Jamiyat
Samarqandning ayrim hududlarida o‘quvchilar qishki ta’tildan ertaroq qaytadi
Samarqand shahri, Oqdaryo, Toyloq, Jomboy va Samarqand tumanlaridagi ayrim maktab o‘quvchilari qishki ta’tildan ertaroq qaytadi. Ular sentabrda o‘tkazilgan SHHT sammiti sababli qoldirgan darslar o‘rnini qishki ta’til kunlarining oxirgi 5 kuni hisobidan to‘ldiradi.
O‘zbekistonda efirga uzatiladigan xorijiy telekanallar ro‘yxati kengaytirildi
O‘zbekistonda efirga uzatiladigan xorijiy telekanallar ro‘yxati 50 tadan 192 taga kengaytirildi. AOKA bunday qaror fuqarolarning turli manbalardan to‘liq va xolis axborot olish imkoniyatlarini kengaytirish maqsadida qabul qilinganini ma’lum qildi.
Nukus voqealari bo‘yicha sud: jabrlangan harbiylarning bir qismi sudlanuvchilarni kechirganini aytishdi
Nukus voqealari bo‘yicha sudda fuqaroviy da’vogarlar va jabrlanuvchilar so‘zlashda davom etmoqda. Bu haftada Mudofaa vazirligi va Milliy gvardiya harbiylari, IIV xodimlari va boshqalar so‘zlamoqda. Bir necha sudlanuvchi kechirim so‘ragach, ayrim harbiy xizmatchilar suddan ularni kechirishni so‘rashdi.
Bloger Olimjon Haydarov 21 mln so‘m miqdorida jarimaga tortildi
Bloger Olimjon Haydarov mitinglar tashkil etish va o‘tkazish tartibini buzganlik, yolg‘on axborot tarqatganlikda ayblanib, 21 mln so‘m miqdorida jarimaga tortildi. U yaqinda Farg‘onadagi zavod ishchilarining norozilik namoyishi aks etgan videoni e’lon qilgandi, shundan so‘ng 7 ishchi hibsga olingandi.
13 dekabr kuni O‘zbekistonda sodir bo‘lgan eng muhim xabarlar dayjesti
Muzlagan yo‘laklar haqida gapirgan prezident, Toshkentga olib kelinadigan 1000 ta avtobus, 28 dekabrdan qishki ta’til, Meksikada hibsga olingan 7 nafar o‘zbekistonlik, «svet» o‘chirilishi bo‘yicha jadval, yana daraxtkushlik, is gazidan vafot etganlar ortayotgani va boshqalar — «Gazeta.uz»ning kun dayjestida.
Toshkentda Soljenitsin romanidagi sobiq saraton bo‘limi binosi buzib tashlandi
Eski ToshMI hududida sobiq saraton bo‘limi binosi buzib tashlandi. XX asr boshida qurilgan g‘ishtin binoda adabiyot bo‘yicha Nobel mukofoti sovrindori Aleksandr Soljenitsinning «Saraton bo‘limi» romani voqealari bo‘lib o‘tgan. Bino o‘rnida avtoturargoh qurish rejalashtirilgan.
Prezident eng og‘ir yo‘nalishlarga qo‘shimcha avtobuslar qo‘yish bo‘yicha topshiriq berdi
Shavkat Mirziyoyev poytaxtda jamoat transportidan foydalanadigan 1,3 mln yo‘lovchi uchun avtobuslar yetishmayotganini tanqid qildi. Prezident eng og‘ir yo‘nalishlarga qisqa muddatda qo‘shimcha avtobuslar qo‘yish hamda haydovchilarning oylik maoshlarini oshirish bo‘yicha ko‘rsatma berdi.
Yer usti metro liniyasi vaqtinchalik soat 23:00 gacha ishlaydi
Toshkent metropolitenining yer usti halqa liniyasida texnik ishlar bajarilishi sabab poyezdlar 16 dekabrdan soat 23:00 gacha harakatlanadi.
Toshkent ko‘chalarida elektr energiyasini tejash maqsadida joriy qilingan cheklovlar tugatiladi
Toshkent ko‘chalarida elektr energiyasini tejash maqsadida joriy qilingan cheklovlar olinadi. 13 dekabr soat 17:00 dan mavjud ko‘cha chiroqlari, illyuminatsiya chiroqlari 100 foiz yoqiladi.
Yil boshidan beri dunyoda 67 nafar jurnalist o‘z vazifasini bajarish chog‘ida halok bo‘ldi
Xalqaro jurnalistlar federatsiyasining ma’lum qilishicha, yil davomida 67 nafar jurnalist hamda OAV vakillari o‘z vazifasini bajarish chog‘ida halok bo‘ldi. Federatsiya bosh kotibi BMT Bosh Assambleyasida «Jurnalistlarning xavfsizligi va mustaqilligi bo‘yicha» konvensiya qabul qilish vaqti kelganini aytmoqda.
Surxondaryoda qizil kitobga kiritilgan 51 tup daraxtni kesganlarga jinoyat ishi qo‘zg‘atildi
Boysun davlat o‘rmon xo‘jaligida 51 tup daraxt noqonuniy kesilishi oqibatida o‘simlik dunyosiga jami 560 mln so‘mdan ortiq zarar yetkazilgandi. Viloyat prokuraturasi ushbu holat yuzasidan jinoyat ishi qo‘zg‘atdi.
Davolash-profilaktika muassasalarining ilmiy darajaga ega xodimlariga qo‘shimcha haq to‘lash tartibi belgilandi
Vazirlar Mahkamasining qarori bilan Davolash-profilaktika muassasalarining ilmiy darajaga ega bo‘lgan xodimlariga qo‘shimcha haq to‘lash tartibi to‘g‘risida nizom tasdiqlandi.
O‘zbekistonda tibbiyot xodimlari faoliyatiga to‘sqinlik qilgan shaxslarga ma’muriy javobgarlik belgilanmoqda
Qonunchilik palatasida tibbiyot xodimlari faoliyatiga to‘sqinlik qilgan fuqarolar va mansabdor shaxslarni jarimaga tortish yoki 15 sutkagacha ma’muriy qamoq jazosini belgilash haqidagi qonun loyihasi ko‘rib chiqildi. Deputatlar loyihani ikkinchi o‘qishda bir ovozdan qabul qilindi.
O‘zbekistonda «svet» o‘chirilishi bo‘yicha jadvallar e’lon qilina boshlandi
Toshkent shahri va O‘zbekistonning boshqa hududlarida elektr tarmoqlari ma’murlari va korxonalari elektr ta’minotidagi aniq uzilishlar jadvallarini e’lon qila boshladi. Vaqtinchalik o‘chirishlar faqat zarur hollardagina amalga oshiriladi. Hozircha grafiklar uchun alohida sayt mavjud emas.
WizzAir aviakompaniyasi ilk bor Abu-Dabidan Samarqandga parvozlarni yo‘lga qo‘ydi
13 dekabr kuni Vengriyaning WizzAir loukoster aviakompaniyasi Airbus A321 neo samolyotida ilk bor Abu-Dabi — Samarqand — Abu-Dabi parvoz yo‘nalishi bo‘yicha parvozlarni amalga oshirdi.
O‘zbekistonda maktab o‘quvchilari uchun qishki ta’til odatdagidek 28-dekabrdan boshlanadi
O‘zbekistonda maktab o‘quvchilari uchun 28-dekabrdan 2023-yilning 11-yanvariga qadar 14 kunlik qishki ta’til beriladi.
Bundan 100 yil avval o‘zbekistonlik amaldorlarning xizmat avtomobillari qanday bo‘lgan?
Mercedes, Toyota, shuningdek, Chevrolet’ning premium modellari - bugun o‘zbek amaldorlari suyib foydalanadigan avtomobillar. Bir asr avval hozirgi O‘zbekiston o‘rnida bo‘lgan Turkiston Respublikasi amaldorlari-chi, ular qanday mashinalardan foydalangan? Tarixchi Sharofiddin Hoshimjonov maqolasi - shu haqda.
Toshkent — Andijon — Toshkent yo‘nalishida qo‘shimcha poyezd qatnovlari yo‘lga qo‘yiladi
Yangi yil bayrami munosabati bilan yo‘lovchilarni tashishni tashkil qilish maqsadida 15−22−29 dekabr va 5−12−19−26 yanvar kunlari Toshkent — Andijon — Toshkent yo‘nalishida qo‘shimcha poyezdlar qatnovi yo‘lga qo‘yiladi.
Andijonda uyda yong‘in bo‘lishi oqibatida 63 yoshli fuqaro vafot etdi
Andijon tumanida yashash xonadonlarining birida sodir bo‘lgan yong‘in oqibatida 63 yoshli fuqaro vafot etdi. Farzandi kuyish jarohati bilan shifoxonaga yotqizildi. Yong‘in isitish pechidan foydalanishda ehtiyotsizlik oqibatida kelib chiqqani aytilmoqda.
Andijondagi korxona 6 mingta xonadonning bir oylik iste’moliga teng elektr energiyasini talon-toroj qildi
Energetika vazirligi Andijonda 684,1 mln so‘mlik elektr energiyasini talon-toroj qilinganini aniqladi. Holat bo‘yicha tegishli hujjatlar huquqni muhofaza qiluvchi organlarga yuborildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting