Jamiyat
Qo‘qon davlat pedagogika institutining «chastnaya lavochka»dan farqi yo‘q — vazir
Oliy va o‘rta maxsus ta’lim vaziri Abduqodir Toshqulov Qo‘qon davlat pedagogika institutidagi muammolarga to‘xtalib, institutning «chastnыy lavochka»dan farqi yo‘qligini aytdi. Hisobida 100 mlrd so‘m bo‘lishiga qaramasdan, eshik-romlar «kolxoz» idorasinikidan battar ekani, talabalar parta-stullarda o‘tirib bo‘lmasligidan shikoyat qilayotganini aytdi. Rektor xayfsan oldi, bir prorektor ishdan bo‘shatildi. Qolgan prorektorlarga esa bir oy muddat berildi.
2023 yildan boshlab O‘zbekistonda mobil aloqa xizmatlari uchun aksiz solig‘i bekor qilinadi
2022 yil 1 yanvardan boshlab uyali aloqa xizmatlariga solinadigan aksiz solig‘i stavkasi 10% etib belgilanadi. 2023 yil 1 yanvardan boshlab esa mobil aloqa xizmatlari uchun aksiz solig‘i bekor qilinadi.
Saidjamol Sultonov Bektemir tumaniga hokim bo‘ldi
Savdo-sanoat palatasi Toshkent shahar hududiy boshqarmasi boshlig‘i Saidjamol Sultonov Bektemir tumani hokimi lavozimiga tayinlandi.
O‘zbekistonda «Sputnik V» vaksinasi ro‘yxatdan o‘tkaziladi
Respublika maxsus komissiyasi yig‘ilishida O‘zbekistonda «Sputnik V» vaksinasini birlamchi bosqichda sertifikatlashtirish hamda ro‘yxatdan o‘tkazish ma’qulladi.
Koronavirusga qarshi birinchi navbatda kimlar emlanadi?
O‘zbekistonda koronavirusga qarshi 65 yoshdan oshgan qariyalar, surunkali kasalliklari bor shaxslar, maktab o‘quvchilari, tibbiyot va huquqni muhofaza qilish organi xodimlari birinchi navbatda emlanishi ma’lum qilindi.
Germaniya bilan aviaqatnovlar cheklovi bekor qilindi
Maxsus komissiya tomonidan O‘zbekiston va Germaniya o‘rtasidagi aviaqatnovlarga joriy etilgan cheklovlar bekor qilindi.
Samarqandda 300 ming daraxt va butalar ekiladi
Samarqandning asosiy sayyohlik hududlarida 2022 yilda SHHT sammitiga tayyorgarlik ko‘rish uchun 300 mingga yaqin manzarali daraxt va butalarni ekish rejalashtirilmoqda.
2023 yildan ish yuritishda lotin yozuviga asoslangan o‘zbek alifbosiga to‘liq o‘tiladi
Hukumat qarori bilan, 2023 yil 1 yanvardan boshlab barcha tashkilotlarda ish yuritishda lotin yozuviga asoslangan o‘zbek alifbosiga to‘liq o‘tiladi. Rasmiy veb-saytlar, mahalliy OAV, internet saytlari, rasmiy hujjatlar va ish qog‘ozlari ham to‘liq lotin yozuviga o‘tkaziladi. Normativ-huquqiy hujjatlar muhokama uchun ham lotin yozuviga asoslangan o‘zbek tilida e’lon qilinishi kerak bo‘ladi.
Andijon viloyati hokimining sobiq birinchi o‘rinbosari Andijon tumani hokimi bo‘ldi
Abdujabbor Egamberdiyev Andijon tumani hokimi vazifasiga tayinlandi. Tayinlovdan avval u viloyat hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari bo‘lgan.
Bag‘dod tumanida 8 ming dollar evaziga yer olib bermoqchi bo‘lgan shaxs qo‘lga olindi
Farg‘ona viloyati «Yermulkkadastr» Bag‘dod tuman filiali sobiq mutaxassisi o‘zini haliyam kadastrda ishlashini aytib, fuqaroga 8 gektar yer olib berishni va’da qiladi. Buning evaziga esa 8 ming dollarni olgan vaqtida qo‘lga tushadi.
6 kgdan ko‘proq giyohvandlik vositasini sotmoqchi bo‘lgan jinoiy guruhlar qo‘lga tushdi
Davlat bojxona qo‘mitasi hamda DXX hamkorligida o‘tkazilgan tadbirlarda 6 kgdan ko‘proq giyohvandlik vositasini sotmoqchi bo‘lgan jinoiy guruhlar qo‘lga tushdi. Og‘ular xorij davlatidan sotish maqsadida keltirilgani aniqlandi.
Namanganda sodir etilgan YTH oqibatida 3 kishi halok bo‘ldi
Namangan shahrida 20 yoshli yigit boshqaruvidagi Lacetti katta tezlikda reklama ustuniga borib urildi. Buning oqibatida, haydovchi va mashina ichidagi ikki nafar yo‘lovchi voqea joyida vafot etdi.
Bosh prokuratura bloger Otabek Sattoriy ishi bo‘yicha qonun buzilmaganini ma’lum qildi
Bosh prokuratura bayonotiga ko‘ra, surxondaryolik bloger Otabek Sattoriyning ishi bo‘yicha qonun buzilishi holatlari aniqlanmadi. Bundan tashqari, bloger ustidan 7 ta holat bo‘yicha murojaatlar kelib tushgani aytilmoqda.
Qo‘rg‘ontepa tumaniga yangi hokim tayinlandi
Elyorbek Nabijonov Andijon viloyati Qo‘rg‘ontepa tumani hokimi vazifasiga tayinlandi. Tayinlovdan avval u Qo‘rg‘ontepa tumani «Khantex Group» MCHJ kuzatuv Kengashi raisi lavozimida faoliyat yuritgan.
Andijon viloyati IIB boshqarma boshlig‘i hokim o‘rinbosari bo‘ldi
Maxamadjon Nishonov Andijon viloyati hokimi o‘rinbosari lavozimiga tayinlandi. Bundan avval, u viloyat IIB boshlig‘ining o‘rinbosari-huquqbuzarliklar profilaktikasi bosh boshqarmasi boshlig‘i vazifasida faoliyat yuritgan.
«Oliy ta’lim muassasasida hammasi isloh bo‘ladi, bizga atigi 3 oy kerak» — Abduqodir Toshqulov
Abduqodir Toshqulov oliy ta’lim muassasalari isloh qilinishi, buning uchun esa uch oy vaqt kerakligini ma’lum qildi. «Umuman oliy ta’lim muassasasida nima yoqmagan bo‘lsa hammasi isloh bo‘ladi», — dedi vazir.
IIV bloger Otabek Sattoriy ishini muhokama qilishda javobgarlik to‘g‘risida ogohlantirdi
IIV surxondaryolik bloger Otabek Sattoriyning jinoiy ishi bo‘yicha tergovga aralashganlik uchun javobgarlik to‘g‘risida «ijtimoiy tarmoq faollarini» ogohlantirdi. «Qonun ustuvorligi haqida bong urayotgan ijtimoiy tarmoq faollaridan yurtimiz qonunchiligini hurmat qilishlarini talab qilamiz», dedi IIV matbuot kotibi Shoxrux G‘iyosov.
Zoyir Mirzayev Qashqadaryodagi hokimlarga yangi xizmat mashinasi sotib olishni taqiqladi
Zoyir Mirzayev Qashqadaryodagi 15 ta hokim va ularning o‘rinbosarlariga yangi xizmat mashinasi sotib olishni taqiqladi. U faqat yaqinda tayinlangan viloyat hokimi o‘rinbosari Bahrom Yusupovga ruxsat berilganini qo‘shimcha qilgan.
Andijonda noqonuniy qurilish tadbirkorning o‘z hisobidan buzilmoqda
Andijon viloyatida 7 qavatli uy qurishga ruxsat olgan tadbirkor yana bir qavat qurib olgani aniqlandi. Noqonuniy qurilish tadbirkor hisobidan buzilmoqda. Bundan tashqari, qurilishdagi texnik nazoratchining qurilish bo‘yicha ma’lumot va tajribasi yo‘qligi, savdo yo‘nalishida faoliyat yuritishi ma’lum bo‘ldi.
MegaFon va USM Telecom O‘zbekiston bozoriga kirmoqda
«USM Telecom» va MegaFon O‘zbekiston hukumati bilan birgalikda Ucell va USM xoldingi o‘zbek aktivlari — CRPT Turon hamda ICS Holding Uzbekistan tarkibiga kiradigan Digital Holding qo‘shma korxonasini tashkil etmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting