Jamiyat
Toshkentda yana 4 ta mashina ishtirokida YTH yuz berdi
Poytaxtda yana Equinox, Mercedes-Benz va Nexia ishtirok etgan avariya sodir bo‘ldi. To‘rtinchi mashina esa — Labo. YTH oqibatida 3 nafar fuqaroga tibbiy yordam ko‘rsatildi.
«Dunyo bola nigohida». Toshkentda #wearethechildren fotoko‘rgazmasi bo‘lib o‘tmoqda
Humo Arena’da #wearethechildren xalqaro fotoko‘rgazmasi bo‘lib o‘tmoqda. U YUNESKO va Maktabgacha ta’lim vazirligi tashabbusi bilan erta yoshdagi bolalarni tarbiya va ta’lim berish bo‘yicha II Butunjahon konferensiyasi arafasida ochildi. Ko‘rgazmada Osiyo, Afrika, Janubiy Amerikada olingan fotosuratlar o‘rin olgan.
Toshkent viloyatida bojxona posti boshlig‘i o‘rinbosari va 3 nafar xodim ishdan bo‘shatildi
Noqonuniy tadbirkorlarga yordam bermoqchi bo‘lgan «Oybek» chegara bojxona posti boshlig‘i o‘rinbosari va 3 nafar xodimi qo‘lga olindi. Shuningdek, xizmat lavozimini suiiste’mol qilgan Toshkent xalqaro aeroporti navbatchilik qismi boshlig‘i va «Qo‘qon» TIF bojxona postining bir nafar xodimi ham ishdan olindi.
Sirdaryoda yo‘l qurilishida 1 mlrd so‘mdan ortiq mablag‘ o‘zlashtirilgani aniqlandi
DXX «Sirdaryo yo‘llardan muntazam foydalanish» unitar korxonasi mansabdorlarining 1 mlrd so‘mdan oshiq mablag‘ni talon-toroj qilganini aniqladi. Sud hukmiga ko‘ra, ularga ozodlikdan mahrum qilish, ahloq tuzatish ishlari hamda boshqa jazo turlari tayinlandi.
Mehmonxonalarga «yulduzlar» yangi standart asosida beriladi
Turistik xizmatlarni sertifikatlashtirish markazi mehmonxonalarga «yulduzcha» berishning yangi tahrirdagi davlat standarti loyihasini ishlab chiqdi. Unga ko‘ra, avval mehmonxonalar uchun majburiy bo‘lgan 97 ta talab 85 taga qisqardi.
Toshkentda Kia K5 va Spark to‘qnashdi
Shayxontohur tumani Olmazor hamda Islom Karimov ko‘chalari kesishgan chorrahada Kai K5 va Spark ishtirokida YTH sodir bo‘ldi. Hodisa oqibatida Spark yo‘lovchisi jarohat bilan shifoxonaga yuborildi.
Jurnalistning gaz haqidagi postiga qo‘pol javob qaytargan matbuot kotibiga chora ko‘rildi
Jurnalist Aziza Qurbonova Uchtepada gaz bosimi pastligini tanqid qilgach, post ostida tuman hokimligi nomidan qo‘pol izohlar qoldirishgani haqida yozgandik. Shundan so‘ng, tuman hokimligi bayonot berib, matbuot kotibi To‘rabek To‘rayev «his hayajonga berilib yozgan fikrlari» uchun ogohlantirilganini ma’lum qildi.
Rossiya OTMlaridan o‘qishni ko‘chirish bo‘yicha arizalar qabul qilish muddati uzaytirildi
Rossiyadagi ayrim OTMlardan o‘qishni O‘zbekistonga ko‘chirish bo‘yicha arizalar qabul qilish muddati 10 kunga uzaytirildi. Avvalgi muddat 1 noyabrdan 20 noyabrgacha etib belgilangandi. O‘qishini ko‘chirish istagini bildirgan fuqarolar my.dtm.uz sayti orqali onlayn ariza berishlari mumkin.
Andijondagi maktab stadioni o‘rnida bino qurilishi to‘xtatildi
Qurilish vazirligi Andijondagi 50-maktab stadioni o‘rnida bino qurilishi loyihaga o‘zboshimchalik bilan o‘zgartirish kiritilgani uchun to‘xtatilganini ma’lum qildi. Vazirlik qurilish bo‘yicha barcha zarur xulosalar olinganini qayd etdi. Avvalroq prokuratura hokim qarori qalbaki ekanini ma’lum qilgandi.
«Sukut saqlash madaniyatini yo‘q qiling». Toshkentda NeUyat ko‘rgazmasi ochildi
NeUyat festivaliga 139 Documentary Center galereyasida start berildi. Uning maqsadi jinsiy zo‘ravonlik hodisalari atrofidagi sukunat madaniyatini buzishdir. Muhim voqelik — shu nomdagi ko‘rgazma bo‘lib, uning eksponatlarida jabrlangan ayollarning hikoyalari va mualliflarning shaxsiy tajribasi aks ettirilgan.
Buxoroda 2 shaxs 1,12 gektar yerni $120 mingga sotishda gumonlanib ushlandi
Iqtisodiy jinoyatlarga qarshi kurashish departamentining Buxoro shahar bo‘limi tomonidan ikki fuqaro yerni noqonuniy sotishga uringan vaqtda gumonlanuvchi sifatida qo‘lga olindi. Shuningdek, Samarqand, Olmaliq va Marhamatda ham yerni g‘ayriqonuniy ravishda sotishga urinish aniqlandi.
Dunyo aholisi 8 milliardga yetdi — BMT
BMT ma’lumotlariga ko‘ra, 15 noyabr kuni dunyo aholisi 8 milliardga yetdi. Prognozlarga ko‘ra, 2030 yilda dunyo aholisi 8,5 mlrdga, 2050 yilda esa 9,7 mlrdga yetishi mumkin. Shuningdek, 2023 yilda Hindiston aholisi eng ko‘p mamlakatga aylanishi kutilmoqda.
Rassom Shavkat Muzaffar vafot etdi
O‘zbekiston rassomlar uyushmasi a’zosi, musavvir Shavkat Muzaffar 54 yoshida vafot etdi. Uning o‘limi sababiga aniqlik kiritilmagan.
Toshkentda 4 ta avtomobil ishtirokida YTH sodir bo‘ldi
Poytaxtning Amir Temur ko‘chasida Lada Vesta, Equinox, Mercedes-Benz va Nexia ishtirokida yo‘l-transport hodisasi sodir bo‘ldi. Voqea sabab Equinox avtomobili ag‘darildi, haydovchiga tez tibbiy yordam ko‘rsatildi.
Qirg‘iziston bilan chegaradagi aholini ko‘chirishga 50 mlrd so‘m ajratiladi — bosh vazir
O‘zbekiston hukumati ikki davlat chegaralari o‘zgarishi munosabati bilan Qirg‘iziston bilan chegarada yashovchi 130 ga yaqin oilani ko‘chirishni rejalashtirmoqda. Kompensatsiya to‘lovlariga 50 mlrd so‘m (taxminan 4,5 mln dollar) — har bir oilaga o‘rtacha 384,6 mln so‘mdan ajratiladi.
«Sudlarda ovoragarchiliklar ko‘p» — prezident
Shavkat Mirziyoyev sud sohasidagi muammolarga bag‘ishlangan yig‘ilishda sudlarda ishlarni ko‘rib chiqish eskicha davom etayotgani, advokatlarning o‘rni yuqori emasligi, tergovchilar o‘z ustida ishlamay qo‘yganini ta’kidladi. U sudyalar hamjamiyati vakolatlarini kuchaytirish, sudyalar sonini oshirish taklifi ma’qullandi.
O‘zbekiston O‘ng‘or tog‘ini Qirg‘izistonga beradi, lekin unga kirish huquqiga ega bo‘ladi
O‘zbekiston va Qirg‘izistonning radiorele antennalari joylashgan O‘ng‘or tog‘i Qirg‘izistonga o‘tadi. Bosh vazir Abdulla Aripov evaziga o‘zbek tomoni O‘zbekiston tomondan chiqish mumkin bo‘lmagan tog‘ga chiqish imkoniyatiga ega bo‘lishini aytdi.
Jurnalistning gaz muammosi haqidagi postiga Uchtepa hokimligining javobi: «Siz nima qilib berdingiz?»
Jurnalist Aziza Qurbonova yakshanba kuni gaz bosimi pastligi, choy ham qaynatolmayotganini tanqid qilgandi. Uning Facebook`dagi postida Uchtepa hokimligi sahifasi nomidan shunday izoh qoldirishdi: «Bas qiling xalqning g‘azabini qo‘zg‘atishni. Siz nima qilib berdingiz Uchtepaga?».
Davlat organlari rahbarlari Chirchiqdagi harbiy poligonga yig‘ildi (foto)
Vazirlar, hokimlar va boshqa davlat organlari rahbarlari Chirchiqdagi harbiy poligonda besh kunlik o‘quv-mashg‘ulot yig‘inida ishtirok etmoqda. Ular o‘z bilim va ko‘nikmalarini yangilaydi, jangovar tayyorgarlik, hududiy mudofaa va fuqarolarni himoya qilish bo‘yicha nazariy va amaliy mashg‘ulotlarda qatnashadi. Foto.
YeXHT mamlakatlari elchilari — Markaziy Osiyoda xavfsizlikni mustahkamlash haqida
Fransiya, Germaniya, Buyuk Britaniya va AQShning YeXHTdagi elchilari O‘zbekiston va mintaqa davlatlariga tashrif buyurdi. Ular o‘z maqolalarida xavfsizlik masalalarini birgalikda ko‘rib chiqish va uning barcha — iqtisodiy, ekologik, insoniy va harbiy jihatlarini hisobga olish kerakligini yozadi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting