Tanzila Norboyevaning ma’lum qilishicha, 2020 yilning dekabr oyiga qadar reabilitatsiya markazlari tomonidan 5 876 nafar tazyiq va zo‘ravonlikka uchragan ayolga yordam ko‘rsatilgan va 11 138 nafar xotin-qizga ichki ishlar organlari tomonidan himoya orderi berilgan.
O‘zbekistonda xotin-qizlarning ilm-fan, texnologiya, injiniring va matematika (STEM) sohalarida ishtiroki pastligicha qolmoqda. Ish haqi kam bo‘lgan ijtimoiy sohalarda ayollar ko‘proq faoliyat yuritadi, erkaklar ko‘proq maoshli texnik sohalarda ishlaydilar. Buning sabablari va yechimlari to‘g‘risida BMT Taraqqiyot Dasturi va Mahalla vazirligining tadqiqotida.
Hindistonda ikkinchi va uchinchi klinik sinovlari o‘tkazilayotgan 3 turdagi vaksinalar O‘zbekistonga olib kelinishi kutilmoqda.
Sobiq sog‘liqni saqlash vaziri Alisher Shodmonov karantin endigina boshlanganida JSSTning o‘zida ham davolash bo‘yicha isbotlangan hech qanday usul bo‘lmaganini aytdi. Shundan kelib chiqib, “AQSh prezidenti birinchi bo‘lib gidroksixloroxinni maqtab chiqdi, shu zahoti buni sotib olish masalasi boshlandi”, — deya ta’kidladi.
Navoiy viloyatidagi xususiy hayvonot bog‘ida hayvonlarning ruxsatnomasiz va sharoitlarida kamchiliklar bilan saqlanayotgani aniqlandi. Hayvonot bog‘i direktori Navoiy shahar ma’muriy sudidan ogohlantirish oldi va unga besh kun ichida kamchiliklarni bartaraf etish to‘g‘risida buyruq berildi.
Sirdaryoda YPX xodimi uch yil oldin vafot etgan fuqaroga nisbatan bayonnoma tuzgan. Aniqlanishicha, texnik xatolik tufayli jarima ism-familiyasi bir xil bo‘lgan samarqandlik mahrumning nomiga rasmiylashtirib qo‘yilgan.
2019 yilning dekabr oyida Yunusobod metro liniyasi qurilishida tuproq o‘pirilishi natijasida 6 kishi halok bo‘lgan edi. Toshkent prokuraturasining «Gazeta.uz» so‘roviga javobida ilk bor favqulodda holat yuz berishida sababchi bo‘lgan to‘rt nafar mutaxassisning nomini ochiqladi. Idora nima sababdan ularga nisbatan ayblilik to‘g‘risidagi masalani hal qilmasdan jinoyat ishi tugatilganiga izoh berdi.
Bosh vazir o‘rinbosari Aziz Abduhakimov O‘zbekiston ziyorat turizmi salohiyatini targ‘ib qiluvchi xalqaro sputnik telekanalini tashkil etish va unda musulmon aholisi ko‘p bo‘lgan mamlakatlar tillarida efirga chiqishni, shu orqali targ‘ibot kampaniyasini kuchaytirish taklifini bildirdi.
Norin tumanida yashovchi 18 va 23 yoshli ikki yigit oldindan til biriktirib, ijarada yashab kelayotgan, asli uchqo‘rg‘onlik bo‘lgan 16 yoshli qizni o‘g‘irlashga urinishgan. Qiz yurib ketayotgan Damas avtomashinasidan o‘zini tashlab vafot etgan.
Savdo-sanoat palatasi raisi Adxam Ikromovning ta’kidlashicha, O‘zbekiston toifalar va tarmoqlar bo‘yicha tabaqalashtirilgan QQSga o‘tadi. Uning gaplariga ko‘ra, imtiyozlar va preferensiyalarga ega bo‘lgan kuchli o‘rta biznessiz mamlakat “hech qachon boshqa davlatlar bilan yetarlicha raqobatlasha olmaydi”.
UzAuto Motors 2021 yil yanvar oyida Asaka zavodi faoliyatini vaqtincha to‘xtatish rejalashtirilayotganini ma’lum qildi. Kompaniyaning bildirishicha, bu yangi sifat standartlarini joriy qilish bilan bog‘liq.
Toshkentda qurilish bo‘yicha yirik loyihalar «ko‘p qavatli uylar narxlari oshishining oldini olish uchun kerak», deya ta’kidladi Jahongir Ortiqxo‘jayev. Uning so‘zlariga ko‘ra, 2,5−3 yil avval uylarning narxi 1 kv. metri uchun 1500 dollardan kam bo‘lmasligi prognoz qilingan. «Agar Toshkent shahrida qurilishni to‘xtatib qo‘ysak, narxlar keskin oshishi kuzatilardi», — dedi hokim.
Innovatsion rivojlanish vaziri Ibrohim Abdurahmonov koronavirusga qarshi vaksina sinovlari poytaxtdagi uchta poliklinikada bo‘lib o‘tayotganligini ma’lum qildi. U o‘zi ham bir oy oldin ushbu vaksinalar bilan emlanganligini, hozirgacha o‘zida nojo‘ya ta’sirini sezmaganligini aytmoqda.
Energetika vazirligining xabar berishicha, ASKUE tizimi iste’molchilarning 100 foizini qamraganidan so‘ng to‘liq tartibda ishlay boshlaydi. Bugungi kungacha 72% iste’molchilarga ushbu turdagi hisoblagichlar o‘rnatilgan. Ushbu tizimga to‘liq ulanish 2021 yil apreligacha rejalashtirilgan.
Qoraqalpog‘iston Jo‘qorg‘i Kengesi raisi Murat Kamalov Toshkent shahar hokimi Jahongir Ortiqxo‘jayevga Nukusda o‘rnatilgan yangi yil archasi uchun minnatdorchilik bildirdi.
Namagandagi kafelardan birida 21 yoshli fuqaro atrofdagilarni tinchini buzib, o‘tkir kesuvchi jism bilan 24 yoshli fuqaroni og‘ir jarohatladi. Hozirda unga unga nisbatan jinoyat ishi qo‘zg‘atilib, «qamoqqa olish» tarzidagi ehtiyot chorasi qo‘llanilgan.
Iste’molchilar huquqlarini himoya qilish agentligi Ucell aloqa operatori tomonidan Al-Chiroq aksiyasi doirasida 337,9 mingdan ziyod abonent hisobidan ko‘rsatilmagan xizmat uchun pul yechib olinganini aniqladi. Pullar egalariga qaytarildi.
“O‘zbekiston tarixida bir yilda buncha kompensatsiya to‘lab berilmagan”. Bu yili “snos"lar bo‘yicha yer yoki pul ko‘rinishiga to‘lovlar 700−800 mlrd so‘mni tashkil etdi, deya ma’lum qildi Toshkent hokimi Jahongir Ortiqxo‘jayev. U 2021 yil so‘nggiga qadar barcha buzilishlar bo‘yicha qarzlarni to‘lashga va’da berdi.
Hirotda joylashgan Alisher Navoiy maqbarasining qayta ta’mirlanishi va obodonlashtirilishida O‘zbekiston Afg‘onistonga yordam beradi.
Uy-joy kommunal xizmat ko‘rsatish vaziriga xorijlik mutaxassis Olive Norman maslahatchi etib tayinlandi. U qishloq aholi punktlarini ichimlik suvi bilan ta’minlash loyihalarini shakllantirish masalalarida vazirlik mas’ul xodimlariga ko‘maklashadi.
Qo‘shimcha imkoniyatlarga ega bulish uchun saytda ro‘yxatdan o‘ting