«namangan viloyati» tegli maqolalar
Namangandagi maktabda o‘quvchilar o‘qituvchiga kuch ishlatdi
Kosonsoy tumanidagi maktabda o‘qituvchi va o‘quvchi o‘rtasida janjal yuzaga keldi. Videodan boshqa bir o‘quvchi ustozining boshiga gultuvak otganini ham ko‘rish mumkin. XTV janjal o‘zaro kelishmovchilik oqibatida yuzaga kelganini ma’lum qildi. O‘quvchining onasiga ma’muriy bayonnoma rasmiylashtirildi.
Chortoq tibbiyot birlashmasi boshlig‘i tug‘ruqxonada joy yetishmovchiligi sabab ishdan olindi
Tarmoqlarda Namanganning Chortoq tumanidagi tug‘ruqxonalardan birida 10 dan ortiq ayol bir bo‘limda (aslida 3 nafardan ko‘p bo‘lishi mumkin emas) chaqalog‘i bilan yotgani aks etgan video tarqaldi. Natijada SSV mazkur holatga o‘z vaqtida chora ko‘rmagan tibbiyot birlashmasi rahbarini ishdan bo‘shatdi.
Namanganda traktorga urilgan Cobalt ichidagi ikki kishi halok bo‘ldi, uch kishi jarohat oldi
Namangan viloyatida Cobalt avtomashinasi va paxta tashuvchi traktorning to‘qnashuvi oqibatida ikki kishi halok bo‘ldi, uch kishi kasalxonaga yotqizildi. Traktor haydovchilari o‘rtasida tungi vaqtda yoritish chiroqlari va nur qaytargichlar soz holda harakatlanish bo‘yicha suhbatlar o‘tkazilmoqda, deyilgan YHXB xabarida.
Namanganda er-xotin tarvuzdan zaharlanish oqibatida vafot etdi
Norin tumanida katta yoshli er-xotin taxminan tarvuzdan zaharlanish oqibatida olamdan o‘tdi. Ularning ikki qizi va ikki nabirasi shifoxonaga yotqizildi.
Namanganlik erkak onlayn qimorda yutqazgani uchun o‘zini osib qo‘ygani aytilmoqda
Norin tumanida yashovchi 33 yoshli fuqaro o‘z uyida osilgan holda topildi. Uning onlayn qimor o‘yinlaridagi yutqazaverishi oilasida kelishmovchiliklarni keltirib chiqargani va shu sababli o‘z joniga qasd qilgan bo‘lishi mumkinligi aytilmoqda.
Namangandagi «Yertikon» suv ombori ostidan suv sizib chiqayotganligi aniqlandi
FVV Namangandagi «Yertikon» suv ombori ostidan suv sizib chiqayotganini tasdiqladi. Ta’kidlanishicha, 13 iyundan beri dambaning ikkita joyidan soniyasiga 5−10 litr suv oqib chiqmoqda. Shunga qaramasdan aholi va to‘g‘onga xavf yo‘qligi aytilmoqda. Ombor oldida tun-u kun kuzatuv posti tashkil etildi.
Namanganda aqidaparastlik g‘oyalarini targ‘ib qilgan shaxs 4 yilga qamaldi
Namanganlik 22 yoshli fuqaro Telegram tarmog‘i orqali aqidaparastlik g‘oyalarini targ‘ib qilishda gumonlanadi va huquq-tartibot idoralari uning telefonini tekshirish uchun olib qo‘yadi. Bundan xavfsiragan ayblanuvchi Farg‘ona orqali Qirg‘izistonga qochib ketishga uringanida ushlandi. U voqea qanday bo‘lgani va kimdan maslahat olib turganini so‘zlab berdi. Sud unga 4 yil muddatga ozodlikdan mahrum qilish jazosini tayinladi.
Namanganda tomorqasida ko‘knori yetishtirayotgan fuqaro aniqlandi
Namangan viloyatining Norin tumanida o‘z tomorqasida 57 tup ko‘knori yetishtirayotgan fuqaro aniqlandi.
Chust tumani hokimi yordamchisi yer ajratib berish evaziga $15 ming talab qilganligi aytilmoqda
Namangan viloyati Chust tumani hokimining chegara masalalari bo‘yicha yordamchisi va yana bir qancha shaxslar fuqaroga 5,3 gektar yerni ajratib berish evaziga 15 ming dollar talab qilganlikda gumonlanmoqda. Ular ushbu puldan 1500 dollar va 5,6 mln so‘mini olganida qo‘lga tushgan.
Shuhrat G‘aniyevning yopiq bayonnomasi klaster va fermerlarda savollarni tug‘dirmoqda
Namangan viloyatining Norin tumanida mahalliy hokimiyat Iftihor Kiyim Sanoat klasterini boshqa bir klaster — Uztex Uchkurgan bilan uch yildan buyon ishlab kelayotgan fermer xo‘jaliklariga biriktirmoqchi bo‘lmoqda. Klasterlarni o‘zgartirish bosh vazir o‘rinbosari Shuhrat G‘aniyev tomonidan imzolangan yig‘ilish yopiq bayonnomasida ko‘zda tutilgan. Uztex 2022 yil uchun fermerlar bilan tuzilgan shartnomalarning bir qismini moliyalashtirgani, biroq viloyat hokimi yon berishni istamaganini ma’lum qildi. Fermerlarning aytishicha, ular joriy klasterdan mamnun. Iftihor Kiyim Sanoat esa «bu yerlarni so‘ramaganliklarini» bildirdi.
O‘zbekistonda antiradar aniqlay olmaydigan «aqlli» qurilmalardan foydalanish boshlandi
Namangan viloyatida antiradarlar aniqlay olmaydigan lazer tizimiga ega «aqlli» qurilmalar o‘rnatilmoqda. Turkiya kompaniyasi viloyatda «aqlli radar sistemalarini» ishlab chiqarish uchun 10 mln dollarlik investitsiya kiritdi.
Namangan viloyatiga yangi prokuror tayinlandi
Buxoro viloyati prokurorining birinchi o‘rinbosari Bektosh Sayipov Namangan viloyati prokurori etib tayinlandi.
Shavkat Rahmonov Namangan viloyati IIBga boshliq etib tayinlandi
Samarqand viloyati IIB boshlig‘i lavozimida xizmat qilgan Shavkat Rahmonov Namangan viloyati IIB boshlig‘i etib tayinlandi. U mazkur lavozimda Adil Ataxodjayevning o‘rnini egalladi.
Namanganda sobiq uchastkavoyga 7 ta modda bo‘yicha ayblov e’lon qilindi
Namanganda sud IIB rahbariyatining noqonuniy xatti-harakatlari haqida ma’lum qilgan sobiq profilaktika inspektori Sardorbek Otaboyevga nisbatan jinoyat ishini ko‘rib chiqishni boshladi. U Jinoyat kodeksining 7 moddasi, jumladan, firibgarlik, mansab vakolatini suiiste’mol qilish va boshqalar bo‘yicha ayblanmoqda. Sudlanuvchi ayblovlarni rad etmoqda.
Namanganda odamlar to‘plangani aks etgan video Yangi yil bayramida olingan — IIB
Namangan viloyati IIB yo‘l bo‘ylab o‘nlab odamlarning yugurib ketayotgani aks etgan video Yangi yil oqshomida tasvirga olingani, yo‘lni hech kim to‘sib qo‘ymagani, namoyishlar bo‘lmaganini ma’lum qildi.
Tumanli ob-havo O‘zbekistondagi ikkita aeroport faoliyatini chekladi
Namangan va Andijon aeroportlari quyuq tuman tushishi tufayli reyslarni qabul qilmayapti, ko‘rish masofasi 50 metrga yaqinni tashkil etmoqda. Reyslar esa eng yaqin zaxira aerodromlarga yo‘naltirilmoqda.
Buyuk Britaniya kompaniyasi Namanganda 90 mln dollarga kanalizatsiya tizimini quradi
Buyuk Britaniyaning Metito Utilities Limited kompaniyasi Namangan shahrida oqova suvlarni tozalash inshootlarini qurish bo‘yicha tenderda g‘olib chiqdi. Loyiha qiymati 90 mln dollarga baholanmoqda. obyektdan erkin foydalanish uchun davlat yiliga 9 mln dollar to‘laydi.
Qibrayda qariyb 14 gektar yerni $3,4 mlnga sotishga uringan shaxslar qo‘lga olindi
Qibray tumanida qishloq xo‘jaligi mahsulotlarini yetishtirishga mo‘ljallangan 13,7 gektar yer maydonini 3,4 mln dollarga sotmoqchi bo‘lgan shaxslar ushlandi. Noqonuniy ravishda yer sotishga urinishlar Sirdaryo, Namangan va Samarqand viloyatlarida ham qayd etildi.
20 dekabr kuni O‘zbekistonda sodir bo‘lgan eng muhim xabarlar dayjesti
Yangi yil munosabati bilan 5 kun dam oladigan o‘zbekistonliklar, ijtimoiy tarmoqlar haqida fikr bildirgan Jahongir Ortiqxo‘jayev va Ruslanbek Davletov, 4 ta avtomobilga ariza qabul qilishni fevralgacha to‘xtatgan UzAuto Motors, ko‘chalarini suv bosgan Namangan, hokimga savol bermaslik haqida ogohlantirilgan jizzaxlik deputatlar, PayPal tizimi joriy etilishiga umid bildirgan Sherzod Shermatov va boshqa xabarlar — «Gazeta.uz» ning 20 dekabrdagi eng muhim xabarlari dayjestida.
Namanganda kuchli yog‘ingarchilik oqibatida ko‘chalarni suv bosdi
Ijtimoiy tarmoqlarda 20 dekabr kuni Namangan ko‘chalari, xususan «Lola» bozori va NamDU oldini suv bosgani aks etgan videolar tarqaldi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Olmaliqda yashash xonadoniga kirib qolgan echkiemar tabiatga qo‘yib yuborildi (+video)
- Sirdaryoda o‘quvchilari sinfda klip tomosha qilgan maktab rahbariyati ishdan olindi
- BEKOR QILINDI: Qoraqalpog‘iston va Xorazmni bog‘lovchi ko‘prik 7−9-may kunlari yopilmaydi
- Surxondaryoda 360 bosh qo‘y sel kelishi oqibatida nobud bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting