Nurafshon shahrida 57 yoshli ishchi kanalizatsiya qudug‘iga tushib, tozalash ishlarini olib borayotganda gazdan zaharlandi. Uni qutqarish uchun tushgan yana 3 kishi ham hushidan ketgan. Oqibatda 3 kishi voqea joyida vafot etdi. 1 kishi jonlantirish bo‘limida qolmoqda.
Dehqonobod tumanida O‘zbekiston Qizil kitobiga kiritilgan 2532 tup tojik kavragining ildizi kesildi. Zarar miqdori 1,2 mlrd so‘mdan ortiqni tashkil etgan. Bu yaqin orada Ekologiya vazirligi tomonidan qayd etilgan uchinchi holatdir.
19-avgustdan Toshkent-Blagoveshchensk-Toshkent yo‘nalishi bo‘yicha to‘g‘ridan-to‘g‘ri muntazam aviaqatnovlar amalga oshiriladi. Parvozlar har hafta shanba kunlari amalga oshiriladi.
Xitoyning CAMC Engineering kompaniyasi Qashqadaryo viloyatidagi loyihalarga sarmoya kiritishni rejalashtirmoqda. Ular orasida Kitobda sayyohlik zonasi tashkil etish, osma dor yo‘li qurish va boshqalar bor.
Samarqand viloyatida ko‘chma radar orqali aniqlangan tezlikni oshirish bo‘yicha belgilangan jarima Oliy sud tomonidan bekor qilindi. Chunki YPX xodimi radardagi tezlik ko‘rsatkichi bilan haydovchini tanishtirmagan va uning talabi bilan moslamaning sertifikati ko‘rsatmagan.
Shavkat Mirziyoyev qariyb 6 yildan beri qurilishi ketayotgan “Toshkent-Sharqiy” biznes aviatsiyasi aeroportiga tashrif buyurdi. Hozir uning uchish-qo‘nish yo‘lagi va VIP-terminal binosi qurib bo‘lingan. Prezident hududda yana bir terminal qurishni va aerovokzal loyihasini qayta ko‘rib chiqishni buyurdi.
O‘zbekistonda dam olish kunlari havo kam bulutli bo‘ladi, yog‘ingarchilik kutilmaydi. Harorat biroz ko‘tarilib, janubda va cho‘l hududlarda +41…+43 darajagacha yetadi. Keyingi hafta esa issiq havo kirib kelishi kuchayib, harorat yana 1−2 darajaga ko‘tariladi.
Prezident qarori bilan Yangi Toshkent shahridagi yer uchastkalari “E-auksion” elektron savdo platformasi orqali sotiladi yoki ijaraga beriladi.
2023−2024 o‘quv yili uchun davlat OTMlariga o‘qishga hujjat topshirgan abituriyentlar soni 1 mln 18 ming nafarni tashkil etdi. Bu o‘tgan yilgi ko‘rsatkichdan qariyb 200 mingtaga kam. Talabgorlarning eng ko‘pi Milliy universitetni tanlagan — 36 782 nafar.
Interpol qidiruviga berilgan, taqiqlangan ekstremistik materiallarni tarqatishda ayblangan erkak Koreyadan O‘zbekistonga deportatsiya qilindi.
O‘zbekiston prezidenti “Botir Zokirov va Navoiy ko‘chalari kesishmasida yo‘l o‘tkazgich qurish zarurligini” qayd etdi (uning matbuot xizmati keltirgan iqtibos). Bu shaharda piyodalar ustuvorligini ta’minlash haqidagi tamoyilga zid bo‘lgan bahsli qarordir. “Gazeta.uz” loyihani ochiq muhokama qilishga chaqiradi.
Kutilayotgan +44 daraja issiq harorat, bloger Asad Algo o‘limi yuzasidan ochilgan jinoyat ishi, AQShda otishmada vafot etgan 15 yoshli o‘zbekistonlik yigit, Toshkentning ayrim ko‘chalarida kechasi yo‘l chiroqlari o‘chirilishi, yo‘l obyektlarida 400 ga yaqin qoidabuzarlik va boshqalar — “Gazeta.uz”ning kun dayjestida.
O‘zbekistonda yilning birinchi yarmida 2 mingdan ortiq daraxt va butalarni noqonuniy kesish holatlari aniqlandi. Tabiatga yetkazilgan zarar 3,6 mlrd so‘mni tashkil etmoqda.
Toshkentda avtomobillar piyodalarni siqib chiqarmoqda: trotuar, bekatlar, yo‘l chetlariga mashina qo‘yish odatiy holga aylandi. YHXBB bunga jiddiy e’tibor qaratmayapti. 8 oy avval pulli to‘xtash joylarini joriy etish rejalashtirilgan edi, biroq rasmiylar islohotlarni kechiktirmoqda. “Gazeta.uz” munosabati.
Boyovut tumanida fevral oyida it tishlagan 64 yoshli erkak quturish kasalligiga gumonlanib, shifoxonaga yotqizildi. Biroq fuqaro muolajalarga qaramay vafot etdi. Marhum yashagan manzilda shtab tuzilib, epidemiologik surishtiruv ishlari boshlandi.
Denov tumanidagi I-XII asrlarga oid arxeologik yodgorlikka 13 mlrd so‘mlik zarar yetkazilgani aniqlandi. Tuman fermer xo‘jaliklariga yer uchastkalarini berish komissiyasi obyektni fuqaroga bog‘dorchilik uchun berib yuborgan.
21−23-iyul kunlari respublikaning barcha hududlarida chet tilidan ijodiy imtihonning yozma qismi (tinglab tushunish, o‘qish, yozma ish) bo‘lib o‘tadi. Abituriyentlar binoga imtihon boshlanishidan 1 soat avval pasport va ruxsatnoma bilan kelishi kerak.
Havo harorati keskin ko‘tarilishi sababli 20-iyuldan boshlab Toshkent shahrining ayrim ko‘chalari yoritish tizimida cheklov kiritiladi.
31-iyulgacha Toshkentdagi Webster universitetining kuzgi semestriga hujjatlar qabuli davom etadi. Arizalar onlayn qabul qilinib, 14 kun ichida ko‘rib chiqiladi. Darslar to‘liq ingliz tilida olib boriladi.
Bloger Asad Algo (Asadbek Arzikulov) o‘limi yuzasidan jinoiy ish qo‘zg‘atildi. Ma’lum bo‘lishicha, o‘limidan 3 kun oldin u tanishi bilan janjallashib qolgan, oqibatda bloger og‘ir jarohat olgan, ammo tibbiy muassasaga murojaat qilmagan.
Qo‘shimcha imkoniyatlarga ega bulish uchun saytda ro‘yxatdan o‘ting