Jamiyat
Akvaparkdagi kiyim almashtirish xonasiga kameralar o‘g‘riliklarning oldini olish uchun o‘rnatilgan — IIBB
Toshkentdagi akvaparklardan birining kiyim almashtirish xonasidan kameralar aniqlandi. IIBB murojaatni o‘rganib, kameralar tashrif buyuruvchilarning buyumlari saqlanadigan qismda joylashgani va o‘g‘rilikning oldini olish maqsadida o‘rnatilganini ma’lum qildi. Xodimlar bilan profilaktik suhbat o‘tkazilgan.
Rossiyada va dunyo bo‘ylab Navalniyni qo‘llab-quvvatlash aksiyalari o‘tkazildi
Dunyoning turli shaharlarida rossiyalik muxolifatchi Aleksey Navalniyning tug‘ilgan kuni munosabati bilan uni qo‘llab-quvvatlash aksiyalari bo‘lib o‘tdi. Rossiyada 100 dan ortiq odam piketlarda qatnashgani uchun hibsga olindi.
Toshkentda elektrobus ishtirokida YTH sodir bo‘ldi
Poytaxtda Yutong elektrobusi, Malibu 2 va Lacetti ishtirokida yo‘l transport hodisasi sodir bo‘ldi. Haydovchilardan biri shifoxonaga yotqizildi.
Xivadagi Toshhovli saroyi AQSh ko‘magida rekonstruksiya qilindi
Xivadagi XIX asrga oid Toshhovli saroyini konservatsiya qilish loyihasi yakunlandi. Ob-havo va noto‘g‘ri olib borilgan restavratsiya ishlari tufayli uning bezakli koshinlari va g‘ishtlari parchalangandi. Loyiha uchun mablag‘ AQSh tomonidan ajratildi.
Nasafnews.uz nashri hamda 3 nafar bloger faoliyatini tugatdi. Sabablar
Nasafnews.uz internet nashri rasman faoliyatini tugatayotganini e’lon qildi. Uning ortidan esa blogerlar Umid Karimov (Nasafnews.uz rahbari), Otabek Artikov va Maqsud Muzaffarov ham ortiq faoliyat yuritmasligini ma’lum qildi. “Gazeta.uz” ular bilan bog‘lanib, bunday qarorga kelish sabablarini so‘radi.
Toshkent viloyatida maktab o‘quvchisi kanalga cho‘kib ketdi
Yangiyo‘l shahrida 16 yoshli maktab o‘quvchisi Jo‘n kanaliga cho‘kib ketdi. Uning jasadi oradan bir kun o‘tib topildi.
O‘zbekistonda hafta davomida harorat ko‘tarilib boradi
O‘zbekistonda ish haftasi davomida haroratning asta-sekin ko‘tarilishi davom etadi. Kunduzi havo +40 darajagacha, janubda va cho‘l hududlarda +42 darajagacha isiydi. Bu iyun oyining birinchi o‘n kunligi uchun me’yordan 4−6 daraja yuqori hisoblanadi.
Ipak qurti urug‘ini tayyorlovchi 7 ta yangi urug‘chilik korxonasi tashkil etildi
“O‘zbekipaksanoat” uyushmasining hududlarda ipak qurti urug‘ini tayyorlovchi 7 ta yangi urug‘chilik korxonasi tashkil etildi. Shuningdek, yangi tutzorlar barpo qilish uchun 105 ming gektar yer doimiy foydalanish huquqi asosida ajratilishi belgilandi.
Farg‘onada cho‘kib ketgan maktab bitiruvchisining jasadi 9 kunda topildi
25-may kuni Qo‘shtepa tumanida maktab bitiruvchisi Katta Farg‘ona kanalida cho‘kib ketgandi. Uning jasadi oradan 9 kun o‘tib kanalning Oltiariq tumanidan oqib o‘tuvchi qismidan topildi.
Toshkentdagi mahallalardan birini suv bosdi — foto
Sergeli tumanining “Junariq” mahallasidagi 9 ta xonadonni suv bosdi. Toshqin Jun va Salar kanaliga to‘liq suv ochilgani bois yuzaga kelgan. Holat bartaraf etildi, hodisa oqibatida jarohat olgan va halok bo‘lganlar yo‘q, deyiladi xabarda.
Qashqadaryoda Damas daraga ag‘darilishi oqibatida 3 kishi halok bo‘ldi
Qamashi tumanida Damas daraga ag‘darilib ketishi oqibatida 3 kishi halok bo‘ldi, yana 3 kishi jarohatlari bilan shifoxonaga yotqizildi. Voqeaga haydovchining boshqaruvni yo‘qotishi sabab bo‘lgan.
