Futbol bo‘yicha O‘zbekiston milliy terma jamoasi o‘rtoqlik uchrashuvida Xitoyni mag‘lub etdi. 16-oktabr kuni Dalyan shahrida bo‘lib o‘tgan uchrashuv 1:2 hisobida yakunlandi.
Hujumchi Vey Shixao 41-daqiqada jarima maydonchasi tashqarisidan zarba yo‘llab gol urib, hisobni ochdi.
O‘yinning 78-daqiqada o‘zbekistonlik yarim himoyachi Otabek Shukurov hisobni tenglashtirdi. U penaltidan tepgan to‘pni dastlab darvozabon qaytardi, Shukurov qaytgan to‘pni darvoza to‘riga joyladi. 86-daqiqada esa o‘zbekistonliklar pressing natijasida to‘pni egallab oldi va yarim himoyachi Jamshid Iskandarov hujumni gol bilan yakunladi.
Bu g‘alaba O‘zbekistonning so‘nggi uch yildagi ilk safardagi g‘alabasi bo‘ldi. Milliy terma jamoa oxirgi marta 2020-yil 12-oktabr kuni BAAni o‘z uyida mag‘lub etgandi (1:2).
Eslatib o‘tamiz, 16-noyabr kuni O‘zbekiston JCH-2026 saralash turniri o‘yinlaridagi ishtirokini boshlaydi. Birinchi raqib Turkmaniston terma jamoasi.
Statistika
Video
Foto
