Toshkentda Milliy gvardiya xodimi o‘zini otib qo‘ydi
Toshkent shahrida 17-oktabr kuni Milliy gvardiya xodimi o‘zini o‘zi otib qo‘ydi. Holat yuzasidan tergovga qadar tekshiruv boshlandi.
Isroil — Falastin urushining 11-kuni. Asosiy yangiliklar
HAMAS ilk marta garovga olinganlardan birining videosini e’lon qildi, Eron diplomati Isroil bombardimon qilishni to‘xtatsa, HAMAS G‘azoda garovga olinganlarni ozod qilishga tayyorligini aytdi. AQSh va Isroil G‘azoga gumanitar yordam yetkazish rejasini tayyorlashga kelishib oldi.
Futbol: O‘zbekiston Xitoyni yutdi
O‘zbekiston futbolchilari o‘rtoqlik uchrashuvida Xitoy terma jamoasini mag‘lub etdi. Bu terma jamoaning 3 yil ichida ilk safardagi g‘alabasi (video, foto, statistika).
Samarqanddagi YTHda 3 kishi halok bo‘ldi
Samarqandda 17 yoshli haydovchi Nexia avtomobilida YTH sodir etdi, oqibatda o‘zi va ikki do‘sti halok bo‘ldi. Mashina beton to‘siqqa urilgach, qarama-qarshi yo‘lga chiqib ketgan va yong‘in yuz bergan.
Uzbekistan Airways pensiya yoshidagi fuqarolarga ichki aviaqatnovlar uchun chegirma e’lon qildi
Uzbekistan Airways turizm oyligi munosabati bilan 60 yoshdan oshgan erkaklar va 55 yoshdan katta ayollarga ichki aviaqatnovlar uchun 25 foizli chegirma e’lon qildi. Chegirma 1-noyabrdan 30-noyabrga qadar amal qiladi.
Andijon viloyatida 12 mln dollarlik yopiq muz kurorti qurilishi rejalashtirilmoqda
Andijon viloyati hokimligi va xitoylik investorlar o‘rtasida Xonobodda 12 mln dollarlik yil davomida ishlaydigan yopiq muz kurortini qurish loyihasi muhokama qilindi.
DXX: Soliq va Davlat mehnat nazorati inspeksiyalari xodimlari pora olayotganda ushlandi
Toshkent viloyatida Soliq inspeksiyasi, Qoraqalpog‘istonda esa Davlat mehnat nazorati inspeksiyasi xodimlarini pora olayotganda qo‘lga olingani aytilmoqda.
AQSh Xitoyga sun’iy intellekt chiplarini yetkazib berish ustidan nazoratni kuchaytiradi
AQSh hukumati Xitoyning ilg‘or, ayniqsa sun’iy intellekt texnologiyalarida qo‘llanilishi mumkin bo‘lgan chiplarni sotib olishiga bo‘lgan cheklovlarni kuchaytirishni rejalashtirmoqda. Uchinchi davlatlar yordamida cheklovlarni chetlab o‘tishga urinayotgan Xitoy kompaniyalari uchun qo‘shimcha tekshiruvlar joriy etiladi.
“O‘ztemiryo‘lkonteyner”ning davlat ulushini xususiylashtirish to‘xtatildi
Davaktiv agentligi “O‘ztemiryo‘lkonteyner” AJning davlat ulushini xususiylashtirish jarayonini to‘xtatdi. Chunki korxona “O‘zbekiston temir yo‘llari”ni isloh qilish doirasida “Temiryo‘lkargo”ga aylantirilmoqda.
Isroilda 1990-yillarda ko‘chib ketgan 5 nafar o‘zbekistonlik halok bo‘lgan — elchixona
HAMASning Isroildagi hujumlari natijasida 1990-yillarda u yerga ko‘chib ketgan besh nafar asli o‘zbekistonlik halok bo‘lgan. Ularda amaldagi O‘zbekiston pasportlari bo‘lmagan. O‘zbekistonning Tel-Avivdagi elchixonasi Isroil TIVning halok bo‘lgan O‘zbekiston fuqarolari haqidagi xabariga shunday izoh berdi.
Gruziya Konstitutsiyaviy sudi prezidentga nisbatan impichment jarayonini boshlashga ruxsat berdi
Gruziya Konstitutsiyaviy sudi prezident Salome Zurabishvili hukumat roziligisiz xorijga chiqib, mamlakat konstitutsiyasini buzganini tan oldi va unga impichment jarayonini boshlashga ruxsat berdi. Sud qarori parlament tomonidan tasdiqlanishi kerak, biroq hukmron partiya yetarli ovozga ega bo‘lmasligi mumkin.
“G‘azo sektorining bosib olinishi katta xato bo‘lardi” — Jo Bayden
AQSh prezidenti Jo Bayden Falastinning HAMAS guruhini butunlay yo‘q qilish kerakligini, ammo G‘azo sektorining Isroil tomonidan bosib olinishi, uning fikricha, “katta xato” bo‘lishini hamda Falastin davlatini yaratish yo‘llarini izlash lozimligini ma’lum qildi.
Chegarachilar qarshilik ko‘rsatgan kontrabandachilarga qurol ishlatdi, ikki kishi halok bo‘ldi
Farg‘ona tumanida bir guruh mahalliy aholi kontrabanda olib ketayotgani aytilayotgan avtomobilni to‘xtatgan chegarachilarga faol qarshilik ko‘rsatib, ularga jarohat yetkazdi. Kuchlar teng bo‘lmagani sababli harbiylar qurol ishlatgan. Natijada ikki kishi halok bo‘ldi.
“Temir yo‘llari” rahbarining birinchi o‘rinbosari — chayqovchilarning “sxemalari” va chet ellik bloger bilan bo‘lgan voqea haqida
Poyezd chiptalari arzonligi sabab chayqovchilar biletni sotib olib, ustiga yana qo‘yib sotmoqda, dedi “O‘zbekiston temir yo‘llari” rahbarining birinchi o‘rinbosari Hikmatulla Rahmetov. Chiptalar arzonligi uchun qo‘lma-qo‘l bo‘lib ketmoqda. “Arzon tarif qilamiz deb, korrupsion tizimni o‘zimiz yaratdik”, — dedi u.
Qashqadaryoda 43 ta echkiemarni o‘ldirib, terisini shilgan brakoner ozodligi 3 yilga cheklandi
Dehqonobod tumanida 43 ta echkiemar esa o‘ldirilib, terisi shilib olgan shaxs aniqlandi. Unga nisbatan 3 yil ozodlikdan cheklash jazosi tayinlandi.
Shavkat Mirziyoyev YUNVTO bosh kotibi Zurab Pololikashvili bilan uchrashdi
Samarqandda Shavkat Mirziyoyev YUNVTO bosh kotibi Zurab Pololikashvili bilan uchrashib, ko‘p qirrali hamkorlik masalalarini muhokama qildi. Tashkilot sammiti doirasida shaharda Xalqaro turizm akademiyasi va “Ipak yo‘li” tematik ofisi ochiladi.
Hokimlik: Toshkentdagi noqonuniy bino va inshootlarni buzish ishlari boshlandi
Toshkent shahar hokimligi poytaxtdagi noqonuniy bino va inshootlarni demontaj qilish ishlari boshlanganini ma’lum qildi. Hokimlik shahar hududida maishiy va tijorat binolariga ega bo‘lgan aholini hujjatlarning shaharsozlik me’yorlariga muvofiqligini yana bir bor sinchiklab tekshirishga chaqirdi.
Binolarning tashqi qiyofasini yangilash aholi bilan muhokama qilinadi — Toshkent hokimligi
Poytaxt markazidagi “Moskva” ko‘p qavatli uylari aholisiga binolarning tashqi qiyofasini yangilash rejalari haqida ma’lumot berilgani ularda xavotir va savollar tug‘dirdi. Shahar hokimligining “Gazeta.uz”ga ma’lum qilishicha, ko‘rsatilgan eskizlar hali tasdiqlanmagan va loyiha aholi bilan muhokama qilinadi.
Eronda 5 nafar olim Mustafo mukofoti bilan taqdirlandi
Eronning Isfahon shahrida Musulmon Nobeli — Mustafo (s.a.v.) mukofotini topshirish marosimi bo‘ldi. Laureatlarning har biriga 500 ming dollardan beriladigan ushbu mukofotga Islom olamidagi eng yaxshi tadqiqotchi va olimlar loyiq ko‘riladi. “Gazeta.uz” muxbiri taqdirlash marosimidan reportaj tayyorladi.
Farg‘ona shahri hayvonot bog‘idagi zebra nobud bo‘ldi
Farg‘ona shahri hayvonot bog‘idagi zebra nobud bo‘ldi. 12 yil yashagan jonzot qarib o‘lgani aytilmoqda. Mazkur bog‘da yil boshida jirafa ham nobud bo‘lgandi.
Qo‘shimcha imkoniyatlarga ega bulish uchun saytda ro‘yxatdan o‘ting