Jomboylik ayol dalaga qoramol tushgani uchun qaynog‘asi tomonidan kaltaklandi
Jomboy tumanida 37 yoshli ayol ekin maydoniga qoramol tushgani uchun ferma ishchisi bo‘lgan qaynog‘asi tomonidan kaltaklandi. Viloyat Oila va xotin-qizlar boshqarmasi uning ahvoli nisbatan qoniqarli ekanini ma’lum qildi. Holat yuzasidan tergov harakatlari olib borilmoqda.
O‘zbekistonda ayrim hududlarga ekomahalla, ekoqishloq va ekoovul maqomi beriladi
2024-yil 1-martdan O‘zbekistonda ayrim hududlarga ekomahalla, ekoqishloq va ekoovul maqomi beriladi. Ularda elektr energiyasi quyosh batareyalariga almashtiriladi, elektrobus harakatlanishi yo‘lga qo‘yiladi va savdo shoxobchalarida plastik paketlar savdosi taqiqlanadi.
Toshkentda $22,5 ming evaziga Haj vizasini olib bermoqchi bo‘lganlar ushlandi
Yashnobod va Uchtepa tumanlarida fuqarolarga jami $22,5 ming evaziga Haj vizasi va kvota olib bermoqchi bo‘lgan firma mutasaddilari qo‘lga olindi. Ular 4 ming dollarni bo‘nak sifatida olayotganlarida ashyoviy dalillar bilan ushlangan.
Toshkent hayvonot bog‘iga yangi maymunlar keltirildi
Toshkent hayvonot bog‘iga Isroildan maymunlar oilasiga mansub bir qancha gamadrilalar keltirildi. Ularning moslashishiga isroillik mutaxassislar ko‘maklashdi.
O‘zbekistonda milliy tabiiy meros obyektlari ro‘yxati tuziladi
Go‘zal manzaralar, ko‘p asrlik daraxtlar, flamingolarning kelishi kabi tabiat hodisalari va obyektlari yaratilayotgan O‘zbekiston milliy tabiiy meros obyektlari ro‘yxatiga kiritiladi. Bu tabiatni inson harakatlaridan himoya qilish va kelajak avlodlar uchun saqlashga yordam berishi lozim.
Chilonzor IIBning 4-qavatidan sakrab vafot etgan yigit ishi bo‘yicha foto-video dalillar e’lon qilindi
Bosh prokuratura Chilonzor IIB binosida 21 yoshli yigitning 4-qavatdagi hojatxonadan sakrab vafot etgani bo‘yicha foto-video dalillarni e’lon qildi. Shuningdek, holat yuzasidan sud-tibbiy ekspertizasi tayinlangan. IIO xodimlarining xatti-harakatlariga huquqiy baho berish uchun tekshiruv o‘tkazilmoqda.
Nukus voqealari bo‘yicha apellyatsiya sudi qarori 5-iyun kuni e’lon qilinadi
Oliy sud 5-iyun kuni soat 15:00 da Qoraqalpog‘iston voqealari bo‘yicha qo‘zg‘atilgan jinoyat ishi yuzasidan 16 nafar mahkumning birinchi sud jarayoni bo‘yicha apellyatsiya shikoyatlari, shuningdek, shartli ravishda hukm qilingan 4 kishiga nisbatan prokuratura protestini ko‘rib chiqishni yakunlab, hukmni e’lon qiladi.
Haj-2023 mavsumi boshlandi: ilk ziyoratchilar Toshkentdan Madinaga uchib ketdi — foto
4-iyun kuni Uzbekistan Airways`ning bortida 240 nafar ziyoratchisi bo‘lgan ilk reysi Toshkentdan Madinaga uchib, 2023-yilgi Haj mavsumini ochib berdi. Musulmonlar idorasi ziyoratchilarning yaqinlariga tiqilinch va tirbandlikning oldini olish uchun aeroportga kelmay, masjidlardan kuzatib qo‘yishni tavsiya qildi.
Farhod Mannopov vafot etgan Star Med Center klinikasi litsenziyasi bekor qilindi
Sud Sog‘liqni saqlash vazirligi talabiga binoan Farhod Mannopov operatsiya qilingan va keyinchalik vafot etgan Star Med Center xususiy klinikasi litsenziyasini bekor qildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting