Namangan viloyatida MAN avtomashinasi haydovchisi piyodani urib yuborib, voqea joyidan yashiringan. Jabrlanuvchi vafot etdi.
Poytaxtning Olmazor tumanida Nexia-3 qarama-qarshi tomoniga chiqib ketib, Matiz bilan to‘qnashdi. Ikki kishi vafot etdi.
Samarqand shahrida Nexia-3 rusumli avtomobil velosipedchini urib yubordi. Velosipedchi tan jarohati bilan shifoxonaga yotqizilgan. Holat yuzasidan surishtiruv harakatlari olib borilmoqda.
Namangan viloyatining Yangiqo‘rg‘on tumanida Tico avtomobili haydovchisi piyodani urib yuborishi oqibatida, piyoda og‘ir tan jarohatlari olib, shifoxonada vafot etgan.
Toshkent shahrining Mirzo Ulug‘bek tumanida Nexia va mototsikl to‘qnashuvi oqibatida 30 yoshli erkak halok bo‘ldi.
Farg‘ona viloyatining Dang‘ara tumanida Lacetti va velosiped ishtirokida yo‘l-transport hodisasi sodir bo‘ldi. Jabrlanuvchi tan jarohati olib, shifoxonada vafot etgan. Shuningdek, Marg‘ilonda ham Lacetti avtomashinasi velosipedchini urib yuborgan. Natijada velosipedchi shifoxonada vafot etgan.
Toshkentning Yakkasaroy tumanida 3 ta avtomobil ishtirokida YTH sodir bo‘ldi. To‘qnashuv natijasida tan jarohati olgan fuqarolar yo‘q.
Chorshanba kuni Yakkasaroy tumanida samarqandlik fuqaro boshqaruvidagi Lacetti Spark va Matiz mashinalari bilan to‘qnashadi. Oqibatda Matiz ag‘darilib, qarshisida turgan avtobusga urilgan. Ikki avtomobil yo‘lovchilari tan jarohati olgan va shifoxonaga yotqizilgan.
Mirobod tumanida Lacetti, Toyota, Spark, Malibu va Nexia avtomobillarining to‘qnashuvi sodir bo‘ldi. Nexia haydovchisiga tibbiy yordam ko‘rsatilgan.
Andijon viloyati Shahrixon tumanida 4 ta avtomobil ishtirokida YTH sodir bo‘ldi. 2 kishi jarohatlandi.
Yunusobod tumanida Spark hamda Lacetti to‘qnashdi. Spark ag‘darilishi oqibatida haydovchisi shifoxonaga olib ketilgan.
Narpay tumanida Cobalt «KAMAZ» ning orqasidan kelib urishi natijasida 2 kishi vafot etdi. 3 nafari tan jarohatlari bilan kasalxonaga yotqizilgan.
Toshkentda haydovchisi tezlikni oshirib yuborgan Cobalt yo‘lning to‘siq ustidan uchib o‘tib, Lacetti bilan to‘qnashgan. Ikki kishi halok bo‘lgan. YHXBB xabar berishicha, jamoat qoidabuzarning harakatlarini «keskin qoraladi».
Qoraqalpog‘istonda yuk mashinasini boshqarib kelayotgan mast haydovchi mashinani to‘xtatmoqchi bo‘lgan yo‘l-patrul xizmati inspektorini urib ketdi. YPX xodimi tan jarohatlari sababli shifoxonada olamdan o‘tdi.
Qashqadaryoda 7 nafar yo‘lovchisi bo‘lgan Nexia yuk mashinasiga urildi. Nexia`dagi 4 nafar fuqaro vafot etdi, yana 3 nafari jiddiy tan jarohatlari olgan.
Andijon shahrida 3 ta Lacetti va Labo ishtirokida YTH sodir bo‘ldi. Hodisa oqibatida Labo haydovchisiga tez tibbiy yordam ko‘rsatilgan.
Surxondaryoning Bandixon tumanida YPX inspektori «Lasetti» rusumli maxsus xizmat avtomobili boshqaruvini yo‘qotib, YTH sodir etdi. Hodisadan hech kim jabrlanmadi.
Qarshi shahrida «Lacetti» haydovchisi mashinani orqaga boshqarayotib, 8 va 9 yoshli bolalarni urib yubordi. Ikkala voyaga yetmagan bolalar yengil tan jarohati olgani aytilmoqda.
Toshkent viloyatining Qibray tumanida payshanba kuni ertalab beshta avtomobil ishtirokida YTH sodir bo‘ldi. Xabar qilinishicha, yo‘l kechasi yuvilgan, quyuq tuman ham tushgan.
«Navbahor» futbol klubi muxlisini Jizzaxning «So‘g‘diyona» jamoasi bilan o‘yinidan so‘ng mashina urib yubordi. Fuqaro bir necha tan jarohatlari bilan vafot etdi.
Qo‘shimcha imkoniyatlarga ega bulish uchun saytda ro‘yxatdan o‘ting