Қозоғистон Жиноят кодексига никоҳ учун одам ўғирлаганлик бўйича алоҳида модда киритиш таклиф қилинмоқда. Омбудсман идораси ушбу қарор аёлларга нисбатан жиноятлар сонини камайтиришга ёрдам беради, дея умид қилмоқда.
Бирорта ҳам сайланган амалдор қолмаган, мамлакатнинг аксарият ҳудуди қуролли тўдалар назорати остида, миллионлаб аҳолига эса очлик хавф соляпти. Кариб ҳавзасида жойлашган Гаити давлат сифатида ўзининг мавжудлигини таҳдид остида қолдирган энг жиддий инқирозни бошдан кечирмоқда.
Қаттиқ режимдаги колонияда 9 йиллик қамоқ жазосини ўтаётган россиялик мухолифатчи Алексей Навальний 19 йилга махсус режимли колонияга ҳукм қилинди. Унинг айтишича, у умрбод қамоқ жазосини ўтаётганини жуда яхши тушунади ва 19 рақами эса русларни қўрқитиш учун мўлжалланган.
Украинадаги уруш авж олиши фонида Россия ўз армияси учун Қозоғистондан кўнгиллиларни ёллашни бошлади, деб ёзмоқда Reuters. Интернетдаги реклама мамлакат аҳолисига «аниқ йўналтирилган» ва шартнома имзолангандан кейин 5000 доллардан ортиқ тўлов таклиф қилинмоқда.
Хитой ҳукумати «вояга етмаганлар учун хавфсиз ва соғлом интернет муҳитини яратиш» мақсадида 18 ёшгача бўлган болаларнинг мобил қурилмаларда интернетдан фойдаланиш вақтини чеклашни режалаштирмоқда.
Дональд Трамп АҚШ Конгресси биносига ҳужум қилиш билан боғлиқ иш бўйича айбланмоқда. Айбловга кўра, АҚШнинг собиқ президенти «ҳокимиятда қолишга қатъий қарор қилган» ва 2020 йилги президентлик сайлови натижаларини алдов йўли билан бекор қилишга уринган.
Қозоғистонда бошпанасиз ҳайвонларни тутиш хизматлари уларни ушлаш жараёнини тасвирга олиши керак бўлади. Бу ҳайвонларга нисбатан шафқатсизлик ҳолатларининг олдини олишга ёрдам бериши кутилмоқда.
Тамаки назорати соҳасида ижобий ўзгаришлар бор, аммо унинг истеъмоли «жамоат саломатлиги учун асосий таҳдидлардан бири» бўлиб қолмоқда, дейилади ЖССТ ҳисоботида. Ҳар йили дунёда 1,3 миллионга яқин одам пассив чекиш (тамаки тутуни) қурбони бўляпти.
Москвага дронлар ҳужумидан сўнг «Туркманистон» авиакомпанияси Россия пойтахтига парвозларни тўхтатди. Қарор «парвоз хавфсизлигини таъминлаш мақсадида хавфни баҳолаш» асосида қабул қилинган.
АҚШ «Толибон» ҳаракатини «инсон ҳуқуқлари билан боғлиқ вазиятнинг ёмонлашишига олиб келувчи сиёсатини, айниқса, аёлларга нисбатан қайта кўриб чиқишга» чақирди. «Толибон», ўз навбатида, Афғонистон Марказий банкининг музлатилган активларини қайтаришни сўради.
Хитой сентябрдан ҳарбий мақсадларда қайта жиҳозланиши мумкинлигидан хавотирланиб, фуқаролик дронлари экспортига чекловлар киритмоқда. Дронларнинг айрим бутловчи қисмларини рухсатсиз экспорт қилиш ҳам тақиқланади.
Россия қўшинлари Украинанинг Кривой Рог шаҳрига ракета ҳужуми уюштирди, тўққиз қаватли турар жой биноси ва университет ўққа тутилди. Камида тўрт киши ҳалок бўлди, 40 дан ортиқ киши жароҳат олди.
Покистоннинг Бажаур туманида сиёсий партия йиғилишида худкуш портлаш уюштирди. Дастлабки маълумотга кўра, 44 киши ҳалок бўлган, 100 дан ортиқ киши жароҳат олган. Ўзбекистон ТИВ қурбонларнинг оила аъзолари ва яқинларига ҳамдардлик билдирди.
«Глобал исиш даври тугади, глобал қайнаш даври кириб келди», — дея маълум қилди БМТ раҳбари. Метеорологларнинг фикрича, жорий йилнинг июли кузатувлар тарихидаги энг иссиқ ой бўлади. Бу ойда энг иссиқ уч ҳафта ва энг иссиқ уч кун қайд этилди.
JPMorgan олтин нархи 2024 йилда рекорд даражага — бир унцияси 2175 долларгача кўтарилишини кутмоқда. Бу, экспертларнинг фикрига кўра, яқинда асосий ставкани 22 йил ичида максимал даражага кўтарган АҚШ Федерал захира тизимининг пул-кредит сиёсатини юмшатиши фонида содир бўлади.
Марказий Осиё ва Европадаги болаларнинг қарийб ярми иссиқлик тўлқинларига дучор бўлмоқда — бу глобал ўртача кўрсаткичдан икки баробар кўп, дейилади ЮНИСЕФ ҳисоботида. Ташкилот минтақа ҳукуматларини шошилинч чоралар кўришга чақирди.
Мобил телефонлардан ортиқча фойдаланиш ўқувчиларнинг ўзлаштириш даражасини пасайтиради ва болаларнинг ҳиссий барқарорлигига салбий таъсир қилади, дейилади ЮНEСКО ҳисоботида. Дунёнинг ҳар тўртинчи давлатида мактабларда смартфонлар аллақачон тақиқланган.
Жаҳон иқтисодиёти пандемиядан ва Россиянинг Украинага бостириб киришидан сўнг тикланишда давом этмоқда, бироқ тарихий стандартлар бўйича заиф ўсишни кўрсатмоқда, дея қайд этди Халқаро валюта жамғармаси. Глобал инфляция эса юқорилигича қолмоқда.
Хитой ташқи ишлар вазири Цинь Ган бир ой давомида омма олдида кўриниш бермагани ортидан лавозимидан четлатилди. Ван И ХХР Ташқи ишлар вазирлигининг янги раҳбари бўлди.
Сўнгги ҳафталарда Шимолий Америка, Европа ва Осиёни қамраб олган ҳаддан ташқари иссиқлик тўлқинлари иссиқхона газлари эмиссияси натижасида юзага келган глобал исиш туфайли пайдо бўлган, дейилади World Weather Attribution тадқиқотида.
Қўшимча имкониятларга эга булиш учун сайтда рўйхатдан ўтинг