Iqtisodiyot
Toshkent issiqlik ta’minoti tizimini Fransiyaning Veolia kompaniyasi boshqaradi
Fransiyaning Veolia kompaniyasi 30 yil davomida Toshkentning issiqlik ta’minoti tizimini boshqaradi. Kompaniya poytaxtning ikki tumanida sinov loyihasini amalga oshirmoqda. Tariflar isitish tizimini modernizatsiya va rekonstrutsiya qilish xarajatlarini hisobga olgan holda tuziladi va har yili 1 maygacha kengash tomonidan tasdiqlanadi. Pasaytirilgan tariflarni qo‘llash natijasida yetkazilgan zararlar mahalliy budjet subsidiyalari hisobidan qoplanadi.
OTB 2021−2022 yillarda O‘zbekistonda iqtisodiy o‘sish bo‘yicha prognozlarini yangiladi
OTBning 2021 yilgi yangilangan prognozlariga ko‘ra, O‘zbekiston iqtisodiyoti 2021 yilda 5 foiz, 2022 yilda esa 5,5 foizga o‘sishi kutilmoqda. OTB 2021 va 2022 yillar uchun inflyatsiya prognozlarini mos ravishda 10 va 9 foiz darajasida saqlab qoldi. Shuningdek, joriy hisob defitsiti bo‘yicha prognozlarini oshirganini ma’lum qildi.
IKEA O‘zbekistonda tovar belgisini ro‘yxatdan o‘tkazmoqchi
IKEA kompaniyasi O‘zbekistonda tovar belgisini ro‘yxatdan o‘tkazish uchun ariza yubordi. Kompaniyaning arizasi Intellektual mulk agentligi tomonidan ko‘rib chiqilmoqda.
«Ochiq budjet» axborot portalidagi jamoatchilik fikri orqali ichki yo‘llar ta’mirlanadi
Prezident 1 oktabrgacha «Ochiq budjet» axborot portalidagi takliflar soni 100 tadan ortiq bo‘lgan tuman va shaharlarga qo‘shimcha 59,5 mlrd so‘m mablag‘ ajratish bo‘yicha qaror qabul qildi. Unga ko‘ra, 2022 yildan ichki yo‘llarni ta’mirlashga ajratiladigan 50 foiz mablag‘ «Ochiq budjet» axborot portalida aholi ko‘p ovoz bergan hududlarga yo‘naltiriladi.
Dollarning rasmiy kursi yana pasaydi
Dollarning so‘mga nisbatan rasmiy kursi 9,05 so‘mga pasayib, 10 670,00 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
«Davlat qarzini YAIMga nisbatan 45−50% chegarasida ushlab turishni rejalashtiryapmiz» — Ahadbek Haydarov
Moliya vaziri o‘rinbosari Ahadbek Haydarovning ma’lum qilishicha, 2020 yilda koronavirus inqirozi sababli davlat xarajatlari keskin o‘sgan. Endilikda uni pandemiyagacha bo‘lgan davrdagi darajaga — YAIMga nisbatan 27% ga tushirish rejalashtirilmoqda. Bundan tashqari, hukumat kelgusi yillarda davlat qarzi darajasini 50%, budjet taqchilligini 2% chegarada ushlab turishni rejalashtirmoqda.
11,9 mlrd so‘mlik tovarlar bojxona rasmiylashtiruvidan oldin almashtirib qo‘yilganligi aniqlandi
Davlat bojxona qo‘mitasi respublika hududiga olib kirilgan 11,9 mlrd so‘mlik tovarlarni bojxona rasmiylashtiruvidan oldin almashtirib qo‘yishga urinish holatini aniqladi. Ma’lumotga ko‘ra, yil boshidan bojxona organlari tomonidan aniqlangan 7700 ta huquqbuzarlik holatida umumiy qiymati 547 mlrd so‘mlik tovarlar noqonuniy ko‘chirilishining oldi olingan.
Dollarning rasmiy kursi pasaydi
Dollarning so‘mga nisbatan rasmiy kursi 9,05 so‘mga pasayib, 10 679,05 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
Amudaryo orqali o‘tadigan ko‘prikning qiymati — 174 mln dollar
Amudaryo orqali Xorazm viloyati Qoraqalpog‘iston Respublikasini bog‘lovchi ko‘prik qurilishi loyihasining qiymati 174 million dollar. Prezident mazkur qurilayotgan ko‘prikni ko‘zdan kechirdi.
Valday ekspertlari: Afg‘onistondagi transport loyihalari u yerda to‘laqonli hukumat paydo bo‘lishiga bog‘liq
Afg‘onistonda transport va infratuzilma loyihalarini amalga oshirish ushbu mamlakatning to‘laqonli va barqaror hukumati irodasiga bog‘liq, deyiladi «Valday» klubining yangi hisobotida. O‘zbekiston Transafg‘on temir yo‘li qurilishi orqali Pokiston portlariga chiqishga intilmoqda, biroq hisobot mualliflari dengiz savdo yo‘llariga chiqish barcha muammolarga yechim bo‘lmaydi, deb hisoblamoqda.
Prezident Shavkat Mirziyoyev BMT Bosh Assambleyasi 76-sessiyasida nutq so‘zladi
Prezident Shavkat Mirziyoyev BMT Bosh Assambleyasi 76-sessiyasi umumiy munozaralarining birinchi kunida videomurojaat bilan so‘zga chiqdi. Davlat rahbari xalqaro hamjamiyatga mintaqa va global kun tartibidagi dolzarb masalalar, BMTning zamonaviy tahdid va xatarlarga qarshi birgalikda chora ko‘rishdagi roli yuzasidan o‘z nuqtai nazarini taqdim etdi hamda qator taklif va tashabbuslarni ilgari surdi.
«Doing business» mualliflari «O‘zbekiston protokoli»dan bexabar — JB
Jahon bankining O‘zbekistondagi vakolatxonasining ma’lum qilishicha, «Biznes yuritish» hisoboti mualliflari va bankning mintaqadagi vakillari 2018 va 2020 yillarda reyting ma’lumotlaridagi nomuvofiqlik bo‘yicha surishtiruvda tilga olingan «O‘zbekiston protokoli»dan xabardor emas.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 1,40 so‘mga ko‘tarilib, 10 688,10 so‘m etib belgilandi. Shuningdek, yevro va rubl kursi ham ko‘tarildi.
Qoraqalpog‘istonni rivojlantirish uchun 43 trln so‘m yo‘naltiriladi — Shavkat Mirziyoyev
O‘zLiDePning prezidentlikka nomzodi Shavkat Mirziyoyev kelgusi 5 yilda Qoraqalpog‘istonni rivojlantirish uchun 43 trln so‘m yo‘naltirilishini ta’kidladi. Ushbu mablag‘lar davlat budjeti, xalqaro moliya tashkilotlari va bank kreditlari hisobidan ajratiladi.
ITB va OPEK O‘zbekistondagi qishloq joylarini rivojlantirish uchun $275 mln ajratadi
Islom taraqqiyot banki va OPEK xalqaro taraqqiyot jamg‘armasi tomonidan O‘zbekistondagi qishloq joylarini rivojlantirish loyihasi uchun $275 mln miqdorida qarz ajratiladi. Loyiha Qoraqalpog‘iston Respublikasi, Buxoro, Navoiy va Xorazm viloyatlarining 20 ta tumanidagi 170 ta MFY hududlarida amalga oshiriladi.
O‘zbekistonda LADA avtomobillarini seriyali ishlab chiqarish boshlandi
Roodell kompaniyasi ADM Jizzakh zavodida LADA avtomobillarini yig‘ishni boshladi. Birinchi bo‘lib Vesta SW va XRAY modellarini ishlab chiqish yo‘lga qo‘yildi. Tez orada ular safiga Largus ham qo‘shiladi.
«Trest-12» davlat ulushini sotib olish uchun arizalar qabuli boshlandi
«Trest-12» qurilish kompaniyasini xususiylashtirishga tayyorgarlik ko‘rilmoqda. UzAssets investitsiya kompaniyasi «raqobatga asoslangan sotuv jarayoni orqali» «Trest-12» ustav kapitalidagi 51,12 foizlik aksiyalar paketi sotilishi haqida e’lon berdi.
Dollarning rasmiy kursi ko‘tarildi
Dollarning so‘mga nisbatan rasmiy kursi 12,62 so‘mga ko‘tarilib, 10 686,70 so‘m etib belgilandi. Shuningdek, yevro va rubl kursi esa pasaydi.
O‘zbekiston uran ishlab chiqaruvchi mamlakatlar reytingida beshinchi o‘rinni egalladi
O‘zbekiston dunyo bo‘yicha uran ishlab chiqaruvchi mamlakatlar reytingida beshinchi o‘rinni band etdi. 2020 yilda mamlakatda qariyb 3500 tonna uran qazib olingan.
Avgust oyida O‘zbekiston avtomobil bozorida savdo hajmi oshdi. Bu qanday sodir bo‘ldi?
Avgust oyida O‘zbekiston avtomobil bozorida savdoning sezilarli o‘sishi kuzatildi, deb xabar beradi Iqtisodiy tadqiqotlar va islohotlar markazi. Shu bilan birga, yangi avtomobillarni sotish hajmi pasayishda davom etmoqda va o‘sish eski avtomobillarning ikkilamchi bozoridagi faollik sabab ta’minlanmoqda.
Eng ko‘p o‘qilgan xabarlar | So‘nggi yangiliklar
- Suez bosh direktori — Toshkent suv ta’minoti tizimini modernizatsiya qilish va O‘zbekistondagi loyihalar haqida
- FTA, YeI va BMTTD O‘zbekistonda yashil budjetlashtirishni qo‘llab-quvvatlaydi
- Toshkentda Binance kriptobirjasiga doir sud jarayoni davom etmoqda
- Yil boshidan buyon 115 ming o‘zbekistonlik mehnat migratsiyasidan qaytib keldi
Qo‘shimcha imkoniyatlarga ega bulish uchun saytda ro‘yxatdan o‘ting