Markaziy bank 2022-yili “so‘mning tanilishini ta’minlash” uchun uning ramzini yaratish tanlovini o‘tkazgandi. Roppa rosa bir yil avval tanlovning tanqidlarga sabab bo‘lgan natijalari e’lon qilingan, so‘ng MB ramzni “professionallar bilan hamkorlikda qayta ishlash”ga va’da bergandi. Keyin bu mavzu unutildi.
Markaziy bank raisi Mamarizo Nurmuratov valyuta kursining barqarorligi va depozit stavkalarining jozibadorligi oshib borayotgani aholini xorijiy valyutadagi omonatlardan pullarini olib, so‘mga o‘tkazishga undayotganini aytdi. Aholining qo‘lida deyarli 12 milliard dollar bor.
O‘zbekistonning Jahon savdo tashkilotiga a’zo bo‘lish jarayonini tezlashtirish uchun prezidentning JST masalalari bo‘yicha maxsus vakili lavozimi joriy etilib, unga Aziz Urunov tayinlandi. 1-iyuldan bu tashkilotning qoidalariga muvofiq bo‘lmagan normativ-huquqiy hujjatlar loyihalarini ishlab chiqish taqiqlanadi.
Tijorat banklari 6-iyun kuni aholidan 1 AQSh dollarini 11 390−11 450 so‘mdan sotib olmoqda, sotuv kursi esa 11 465−11 505 so‘m.
O‘zbekiston bozorlari unikalligi va o‘ziga xos muhitini saqlab qolgan holda zamonaviylashtirilsa, jahon bozorida raqobatlasha oladigan bozorlarga aylanishi mumkin. Bu haqda Atlas konsalting kompaniyasining hududiy rivojlantirish sohasidagi tadqiqotida so‘z borgan.
Qattiq maishiy chiqindilarni qayta ishlash sohasida O‘zbekistonda “nol chiqindi” (zero waste) tamoyillari joriy etiladi. Barcha chiqindi poligonlarida chiqindilarni to‘liq qayta ishlash va kuydirishga bosqichma-bosqich erishish rejalashtirilgan.
Yevropa Kengashi rahbari Sharl Mishel Markaziy Osiyoning beshta davlati yetakchilarini ularning mamlakatlari Rossiyaga qarshi joriy etilgan cheklovlarni buzsa, Yevropa Ittifoqi sanksiyalar qo‘llamasligiga ishontirdi. Sanksiyalar faqat “Rossiya urush mashinasini qo‘llab-quvvatlaganlarga” nisbatan qo‘llanadi.
Tijorat banklari 5-iyun kuni aholidan 1 AQSh dollarini 11 360−11 425 so‘mdan sotib olmoqda, sotuv kursi esa 11 445−11 485 so‘m.
Qozog‘iston energetika vaziri Almasadam Satkaliyevning aytishicha, 2024-yilgi kuz-qish mavsumida mamlakat infratuzilmasi Rossiya gazini O‘zbekistonga tranzit qilish uchun tayyor bo‘ladi. Uning so‘zlariga ko‘ra, O‘zbekiston va “Gazprom” o‘rtasida gaz hajmi hamda narxi bo‘yicha muzokaralar hamon davom etmoqda.
Yevropa Ittifoqi O‘zbekiston qishloq xo‘jaligidagi islohotlarga yordam berish maqsadida 27 mln yevro grant ajratadi. Mablag‘lar sohada ilm-fan, ta’lim, axborot xizmatlarini rivojlantirish, iqlim o‘zgarishiga moslashish va oqibatlarini yumshatish kabi tadbirlarini amalga oshirishga yo‘naltiriladi.
1-sentabrdan boshlab O‘zbekistonda banklarning ustav kapitali hajmi 200 mlrd so‘mni tashkil qilishi kerak bo‘ladi. Hozircha sakkizta bank bu talabga javob bermaydi. Markaziy bank kapitallashuv talablari bajarilmasa, litsenziya bekor qilinishi haqida ogohlantirdi va ularga birlashishni tavsiya qildi.
Markaziy bank raisi aholining qo‘lida qariyb 12 mlrd dollar pul borligi, bank sektori bularning barchasini jalb qila olmasligi, lekin bankka pullarni topshirish tendensiyasi mavjudligini ta’kidladi.
Markaziy bank raisi Mamarizo Nurmuratov Senat yalpi majlisida O‘zbekistonda 2022-yilda hisobraqam ochgan norezidentlar soni geosiyosiy vaziyatlar tufayli 60 mingtadan oshganini ma’lum qildi. Ular mamlakat banklaridagi hisoblariga 892 mln dollar ekvivalentida mablag‘ qo‘ygan.
2025-yildan Qozog‘iston O‘zbekistonga ko‘mir eksportini bosqichma-bosqich 25 barobardan ziyodroqqa oshirmoqchi. 2022-yilda mamlakatga 13,6 mln dollarlik 487,9 ming tonna ko‘mir yetkazib berilgan.
Tijorat banklari 2-iyun kuni aholidan 1 AQSh dollarini 11 360−11 405 so‘mdan sotib olmoqda, sotuv kursi esa 11 425−11 465 so‘m.
O‘zbekistonda may oyida inflyatsiya 0,5 foizni tashkil etib, yillik inflyatsiya 10,4 foizgacha pasaydi. Oziq-ovqatlar, nooziq-ovqatlar va xizmatlar bir xilda — 0,5 foizga qimmatlashdi.
“O‘zbekneftgaz”ga qarashli “UNG Petro” MJCHning 100 foizlik davlat ulushini xususiylashtirish jarayonlari boshlandi. Davaktiv agentligi mamlakatdagi eng yirik “zapravka”lar tarmog‘ini xususiylashtirishga konsultant jalb etish yuzasidan tanlov e’lon qildi.
Tijorat banklari 1-iyun kuni aholidan 1 AQSh dollarini 11 345 — 11 400 so‘mdan sotib olmoqda, sotuv kursi esa 11 410 — 11 465 so‘m.
Prezident Antikorrupsiya agentligiga Energetika vazirligi bilan 1-sentabrgacha yoqilg‘i-energetika tarmog‘ini “korrupsiyasiz soha”ga aylantirish bo‘yicha hujjat loyihasini ishlab chiqishni topshirdi. DXX, IIV va BP huzuridagi departament elektr va boshqa tarmoqlarga noqonuniy ulanishlarga qarshi kurashadi.
Tijorat banklari 31-may kuni aholidan 1 AQSh dollarini 11 350 — 11 400 so‘mdan sotib olmoqda, sotuv kursi esa 11 410 — 11 465 so‘m.
Qo‘shimcha imkoniyatlarga ega bulish uchun saytda ro‘yxatdan o‘ting