«zilzila» tegli maqolalar
Toshkentda kuchli zilzila sezildi
Seshanba kuni kechqurun Toshkent va O‘zbekistonning boshqa hududlarida kuchli zilzila sezildi. Yer silkinishlari gorizontal xarakterga ega bo‘lib, birmuncha davom etdi. Zilzila epitsentri Afg‘onistonda bo‘lgan. Zilzila epitsentrida 6,6 ballni tashkil qilgan.
O‘zbekiston Turkiyaning Hatay viloyatida uy-joy, maktab va infratuzilma obyektlari qurib beradi — prezident
Shavkat Mirziyoyev Turkiy davlatlar tashkilotining navbatdan tashqari sammitida tashkilotning tizimli hamkorlik platformasi, shuningdek, Tabiiy ofatlar monitoringi markazini yaratishni taklif qildi. O‘zbekiston Hatay viloyatining Ovakent tumanini qayta tiklashga ham yordamlashadi.
Mudofaa vazirligining tibbiy otryadi Turkiyadan qaytdi
Turkiyada 24 kun davomida zilzila oqibatlarini bartaraf etishda ishtirok etgan Mudofaa vazirligining harbiy xizmatchilari Toshkentga qaytdi. Ular jami 3860 nafar fuqaroga tibbiy yordam ko‘rsatgan.
Turkiyaga qutqaruv ishlari uchun ketgan o‘zbekistonlik FVV xodimlari qaytib keldi
Turkiyaning zilzila sodir bo‘lgan hududlarida qidiruv-qutqaruv ishlarini olib borgan O‘zbekiston FVV xodimlari shanba kuni Toshkentga qaytib keldi. Ular 2 haftadan ko‘proq vaqt davomida vayronalar ostidan 18 nafar tirik odam va 200 ga yaqin jasadni olib chiqdi.
Jizzaxda 2−3 ballik zilzila qayd etildi
Jizzax viloyati G‘allaorol tumanida magnitudasi 3,9 bo‘lgan zilzila sodir bo‘ldi. Zilzila kuchi Jizzax shahri, Sharof Rashidov va Baxmal tumanlarida sezildi.
Zilzila oqibatida Sarez ko‘liga zarar yetmadi — Tojikiston
23 fevral kuni Tojikistonda bir nechta zilzila sodir bo‘lgandi. Favqulodda vaziyatlar davlat qo‘mitasi zilzila oqibatida Sarez ko‘liga zarar yetmaganini ma’lum qildi. Ko‘lda suv toshqini xavfi yuzaga kelishi O‘zbekiston, Qirg‘iziston va Turkmanistonga ham jiddiy xavf tug‘diradi.
Tojikistondagi zilzila kuchi O‘zbekistonda yana sezildi
Farg‘ona va Andijon viloyatlarida Tojikistonda bo‘lgan zilzila kuchi sezildi (2 ball). Payshanba tongida ham O‘zbekistonning 10 dan ortiq hududida yer silkinishlari qayd etilgandi.
O‘zbekiston olimlari o‘tmishda bir qancha zilzilalarni aniq bashorat qilishgan. Nega hammasini bashorat qilib bo‘lmaydi?
Turkiyadagi zilzilalardan so‘ng O‘zbekiston aholisini mamlakatda ham xuddi shunday zilzilalar bo‘lish ehtimoli qiziqtirmoqda. Seysmologiya instituti olimlari o‘tmishda bir necha zilzilalarni bashorat qilishgan. Nima uchun barcha zilzilalarni bashorat qilib bo‘lmaydi? «Gazeta.uz» olimlar bilan shu haqda suhbatlashdi.
Epitsentri Tojikistonda bo‘lgan zilzila deyarli butun O‘zbekiston bo‘ylab sezildi
Payshanba kuni ertalab soat 5:40 atrofida O‘zbekistonning deyarli barcha hududlarida 3−4 balli zilzila sezildi. Uning epitsentri Tojikistonda. Toshkent aholisining so‘zlariga ko‘ra, zilzila sabab silkinishlar uzoq davom etgan.
“Bu — fojia”. Turkiya va Suriyadagi zilzila oqibatlari haqida fotohikoya
Turkiya va Suriyadagi vayronkor zilzilalar yuz berganiga ikki hafta bo‘ldi. “Bu yerdagi aholining 40 foizi halok bo‘lgan bo‘lishi mumkin”, deydi qabristonida bo‘sh joy qolmagan Turkiyadagi shahar imomi. “Bu bolalarga ota-onalari endi hech qachon qaytmasligini qachondir aytishimiz kerak”, — deydi suriyalik shifokor.
«Erzindagi mo‘’jiza» — shahar qanday qilib zilziladan omon qoldi?
Turkiyadagi zilziladan katta talafot ko‘rgan shaharlardan 80−100 km uzoqlikda joylashgan Erzin shahri zilziladan hech qanday zarar ko‘rmadi. Ko‘pchilik bu hodisani qat’iy shaharsozlik siyosati natijasi deb atamoqda. Ushbu maqolada qanday qilib shahar bunday zilzilani talafotlarsiz o‘tkazgani haqida so‘zlaydi.
Qashqadaryoda zilzila sodir bo‘ldi
Seshanba kuni ertalab O‘zbekiston hududida zilzila qayd etildi. Epitsentr Dehqonobod tumani bo‘lib, uning magnitudasi 3,6 ni tashkil etdi.
Turkiyadagi zilzila vayronalari ostidan yana 2 nafar o‘zbekistonlikning jasadi topildi
Turkiyaning Hatay va Qahramanmarash shaharlarida sodir bo‘lgan zilzila vayronalari ostidan 2 nafar o‘zbekistonlikning jasadi topildi. Yana 8 nafar O‘zbekiston fuqarosi tabiiy ofat o‘choqlaridan evakuatsiya qilinib, mamlakatga qaytarilmoqda.
O‘zbekiston, Qirg‘iziston va Rossiya fuqarolari Turkiyadan Toshkentga evakuatsiya qilindi
O‘zbekiston Mudofaa vazirligining harbiy samolyoti Turkiyaning Gaziantep va Shanliurfa shaharlarida yashovchi 17 kishini Toshkentga evakuatsiya qildi. Ulardan 11 nafari O‘zbekiston, 6 nafari Qirg‘iziston va 1 nafari Rossiya fuqarolari.
Qo‘llanma: Zilzila bo‘layotganida nima qilish va nima qilmaslik kerak?
Turkiyada yuz bergan zilzila oqibatida minglab insonlar halok bo‘ldi. Ushbu hodisa dunyoning boshqa nuqtalarida ham zilzila va u sodir bo‘layotganida qanday harakat qilish lozimligi haqidagi ma’lumotlarga bo‘lgan qiziqishni oshirdi. Ushbu maqola — aynan zilzila vaqti qanday yo‘l tutish kerakligi haqida.
Istanbulda «kuchli zilzila xavfi» haqidagi ogohlantirishlarga qaramay, tartibsiz qurilishlar davom etmoqda. Oqibati dahshatli bo‘lishi mumkin
6 fevraldagi zilzila qurbonlari soni 15 ming kishidan oshdi. Olimlar Turkiyada yaqin yillarda yana bir kuchli zilzila yuz berishi mumkinligi, undan 15 mln aholi yashaydigan Istanbul jiddiy jabr ko‘rishi haqida ogohlantirmoqda. Shahardagi tartibsiz qurilishlar ahvolni og‘irlashtiruvchi omil sifatida ko‘rsatilyapti.
O‘zbekistonliklar Turkiya elchixonasiga gullar olib bormoqda
O‘zbekiston aholisi Turkiyada sodir bo‘lgan yer silkinishlari ortidan halok bo‘lganlarning yaqinlari va qardosh mamlakatga hamdardlik bildirish maqsadida Toshkent shahridagi elchixona oldiga gullar olib bormoqda.
“Hozir siz bilan gaplashyapman, yer esa qimirlayapti”. Turkiyadagi zilzila guvohiga aylangan o‘zbekistonliklarning hikoyalari
Turkiyaning so‘nggi 100 yillik tarixidagi eng kuchli zilzila bu mamlakatda yashovchi o‘zbekistonliklar hayotiga ham ta’sir qildi. “Uyim ko‘z oldimda quladi”, — deydi ulardan biri. “Uyda ovqatlanib, mashinada tunayapmiz”, — deydi boshqa bir vatandosh. “Gazeta.uz” Turkiyadagi o‘zbekistonliklar bilan suhbatlashdi.
O‘zbekistonlik qutqaruvchilar Turkiyada 9 kishini vayronalar ostidan chiqarib oldi
Turkiyaga ketgan o‘zbekistonlik FVV xodimlari tonggacha vayronalar ostidan 21 kishini chiqarib oldi. Ularning 12 nafari vafot etgan. Qolganlari turli tan jarohatlari olgan.
Millionlab odamlarning hayotini o‘zgartirgan bir necha daqiqa — Turkiyadagi zilzila oqibatlari (video)
Turkiyadagi zilzila paytida ko‘p qavatli uylar xuddi kartadan yasalgan uylar kabi ketma-ket quladi. Ushbu maqolada zilzila paytida mahalliy xalq tomonidan olingan eng ta’sirli (va dahshatli) videolar jamlangan.
Eng ko‘p o‘qilgan xabarlar | So‘nggi yangiliklar
- 1-maydan pensiya va nafaqaning eng kam miqdorlari oshiriladi
- Bolalar nafaqasi va moddiy yordam tayinlashga onlayn ariza berish mumkin bo‘ldi
- 2-may kuni e’lon qilingan eng muhim yangiliklar dayjesti
- Aktyor Mashrab Kimsanov vafot etdi
- U-23: O‘zbekiston terma jamoasi Osiyo kubogida 2-o‘rinni egalladi (foto, video)
Qo‘shimcha imkoniyatlarga ega bulish uchun saytda ro‘yxatdan o‘ting