«Amirsoy» dam olish maskanida dor yo‘li elektr energiyasi o‘chishi oqibatida to‘xtab qoldi. Energetika vazirligi holatga izoh berib, uzilishga yo‘lning elektr qurilmasida yuzaga kelgan nosozlik sabab bo‘lganini ma’lum qildi. Hozirda dor yo‘li faoliyati qayta tiklangan.
Xiva shahar hokimi Temur Davletov «mas’uliyatsizligi va o‘ziga yuklatilgan vazifalarni bajarishdagi kamchiliklari» uchun o‘rtacha oylik ish haqining 20 foizi miqdorida jarimaga tortildi. U qariyb 2 yil avval mazkur lavozimga tayinlangan edi.
Surxondaryo viloyatida 26 ta maktabning chekka hududlardagi ta’mirtalab filiallari faoliyati tugatildi. Ularda ta’lim olayotgan o‘quvchilarning asosiy maktablarga qatnashlari uchun 26 dona Damas avtomobili ajratildi.
Mirobod hokimi «Moviy gumbazlar»dagi kitob rastalari sotuvchilarini qabul qilib, ular masalasini o‘rganishga va’da berdi. Sotuvchilar bu joy kimoshdi savdosiga qo‘yish rejasidan xabar topib, prezidentga murojaat qilishdi. Rastalar qariyb 30 yildan beri mavjud bo‘lib, poytaxtning o‘ziga xos ramziga aylangan.
Andijon viloyatida 12 noyabr kuni epitsentri Jalaquduq tumani bo‘lgan zilzila sodir bo‘ldi. Yer qimirlashining magnitudasi 3 ballni tashkil etdi.
24 noyabridan boshlab Uzbekistan Airways aviakompaniyasi Namangandan Orenburgga qatnovlarni tiklamoqda. Parvozlar haftaning payshanba kunlari amalga oshiriladi.
Qo‘qon shahar IIB Voyaga yetmaganlarga ijtimoiy-huquqiy yordam ko‘rsatish markazida tengdoshlari kaltaklashi oqibatida 14 yoshli bola vafot etgandi.O‘sha kuni markazda navbatchilik qilgan 2 nafar IIO xodimi janjal oldini olmagani uchun ishdan bo‘shatildi. Ularga nisbatan qonuniy chora ko‘rilishi mumkin.
Fransiyada bo‘lib o‘tgan ishchi kasblari bo‘yicha WorldSkills 2022 chempionatida O‘zbekiston ilk bor ishtirok etib, ikki yo‘nalish: qurilish va robototexnika bo‘yicha o‘zini namoyon qildi. Tanlov ishtirokchilari «Gazeta.uz»ga o‘z ishlari, qiyinchiliklar va raqiblari haqida so‘zlab berdi.
«Davlat bayrog‘i kuni» munosabati bilan o‘tkaziladigan «Yangi nafas» yugurish tadbirlari sabab 12−13 noyabr kunlari Afrosiyob, Sharof Rashidov, Islom Karimov va Yangi O‘zbekiston ko‘chalarining bir qismi avtotransport harakati uchun cheklanadi.
Prezidenti huzuridagi Davlat xizmatini rivojlantirish agentligi Davlat fuqarolik xizmatida rotatsiya qilish tartibi to‘g‘risidagi nizom loyihasini jamoatchilik muhokamasi uchun e’lon qildi.
Sog‘liqni saqlash vaziri Behzod Musayev Samarqand viloyati hokimi Erkinjon Turdimovni «O‘zbekiston Respublikasi Sog‘liqni saqlash a’lochisi» ko‘krak nishoni bilan taqdirladi.
Qovoqli bulokchalar, amerikancha pirog, keks, vafli, sinnabon, rulet va maffinlar — Zira.uz vitaminlarga boy qovoqdan tayyorlanadigan pishiriqlar ro‘yxatini taqdim etadi.
Shavkat Mirziyoyev Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risidagi farmonni imzoladi.
Yaqinda Andijon viloyati SSB boshlig‘i etib tayinlangan Jur’atbek Quvvatov tadbirkorlik faoliyatini davom ettirish va manfaatlar to‘qnashuviga yo‘l qo‘ymaslik maqsadida o‘z lavozimini tark etishga qaror qildi. U davlat xizmati to‘g‘risidagi qonun kuchga kirganidan keyin shunday qarorga kelgan.
Buxorolik 22 yoshli yigit rashk sababli 29 yoshli xotinini soch quritish uskunasi simi bilan bo‘g‘ib o‘ldirdi. So‘ngra hodisaga guvoh bo‘lgan 5 yashar o‘g‘lini ham o‘ldirib, xar ikkisining jasadlarini yoqib yubordi. Hodisa Toshkent-Buxoro yo‘lining G‘allaorol tumanidan o‘tgan qismida sodir bo‘lgan.
Internetda ikki erkakning Qizil kitobga kiritilgan tasqara qushi bilan tushgan surati paydo bo‘ldi. Ekologiya davlat qo‘mitasi va Bosh prokuratura tomonidan ovchilarga qidiruv e’lon qilindi.
«„Zangiota-2“ shifoxonasiga qanday muassasa joylashtirilishidan qat’i nazar, u mamlakatdagi eng yuqori texnologiyali klinika bo‘ladi», — deydi direktor Doniyor Mirazimov. U shifoxonadan kelgusida foydalanish ehtimollari, salohiyati va bemorlar logistikasi nuqtai nazaridan uning joylashuvi haqida so‘zlab berdi.
Davlat aktivlarini boshqarish agentligi Universal Mobile Systems`ning 100 foizlik davlat ulushini xususiylashtirish bo‘yicha konsalting kompaniyalari o‘rtasida tanlov o‘tkazdi. Unda KPMG kompaniyasi g‘olib bo‘ldi.
Rossiya do‘konlaridan O‘zbekistonda ishlab chiqarilgan vakuumli qadoqdagi qaynatilgan makkajo‘xori olib tashlandi. Bunga Krasnoyarskda uch fuqaro zaharlangani sabab bo‘ldi.
Toshkentda bolalarga ta’lim-tarbiya berish bo‘yicha II Butunjahon konferensiyasi bo‘lib o‘tadi, unda Odri Azule ham ishtirok etishi kutilmoqda. Maktabgacha ta’lim vaziri Agrippina Shinning aytishicha, tadbirdan ko‘zlangan maqsadlardan biri — «ilg‘or tajribalarimizni jahon hamjamiyatiga taqdim etish»dir.
Qo‘shimcha imkoniyatlarga ega bulish uchun saytda ro‘yxatdan o‘ting