Iqtisodiyot
O‘zbekistonning tashqi savdo aylanmasi pandemiyadan oldingi darajadan oshdi
11 oy yakunlariga ko‘ra, tashqi savdo aylanmasi pandemiyagacha bo‘lgan darajadan oshib, qariyb 38 mlrd dollarni tashkil etdi. Eksportning yarmidan ko‘pi oltin, rangli metallar va to‘qimachilik mahsulotlariga to‘g‘ri keladi. Rossiya bir necha yildan beri ilk marta Xitoyni O‘zbekistonning import bo‘yicha hamkorlarining birinchi qatoridan siqib chiqardi.
Qozog‘iston O‘zbekistondan tovarlar importini cheklamaydi
Qozog‘iston qozog‘istonlik iste’molchilarga salbiy ta’sir ko‘rsatgani sababli O‘zbekistondan import qilinadigan tovarlarga cheklov qo‘ymoqchi emas. Shu bilan birga, Savdo vazirligi O‘zbekiston tomonining ayrim cheklovlari haqida ma’lum qildi.
Olmaliqdagi oltin koni zaxiralari 5000 tonnadan oshadi — prezident
«Muruntov» konidagi oltin zaxiralari 3 ming tonnaga yetmasa, Olmaliqdagi «Yoshlik-1» konida — 5 ming tonnadan ko‘proq, deya ma’lum qildi Shavkat Mirziyoyev. «Biz shunchalik yer osti boyliklarimiz borligini bilmagan edik. Sizlar bilmaysizlar qanchalar boy odam ekanligingizni, qanday yer osti boyliklari ustida yashayotganingizni», — dedi davlat rahbari.
Hyatt Regency Tashkent mehmonxonasi sotuvga qo‘yildi
O‘zbekistonda yagona besh yulduzli Hyatt Regency Tashkent mehmonxonasi sotuvga qo‘yildi. 3,1 gektarda joylashgan 8 qavatli mehmonxonada jami 300 ta standart, lyuks va yarim lyuks xonalar, konferensiya va banket zallari mavjud. Savdo barcha uchun ochiq bo‘lishi aytilmoqda.
O‘zbekistonda 2021 yilda harbiy mahsulotlar ishlab chiqaruvchi xususiy korxonalar soni 3 barobarga oshdi
2021 yilda O‘zbekistonda harbiy mahsulotlar ishlab chiqaruvchi xususiy korxonalar soni 3, mahsulotlar eksporti esa 1,9 barobarga ortdi. Shuningdek, 20dan ortiq turdagi harbiy va ikki maqsadda qo‘llaniladigan mahsulotlarni ishlab chiqarish o‘zlashtirildi.
O‘zbekistonda 11 oy davomida 1 mln tonnadan ziyod benzin ishlab chiqarildi
O‘zbekistonda yanvar-noyabr oylarida 1 mln tonnadan ziyod benzin ishlab chiqarilgan. Shuningdek, 10 oy ichida 110,2 mln dollarlik 300 mln litrdan ortiq benzin import qilingan.
Toshkentdagi Matbuot uyi sotilmaydigan bo‘ldi
Poytaxtdagi Matbuot uyi («Gazeta korpusi») binosi sotuvdan olindi va u OAV, shu jumladan bosma nashrlar ixtiyorida qoldirilishi ma’lum qilindi. Bino O‘zA balansiga o‘tkazilishi mumkin. Prezident matbuot kotibi Sherzod Asadovning so‘zlari ko‘ra, ushbu masala davlat rahbarining nazoratida turibdi.
Baliq yetishtiruvchi xonadonlarning yer va mulk soliqlari 50 foizga kamaytiriladi — Shavkat Mirziyoyev
Shavkat Mirziyoyev baliqchilik sohasini rivojlantirishga bag‘ishlangan yig‘ilishda baliq yetishtiruvchi xonadon egalari uchun yer va mulk soliqlari 50 foizga kamaytirilishini ma’lum qildi. Bundan tashqari, xonadonlarda kooperatsiya asosida yiliga 80 tonnadan ortiq baliq yetishtirgan klasterlar uch yil muddatga soliqlardan ozod etiladi.
«O‘zsanoatqurilishbank» e’lon qilgan 2,6 mlrd so‘mlik tanlovda 2 ta kompaniya qatnashdi
«O‘zsanoatqurilishbank» banki e’lon qilgan qariyb 2,6 mlrd so‘mlik tanlovda 2 kompaniya ishtirok etgan. Bank ushbu kompaniyalar o‘zaro afillanmaganligini ma’lum qildi.
Oilaviy tadbirkorlik uchun 14 foiz stavkada imtiyozli kreditlar ajratiladi
Prezidentning yangi qarori bilan tadbirkorlik bilan shug‘ullanmoqchi bo‘lgan aholi va tadbirkorlik sub’etlariga imtiyozli davr bilan yillik 14 foiz stavkali kreditlar taqdim etiladi. Yagona elektron platforma orqali ajratilgan kreditlar hisobidan tovar va xizmatlar platformadagi «marketpleys» tizimi yordamida sotib olinadi.
O‘zbekistonda tadbirkorlikni raqamlashtirishni qo‘llab-quvvatlash loyihasi ishga tushirildi
O‘zbekiston Iqtisodiy taraqqiyot va kambag‘allikni qisqartirish vazirligi hamda BMTTD raqamli tadbirkorlikni rivojlantirish uchun yoshlar imkoniyatlarini kengaytirish loyihasini ishga tushirdi. Uning umumiy qiymati — 2,1 mln dollar.
UzAuto Motors 5−17 dekabr kunlari ishlab chiqarilgan avtomobillarni chaqirib oladi
UzAuto Motors kompaniyasi 5−17-dekabr kunlari ishlab chiqarilgan Nexia, Cobalt va Lacetti avtomobillari orqa oyna isitish tizimini tekshirish zarurati tufayli qaytarib olinishini e’lon qildi.
Dollarning rasmiy kursi ko‘tarildi
Dollarning so‘mga nisbatan rasmiy kursi 7,05 so‘mga ko‘tarilib, 10 828,37 so‘m etib belgilandi. Shuningdek, yevro va rubl kurslari esa pasaydi.
UzAuto Motors fevralgacha to‘rtta mashina bo‘yicha ariza qabul qilishni to‘xtatdi
UzAuto Motors 1 fevralgacha Nexia, Spark, Cobalt va Lacetti avtomobillariga arizalar qabul qilishni to‘xtatdi. Kompaniya bu vaqt ichida avvalgi buyurtmalar yetkazib berilishini ma’lum qilib, xaridorlardan noqulayliklar uchun uzr so‘ragan.
Xususiy mulkning himoyalanmaganligi — qashshoqligimiz sabablaridan biridir
Ko‘pchilik o‘zbekistonliklarning nima sababdan daromadlar bu qadar sekin o‘sib borayotgani haqidagi mulohazalari asoslidir. Yaqin kelajakda daromadlar oshadimi, degan savol esa bundan ham dolzarbroq masala. Xususiy mulk hokimiyatning o‘zboshimchaliklaridan to‘liq himoyalanmas ekan, investorlar ishonch bildirmaydi, deya ta’kidlaydi iqtisodchi Behzod Hoshimov.
O‘zbekistonda kapitalizatsiyasiga ko‘ra eng qimmat banklar ma’lum qilindi
Kapitalizatsiyasiga ko‘ra O‘zbekistonning eng qimmat banklari ma’lum qilindi. Trastbank eng qimmat bank deya topildi. Undan keyingi o‘rinlarda O‘zsanoatqurilishbank va Ipoteka-bank qayd etilgan.
Jahon banki O‘zbekistonga bozor iqtisodiyotiga o‘tishni tezlashtirish maqsadida $400 mln kredit ajratadi
Jahon bank O‘zbekiston bozor iqtisodiyotiga o‘tishini tezlashtirish maqsadida 400 mln dollar kredit taqdim etadi. Bunda O‘zbekistonga 30 yildan ortiq muddatga past foizli 250 mln dollarlik imtiyozli kredit, shuningdek, qaytarish muddati 12 yildan ortiq bo‘lgan 150 mln dollar miqdoridagi kredit bozor foiz stavkasida taqdim etiladi.
Dollarning rasmiy kursi pasaydi
Dollarning so‘mga nisbatan rasmiy kursi 18,90 so‘mga pasayib, 10 821,32 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
OTB pandemiya davrida Korzinka faoliyatini qo‘llab-quvvatlash uchun $12 mln kredit ajratdi
Osiyo taraqqiyot banki ilk bor davlat kafolatisiz O‘zbekiston qishloq xo‘jaligi va oziq-ovqat sanoati korxonasi — Korzinka supermarketlar tarmog‘iga 12 mln dollar miqdorida kredit ajratdi.
Markaziy bank yangi namunadagi 50 ming so‘mlikda xato borligini tan oldi
Markaziy bank 50 ming so‘mlik banknot namunasining old tomonida «Al-Hakim at-Termiziy» maqbarasi tasviri tushirilgani, ammo maqbara nomi «Abu Iso at-Termiziy» deb yozilganligini tan oldi va befarq bo‘lmagan barchaga minnatdorchilik bildirdi. MB ushbu yangi ko‘rinishdagi pullar emissiya qilinmagani, hozirda xatolik bartaraf etilayotganini qo‘shimcha qildi.
Eng ko‘p o‘qilgan xabarlar | So‘nggi yangiliklar
- Nega turar joy majmualari quruvchi tashkilotlar taqdim etgan loyihaga mos kelmaydi? Arxitektor fikri
- O‘zbekiston Afg‘onistondan 1 mln tonnadan ortiq ko‘mir import qilishni rejalashtirmoqda
- BNQIZ noyabr-dekabrdan Ai-80 o‘rniga Ai-91 va Ai-92 benzinlarini ishlab chiqarishga o‘tishni boshlaydi
- “O‘zbekneftgaz” va “Gazprom neft” Burg‘ilash ishlarini boshqarish markazini ishga tushirdi. Loyiha nima beradi?
Qo‘shimcha imkoniyatlarga ega bulish uchun saytda ro‘yxatdan o‘ting