Energetika vazirligi uchta quyosh fotoelektr stansiyasini qurish bo‘yicha tenderning ilk bosqichida 15 ta xalqaro kompaniyadan ariza kelib tushganini ma’lum qildi. Loyiha Namangan, Buxoro va Xorazm viloyatlarida umumiy quvvati 500 MVtgacha bo‘lgan stansiyalarni qurishni nazarda tutadi.
Namangan shahar IIB rahbariyati ustidan shikoyat qilib, ichki ishlar vaziriga videomurojaat yo‘llagan sobiq profilaktika inspektori boshqalar nomida katta miqdorda kredit olib, o‘z ehtiyojlari uchun ishlatib yuborganlikda ayblanmoqda. Holat yuzasidan jinoyat ishi qo‘zg‘atilib, gumonlanuvchi qo‘lga olindi.
Namangan viloyatida sodir bo‘lgan uchta YTH oqibatida 2 nafar haydovchi va 1 nafar velosipedchi vafot etdi. Yana 4 kishi shifoxonaga yotqizildi. Barcha holatlar yuzasidan jinoyat ishi qo‘zg‘atildi.
Namangan viloyatida Damas mashinasi ishtirokidagi yo‘l transport hodisasida 8 kishi og‘ir tan jarohati oldi, ikki yo‘lovchi vafot etdi. Yana bir holatda esa Damas haydovchisi 71 yoshli fuqaroni yo‘ldan o‘tayotganida urib yubordi.
Sud noto‘g‘ri tashxis qo‘yishda ayblab, poliklinika shifokorini kaltaklagan namanganlik fuqaroga 2 yilga ozodlikdan mahrum qilish jazosini tayinladi. Uning akasi ham tibbiyot xodimiga kuch ishlatganlikda aybli deb topildi va u 144 soat majburiy jamoat ishlari bilan jazolandi.
Uchqo‘rg‘on tumanida M-412 rusumli avtomashina yo‘lga chiqib ketgan 3-sinf piyodani chetlab o‘tmoqchi bo‘lib qarama-qarshi yo‘nalishda kelayotgan Nexia-2 mashinasi bilan to‘qnashdi. Oqibatda ikki avtomashina orasida qolib ketgan piyoda og‘ir tan jarohati olib, voqea joyida vafot etgan.
Namanganda viloyatida 6 yoshli bola yuk mashinasi urib ketishi oqibatida vafot etdi. Holat yuzasidan jinoyat ishi qo‘zg‘atildi.
Namangan viloyatida «Yangi O‘zbekiston» bog‘ini qurish rejalashtirilmoqda. U Toshkent viloyatida barpo qilingani kabi O‘zbekistonni yanada rivojlantirish bo‘yicha Harakatlar strategiyasini ifodalovchi daraxtning beshta shoxi ko‘rinishida bunyod etiladi. Shuningdek, «Yangi Namangan» shaharchasini qurish ham rejalashtirilmoqda.
Pop tumanida Nexia yo‘lni kesib o‘tayotgan ayolni urib yubordi. Piyoda olgan tan jarohatlari bilan voqea joyida vafot etgan. Holat yuzasidan jinoyat ishi qo‘zg‘atildi.
Namangandagi oilaviy poliklinkada shifokorni do‘pposlagan aka-ukalarga nisbatan qamoqqa olish tarzidagi ehtiyot chorasi qo‘llanilib, jinoyat ishi qo‘zg‘atilgan. Shifokorga tibbiy tekshiruv davomida bir necha jarohatlar tashxisi qo‘yilgan.
DXX va prokuratura tomonidan o‘tkazilgan tezkor tadbirlarda Farg‘onaning Beshariq tumanida 35 sotix, Oltiariqda 20 sotix, Bog‘dodda 4,75 gektar yerni, Namanganning Chortoq tumanida 8 gektar va Surxondaryoning Bandixon tumanida 2 gektar maydonni sotmoqchi bo‘lgan shaxslar qo‘lga olindi. Ularga nisbatan jinoyat ishi qo‘zg‘atildi.
Namangan viloyatida sel kelishi va suv toshqinlari natijasida ikkita ko‘prik va bir qancha avtomobilga zarar yetdi, uylarni suv bosdi. 130 nafardan ortiq kishi xavfsiz hududga evakuatsiya qilindi.
Namangan viloyatida Nexia rusumli avtomashina yo‘lni kesib o‘tayotgan 7 yoshli piyodani urib yuborgan. Bola tan jarohati olib, shifoxonada vafot etgan.
Farg‘ona viloyatida qurilish balansida bo‘lgan 50 sotix yer maydonini 25 ming dollarga sotmoqchi bo‘lgan shaxs qo‘lga olindi. Shuningdek, Namangan viloyati, Buxoro viloyati, Sirdaryo viloyatining Sardoba, Toshkent shahrining Chilonzor hamda Navoiy viloyatining Qiziltepa tumanlarida ham noqonuniy yer sotish bilan bog‘liq holatlar aniqlandi.
Qirg‘izistonning Jalolobod viloyatida kuch yomg‘ir yog‘ishi oqibatida Kosonsoy tumaniga sel kelgan. Hodisa oqibatida 8 nafar fuqaro vafot etgan, 6 nafar fuqaro tan jarohati olgan.
Davlatobod va To‘raqo‘rg‘on tumanlari fermerlari suv masalasida janjallajib qolgan. Ulardan biri boshqasining boshiga urib, tan jarohati yetkazgan. Fuqaro bosh miya yopiq shikasti tashxisi bilan kasalxonada vafot etgan.
Namangan viloyatida topilgan 6 dona eski aviabomba Popdagi harbiy qism poligonida yo‘q qilindi. Ular topilgan hududda o‘tgan asrning 50-yillarigacha harbiy poligon bo‘lgani aytilmoqda.
Namangan viloyati Davlatobod tumanidan 4 ta butun va 2 ta yarim yemirilgan bomba topildi. Topilgan bombalarni zararsizlantirish maqsadida yo‘q qilish ishlari olib borilmoqda.
Namangan viloyatining Yangiqo‘rg‘on tumanida mahalliy tadbirkorga tegishli qo‘ylar podasi tuman hokimligi binosi tomonga haydaldi. Tadbirkor tuman ma’muriyatidan talab qilgan yerni ajratmaganidan norozi bo‘lgan. Hokimlik unga ikkita yer maydonini tanlashni taklif qilishganiga aniqlik kiritdi, ammo u taklif qilingan variantlardan bosh tortgan.
Yevropa tiklanish va taraqqiyot banki Namangan viloyatining uchta tumanida suv ta’minoti va kanalizatsiya infratuzilmasini qurish uchun 70 mln dollar miqdorida kredit ajratadi.
Qo‘shimcha imkoniyatlarga ega bulish uchun saytda ro‘yxatdan o‘ting