Iqtisodiyot
Prezident O‘zbekistonni mintaqaviy IT-markaziga aylantirishga ko‘rsatma berdi
Prezident O‘zbekistonni mintaqaviy IT-markaziga aylantirish yuzasidan mutasaddilarga topshiriq berdi. Buning uchun IT eksportini yil yakunigacha 100 mln dollarga yetkazish, yana 6 ta hududda IT-parklarni to‘liq ishga tushirish va kamida 20 tadan kompaniya faoliyatini yo‘lga qo‘yish zarurligi aytildi. «Ushbu soha rivojlanmasa, boshqa biror bir tarmoq oldinga yurmaydi», — dedi Shavkat Mirziyoyev.
Adliya vazirligi umumiy ovqatlanish sohasidagi asosiy muammolarni sanadi
Adliya vazirligi 2100 ta umumiy ovqatlanish korxonalarini o‘rgangan holda ushbu sohada juda ko‘p tekshiruvlar va murakkab soliq ma’muriyatchiligi mavjudligini aniqladi. Umumiy ovqatlanish korxonalarining 60 foizi soliq to‘lashdan bo‘yin tovlaydi, 30−40 foizi esa «soyada» ishlaydi, deya hisoblaydi vazirlik.
«O‘ztransgaz» qo‘shimcha 257 mln dollar qarz oladi
«O‘ztransgaz» kompaniyasi 257 mln dollar, shu jumladan «Gazprombank» dan 57,5 mln dollar miqdorida qo‘shimcha qarz mablag‘larini jalb qiladi. Kompaniyaga tabiiy gaz bo‘yicha debitorlik va kreditorlik qarzlarini qisqartirish, davlat korxonasining moliyaviy hisobotini xalqaro standartlarga muvofiqlashtirish yuzasidan topshiriqlar berildi.
Xalqaro valyuta jamg‘armasi O‘zbekistonda iqtisodiy o‘sish prognozlarini 3−4 foizgacha pasaytirdi
XVJ Ukrainadagi urushning salbiy oqibatlari ta’sirini hisobga olgan holda, 2022 yilda O‘zbekistonda iqtisodiy o‘sish prognozlarini 6 foizdan 3−4 foizgacha pasaytirganini ma’lum qildi. Shuningdek, joriy operatsiyalar hisobi defitsiti YAIMga nisbatan 9,5 foizgacha o‘sishi, inflyatsiya ko‘rsatkichi 12 foiz darajasida saqlanib qolishi prognoz qilinmoqda.
«Sijjak» dam olish maskani yana sotuvga qo‘yildi
Toshkent viloyatining Bo‘stonlik tumanidagi «Sijjak» dam olish maskani yana sotuvga qo‘yildi. Xaridor oromgohda sayyohlik infratuzilmasini rivojlantirishi kerak.
O‘zbekistonda oq qog‘oz narxi keskin qimmatlashdi. Sabab — Rossiyada narxlarning oshishi
O‘zbekistonda oq qog‘oz narxi o‘rtacha 2 barobarga oshdi. Bu Rossiya zavodlaridagi oqartirgich importi bilan bog‘liq cheklovlar tufayli qog‘oz narxining oshishi fonida sodir bo‘lmoqda. O‘zbekistonda qog‘oz va karton importining deyarli yarmi Rossiya korxonalariga to‘g‘ri keladi.
Samarqandda fuqaro davlat zaxirasidagi 80 sotix yerni $22 mingga sotishga uringani aytilmoqda
Jomboy tumanida fuqaro davlat zaxirasidagi 80 sotix yerni tanishlari orqali boshqa fuqaroga rasmiylashtirib berishiga ishontirgani va buning evaziga 22 ming dollar talab qilgani aytilmoqda. U oldindan 11 ming dollarni olganida huquqni muhofaza qilish organlari xodimlari tomonidan ushlandi.
O‘zbekiston Afg‘onistondagi temir yo‘l liniyasini boshqarish huquqidan mahrum bo‘lishi mumkin
«O‘zbekiston temir yo‘llari» kompaniyasi korxonasi «Hayraton — Mozori-Sharif» temir yo‘l liniyasini boshqarish huquqidan mahrum bo‘lishi mumkin. Afg‘onistonda operatsion shartnomalarni qayta ko‘rib chiqish hamda boshqaruvni hukumat xizmatlari ancha arzon bo‘lishini kutayotgan mahalliy kompaniyalarga topshirish rejalashtirilmoqda.
Buxoroda DXSH asosida yangi aeroport terminali quriladi
Prezidentga Buxoro ayeroportida DXSH asosida yangi xalqaro yo‘lovchi terminalini qurish loyihasi taqdim etildi. Investitsiya hajmi 136 mln dollarni tashkil qilishi kutilmoqda. Loyihani 2022−2024 yillarda amalga oshirish ko‘zda tutilgan.
Pulli yo‘llar, aeroportlar, yashil elektr stansiyalari. DXSH uchun loyihalar ro‘yxati
O‘zbekistonda davlat-xususiy sheriklik shartlari asosida bir qator pulli yo‘llar, shamol va quyosh elektr stansiyalarini qurish rejalashtirilmoqda. Xususiy kompaniyalar Toshkent va boshqa shaharlarning xalqaro aeroportlari va infratuzilmasini modernizatsiya qilishga ham jalb etiladi.
OTP Bank Ukrainadagi urush tufayli «Ipotepa-bank» ulushini sotib olishni kechiktirdi
«Ipoteka-bank»ning 75 foiz davlat ulushini sotib olishni rejalashtirgan Vengriyaning OTP Bank banki O‘zbekistondan bitimni kechiktirishni so‘radi. Kechikishga Ukrainadagi urush sabab qilib keltirildi.
Farg‘ona vodiysida yagona aeroport qurish taklif qilinmoqda
Farg‘ona vodiysida hududdagi uchala viloyat uchun yagona xalqaro aeroport qurilishi mumkin. Prezidentga ko‘rsatilgan loyihalar taqdimotida bu haqda so‘z boradi.
Rossiyaning Ukrainaga bosqini O‘zbekistonda iqtisodiy o‘sishni 3,6% gacha sekinlashtiradi — Jahon banki
Jahon banki hisob-kitoblariga ko‘ra, Rossiyaning Ukrainaga bostirib kirishi oqibatlari O‘zbekistonda iqtisodiy o‘sish darajasini 3,6% gacha sekinlashtiradi, inqirozgacha bu ko‘rsatkich 6% ga baholangan edi. Ayni paytda xomashyo eksportidan olinadigan daromadlar va xususiylashtirishdan tushumlarning nisbatan yuqoriroq bo‘lishi pul o‘tkazmalariga qaram bo‘lgan uy xo‘jaliklarini moddiy jihatdan qo‘llab-quvvatlash maqsadlaridagi yuqori ijtimoiy soha xarajatlarini qoplaydi, pul o‘tkazmalari qisqarishi va mehnat migrantlarining uylariga qaytishi ortidan mamlakatda kambag‘allik darajasi keskin o‘sishining oldini oladi.
Dollarning rasmiy kursi pasayishda davom etmoqda
Dollarning so‘mga nisbatan rasmiy kursi pasayishda davom etib, 11 329,38 so‘mga teng bo‘ldi. Rubl kursi pasaydi, yevro kursida esa o‘sish kuzatildi.
Uyushmalarga berilgan imtiyozlar sohadagi barcha ishlab chiqaruvchilarga tadbiq etiladi
«O‘zbekipaksanoat», «O‘zcharmsanoat» va boshqa uyushmalar tomonidan qo‘llanilayotgan soliq va bojxona imtiyozlari mazkur tarmoqlarning barcha subyektlariga ham tatbiq etiladi. Mazkur imtiyozlar 2017−2019 yillarda berilgan bo‘lib, ularning muddati 2023 yil 1 yanvarda tugaydi. «Gazeta.uz» ushbu imtiyozlar va sohalar ro‘yxatini e’lon qiladi.
Qozog‘iston 15 apreldan bug‘doy va un eksportiga cheklovlar joriy etadi
Qozog‘iston ichki bozorda taqchillik yuzaga kelmasligi uchun 15 apreldan 15 iyungacha bug‘doy va un eksportiga cheklovlar joriy etmoqda.
Ipoteka va ta’lim kreditlarining foiz stavkalari yil oxirigacha o‘zgarishsiz qoladi
Moliya vazirligi tomonidan tijorat banklariga ipoteka va ta’lim krediti uchun ajratiladigan resurs mablag‘lari bo‘yicha amaldagi foiz stavkalari 2022 yil yakuniga qadar saqlanib qoladi. Bu haqda prezident qarorida ko‘zda tutilgan.
Prezident farmoni bilan bir qator eksklyuziv huquqlar bekor qilinmoqda
Prezidentning tadbirkorlik muhitini yaxshilash to‘g‘risidagi farmoni bilan bir qator kompaniya va tashkilotlarga berilgan eksklyuziv huquqlar bekor qilinmoqda. Jumladan, aholiga suyultirilgan gaz yetkazib berish bo‘yicha «Hududgazta’minot», haydovchilar va haydovchilikka nomzodlarni tibbiy ko‘rikdan o‘tkazish bo‘yicha davlat tibbiyot muassasalarining monopoliyasiga barham berilmoqda.
MB: «Davrbank» tomonidan fuqarolarning bank kartalaridan noqonuniy mablag‘ yechib olingani aniqlandi
«Davrbank» tomonidan kafil yoki birgalikda qarz oluvchi hisoblanmagan fuqarolarning bank kartalari ularning roziligisiz jismoniy shaxslarga ajratilgan kredit qarzdorligini so‘ndirish uchun biriktirilib, mablag‘lar yechib olish amaliyoti yo‘lga qo‘yilgani aniqlandi. Markaziy bank «Davrbank"ka nisbatan jarima sanksiyasi qo‘lladi.
Raqobat to‘g‘risidagi yangi qonun parlamentga may oyida taqdim etiladi
Raqobatga qarshi harakatlarni sodir etgan kompaniyalarga moliyaviy jarimalar qo‘llaniladi. Yangi tahrirdagi «Raqobat to‘g‘risida»gi qonunda moliyaviy jarimalarning aniq miqdorlari va ularni qo‘llash tartiblari bayon etiladi. Avval taqdim etilgan imtiyoz va preferensiyalar qayta ko‘rib chiqilib, qisman bekor qilinadi.
Eng ko‘p o‘qilgan xabarlar | So‘nggi yangiliklar
- Gaz va elektr energiyasi tariflarini oshirishda gaz importi hisobga olingan — energetika vaziri
- Nega turar joy majmualari quruvchi tashkilotlar taqdim etgan loyihaga mos kelmaydi? Arxitektor fikri
- O‘zbekiston Afg‘onistondan 1 mln tonnadan ortiq ko‘mir import qilishni rejalashtirmoqda
- BNQIZ noyabr-dekabrdan Ai-80 o‘rniga Ai-91 va Ai-92 benzinlarini ishlab chiqarishga o‘tishni boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting