Siyosat
O‘zbekiston va YeI sheriklik hamda hamkorlik to‘g‘risidagi bitimni tezroq imzolashdan manfaatdor ekanini bildirdi
Bryusselda O‘zbekiston prezidentining tashqi siyosat bo‘yicha maxsus vakili Abdulaziz Kamilov Yevrokomissiya vakili Jivka Petkova bilan uchrashdi. Tomonlar O‘zbekiston va Yevropa Ittifoqi o‘rtasida kengaytirilgan sheriklik va hamkorlik to‘g‘risidagi bitimni tezroq imzolanishidan manfaatdor ekanini bildirdi.
Prezidentlikka sobiq nomzod Robaxon Mahmudova Oliy suddagi lavozimidan ozod etildi
Senatorlar Oliy sud raisining birinchi o‘rinbosari Robaxon Mahmudovani boshqa ishga o‘tishi munosabati bilan lavozimidan ozod etishni ma’qulladi. Manbaga ko‘ra, u 2023-yilda prezidentlikka o‘zining nomzodi ko‘rsatilgan “Adolat” partiyasini boshqarishi mumkin.
Shavkat Mirziyoyev 23−25-yanvar kunlari Xitoyda bo‘ladi
Shavkat Mirziyoyev Xitoy raisi Si Szinpinning taklifiga binoan 23−25-yanvar kunlari davlat tashrifi bilan ushbu mamlakatda bo‘ladi. U yerda oliy darajadagi muzokaralar, shuningdek, mamlakatning yetakchi kompaniyalari va bank-moliya institutlari rahbarlari bilan uchrashuvlar bo‘ladi.
Prezident transport vaziriga ogohlantirish berdi
Prezident yuk tashish uchun qo‘shimcha yig‘imlar, haydovchilar uchun viza rejimi murakkabligi va boshqa masalalar bilan lozim darajada shug‘ullanmayotgani uchun transport vazirini ogohlantirdi. Davlat rahbari ayrim elchilar va savdo maslahatchilarini ham tanqid qildi.
Investitsiyalar vaziri o‘rinbosari va Texnik tartibga solish agentligi rahbari ishdan olindi
O‘z tizimidagi kamchilik va sustkashlik bo‘lgani uchun investitsiyalar, sanoat va savdo vaziri o‘rinbosari Badriddin Abidov va Texnik tartibga solish agentligi rahbari Dilshod Sattorovni lavozimidan ozod qilindi.
“Gap butun millat salomatligi haqida ketyapti”. Deputatlar Toshkent havosi ifloslanishi yuzasidan ekologiya vazirining axborotini eshitadi
Deputatlar mamlakat va Toshkent havosining ifloslanishi haqidagi savollarga javob berishi uchun ekologiya vaziri Aziz Abduhakimovni parlamentga taklif qiladi. Bu mavzu ekologiyadan butun xalqning xavfsizligi va salomatligi bilan bog‘liq ijtimoiy ahamiyatga ega bo‘lgan darajaga ko‘tarildi, dedi deputat.
Qahramon Quronboyev O‘zbekiston mahallalari uyushmasi raisi bo‘ldi
Yangi tashkil etilgan O‘zbekiston mahallalari uyushmasiga Qahramon Quronboyev rais etib saylandi. Shu munosabat bilan u Prezident administratsiyasi Yoshlar siyosati departamentining rahbari lavozimidan ozod etildi. Shuningdek, uyushma raisiga o‘rinbosarlar ham saylandi.
Karmana tumaniga yangi hokim tayinlandi
Valijon Adizov Navoiy viloyatining Karmana tumaniga rahbar bo‘ldi. Bu tumanning avvalgi hokimi mayning ferma bilan bog‘liq mojaro tufayli ishdan olingandi.
Shamsiddin Soxibnazarov bosh prokuror o‘rinbosari — Iqtisodiy jinoyatlarga qarshi kurashish departamenti boshlig‘i etib tayinlandi
Bosh prokuratura huzuridagi Iqtisodiy jinoyatlarga qarshi kurashish departamenti boshlig‘i Shamsiddin Soxibnazarov qo‘shimcha ravishda bosh prokuror o‘rinbosari etib tayinlandi.
Prezident Yevrokomissiya vitse-prezidenti boshchiligidagi delegatsiyani qabul qildi
Prezident va Yevrokomissiya vitse-prezidenti Margaritis Sxinas O‘zbekiston hamda Yevropa Ittifoqi o‘rtasidagi sherikchilikni kengaytirish masalalarini muhokama qildi. Yanvar so‘nggida Bryusselda YeI va MO o‘rtasida transport-kommunikatsiya aloqalarini mustahkamlash bo‘yicha investorlar forumi bo‘lib o‘tadi.
9 ta tuman-shahar hokimlari inflyatsiya masalasidagi sustkashligi uchun ishdan olinishi mumkin
Joylardagi iqtisod bo‘yicha hokim o‘rinbosarlari, viloyat va tumanlardagi iqtisodiyot bo‘limlari rahbarlari inflyatsiyani jilovlashni o‘ylamayapti, deya ta’kidlandi prezident yig‘ilishida. Shu sababli bosh vazirga 9 ta tuman-shahardagi hokim va sektor rahbarlarining lavozimiga loyiqligini ko‘rib chiqish topshirildi.
8 ta tuman hokimlarining lavozimiga loyiqligi ko‘rib chiqiladi
Bosh vazirga yil davomida auksionga umuman yer chiqarmagan Baliqchi, Jalaquduq, Bektemir, Mirobod, Olmazor, Chilonzor, Yunusobod, Yakkasaroy tumanlari hokimlarining lavozimiga loyiqligini hal qilish topshirildi.
Chiroqchi tumani hokimiga hayfsan berildi
2023-yil avgust oyidan buyon Qashqadaryoning Chiroqchi tumaniga hokimlik qilib kelayotgan Fayzulla Yusupovga nisbatan hayfsan jazosi qo‘llandi. Viloyat hokimligi uning topshiriqlar ijrosida nazoratni susaytirgani va kamchiliklarga yo‘l qo‘yganini bildirdi.
“Tayvan — Xitoyning ajralmas qismi” — O‘zbekiston TIV Tayvandagi prezidentlik saylovi haqida
Tayvanda o‘tgan prezidentlik saylovida hukmron partiya nomzodi Lay Sinde g‘alaba qozondi. O‘zbekiston TIV jarayonga munosabat bildirib, mamlakat “Yagona Xitoy” tamoyilini qat’iy qo‘llab-quvvatlashi va Tayvan Xitoyning ajralmas qismi ekanini ta’kidladi.
Prezident: “Odamlarning yangilik va tahlillarga bo‘lgan ehtiyojini to‘ldirmasak, buni boshqalar qiladi” (video)
Shavkat Mirziyoyev Xavfsizlik kengashi yig‘ilishida odamlarning yangilik va tahliliy ma’lumotlarga bo‘lgan ehtiyoji to‘ldirilmasa, buni boshqa mamlakatlardagi manbalar amalga oshirishini aytdi. “Bunga mutlaqo yo‘l qo‘yib bo‘lmaydi”, — dedi u. Video.
Prezident harbiy xizmatchilarni Vatan himoyachilari kuni bilan tabrikladi
O‘zbekiston prezidenti Qurolli kuchlar tashkil etilganining 32 yilligi va Vatan himoyachilari kuni munosabati bilan harbiy xizmatchilarga tabrik yo‘lladi. U “hozirgi o‘ta murakkab vaziyatda” mamlakat xavfsizligi va manfaatlarini ishonchli ta’minlash muhimligini ta’kidladi.
Prezident yoshlarni harbiy-vatanparvarlik ruhida tarbiyalash tizimini qayta ko‘rib chiqish bo‘yicha topshiriq berdi
Prezident Xavfsizlik kengashining kengaytirilgan yig‘ilishini o‘tkazdi. Yoshlarni harbiy-vatanparvarlik ruhida tarbiyalash tizimini takomillashtirish, armiyani rivojlantirish va mamlakat mudofaa qobiliyatini mustahkamlash, harbiy-ma'muriy sektor va mudofaa sanoati faoliyatini yaxshilash masalalari muhokama qilindi.
Toshkent uchun kurash, Bo‘stonliq alami, O‘zbekistondagi “qozoq respublikasi”. Nazarboyevning kitobida o‘zbek-qozoq chegarasi haqida nimalar yozilgan?
Qozog‘iston birinchi prezidenti Nursulton Nazarboyevning “Mening umrim. Qaramlikdan erkinlikka” kitobida davlat chegarasi — bosh mavzulardan biri. Muallif, xususan, o‘zbek-qozoq chegarasi, ikki respublika o‘rtasidagi yer oldi-berdisi mavzulariga to‘xtalib, bahsli masalalar qanday yechilgani haqida hikoya qiladi.
Dilshod Axmedov investitsiyalar, sanoat va savdo vaziri o‘rinbosari etib tayinlandi
“O‘zmetkombinat” boshqaruvi raisining birinchi o‘rinbosari Dilshod Axmedov investitsiyalar, sanoat va savdo vaziri o‘rinbosari etib tayinlandi.
Alisher Shadmanovning betobligi sababli SSV rahbarining birinchi o‘rinbosari lavozimi Davron Sultonovga yuklatildi
Sog‘liqni saqlash vazirining birinchi o‘rinbosari Alisher Shadmanov uzoq muddatli davolanish uchun mehnat ta’tiliga chiqdi. Uning vazifasini vaqtinchalik Prezident administratsiyasi vakili Davron Sultanov bajaradi.
Eng ko‘p o‘qilgan xabarlar | So‘nggi yangiliklar
- Samarqandda Osiyo xotin-qizlari forumining ilk kuni qanday o‘tdi? — fotoreportaj
- Sirdaryo viloyati hokimiga yangi o‘rinbosar tayinlandi
- Prezident O‘zbekistonga tashrif buyurgan BMT Terrorizmga qarshi kurash boshqarmasi rahbarini qabul qildi
- O‘zbekistonda “BMT-ayollar” tuzilmasining vakolatxonasi ochiladi
Qo‘shimcha imkoniyatlarga ega bulish uchun saytda ro‘yxatdan o‘ting