Ijtimoiy tarmoqlarda R. Glier nomidagi respublika ixtisoslashtirilgan musiqa maktabining o‘quvchisi 3-qavatdan mushukni uloqtirgani aks etgan video tarqaldi. Voyaga yetmagan yigitning otasiga nisbatan bolalarni tarbiyalash borasidagi majburiyatlarni bajarmaganligi bo‘yicha protokol tuzilib, u jarimaga tortildi.
Andijon viloyatida kredit asosida 200 ming donadan ortiq tovuq tarqatilgan aholi parrandalarning nobud bo‘layotganligi, kam tuxum qo‘yayotganligi va immuniteti pastligidan shikoyat qilmoqda. Kun.uz nashri bitta tovuq aholiga o‘rtacha bozor narxidan ancha qimmatga tushayotganligi haqida yozdi. Viloyat hokimligi va tovuqlarni yetkazib bergan korxona tovuqboqarlarni tashkil etilgan o‘quv mashg‘ulotlarida qatnashmaganlikda aybladi.
O‘zbekistonda hafta davomida harorat asta-sekin ko‘tarilib, +35…+37 darajagacha isiydi. Faqat tog‘li hududlarda qisqa muddatli yomg‘ir yog‘ishi, momaqaldiroq bo‘lishi mumkin. Ayrim joylarda shamol tezligi 15−20 m/s gacha kuchayib, chang-to‘zon ko‘tarilishi kutilmoqda.
Ishtixon tumanida Buxorodan kelayotgan sayyohlik avtobusi «Kamaz» bilan to‘qnashib ketdi. Buning oqibatida haydovchining sherigi voqea joyida vafot etdi, bir nafar ruminiyalik sayyoh esa yengil tan jarohati oldi.
«Gazeta.uz» O‘zbekistonning turli hududlaridagi IT sohasini o‘rganayotgan o‘smir qizlar bilan suhbatlarni davom ettiradi. Navbatdagi suhbatdoshimiz — xorazmlik maktab o‘quvchisi Fazilatbonu Mengliyeva. U robototexnika sohasiga qiziqishi, IT`ni YouTube`da o‘rganishni boshlagani, ota-onalar qizlariga IT sohasi bilan shug‘ullanishga ruxsat bermasligining sabablari haqida gapirib, tengdoshlariga o‘z maslahatlari bilan bo‘lishdi.
O‘zbekiston qahramoni, «Nurli obod» fermer xo‘jaligi rahbari Lola Murotova vafot etdi. Avvalroq, u og‘ir xastalik bilan viloyat shoshilinch tibbiy yordam markazida davolanayotgandi.
Andijon va Toshkent viloyatida fuqarolarni qo‘shni davlatlardagi OTMlarga, Jizzax viloyatida esa fuqaroni mahalliy texnikumga o‘qishga kiritib qo‘ymoqchi bo‘lgan shaxslar ushlandi.
Madaniy meros agentligi direktori Shaxriyor Nurulloyev o‘z lavozimidan ozod etildi. U ushbu lavozimda 5 oygina faoliyat olib bordi.
Jizzax davlat pedagogika instituti bo‘lim boshlig‘i fuqaroning o‘qishini ko‘chirib berishni va’da qilib, buning evaziga $2500 olgan vaqtida qo‘lga olindi. Unga nisbatan jinoyat ishi qo‘zg‘atildi.
Samarqand viloyati IIB xodimlari Paxtachi tumanida 2 guruh o‘rtasidagi ommaviy janjalning oldi olinganini ma’lum qildi. Tezkor tadbirda 16 nafar shaxs qo‘lga olinib, ularga nisbatan ma’muriy qamoq jazosi tayinlandi.
Toshkent shahar Oila va xotin-qizlar boshqarmasi ehtiyojmand oilalardagi xotin-qizlarga davlat granti uchun tavsiyanomaga talabgorlar hujjatini 30-maydan 8-iyunga qadar xotin-qizlar.uz platformasi orqali qabul qiladi.
29 may kuni IIO xodimlari o‘rtasida marafon o‘tkazilishi munosabati bilan Toshkentdagi bir qator ko‘chalar 07:00 dan 11:00 gacha avtotransportlar harakati uchun yopiladi.
Senatning 26-yalpi majlisida Turg‘unali Mirzayev va Nurali Raxmonovni Oliy sud sudyasi lavozimiga 10 yillik muddatga saylash to‘g‘risidagi qaror qabul qilindi. Har ikkisi ham sudya sifatida kamida 10 yillik tajribaga ega.
Senatorlar ma’qullagan qonunga muvofiq, nogironligi bo‘lgan shaxslarning yer uchastkalarini sotib olish xarajatlari davlat tomonidan qoplab beriladi. Adliya vaziri imkoniyati cheklanganlar 2−3 mln nafardan ko‘proqligi, shu bois xarajatlarni qoplab berish tartibi bo‘yicha alohida nizom ishlab chiqilishini ma’lum qildi. «Har bir nogironligi bo‘lgan shaxsga kompensatsiya berishning imkoni bo‘lmaydi», — dedi Ruslanbek Davletov.
Senatorlar yer uchastkalari jamoat ehtiyojlari uchun kompensatsiya evaziga olib qo‘yilishi to‘g‘risidagi qonunni ma’qulladi. «Snos»ga tushgan hududda joylashgan yerga 15 yil davomida halol, oshkora va uzluksiz egalik qilib kelgan shaxslar soliqlar to‘lab kelgani tasdiqlansa, mulk qiymatining o‘rni qoplanadi.
Poytaxt hokimi Jahongir Ortiqxo‘jayev Gruziyaning O‘zbekistondagi elchisi Zurab Abdushelishvili bilan uchrashuvda Shota Rustaveli haykali atrofidagi xiyobonni rekonstruksiya qilishga kelishib oldi. Hozirda uning loyihasi ishlab chiqilmoqda. Shuningdek, Gruziya bosh vazirining O‘zbekistonga tashrifi kutilayotgani ham ma’lum qilindi.
«Parmuda», «trio», dangasa somsa, turkcha somsa, kabob-somsa, mini-somsalar, cho‘pchalarga terib pishirilgan go‘shtli va ko‘katli somsa — Zira.uz 8 xil somsani tayyorlash retseptlari ro‘yxatini taqdim etadi.
OTMlarda chet tilidan o‘tkaziladigan ijodiy imtihon shartlari, «O‘zbekneftgaz» AI-80 benzini narxini oshirgani, eng ko‘p Andijondan tushayotgan korrupsiya bo‘yicha murojaatlar, iyuldan ishga tushishi kutilayotgan «Raqamli mobil pasport», dam olish kunlaridagi yog‘ingarchilik va boshqalar — «Gazeta.uz»ning 27 maydagi eng muhim xabarlari dayjestida.
Abdumalik Nazirov «O‘zbekiston milliy elektr tarmoqlari» boshqaruvi raisining birinchi o‘rinbosari etib tayinlandi. Bunga qadar u Energetika vazirligida boshqarma boshlig‘i bo‘lib ishlagan.
Mirzo Ulug‘bek tumanida arzon narxda AI-80 markali benzin olib berishni va’da qilgan bir nechta shaxslar tadbirkorning 1,4 mlrd so‘mini o‘zlashtirgani aniqlandi. Holat yuzasidan tergov harakatlari olib borilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting