda.
1700 ga yaqin o‘zbekistonliklar Rossiyadan olib kelindi
Rossiyaning Samara viloyati va Yekaterinburg shahridan temir yo‘l reyslari orqali deyarli 1700 fuqaro O‘zbekistonga olib kelindi. Kelganlarning barchasi karantinga yuborildi.
Xalq deputatlari kengashlarining o‘z kotibiyatlari bo‘ladi
Xalq deputatlari viloyat, tuman va shahar Kengashi faoliyatiga tashkiliy-texnikaviy va boshqa jihatlardan xizmat ko‘rsatish vazifasi hokimliklar apparatidan tegishli xalq deputatlari Kengashi kotibiyati zimmasiga o‘tkazildi. Senat raisi Tanzila Narbayevaning ta’kidlashicha, deputatlar ushbu o‘zgarishlarni uzoq yillar orzu qilishgan.
Guljahon Yo‘ldoshevaning qo‘lga olinishiga reanimatolog Farrux Rustamovning o‘limi sabab bo‘lgan
Toshkent viloyat yuqumli kasalliklar shifoxonasi bosh shifokori Guljahon Yo‘ldoshevaning hibsga olinishiga reanimatolog Farrux Rustamovning koronavirusdan vafot etgani sabab bo‘lgani ma’lum qilindi. Marhum vafotidan so‘ng «Jasorat» medali bilan taqdirlangan.
Fuqarolarning diniy huquq va erkinliklari kengaytirilmoqda
Oliy Majlis Qonunchilik palatasi «Vijdon erkinligi va diniy tashkilotlar to‘g‘risida"gi qonunga o‘zgartish va qo‘shimchalar kiritish haqidagi qonunni qabul qildi. Unga ko‘ra, ota-onalarga farzandlariga uy sharoitida din asoslarini o‘qitishga ruxsat berilmoqda. Shuningdek, fuqarolarning jamoat joylarida ibodat liboslarida yurishlariga yo‘l qo‘ymaslik talabi bekor qilinadi.
OTMlarga kirish imtihonlari o‘tkazilishiga doir yakuniy ma’lumotlar e’lon qilindi
O‘zbekistonda OTMlarga kirish imtihonlari yakunlari e’lon qilindi. Imtihonlarda 1,2 mln nafar (95,1%) abituriyent qatnashdi. 63 ming nafari esa kelmagan, 1187 nafari esa test sinovlaridan chetlashtirilgan. 90 nafar abituriyentda tana harorati 37 darajadan yuqori ekanligi aniqlangan.
IIO xodimlarining havo sharlari sotuvchilaridan ularni tortib olib, uchirib yuborganiga izoh berildi
Ijtimoiy tarmoqlarda Toshkent IIBB xodimlarining ko‘cha sotuvchilaridan havo sharlarini tortib olib, ularni osmonga uchirib yuborayotgani aks etgan video tarqaldi. Poytaxt IIBB buni sharlarning yonuvchi gaz bilan to‘ldirilgani, ular portlagan taqdirda, atrofdagilarga zarar yetkazishi mumkinligi bilan izohladi.
Xavfsiz, tartibli va qonuniy mehnat migratsiyasi tizimining asosiy yo‘nalishlari belgilandi
Xavfsiz, tartibli va qonuniy mehnat migratsiyasi tizimining 6 ta asosiy yo‘nalishi belgilandi. Xususan, xorijdagi vatandoshlar tashkilotlari va o‘zbek diasporalari bilan aloqalarni mustahkamlanadi, mehnat migrantlari moliyaviy va ijtimoiy qo‘llab-quvvatlanadi, ularning hayoti va sog‘lig‘ini sug‘urtalash amaliyoti kengaytiriladi.
Xorijga ishlashga ketayotgan kam ta’minlangan oilalar a’zolariga 10 mln so‘mgacha mikroqarz beriladi
Xorijga ishga ketayotgan kam ta’minlangan oilalar a’zolariga bir yil muddatga 10 mln so‘mgacha miqdorda mikroqarzlar beriladi. Mikroqarz foiz stavkasining 14 foizli punktidan yuqori bo‘lgan qismi, lekin 21 foizdan oshmagan miqdori Bandlikka ko‘maklashish davlat jamg‘armasi mablag‘lari hisobidan kompensatsiya qilinadi. Shuningdek, 446 ming so‘m (40 doll) bir martalik moddiy yordam ko‘rsatiladi hamda ushbu maqsadlarga 4,1 mlrd so‘m mablag‘ ajratiladi.
Tashkiliy ravishda xorijda ishlashga ketayotganlar majburiy kasb-hunarga o‘qitiladi
1 yanvardan boshlab tashkillashtirilgan mehnat migratsiyasi yo‘li bilan xorijga chiqib ketayotgan shaxslarni, ishga yuborishdan oldin majburiy tartibda kasb-hunarga o‘qitish tizimi joriy qilinmoqda.
Sud Korean and Migrations bandlik agentligi ishi bo‘yicha sudlanuvchilarga hukm chiqardi
Korean and Migrations mansabdorlari, shuningdek, xususiy bandlik agentligi faoliyati bilan aloqador boshqa shaxslar firibgarlik va qalbakilashtirishda aybdor deb topildi. Agentlik direktori va Namangan viloyat filiali boshlig‘iga 9 yildan ozodlikdan mahrum etish jazosi tayinlandi.
Bir kunda sodir bo‘lgan beshta YTHda to‘qqiz kishi vafot etdi
YHXBB 13 sentyabr kuni beshta yo‘l-transport hodisasi sodir bo‘lgani haqida xabar berdi. Baxtsiz hodisalar natijasida to‘qqiz kishi halok bo‘ldi, uch kishi jarohatlandi.
Mutaxassis maktab o‘quvchilari immuniteti kuchsizlanishining sabablari to‘g‘risida
Maktab o‘quvchilarining immuniteti zaif bo‘lishining sabablari nimada, bolalar uchun sog‘lom uyqu va ovqatlanish ratsioni qay tartibda bo‘lishi kerak? Sog‘liqni saqlash vazirligining o‘quv-tarbiya muassasalari bo‘yicha bosh mutaxassisi, tibbiyot fanlari doktori Inobat Ahmedovaning tavsiyalari.
Respublika narkologiya markaziga direktor tayinlandi
Saidaxon Mirrahimova Respublika ixtisoslashtirilgan narkologiya ilmiy-amaliy tibbiyot markazi direktori lavozimiga tayinlandi. Bunga qadar u Samarqand viloyat ko‘z kasalliklari shifoxonasi bosh shifokori lavozimida ishlab kelayotgan edi.
Juma kunigacha havo salqin bo‘lishi kutilmoqda
Chorshanba kunidan boshlab butun O‘zbekiston bo‘ylab haroratning pasayishi, shamol tezligining kuchayishi va qisqa muddatli yomg‘ir yog‘ishi kutilmoqda. Shanba kunigacha kunduzgi harorat 27 daraja atrofida bo‘ladi.
Ikki nafar erkakni do‘pposlagan qiz bo‘yicha qo‘zg‘atilgan jinoyat ishi tugatildi
Namanganda ikki nafar erkakni do‘pposlagan qizga nisbatan ochilgan jinoyat ishi tugatildi. Gulsanam Alijonovaning muqaddam sudlanmaganligi, jabrlanuvchilarning da’vosi yo‘qligi, Yoshlar ittifoqi kafilligini inobatga olib, jinoyat ishini tugatishga qaror qilindi.
DTM test natijalarini e’lon qilishdagi texnik xatolik haqida xabar berdi
Davlat test markazi ba’zi abituriyentlarning test natijalarini e’lon qilishda texnik xatoga yo‘l qo‘yilganini tan oldi. Hozirda muammo bartaraf qilingan va natijalar yangilangan, deya aniqlik kiritdi DTM.
Erkinlik chegaralari
So‘z erkinligi va nafratga to‘la ritorika o‘rtasidagi huquqiy chegaralar qayerda? Internetdagi bullingga (boshqalarni tahqirlash, zo‘ravonlik) qarshi huquqiy himoyani qanday kuchaytirish mumkin? Inson huquqlari bo‘yicha huquqshunos, Global Shapers Tashkent Hub tashabbusining kurator-asoschisi Dilfuza Kurolovaning maqolasida.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting