Poytaxtning Chilonzor tumanida Lacetti avtomobili svetoforning qizil chirog‘ida to‘xtab turgan yuk mashinasiga urildi. Lacetti haydovchisi olgan tan jarohatlari bilan shifoxonada vafot etdi.
O‘tgan besh oy ichida poytaxt ko‘chalarida avtobuslar ishtirokida haydovchilari aybi bilan 35 ta YTH sodir bo‘lgan. Ularning 21 tasi avtobus ichida yo‘lovchilarning yiqilib, jarohat olishi bilan bog‘liq. Avariyalardan biri esa fuqaro o‘limiga olib kelgan.
Andijonda «GAZ-5327» yuk mashinasini mast holda boshqargan haydovchi Matiz va Spark bilan to‘qnashuv sodir etdi. Besh kishi, jumladan bir voyaga yetmagan bola jarohatlandi.
Toshkent shahrining Olmazor tumanida 35 yoshli piyodani Lacetti avtomobili urib yuborishi oqibatida, piyoda tan jarohatlari olib, shifoxonada vafot etgan.
Qirg‘iziston prezidenti Sadir Japarovning Issiqko‘l viloyatiga safari chog‘ida mast haydovchi boshqargan avtomobil uning kortejiga urilib ketdi.
Toshkentda Nexia-3, Lacetti va Mercedes-Benz ishtirokida to‘qnashuv bo‘ldi. Oqibatda bir nafar haydovchi va ikki yo‘lovchi tan jarohati bilan shifoxonaga olib ketilgan.
Respublikada yo‘l harakati sohasidagi muammolarni kompleks o‘rganish va amaliy muammolarni bartaraf etish bo‘yicha idoralararo ishchi guruhi tuzildi. Guruh tarkibiga Hukumat, ichki ishlar, transport, moliya vazirliklari, avtomobil yo‘llari qo‘mitasi va boshqa mutasaddi idoralar va tashkilotlarning rahbar va malakali mutaxassislari kiritilgan.
Toshkent shahrining Yangihayot tumanida 55 yoshli piyodani Lacetti avtomobili urib yuborishi oqibatida, piyoda tan jarohatlari olib, shifoxonada vafot etgan.
4 oy davomida bolalar ishtirokidagi YTH soni 25,3, ularda halok bo‘lgan bolalar soni 64,5 foizga oshgan.
27 may kuni poytaxtning Yakkasaroy tumanida Nexia va Isuzu avtobusi to‘qnashuvi oqibatida yengil avtomobil haydovchisi vafot etdi. Xuddi shu kuni Yashnobod tumanida piyoda Matiz urib yuborishi natijasida vafot etdi.
Toshkent viloyatining Angren shahrida MAN yuk mashinasi va yettita yengil mashinalar ishtirokida YTH sodir bo‘ldi. Oqibatda 7 nafar fuqaro voqea joyida vafot etdi, 14 nafar fuqaro turli darajadagi tan jarohatlari bilan shifoxonaga yetkazilgan.
Dushanba kuni kechasi va ertalab poytaxtning Chilonzor tumanida ikkita avariya yuz berdi. Ularning birida uch kishi jarohat olgan, ikkinchisida haydovchi vafot etgan.
2021 yilning dastlabki to‘rt oyida mamlakatda 2242 ta YTH qayd etildi. Buning oqibatida 1684 kishi jarohatlangan, 557 kishi esa vafot etgan. Tahlillarga ko‘ra, aprel oyining o‘zida piyodalar ishtirokidagi avariya — 318 tani, bolalar bilan bog‘liq hodisa esa — 148 tani tashkil etgan.
Sirdaryo viloyatida yuk mashinasi yo‘lning piyodalar yo‘lakchasidan o‘tayotgan maktabning 2 sinf o‘quvchisini urib yubordi. Bola olgan tan jarohatlaridan shifoxonada vafot etgan.
Samarqand viloyatida 42 yoshli Turkiya fuqarosi o‘z boshqaruvidagi yuk avtomashinasida piyodani urib yubordi. 39 yoshli piyoda voqea joyida vafot etgan.
Farg‘ona viloyatida Malibu avtomashinasi yo‘lning qatnov qismiga chiqib ketgan velosipedchini urib yubordi. Jabrlanuvchi tan jarohati olib, shifoxonada vafot etdi.
Nukusda uchta avtomobil to‘qnuvi natijasida olti kishi, Norin tumanida uchta mashina ishtirokidagi YTHda ikki kishi qurbon bo‘ldi, har ikki avariyada besh kishi jiddiy tan jarohatlari oldi.
Qashqadaryo viloyatida «VAZ 21−01» va Nexia avtomashina to‘qnashuvi oqibatida yetti kishi vafot etdi. Ulardan ikki nafari bir va to‘rt yoshli bola bo‘lgan. YTHga haydovchilarning yuqori tezlikda harakatlanishi bilan birga yo‘llarning nosozligi sabab bo‘lgani aytilmoqda. Holat bo‘yicha viloyat hokimi Zoir Mirzayev yig‘ilish o‘tkazdi. «Barchaga bu holat ibrat bo‘lsin. Yo‘l erkalikni ko‘tarmaydi», — dedi u.
Xorazmda 10-sinf o‘quvchisi Lacetti avtomashinasida qarama-qarshi yo‘lga chiqib ketib, Damas rusumli avtomashinaga borib urilgan. Natijada uch kishi vafot etdi. Lacetti boshqargan o‘quvchining haydovchilik guvohnomasi bo‘lmagan.
Mening Fikrim onlayn-petitsiya portalida shaharlarda transportning ruxsat etilgan tezligini 50 km/soatgacha va ijtimoiy ahamiyatga ega obyektlar yaqinida 30 km/soatgacha kamaytirish bo‘yicha petitsiya e’lon qilindi. Bunday qoidalar barcha rivojlangan mamlakatlarda amal qiladi.
Qo‘shimcha imkoniyatlarga ega bulish uchun saytda ro‘yxatdan o‘ting