Turkiyaning so‘nggi 100 yillik tarixidagi eng kuchli zilzila bu mamlakatda yashovchi o‘zbekistonliklar hayotiga ham ta’sir qildi. “Uyim ko‘z oldimda quladi”, — deydi ulardan biri. “Uyda ovqatlanib, mashinada tunayapmiz”, — deydi boshqa bir vatandosh. “Gazeta.uz” Turkiyadagi o‘zbekistonliklar bilan suhbatlashdi.
Turkiyaga ketgan o‘zbekistonlik FVV xodimlari tonggacha vayronalar ostidan 21 kishini chiqarib oldi. Ularning 12 nafari vafot etgan. Qolganlari turli tan jarohatlari olgan.
Turkiyadagi zilzila paytida ko‘p qavatli uylar xuddi kartadan yasalgan uylar kabi ketma-ket quladi. Ushbu maqolada zilzila paytida mahalliy xalq tomonidan olingan eng ta’sirli (va dahshatli) videolar jamlangan.
Turkiyaning zilzila sodir bo‘lgan hududlarida 13 nafar O‘zbekiston fuqarosini qidirish ishlari olib borilmoqda. Ikki kishi bilan aloqa o‘rnatishga muvaffaq bo‘lindi. Hozirda tabiiy ofat natijasida 3549 kishi qurbon bo‘ldi, 22,1 ming kishi jarohatlangan.
Turkiyaning Malatya provinsiyasida bir nafar O‘zbekiston fuqarosi zilzila oqibatida halok bo‘ldi. Yana 4 nafar o‘zbekistonlik bedarak yo‘qolgan, ularni qidirish ishlari olib borilmoqda.
Erkin kurash bo‘yicha O‘zbekiston yoshlar terma jamoasi a’zolari Turkiyada 6 fevral kuni sodir bo‘lgan zilzila markazlaridan biri — Qahramanmarash viloyatidan olib chiqildi. Ular Anqara-Istanbul-Toshkent yo‘nalishi bo‘yicha mamlakatga qaytib keladi.
Turkiya prezidenti Rejep Tayyip Erdog‘an 6 fevral kuni sodir bo‘lgan dahshatli zilzilalar qurbonlari xotirasiga yetti kunlik umumxalq motamini e’lon qildi. Hodisa oqibatida vafot etganlar soni 2316 nafarga yetdi, 13 293 nafari jarohat oldi.
FVV O‘zbekiston va unga chegaradosh hududlarda magnitudasi 5 dan yuqori bo‘lgan zilzilalar darakchilari aniqlanmagani hamda kuchli zilzilalar sodir bo‘lish ehtimoli mavjud emasligini ma’lum qildi.
Turkiyada sodir bo‘lgan kuchli zilzila qurbonlari soni 1541 nafarga yetdi, 9730 dan ortiq kishi jarohatlandi. 3471 bino qulagan.
O‘zbekistonning Istanbul shahridagi Bosh konsulxonasi Turkiyaning janubiy viloyatlarida bo‘lib turgan fuqarolarga murojaat qildi. Ko‘chada qoling, lekin binolar yonida turmang, ochiq joyga o‘ting, — deyiladi xabarda.
O‘zbekiston Turkiyaga zilziladan jabr ko‘rganlar uchun gumanitar yordam va Favqulodda vaziyatlar vazirligining bir guruh qutqaruvchilarini jo‘natadi.
Turkiyada 7 balli zilzila ro‘y berib, oqibatda ko‘plab odamlar halok bo‘ldi. Shavkat Mirziyoyev prezident Rejep Tayyip Erdog‘anga hamdardlik yo‘lladi. O‘zbekiston TIV hozircha zilzilada o‘zbekistonliklar jabrlangani bo‘yicha murojaat kelib tushmaganini ma’lum qildi.
Dushanba kuni tongda Turkiya janubida sodir bo‘lgan qator zilzilalarda o‘nlab odamlar halok bo‘ldi va yuzlab odamlar jarohat oldi. Mamlakatda ogohlantirishning eng yuqori darajasi e’lon qilindi. Suriya shimolida ham o‘nlab odam vafot etgan, yuzlab yaradorlar borligi aytilmoqda.
Payshanba kuni kechqurun Afg‘oniston hududida sodir bo‘lgan zilzila O‘zbekiston bo‘ylab 3−4 ballik kuchda sezildi.
5 dekabr kuni 07:07 da Andijon viloyatida yer qimirlashi sodir bo‘ldi. Zilzila epitsentri Asaka tumanida bo‘lib, 3,4 magnitudani tashkil etdi.
Xitoyda sodir bo‘lgan 5,2 ballik zilzila O‘zbekiston hududlarida ham sezildi. Farg‘ona vodiysida uning kuchi 3 balni tashkil etdi.
Indoneziyaning Yava orolida bo‘lgan 5,6 magnitudali zilzila sabab Cianjur shahrida 162 kishi halok bo‘ldi, 300 nafardan ortiq odam jarohatlandi. Uylari zarar ko‘rgan 13 mingdan ortiq odam evakuatsiya qilindi. Bino va maktablar vayron bo‘ldi. Qutqaruvchilar hozir vayronalar ostida qolib ketganlarni qidirmoqda.
Samarqand viloyatining Paxtachi tumanida 4 ballik zilzila sodir bo‘ldi. Bu ikki kun ichida to‘rtinchi yer osti silkinishi.
Jizzax viloyatida epitsentri Zarbdor tumani bo‘lgan yer silkinishi sodir bo‘ldi. Zilzila kuchi 3 ballni tashkil etdi. 14 noyabr hisobidan bu O‘zbekiston hududida qayd etilgan uchinchi yer qimirlashi.
Toshkent vaqti bilan 13:01 Qirg‘izistonda zilzila qayd etildi. Uning kuchi Andijon viloyatining Xo‘jaobod, Buloqboshi va Jalaquduq tumanlarida sezildi.
Qo‘shimcha imkoniyatlarga ega bulish uchun saytda ro‘yxatdan o‘ting