Hukumat Navoiy kon-metallurgiya kombinatini xususiylashtirishga tayyorgarlikni boshladi. 2022 yilda aksiyalarning 10 foizi sotilishi mumkin, dedi bosh vazir o‘rinbosari Jamshid Qo‘chqorov.
Bosh vazir o‘rinbosari Jamshid Qo‘chqorov «Ipoteka-bank» davlat ulushining 75 foizini Vengriyaning OTP Bank banki sotib olayotganini ma’lum qildi. Uning so‘zlariga ko‘ra, hujjatlarning birinchi qismini chorshanba kuni, qolganini esa ikki oy davomida imzolash rejalashtirilmoqda.
Buxoroda budjet tashkiloti qariyb 65 mlrd so‘m miqdoridagi xaridlarni tendersiz amalga oshirgani aniqlandi. Monopoliyaga qarshi kurashish qo‘mitasi «Raqobat to‘g‘risida"gi qonunni buzganlik uchun ish ochdi.
Samarqand avtomobil zavodi 729 avlod Isuzu yuk mashinalari va avtobuslarini ishlab chiqarishni to‘xtatadi va ekologik standartdagi — 700P avlodiga ga o‘tadi. Eski avlod avtomobillari egalari uchun ehtiyot qismlari yaqin 10 yil ichida mavjud bo‘ladi.
Elsun-Sharob alkogol ichimliklar ishlab chiqaruvchi kompaniyasi «Yangi O‘zbekiston» savdo belgisini ro‘yxatdan o‘tkazish uchun ariza berdi.
Ilon Mask yana dunyoning eng boy milliarderlari reytingida birinchi pog‘onani egalladi. Uning boyligi Forbes Real-Time reytingida 203,4 mlrd dollarga baholanmoqda.
UzAuto Motors 2022 yilgi yangi Chevrolet Captiva krossoverining to‘rtta komlektatsiyada sotilishi boshlanganini e’lon qildi. Narxlar 192,7 million so‘mdan boshlanadi.
Farg‘onada elektromobil ishlab chiqarishni yo‘lga qo‘yish rejalashtirilmoqda. Loyiha Central Asia Motors korxonasi negizida Xitoyning Hong Kong ZRSC kompaniyasi bilan hamkorlikda amalga oshirilishi ko‘zda tutilgan. Loyihaning umumiy qiymati 55 mln dollar.
Toshkent markazidagi Senat binosini rekonstruksiya qilish doirasida 5,2 mlrd so‘mga o‘simliklar, 1 mlrd so‘mlik suvenirlar, portugal marmaridan plitalar va 1,1 mlrd so‘mlik ustunli kapitel va boshqaalar sotib olindi.
Yanvar-avgust oylarida O‘zbekistonga qiymati 316,6 mln dollarga teng bo‘lgan qariyb 15 mingta yengil avtomobil import qilindi. Avtomobillar importi o‘tgan yilning mos davriga nisbatan 4350 taga kamaygan.
“O‘zavtosanoat” UzAuto Motors zavodi bazasida Chevrolet Onix va Tracker avtomobillarini ishlab chiqarishni yo‘lga qo‘yish uchun 427,7 mln dollar yo‘naltiradi. Loyihaning 2022 yil sentabrida ishga tushishi kutilmoqda.
Yanvar-avgust oylarida O‘zbekistonga xorijdan 1,6 mln dona mobil telefon import qilindi. Toshkentga 1,56 mln, Qoraqalpog‘istonga esa 2 dona telefon import qilingan.
Afg‘on tomoni tashabbusi bilan Termizad O‘zbekiston va Afonistonning chegaradosh hududlari rahbarlari uchrashdi. Unda Afg‘onistonga import mollarining tranzit tashuvi bilan bog‘liq masalalar muhokama qilindi.
Energetika vazirligi va «O‘zatom» agentligi xodimlari Vengriyada «Paksh-2» atom elektr stansiyasini qurish tajribasini o‘rganadilar. Bundan tashqari, o‘zbekistonlik abituriyentlarni Budapesht texnika va iqtisodiyot fanlari universiteti va Dunauyvarosh universitetida grant asosida o‘qitish rejalashtirilmoqda.
Dollarning so‘mga nisbatan rasmiy kursi 15,67 so‘mga ko‘tarilib, 10 665,73 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
Jahon banki vitse-prezidenti Anna Berde «Gazeta.uz» ga taqdim etgan maqolasida ish o‘rinlarining o‘sishiga, iqtisodiy o‘zgarish jarayonlarini tezlashtirishga va O‘zbekiston fuqarolarining farovonligini oshirishga yordam beradigan to‘rt yo‘nalishda chuqur islohotlar zarurligi haqida yozadi.
Xitoyda aholi o‘rtasida boylikdagi farqni kamaytirish va xizmatlardan teng foydalanish imkoniyatlarini joriy qilishga doir reja e’lon qilindi.
Uzbekistan Airports va Air Marakanda kompaniyalari «Samarqand» xalqaro aeroportini DXSH asosida modernizatsiya qilish va boshqarish loyihasi doirasida o‘zaro bitim imzoladi.
Dollarning so‘mga nisbatan rasmiy kursi 19,94 so‘mga pasayib, 10 650,06 so‘m etib belgilandi. Shuningdek, yevro va rubl kurslari ham pasaydi.
Davlat funksiyalarini xususiy sektorga o‘tkazish tartibi to‘g‘risidagi nizom tasdiqlandi. 1 avgustgacha xususiy sektorga o‘tkazish tavsiya etilgan davlat funksiyalari ro‘yxati tuziladi. Ularning yagona reyestrini shakllantirish va yuritib borishga qaratilgan elektron maydoncha yaratiladi.
Qo‘shimcha imkoniyatlarga ega bulish uchun saytda ro‘yxatdan o‘ting