Jamiyat
Do‘stlikda pomidor konservadan uch kishi zaharlandi, 26 yoshli kelin olamdan o‘tdi
Jizzax viloyatining Do‘stlik tumanida pomidordan tayyorlangan qo‘lbola konversava iste’mol qilgan oilaning uch a’zosi zaharlandi, 26 yoshli kelin hayotdan ko‘z yumdi.
Dam olish kunlari havo sovib, ba’zi joylarda kuchli yomg‘ir yog‘ishi kutilmoqda
Dam olish kunlari respublikada yomg‘ir yog‘adi, ba’zi joylarda kuchli bo‘lishi mumkin. Havo harorati kunduz kunlari 8−13 daraja iliqqacha, kechalari 2−7 daraja iliqqacha pasayadi.
Ilxom Muxtorov Davlat bojxona qo‘mitasi raisining birinchi o‘rinbosari v. b. etib tayinlandi
Davlat bojxona qo‘mitasi Kadrlar boshqarmasi boshlig‘i lavozimida faoliyat yuritgan Ilxom Muxtorov qo‘mita raisi o‘rinbosari v. b. etib tayinlandi.
Toshkentda BMW yo‘l chetida to‘xtab turgan yuk mashinasi ostiga kirib ketdi. 2 kishi halok bo‘ldi
Toshkentning Uchtepa tumanida BMW avtomobili yo‘l chetida to‘xtab turgan Isuzu yuk mashinasiga borib urilishi natijasida 2 yo‘lovchisi halok bo‘ldi, mashina haydovchisi shifoxonaga yotqizildi.
Koronavirusga qarshi birinchi navbatda emlanadigan fuqarolar soni ma’lum qilindi
O‘zbekistonda birinchi navbatda emlanadigan aholi soni ma’lum qilindi. Fuqarolar o‘zlari joylashgan hududlardagi tibbiyot muassasalarida tashkil etilgan emlash xonalarida emlanadi.
«Yangi yil bo‘lsa hamma sovg‘a tashishni boshlaydi. Qashqadaryodan tandir, Xorazmdan guruch keladi» — adliya vaziri
«Yangi yil bo‘lsa hamma sovg‘a tashishni boshlaydi. Qashqadaryodan tandir keladi, Xorazmdan guruch keladi», — dedi adliya vaziri Ruslanbek Davletov. Uning fikricha, buning oldini olish uchun «hukumat o‘z amaldorlarini to‘g‘ri tarbiyalay olishi kerak».
Navoiyda pul evaziga 50 gektar yerni ijaraga bermoqchi bo‘lgan o‘rmon xo‘jaligi xodimi ushlandi
Bosh prokuratura hamda DXX Navoiy viloyatida tadbirkorga pul evaziga 50 gektar yerni uzoq muddatli ijara shartnomasi bilan olib bermoqchi bo‘lgan o‘rmon xo‘jaligi xodimini qo‘lga oldi. Unga nisbatan jinoyat ishi qo‘zg‘atildi.
Toshkent aholisining murojaatlarini qabul qiluvchi xizmat ishga tushirildi
Toshkent shahar hokimligi shahar infratuzilmasi, uy-joy kommunal xo‘jaligi va obodonlashtirish kabi bir qator muammolar bo‘yicha murojaatlarni qabul qiluvchi Xalq nazorati nomli xizmatni ishga tushirdi.
Davron Hidoyatov — Toshkent viloyatida aniqlangan muammolar va vazifalar xaqida
Toshkent viloyati hokimi Davron Hidoyatov bir hafta ichida viloyat, shahar va tumanlar hokimliklari elektron hujjat aylanish tizimiga to‘liq o‘tkazilishini ma’lum qildi. Bundan tashqari, ikki yil ichida viloyatda bog‘cha yoshidagi bolalarning maktabgacha ta’lim bilan qamrab olinishi 100 foizga yetkazilishi rejalashtirilgan. Hokimlikdagi yig‘ilish davomida Davron Hidoyatov viloyatdagi muammolar va ularni yechish bo‘yicha vazifalarga batafsil to‘xtaldi.
Makro O‘zbekistonda elektromobillarning birinchi bekatlar tarmog‘ini qurishni boshladi
Makro AC, CCS va CHAdeMO larning 30 ta quvvatlantirish bekatlarini yetkazib berish bo‘yicha shartnoma imzoladi. Bekatlar nafaqat poytaxtda, balki boshqa shaharlardagi supermarketlar oldida ham o‘rnatiladi.
Jalaquduq va Jondor tumanlarida yer olib berishni va’da qilgan shaxslar ushlandi
Jalaquduqda o‘zini “kadastr” xodimi deb tanishtirgan shaxs mahalladan yer olib berishni, Jondorda esa kadastr mutaxassisi boshqa bir fuqaroga yer maydonini dehqon xo‘jaligi nomiga rasmiylashtirishni va’da qiladi. Ushbu shaxslar har ikki holatda ham o‘z xizmati evaziga kelishilgan mablag‘ni olayotganida qo‘lga tushadi.
