Jamiyat
26-iyun kuni O‘zbekistonda sodir bo‘lgan eng muhim voqealar dayjesti
Toshkentda yoqib yuborilgan 2 tonnadan ziyod narkotik, mayda benzin ishlab chiqarish keskin kamaygani, Tatyana Karimovaga nisbatan meros bo‘yicha da’vo, ta’mirlanib qayta ochilgan “Turkiston” metrosi ustidagi cho‘kkan ko‘cha, Qashqadaryoda ayolga stakan uloqtirgan erkak va boshqalar — “Gazeta.uz”ning kun dayjestida.
Yoshlar kuni va Olympic Day bayramiga bag‘ishlangan Yangi Nafas yugurish musobaqasi bo‘lib o‘tdi
Yangi Nafas xalqaro ommaviy yugurish musobaqasi O‘zbekistonning 16 ta shahrida tashkil qilindi. Musobaqada O‘zbekiston, Qozog‘iston, Tojikiston va Qirg‘izistondan yuguruvchilar ishtirok etishdi.
Bosh prokuratura akademiyasi binosi yana auksionga qo‘yildi
Toshkent shahri Mirobod tumanida joylashgan Bosh prokuratura akademiyasi binosi yana kimoshdi savdosiga qo‘yildi. Boshlang‘ich qiymat o‘zgarishsiz qoldi — 171,47 mlrd so‘m.
O‘zbekiston Rossiyaga harbiy yordam yuborayotgani aytilgan video rad etildi
Mudofaa vazirligi TikTok ijtimoiy tarmog‘ida tarqalgan O‘zbekiston go‘yoki Rossiyaga harbiy yordam yuborayotgani aks etgan video feyk ekanini ma’lum qildi.
Jahonning turli mamlakatlarida daraxtni noqonuniy kesganlar qanday jazolanadi?
Shoxlarni beruxsat kesganga jarima, daraxtlarni yo‘q qilganga 10 yil qamoq yoki 8 mln dollar, zararni qoplash uchun 10 yil davomida ko‘chat ekish va parvarishlash majburiyati. “Gazeta.uz” AQSh, Yevropa va Rossiyada daraxtzorlarni yo‘q qilganlik uchun jazolarni o‘rgandi va ularni O‘zbekistondagilari bilan taqqosladi.
Toshkentda 2 tonnadan ziyod giyohvandlik vositalari yoqib yuborildi
Yangihayot tumanida Xalqaro giyohvandlikka qarshi kurash kuni munosabati bilan noqonuniy muomaladan musodara qilingan 2 tonnadan ziyod narkotik vositalar yoqib yuborildi. So‘nggi 1,5 yilda 952 kg giyohvandlik, 440 ming dona kuchli ta’sir qiluvchi va 7 ming donadan ortiq psixotrop moddalar aniqlangan.
Tatyana Karimovaga nisbatan meros bo‘yicha da’vo yopiq tarzda ko‘riladi
Pyotr Karimovning birinchi prezident Islom Karimovning turmush o‘rtog‘i Tatyana Karimovaga nisbatan meros masalasidagi da’vosi yopiq tarzda ko‘rib chiqiladigan bo‘ldi. 26-iyunga belgilangan birinchi instansiya sudi qoldirildi.
Yerni to‘g‘ridan-to‘g‘ri ajratishni nazarda tutuvchi imtiyoz va istisnolar qonunchilikdan chiqarildi
Prezident farmoni bilan yer uchastkalarini to‘g‘ridan-to‘g‘ri ajratishni nazarda tutuvchi tartiblar, imtiyoz va istisnolarni qonunchilikdan chiqarib tashlandi. Shuningdek, qishloq xo‘jaligiga mo‘ljallanmagan yer uchastkalarini mulk va ijara huquqi asosida elektron onlayn-auksion orqali beriladi.
Xorazmda mast holdagi Damas haydovchisi IIB boshlig‘ini urib yubordi
Xivada mast holdagi Damas haydovchisi shahar IIB boshlig‘ini urib yubordi. Jabrlanuvchi og‘ir ahvolda jonlantirish bo‘limiga yotqizilgan. Holat bo‘yicha jinoyat ishi ochildi.
Video: Chotqol qo‘riqxonasida fotoqopqonga tushgan Tyan-Shan qo‘ng‘ir ayig‘i
Ekologiya vazirligi Chotqol davlat qo‘riqxonasidagi fotoqopqonga tushib qolgan Tyan-Shan qo‘ng‘ir ayig‘i tasvirini e’lon qildi. Ushbu tur Qizil kitobga kiritilgan.
“Turkiston” metrosi ustidagi cho‘kkan ko‘cha ta’mirlanib, qayta ochildi
Yunusobod tumanidagi “Turkiston” metro bekati ustidan o‘tuvchi, cho‘kishi sababli yopilgan ko‘chada transport harakati tiklandi. “Gazeta.uz” muxbiri xabar berishicha, asosiy va qo‘shimcha yo‘l o‘rtasidagi yashil hudud o‘rnini beton qoplama egallagan. Foto.
Hafta davomida harorat yana ko‘tariladi
Salqin yakshanbadan so‘ng hafta davomida harorat +39…+41 darajaga ko‘tariladi. Havo asosan kam bulutli bo‘ladi, yog‘ingarchilik kutilmaydi. Ba’zi joylarda shamol kuchayishi, chang-to‘zon kuzatilishi mumkin.
Futzal bo‘yicha Jahon chempionati O‘zbekistonda o‘tadi
O‘zbekiston futzal bo‘yicha 2024-yilgi Jahon chempionatiga mezbonlik qiladi. Musobaqalar “Humo” arena, “Yunusobod” sport majmuasi, “Alpomish” hamda boshqa bir qator muz saroylarida o‘tishi rejalashtirilgan. FIFA vakillari musobaqa boshlanishidan oldin obyektlarning holatini ko‘rgani keladi.
Qashqadaryoda ayol kishiga stakan uloqtirgan erkakka jinoiy ish ochildi
Tarmoqlarda noma’lum erkak restoranda o‘tirgan ayollarga qarata stakan uloqtirgani tasvirlangan video tarqaldi. Qashqadaryo viloyat IIBning ma’lum qilishicha, holat Kitob tumanida sodir bo‘lgan. Ayollardan biri shifoxonaga yotqizilgan, erkakka nisbatan jinoiy ish ochildi.
Surxondaryoda Lacetti daryoga quladi, haydovchida yurak xuruji yuz bergan bo‘lishi mumkin
Surxondaryoda Lacetti To‘palang daryosiga tushib ketdi. Uning haydovchisi hodisadan oldin yurak ishemik ehtimoli yuqoriligi sababli vafot etgan, 16 yoshli yo‘lovchi esa shifoxonaga yotqizilgan.
Poytaxtning 4 ta tumanidagi ayrim joylar elektrdan vaqtincha uzildi
Toshkent shahrining Yakkasaroy, Sergeli (16:00 gacha), Chilonzor va Mirobod tumanlaridagi (soat 17:00 gacha) ayrim ko‘chalarda elektr ta’minoti to‘xtatildi.
Prezidentlikka nomzodlarning vakillari o‘rtasida teledebat bo‘lib o‘tadi
25-iyun, yakshanba kuni soat 18:00 da O‘zbekiston prezidentligiga nomzodlarning vakillari o‘rtasida ilk teledebat bo‘lib o‘tadi. U mamlakatni iqtisodiy va ijtimoiy rivojlantirish masalalariga bag‘ishlanadi. Efir qoraqalpoq, rus va ingliz tillariga tarjima qilingan holda uzatiladi.
Samarqandda tunda sevganining uyiga kelgan yigitni qizning akasi kaltakladi
Urgut tumanida tunda sevganining uyiga kelgan yigitni qizning akasi kaltakladi. Qiz va yigit sinfdosh bo‘lgan. Hozirda holat yuzasidan tergovga qadar tekshiruv olib borilmoqda.
Jizzaxda 15 yoshli o‘smir yo‘l yoritilmagani sababli mashina urib yuborishidan halok bo‘ldi
G‘allaorol tumanida 15 yoshli o‘smir kechki payt yo‘lni kesib o‘tayotganda mashina urib yuborishidan halok bo‘ldi. Hodisaga yo‘l anomal sovuqdan buyon yoritilmayotgani sabab bo‘lgani aytilmoqda. Hokimiyat elektrni tejashga topshiriq berilmaganini ma’lum qildi. Ushbu uchastkada yil boshidan buyon 13 ta YTH sodir bo‘lgan.
Velosipedchilarni tez-tez mashina urib ketyapti. Qonunlarga rioya qilish nega oqsamoqda?
“Gazeta.uz” og‘ir YTHga uchragan veloshosse bo‘yicha Osiyo chempioni Anna Kuskova va Velosport federatsiyasi bilan velosipedchilarni mashina urib yuborishi haqida suhbatlashdi. Hamma birdek jazoga tortilmasligi haydovchilarni qoida buzishga undab, O‘zbekistonda xalqaro musobaqalar o‘tkazishni havf ostiga qo‘ymoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting