Жаҳон
Антарктидада рекорд даражадаги юқори ҳарорат қайд этилди
Метеорологлар март ойида Антарктидада рекорд даражадаги юқори ҳароратни (ўртача ойлик даражадан 40 даража юқори) ва қитъага хос бўлмаган ёмғирларни қайд этишди. Антарктидадан катталиги Рим ёки Нью-Йоркка тенг муз бўлаги ажралиб чиқди.
Forbes 2022 йил учун дунё миллиардерлари рейтингини эълон қилди
Forbes’нинг 2022 йилги миллиардерлар рейтингида SpaceX ва Tesla асосчиси Илон Маск 219 млрд доллар билан 1-ўринни эгаллади. Франсуаза Беттанкур Майерс (74,8 млрд доллар) дунёнинг энг бой аёли бўлди. Шунингдек, Россиянинг Топ-15 миллиардерлари бойлигининг камайгани қайд этилди. Дунёнинг энг кўп миллиардерлари яшайдиган шаҳарлари ва давлатлари рўйхати ҳам эълон қилинди.
Буча кўчаларидаги жасадлар рус қўшинлари олиб чиқилишидан олдин у ерда бўлган — NYT
The New York Times журналистлари Украинанинг Буча шаҳридан олинган сунъий йўлдош тасвирларини таҳлил қилиб, тинч аҳолининг жасадлари кўчаларда март ойи ўрталарида, шаҳар ҳали Россия ҳарбийлари назорати остида бўлган пайтда пайдо бўлган деган хулосага келишди.
Германияда моддалар савдоси билан шуғулланувчи «Гидра» даркнет-сайти ёпилди
Германия полицияси гиёҳванд моддалар савдоси билан шуғулланувчи «Гидра» даркнет платформасининг серверларини ёпди. Умумий суммаси 23 млн еврога тенг 543 биткоин платформа билан боғлиқ ҳисоблардан мусодара қилинди. Маълумотга кўра, бу дунёдаги энг кўп товар айланмасига эга бўлган ноқонуний савдо майдончаси бўлган бўлиши мумкин.
«Инсон ҳуқуқлари учун масъулиятни зиммага олиш керак» — Amnesty International
Ўзбекистонда инсон ҳуқуқлари соҳасидаги яхшиланишлар билан бир қаторда, сўз эркинлиги, уюшмалар ва тинч йиғилишлар эркинлигига нисбатан чекловлар сақланиб қолмоқда, дейилади Amnesty International ҳисоботида. Дунёда сўз, виждон эркинлиги, йиғилиш эркинлиги ва бошқа эркинликларга нисбатан тазйиқ кучаймоқда, дея таъкидлади инсон ҳуқуқлари ташкилоти.
Boston Dynamics омборда хизмат қилувчи «ақлли» роботлар сотувини бошлади
Boston Dynamics қутиларни бир жойдан бошқа жойга кўчира оладиган Stretch роботлари сотувини бошлади. Компания 2022 йилда етказиб бериш режалаштирилган барча роботларни аллақачон сотиб бўлди. Жумладан, DHL 15 млн долларга роботларни харид қилди.
Украинанинг Буча шаҳрида содир бўлган фожиа. Муносабатлар
Украина шаҳар ва қишлоқлари 40 кундан бери авиация ва артиллерия ўқлари остида яшамоқда. Жаҳон ОАВ Россия қўшинлари томонидан Киев вилоятида ташлаб кетилган, кўчалари тинч аҳолининг жасадлари билан тўлиб-тошган, баъзиларининг қўллари орқасига боғлаб қўйилган Буча шаҳридан олинган кадрларни чоп этди. Россия Мудофаа вазирлиги фотосуратлар ва видеолавҳаларни «навбатдаги провокация» ва «Ғарб оммавий ахборот воситалари учун саҳналаштириш» деб атади. Фожиа ҳақида нималар маълум ва қандай муносабатлар билдирилди — шарҳимизда.
19 ёшли Оливия Родригодан 44 ёшли Канье Уэстгача — Грэмми-2022 ғолиблари эълон қилинди
Лас-Вегасда Грэмми мусиқий премиясининг 64-тақдирлаш маросими бўлиб ўтди. Бруно Марс ва Андерсон Пакнинг «Leave The Door Open» композицияси «Йил қўшиғи» деб эътироф этилди. «Йил альбоми» бўйича ғолибликни Джон Батист қўлга киритди. Ғолиблар орасидан 19 ёшли Оливия Родриго ва камбэк қилган Канье Уэст ҳам ўрин олган. Қолаверса, маросимга видеомурожаат йўллаган Украина президенти Владимир Зеленский санъаткорлардан жимликни мусиқа билан тўлдиришни сўради.
Александр Вучич иккинчи муддатга Сербия президенти этиб сайланди
Александр Вучич Сербия президентлиги сайловида ғалаба қозонганини эълон қилди. У сайловчиларнинг камида 60 фоизлик овозини тўплади. Шунингдек, Венгрияда ҳам парламент сайловлари бўлиб ўтди. Унда амалдаги бош вазир Виктор Орбан бошчилигидаги коалиция ғолиб бўлди.
Покистон бош вазири Имрон Хон лавозимидан озод этилди
Покистон президенти Ориф Алвий бош вазир Имрон Хон таклифига биноан мамлакат парламентини тарқатиб юборганди. Шундан сўнг, бош вазирнинг ўзи ҳам лавозимидан озод қилинди. Имрон Хон муваққат бош вазир тайинлангунга қадар мазкур лавозимда қолади. Мамлакатда парламент сайловлари 90 кундан сўнг ўтказилиши кутилмоқда.
«Толибон» бутун Афғонистон ҳудудида кўкнори етиштиришни тақиқлади
«Толибон» ҳаракати бутун Афғонистон бўйлаб фермерларга кўкнори етиштиришни тақиқлади. Аниқланган ҳосиллар йўқ қилинади, қоидабузарлар эса шариат қонунларига асосан жазоланади.
Қозоғистонда президентга суиқасд уюштирмоқчи бўлган хорижий разведка агенти қўлга олинди
Нур-Султон шаҳрида Қозоғистон Миллий хавфсизлик қўмитаси (КНБ) контрразведкаси мамлакат президентига суиқасд уюштиришни режалаштираётганликда гумон қилинган «хорижий разведка агенти»ни қўлга олди. Шунингдек, ушбу агент Қозоғистонда Россияга қарши ташвиқот олиб бориш ва жамиятда русофобик қарашларни шакллантириш вазифаларини олгани маълум қилинди.
«Биз Қримни ва Донбасни тан олмаймиз, чунки БМТ уларни тан олмайди» — Қозоғистон президенти администрацияси раҳбари ўринбосари
Қозоғистон Украинанинг ҳудудий яхлитлигини ҳурмат қилади, дея маълум қилди Қозоғистон ПА раҳбарининг биринчи ўринбосари Тимур Сулейменов. Унинг қайд этишича, Қозоғистон зиддиятда қайсидир тарафни «на ҳарбий, на сиёсий жиҳатдан қўллаб-қувватламайди», бироқ Украинага инсонпарварлик ёрдамини кўрсатади. Шу билан бирга, Қозоғистон Россияга қарши санкцияларни четлаб ўтиш учун восита бўлмайди ҳамда Россия ва Беларусга қўйилган чекловларга риоя қилади.
Украинада 1276 нафар тинч аҳоли ҳалок бўлди — БМТ
24 февралдан 1 апрелга қадар Украинадаги уруш оқибатида 1276 нафар тинч аҳоли ҳалок бўлди, яна 1981 киши яраланди. Бу БМТ томонидан тасдиқланган рақамлар, асл ҳолат бунданда кўпроқ бўлиши мумкин. Украина бош прокурори жума куни соат 8:00 ҳолатига жами 153 нафар бола ҳалок бўлгани ва 245 нафар бола жароҳат олганини қайд этди.
Forbes: Франция Алишер Усмоновга алоқадор иккита вертолётни ҳибсга олди
Франция ҳукумати санкциялар остида бўлган миллиардер Алишер Усмонов билан боғлиқ бўлган иккита вертолётнинг фойдаланиш ҳуқуқини музлатиб қўйди, деб хабар қилди Forbes. Уларнинг нархи 26 млн долларга баҳоланмоқда. Тадбиркорнинг вакили Усмонов ўз мулкининг катта қисмини, шу жумладан ушбу вертолётларни қайтариб бўлмайдиган трастларга бериб юборганини маълум қилди.
Фото: Қуёшнинг инсоният тарихидаги энг яқин тасвирлари эълон қилинди
ESA ва NASA ҳамкорлигида амалга оширилаётган миссия — Solar Orbiter автоматик космик аппарати қуёшнинг кузатувлар тарихидаги энг яқин тасвирларини тақдим этди. Суратлар қуёш орбитасидан тахминан 75 млн км узоқликда, яъни қурилма Ер сайёраси ва Қуёш ўртасидаги масофага етганида олинган.
Италияда Алишер Усмоновнинг мол-мулки мусодара қилинди
Италиянинг Сардиния оролида россиялик олигарх Алишер Усмоновнинг мол-мулклари мусодара қилинди. Жумладан, тадбиркор 17 млн евролик вилласи ва 66 млн евролик активлари бўлган олтита компаниясидан айрилган. Шуниндек, пулемёт ва қўл гранаталари ҳужумларига бардошли қиймати 600 минг доллардан зиёд Mercedes Maybach S650 Guard VR10 автомобили ҳам олиб қўйилгани айтилмоқда.
Россия Киев ва Чернигов йўналишларида ҳарбий фаоллигини кескин қисқартиради. Туркияда бўлиб ўтган Россия-Украина музокаралари натижаси
Истанбулда Россия ва Украина делегациялари ўртасида навбатдаги музокаралар бўлиб ўтди. Украина халқаро хавфсизлик кафолатлари масаласида ўз таклифларини тақдим этди. Унга кўра, Россия Украинани Европа Иттифоқига қўшилишига қаршилик қилмайди, мамлакат хавфсизлиги БМТ Хавфсизлик кенгашининг доимий аъзолари томонидан кафолатланади. Айни вақтда Киев ҳарбий иттифоқларга қўшилишдан бош тортишга ваъда берди. Россия эса Киев ва Чернигов йўналишларида ҳарбий фаоллик кескин қисқартирилишини маълум қилди.
Украинанинг уруш натижасидаги иқтисодий йўқотишлари 564,9 млрд долларга етгани айтилди
Украинадаги уруш натижасида бир марталик иқтисодий йўқотишлар қиймати 564,9 млрд долларга етди, дея маълум қилди Украина иқтисодиёт вазири. У «рақамлар ўсишда давом этишини» таъкидлади. Шунингдек, Халқаро валюта жамғармасининг дастлабки ҳисоб-китобларига кўра, уруш натижасида Украина иқтисодиётининг 35 фоизга пасайиши кутилмоқда.
Украинадаги уруш камбағал мамлакатларда озиқ-овқат танқислигига олиб келиши мумкин — ЖСТ раҳбари
ЖСТ бош директори Нгози Оконжо-Ивеала Россиянинг Украинадаги ҳарбий операцияси озиқ-овқат нархлари ва очликка сезиларли даражада таъсир қилишини таъкидлади. У Африканинг кўплаб мамлакатлари Қора денгиз минтақасидан келадиган озиқ-овқат таъминотига боғланиб қолганини қайд этди. Россия ва Украина бутун дунё буғдой таъминотининг 24 фоизини, кунгабоқар ёғи ва кунжара экспортининг тахминан 80 фоизини ташкил қилишади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг