Braziliya va Xitoy yuanda savdo qilish bo‘yicha kelishuvga erishdi va qo‘shma hisob-kitob palatasi tashkil etilganini e’lon qildi. Bu ikki davlat o‘rtasida o‘z valyutalarini AQSh dollariga almashtirmasdan to‘g‘ridan-to‘g‘ri savdo qilish imkonini beradi.
Saudiya Arabistoni Vazirlar Mahkamasi qirollikka Shanxay hamkorlik tashkilotining muloqot bo‘yicha sherik maqomini berish to‘g‘risidagi memorandumni tasdiqladi.
Turkiyadagi Sayhun ta’lim va madaniyat uyushmasi Hatay viloyatida 100 ta yig‘ma turar joy konteyneri o‘rnatadi. Konteynerlarda yotoqxona, oshxona, hammom va hojatxona bor. Unga bemalol bir oila sig‘ishi mumkin.
Isroil bosh vaziri Binyamin Netanyaxu ommaviy norozilik va ish tashlashlarga sabab bo‘lgan sud-huquq islohoti to‘g‘risidagi qonun loyihasini qabul qilishni kechiktirdi. Loyiha tanqidchilari islohot mamlakatdagi nazorat va muvozanat tizimiga putur yetkazishini ta’kidlamoqda.
AQShning Missisipi shtatida o‘tkazilgan «Eng ilg‘or jangchi-2023» musobaqasida Mudofaa vazirligi harbiy xizmatchilari — Tursunov Anvar va Azamat Kenjayev g‘olib bo‘ldi. Ular ommaviy qirg‘in qurollaridan himoyalanish, jismoniy tayyorgarlik sinovlari, artilleriya olovini boshqarish, insho yozish kabi shartlardan o‘tgan.
Boks bo‘yicha Hindistonda o‘tgan JCHda o‘zbekistonlik Navbahor Hamidova chorak finalda jazoirlik Imane Xelifga yutqazib qo‘ygandi. Biroq yarim finalchi Xelif genetik holati sababli o‘yindan diskvalifikatsiya qilindi. Natijada bronza medali o‘zbekistonlik sportchiga nasib etdi.
Istanbulda erkak birga yashab kelgan o‘zbekistonlik ayolni tosh bilan o‘ldirib, jasadni bo‘laklab tashladi. Mojaro erkak olgan qarz tufayli kelib chiqqan.
Tojikistonda 23 martga o‘tar kechasi sodir bo‘lgan zilzilalarda 3 kishi yengil jarohat oldi. Yerosti silkinishlari sababli kamida 60 bosh chorva nobud bo‘ldi.
Qozog‘iston apreldan Rossiyaga reeksport qilish uchun mamlakat orqali o‘tadigan tovarlarni kuzatishni boshlaydi, deb yozadi Financial Times. Bu chora-tadbirlar G‘arbning xorijiy kompaniya va shaxslarning Rossiyaga sanksiyalarni chetlab o‘tishda yordam berishiga yo‘l qo‘ymaslik istagi fonida ko‘rilayotgani ta’kidlandi.
Tojikistonda tunda sodir bo‘lgan zilzila epitsentriga yaqin joylashgan bir qancha qishloqlarda mahalliy aholining uylari va avtoyo‘llar qisman zarar ko‘rdi. Biroq asosan poydevorsiz xo‘jalik inshootlari shikastlangan. Insonlar o‘rtasida qurbonlar qayd etilmagan.
Rossiya prezidenti Vladimir Putin va Xitoy rahbari Si Szinpin Moskvadagi muzokarada Markaziy Osiyoni alohida muhokama qildi. Tomonlar «rangli inqiloblar importi va mintaqa ishlariga tashqi aralashuvni qabul qilmasliklarini» ma’lum qilishdi.
Rossiya kompaniyalari sanksiyalarni chetlab o‘tish uchun Qozog‘istondagi hamkorlarini zarur tovarlarni import qilishda yordam so‘rovlari bilan ko‘mib tashlamoqda, deb yozmoqda Reuters. Gap turli mahsulotlar — telefonlar, elektronika, nodir metallar, bank kartalari uchun materiallarni yetkazib berish haqida bormoqda.
Gaagadagi Xalqaro jinoyat sudi Rossiya prezidenti Vladimir Putin va Rossiya bolalar ombudsmani Mariya Lvova-Belovani hibsga olishga order berdi. Ular ukrainalik bolalarni noqonuniy deportatsiya qilish tarzidagi harbiy jinoyat sodir etganlikda gumon qilinmoqda.
Turkiyadagi zilzilalar qurbonlari soni 49 mingdan oshgani, Suriya Rossiyaning yangi hududlarini tan olgani, Moldovada davlat tili rumin tiliga o‘zgartirilgani, Rheinmetall Ukrainadagi mojarolar fonida rekord darajada daromad olgani va boshqalar — «Gazeta.uz»ning jahon yangiliklari dayjestida.
O‘zbekiston The Economist jurnalining Rossiyaning geosiyosiy ittifoqdoshlari indeksiga kiritilib, 12 davlat ichida oxirgi o‘rinda qayd etildi. Nashr ro‘yxatni tuzishda mamlakatlarning diplomatik, harbiy, shuningdek, energetika va iqtisodiy aloqalarini tahlil qilgan.
Turkiyaning Zilzilalar sodir bo‘lgan hududida ro‘y bergan suv toshqinlarida 13 kishining hayotdan ko‘z yumgani, Shveysariyaning Credit Suisse banki yordam so‘rab regulyatorga murojaat qilgani, Fransiyada pensiya yoshining 62 dan 64 ga ko‘tarilayotgani va boshqalar — «Gazeta.uz»ning jahon yangiliklari dayjestida.
Silicon Valley Bank`ning to‘satdan bankrot bo‘lishi 2008 yildan beri eng yirik va AQSh tarixidagi ikkinchi yirik bankrotlik bo‘ldi. Bankning qulashi moliya va texnologiya sohalaridagi shokni keltirib chiqardi. Bu haqda «Gazeta.uz» sharhi.
Ko‘cha tozalovchilar ish tashlagani uchun Parij ko‘chalari chiqindiga to‘lgani, Tailanddagi elektr stansiyasida radioaktiv modda bo‘lgan quvurning yo‘qolib qolgani, Rossiyaning Su-27 samolyoti Qora dengiz ustida Amerika razvedkachi «dron»ini urib tushirgani va boshqalar — «Gazeta.uz»ning jahon yangiliklari dayjestida.
Rossiya Ukraina, Turkiya va BMT bilan don shartnomasini 60 kunga uzaytirishga rozi bo‘ldi. Mazkur bitim 2022 yil iyul oyida tuzilgan va noyabr oyida uzaytirilgan edi.
AQShda terakt uyushtirgan o‘zbekistonlik Sayfullo Soipov umrbod ozodlikdan mahrum qilindi. U 2017 yilda Nyu-Yorkda yuk mashinasida 8 nafar insonni bosib ketib o‘ldirgan va o‘nlab odamlarni jiddiy jarohatlagandi.
Qo‘shimcha imkoniyatlarga ega bulish uchun saytda ro‘yxatdan o‘ting