Do‘stlik tumaniga yangi hokim tayinlandi
Shavkat Darvishev Do‘stlik tumani hokimi vazifasiga tayinlandi. Ushbu tayinlovdan avval, u Jizzax viloyati Moliya bosh boshqarmasi rahbari bo‘lgan.
Nukusda fuqaroni ichki ishlar tizimiga ishga kiritishni va’da qilgan shaxs ushlandi
Bosh prokuratura, DXX va IIV tomonidan Nukusda o‘tkazilgan tezkor tadbirda fuqaroni ichki ishlar tizimiga ishga kiritishni va’da qilgan shaxs ushlandi. Unga nisbatan Jinoyat kodeksining 168-moddasi 1-qismi, 28-moddasi, 211-moddasi bilan jinoyat ishi qo‘zg‘atilgan.
Sardoba suv ombori qayta quriladi
Qurilish vazirligi boshqarma boshlig‘i Nasrullo Boboyevning xabar berishicha, Sardoba suv omborini qayta tiklash bo‘yicha Vazirlar Mahkamasining yopiq qarori qabul qilingan va izlanishlar yakunlangach, to‘g‘onni tiklash ishlarini ikki bosqichda amalga oshirish rejalashtirilgan.
Tadbirkorni o‘ldirib, uning murdasini maydalab ko‘mgan shaxs 25 yilga qamaldi
Toshkent shahrida 3 nafar fuqaro tadbirkorni aldov yo‘li bilan uyiga olib kelib, do‘pposlab, ma’lum bir vaqt ushlab turishgan. Tadbirkorni qo‘yib yuborish uchun uning yaqinlaridan 29 ming dollar pul olishiga qaramay, yana pul talab kilingan. Rad javobini olgan jinoyatchi tadbirkorni o‘ldirib, murdasini bo‘laklab ko‘mgan. Tadbirkorning qotili 25 yilga, uning jinoiy sheriklari esa 15 va 13 yilga ozodlikdan mahrum etildi.
Aholining zaif qatlamlari koronavirusga qarshi bepul emlanadi
Xitoy vaksinasining O‘zbekistonda o‘tkazilayotgan klinik sinovlarining dastlabki natijalariga ko‘ra, emlanganlar orasida 1-darajali nojo‘ya ta’sirlar 0,3% ni tashkil qildi. Vaksinadan favqulodda foydalanish uchun ruxsat berilsa, vaksina yaratilishida hamkor tomon sifatida O‘zbekistonga vaksina imtiyozli narxlarda yetkazib beriladi.
Namanganda fuqarolarni Rossiyaga soxta hujjatlar bilan jo‘natishga urinishdi
Bosh prokuratura va DXX Namanganda fuqarolarni Rossiyaga soxta hujjatlar bilan jo‘natishga uringan shaxslarni qo‘lga oldi. Ular karantin davrida Federatsiyaga kirish taqiqlanganidan foydalanib, ikki kishini davolanish uchun hujjatlarni soxtalashtirib, yubormoqchi bo‘lgan.
O‘zbekistonda mitinglar o‘tkazish SSSR qonunlari bilan tartibga solinmaydi — adliya vaziri
Adliya vaziri Ruslanbek Davletov O‘zbekistonda yig‘ilishlar, mitinglar, ko‘cha yurishlari va namoyishlarni tashkil etish SSSR Oliy Kengashi Prezidiumi farmoni bilan tartibga solinishi haqidagi ma’lumotlarni rad etdi. Shunga qaramasdan u bu borada qonunbuzarlik uchun ma’muriy va jinoiy javobgarlik mavjud bo‘lsa-da, mitinglarni tashkil etish tartibi belgilanmaganini tan oldi.
Ekologiya qo‘mitasi: «Bunyod Abdullayevning vajlari haqiqatga mos kelmaydi»
Ekologiya davlat qo‘mitasi ishdan bo‘shagan sobiq matbuot kotibi Bunyod Abdullayev bo‘yicha rasmiy munosabat bildirib, uning «vajlari haqiqatga mos kelmasligini» aytmoqda. Qo‘mita Abdullayevga bosim o‘tkazilgani hujjatli asosga ega emasligini ta’kidlagan. Bayonotda sobiq matbuot kotibining yig‘ilishdan chiqib ketganligi «qonun buzilishi» deb hisoblanishi qayd etilgan.
O‘zbekistonda koronavirusga qarshi emlash mart oyining birinchi yarmida boshlanadi
Sanitariya-epidemiologiya xizmati O‘zbekistonda koronavirusga qarshi emlash jarayoni mart oyining birinchi yarmida boshlanishini ma’lum qildi. Birinchi bo‘lib xavf guruhiga kiruvchi aholi emlanadi. Sanitariya xizmati vaksina ishlab chiqaruvchi 12 ta korxona bilan muzokara olib borayotganligini ham aytgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting