Jamiyat
Shifoxonada hamkasblarini kaltaklagan hamshira bir yil muddatga qamaldi
Samarqand viloyatining Payariq tumanida ikki hamkasbiga hujum qilgan tibbiyot xodimi bir yil muddatga ozodlikdan mahrum etildi.
18-avgust kuni O‘zbekistonda sodir bo‘lgan eng muhim voqealar dayjesti
Shavkat Mirziyoyevning tadbirkorlar bilan ochiq muloqotidan muhim yangiliklar, bekor qilingan Tax Gap amaliyoti, Afg‘oniston orqali o‘tadigan temiryo‘l haqida gapirgan Mirziyoyev, Qibray tumanidagi rahbarlarni yoppasiga ishdan olgan Zoyir Mirzayev va boshqalar — “Gazeta.uz"ning kun dayjestida.
“Dok-1 Maks” ishi: advokatlar yana jurnalistlarni suddan chiqarib yuborishni talab qildi
Hindistonning Marion Biotech kompaniyasi dorilarini iste’mol qilish oqibatida vafot etgan 65 bolaning o‘limi bo‘yicha navbatdagi sud majlisida advokatlar yana jurnalistlarni zaldan chiqarib yuborishni talab qildi. Sudya jarayonni noto‘g‘ri yoritayotgan jurnalistlar emas, turli Telegram kanallari ekanini aytdi.
Toshkent xalqaro aeroportidagi masofaviy bojxona nazorati tizimi qanday ishlaydi?
Toshkent xalqaro aeroportida uchib ketuvchilar uchun bojxonaning qizil va yashil yo‘laklari o‘rniga masofaviy bojxona nazorati tizimi joriy etildi. U vaqtni tejaydi, jismoniy shaxslar va ularning qo‘l yuklari vizual nazoratdan o‘tadi. Yangi tartib haqida batafsil “Gazeta.uz” reportajida.
Toshkent mahalliy aeroporti binosi oldiga avtomobillar kirishi mumkin bo‘ladi
Toshkent aeroporti mahalliy terminali oldidagi panjara demontaj qilinib, rekonstruksiya ishlari boshlandi. Binoga mashinada kirib borish va 5 daqiqagacha qolish mumkin. Yil oxiriga qadar O‘zbekistondagi barcha xalqaro aeroportlar oldidagi maydonning rekonstruksiya qilish ishlari yakunlanadi.
Tadbirkorlar kuni munosabati bilan soha vakillarining bir guruhi mukofotlandi
Tadbirkorlar kuni munosabati bilan Shavkat Mirziyoyev bir guruh soha vakillarini mukofotlash to‘g‘risida farmon imzoladi.
“Bir kun suv berishadi, keyin bir necha oy suvsiz o‘tirasiz”. O‘zbekistonliklar — suv bilan bog‘liq vaziyat haqida
O‘zbekistonda ichimlik suvi tariflari ko‘tarilishi, Qoraqalpog‘istonda sholi yetishtiriladigan maydonlarning qisqarishi, Qirg‘izistonning Qozog‘istonga sug‘orish uchun suv berishni to‘xtatgani mintaqada suv inqirozi kuchayib borayotganidan dalolat beradi. “Gazeta.uz” hududlardagi suv bilan bog‘liq vaziyatni o‘rgandi.
Dam olish kunlari harorat biroz ko‘tariladi
O‘zbekistonda salqin havo chekina boshladi va harorat asta-sekin ko‘tarilmoqda. Dam olish kunlari harorat kunduz kunlari +35…+37, shimolda, janubda va cho‘l hududlarda +38…+39 darajagacha bo‘ladi.
“Yangiyo‘l tumani g‘alladan bo‘shagan yerlarni yoqish bo‘yicha „chempion“ bo‘ldi” — Zoyir Mirzayev
Toshkent viloyati hokimi Zoyir Mirzayev Yangiyo‘l tumani g‘alladan bo‘shagan 171 gektar yerni yoqib, “chempion” bo‘lganini ta’kidladi. Avvalroq Toshkentda bir necha bor tutun va kuchli kuyindi hidi sezilgandi, biroq rasmiylar havo sifati yomonlashgani bo‘yicha biror izoh bermagan.
17-avgust kuni O‘zbekistonda sodir bo‘lgan eng muhim voqealar dayjesti
Tugatilgan Prezident administratsiyasi rahbari lavozimi, boshqa ishga o‘tgan Sardor Umurzoqov, O‘zbekiston tashqi qarz olgan tashkilotlar, o‘tish balini to‘plolmagan 439 ming abituriyent, tug‘uruqxonada vafot etgan egizak tuqqan qashqadaryolik yosh ayol, turli tayinlov va boshqalar — “Gazeta.uz"ning kun dayjestida.
Ukrainalik bolalar dam olish va reabilitatsiya uchun O‘zbekistonga keldi
Ukrainadan dam olish va reabilitatsiya uchun 45 nafar bolalar guruhi O‘zbekistonga yetib keldi. Ushbu loyiha mamlakatning Toshkentdagi elchixonasi tashabbusi bilan o‘zbek ishbilarmonlari va jamoat tashkilotlari vakillari tomonidan qo‘llab-quvvatlandi.
Yarim yil ichida Toshkent shahri va 4 ta viloyat deputatlar kengashlarining bironta sessiyasi jonli efirga uzatilmadi
Prezident farmonida belgilanganiga qaramay, 2023-yilning birinchi yarmida Xorazm, Jizzax, Namangan, Farg‘ona viloyati va Toshkent shahar xalq deputatlari kengashlari o‘tkazgan birorta sessiya jonli efirga uzatilmadi. Tuman va shahar kengashlari o‘tkazgan sessiyalarning 24 foizi jonli efirda namoyish etilgan.
Baxrom Sharipov Ipakchilik va jun sanoatini rivojlantirish qo‘mitasi raisligidan ketdi
Baxrom Sharipov boshqa ishga o‘tishi munosabati bilan Ipakchilik va jun sanoatini rivojlantirish qo‘mitasi raisi lavozimidan ozod etildi.
Nukusda metan “zapravka” 3,8 mlrd so‘mlik tabiiy gazdan noqonuniy foydalangani aniqlandi
Nukusdagi metan “zapravka” 19 mingdan ziyod xonadonning bir oylik iste’moliga teng gazdan noqonuniy foydalanib, 3,8 mlrd so‘mlik zarar yetkazgani aniqlandi.
Sunnatilla Bekenov Prezident administratsiyasi rahbari yordamchisi lavozimidan ozod etildi
Sunnatilla Bekenov O‘zbekiston Prezidenti administratsiyasi rahbari yordamchisi lavozimidan ketdi. U mazkur lavozimda 2022-yildan beri ishlab kelayotgandi.
Abituriyentlarning salkam yarmi o‘tish balini to‘plolmadi, 60 mingga yaqini imtihonlarda qatnashmadi
2023-yilda 888 ming 472 nafar abituriyent test sinovlarida qatnashdi, ularning 439 ming 337 nafari (49,4%) o‘tish balining eng quyi chegarasi bo‘lgan 56,7 ballni to‘play olmadi. Shuningdek, 60 mingga yaqin nomzod kirish imtihonida ishtirok etmadi.
“Dok-1 Maks” ishi: Hindistonlik tadbirkor yana bir yaroqsiz doriga ruxsat olish uchun $33 ming berganini tan oldi
Chorshanba kuni “Dok-1 Maks” ishi bo‘yicha sudda ayblanuvchi xindistonlik tadbirkor yaroqsiz va hujjatlari shubhali “Kuraraks” dorisini O‘zbekistonda ro‘yxatdan o‘tkazish ishlari uchun mas’ul davlat tashkilotida ishlovchi amaldorga 33 ming dollar berganini tan oldi.
Qashqadaryoda egizak tuqqan 19 yoshli ayol tug‘uruqxonada vafot etdi
Qashqadaryo viloyatida 19 yoshli ayol egizak farzand tuqqanidan so‘ng 8 kun o‘tib, ahvoli yomonlashib, reanimatsion davo tadbirlariga qaramasdan vafot etdi.
Yunusobod tumanining ayrim joylarida issiq suv ta’minoti o‘chirildi
17-avgust kuni Toshkent shahri Yunusobod tumanining ayrim hududlarida issiq suv ta’minoti o‘chiriladi. Veolia Energy Tashkent ma’lum qilishicha, ta’minot taxminan soat 23:00 da qayta tiklanadi.
Toshkentda 50 mingga yaqin talabaning turar joyga ehtiyoji bor — Oliy ta’lim vazirligi
Oliy ta’lim vazirligi poytaxtda 48,9 ming talabaning turar joyga ehtiyoji mavjudligi, ular ijara shartlari asosida xususiy xonadonlarda yashayotganini ma’lum qildi. Shuningdek, yotoqxonadan joy berilmagan, poytaxtda uyi, yaqin qarindoshi bo‘lmagan va ijara uyi ham aniq bo‘lmagan 25 ming talaba bor.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting