Iqtisodiyot
UzAuto Motors 4 ta model uchun kontraktatsiyani 3 soat ichida yopdi. Bu oraliqda 28 000 ta shartnoma tuzildi
UzAuto Motors 18-sentabr kuni Cobalt, Lacetti, Damas va Labo uchun kontraktatsiyani ochdi. Oradan 3 soat o‘tib, kompaniya avtomobillarining qo‘shimcha partiyasi uchun to‘liq shartnoma tuzilgani, 28 000 dan ortiq shartnoma imzolanganini xabar qildi.
MB raisi — to‘lov xizmatlari uchun xalqaro pul o‘tkazmalari cheklangani sabablari haqida
To‘lov tizimlari mijozlar nomidan konvertatsiya bilan bog‘liq operatsiyalarni amalga oshirib, buni eksport tushumi sifatida ko‘rsata boshladi, dedi Markaziy bank raisi. Ular, shuningdek, pulni jo‘natuvchi va oluvchilar kim ekanini aniqlashtirmadi, shu sababli cheklovlar kiritish kerak bo‘ldi, deya qayd etdi u.
Prezident AQSh biznesini O‘zbekistonda kengaytirish rejalarini muhokama qildi
Shavkat Mirziyoyev Nyu-Yorkda AQSh-O‘zbekiston savdo palatasi raisi Kerolin Lemm va GE Healthcare, Oppenheimer, Cerberus, CNH va Cintana kabi qator yirik korporatsiyalar rahbarlari bilan uchrashdi. AQSh biznesining O‘zbekistonda faoliyatini kengaytirish bo‘yicha “aniq rejalar” muhokama qilindi.
Oilaviy tadbirkorlik bo‘yicha kreditlar MB asosiy stavkasidan 4 foiz band yuqori stavkada ajratiladi
Prezident qarori bilan 2024-yildan oilaviy tadbirkorlikni rivojlantirish dasturlari bo‘yicha kreditlar Markaziy bank asosiy stavkasidan 4 foiz punkt yuqori stavkada ajratilishi belgilandi. Hozirda bunday kreditlar asosiy stavka darajasida ajratib kelinmoqda.
Air Products (AQSh) O‘zbekistondagi loyihalarga 10 mlrd dollar sarmoya kiritadi
AQShning Air Products kompaniyasi O‘zbekistonda umumiy qiymati 10 mlrd dollardan ortiq yangi investitsiya dasturini amalga oshiradi. Kelishuv Shavkat Mirziyoyev va kompaniya rahbari Seyfi Gasemi o‘rtasidagi muzokaralar chog‘ida imzolandi. Prezident uni orden bilan taqdirladi.
“Insof bilan ishlashlari uchun”. O‘zbekiston energetika vaziri — metan “zapravka”larda narxlar cheklanishi haqida
O‘zbekistonda tariflar oshganidan so‘ng gaz quyish shoxobchalaridagi narxlar 3250 so‘mgacha cheklangan taqdirda ham AGTKSHlar kiritgan sarmoyasini qaytara oladi, deya ma’lum qildi energetika vaziri. Tadbirkorlardan biri bu narx bilan ishlay olmasligi mumkinligini aytdi.
Gulnora Karimovaning qaytarilgan aktivlari O‘zbekistonda chaqaloqlar o‘limini kamaytirishga sarflanadi
Gulnora Karimovaning Shveysariyada musodara qilingan aktivlarini qaytarish uchun tuzilgan Uzbekistan Vision 2030 jamg‘armasi BMTning yangi loyihasini moliyalashtirish uchun 43,5 mln dollar ajratdi. U O‘zbekistonda oldini olish mumkin bo‘lgan onalar va chaqaloqlar o‘limini kamaytirishga qaratilgan.
Qishloq xo‘jaligi vazirligi un va non narxi oshganiga izoh berdi
O‘tgan haftada O‘zbekiston viloyatlarida un va non narxi keskin oshdi. Bu Qozog‘istondan import qilinadigan g‘alla narxining oshishi fonida sodir bo‘ldi. Qishloq xo‘jaligi vazirligi narxlarning o‘sishini mavsumiy tebranishlar bilan izohladi va rossiyalik treyderlar harakatiga ham ishora qildi.
Cobalt, Lacetti, Damas va Labo avtomobillari uchun shartnoma tuzish yana ochildi
UzAuto Motors Chevrolet Cobalt, Lacetti, Damas va Labo avtomobillari uchun yana bir bor cheklangan miqdordagi kontraktatsiyani ochdi. Shartnomalarni Chevrolet`ning vakolatli dilerlik markazlarida tuzish mumkin.
“Avtokreditlashdagi o‘sish sur’ati kreditlashning umumiy o‘sish sur’atidan bir necha baravar yuqori” — Markaziy banki raisi
Markaziy bank “avtokreditlash yuqori sur’atda o‘sayotgani”dan xavotirda, chunki bu bank tizimi uchun xavf tug‘diradi. Shu bois regulyator talablarni kuchaytirishga qaror qilgan, bu faqat “standartlardan tashqariga chiqqan” banklarga taalluqli bo‘ladi, dedi regulyator rahbari Mamarizo Nurmuratov.
Markaziy bank valyuta operatsiyalari bo‘yicha qarorini “sanksiyalarga rioya qilish” talablari bilan izohladi
Valyuta operatsiyalari bo‘yicha hujjat Bank nazorati qo‘mitasi qarori bo‘lib, unga ko‘ra banklarga mijozlarni nazorat qilish va sanksiya risklarini kamaytirish choralarini ko‘rish topshirilgan, dedi MB raisi. Xorijiy banklar O‘zbekistonda mijozlar yetarli darajada tekshirmagani uchun to‘lovlarni ma’qullamadi, dedi u.
Markaziy bank banklardagi ikkilamchi hisobvaraqlar orqali valyuta chiqib ketishi mumkinligidan xavotirlanmoqda
Markaziy bank ikkilamchi bank hisob raqamlari orqali chet el valyutasi tovarlar importi doirasida noqonuniy olib chiqib ketilishi mumkinligidan xavotirlanmoqda. Komplayens-nazorat choralaridan asosiy maqsad banklar va tadbirkorlik subyektlari sanksiya cheklovlariga tushishining oldini olish, dedi MB raisi.
Vashingtonda o‘tgan O‘zbekiston-Amerika biznes forumida 12 ta hujjat imzolandi
Prezidentning AQShga tashrifi arafasida Vashingtonda O‘zbekiston-Amerika biznes-forumi bo‘lib o‘tdi. Energetika, mashinasozlik, AKT, qishloq xo‘jaligi, moliyaviy-texnik va ilmiy-texnikaviy hamkorlik sohalari bo‘yicha 12 ta hujjat imzolandi.
O‘zbekiston davlat budjeti taqchilligi qariyb 40 trln so‘mga yetdi
Sakkiz oy davomida O‘zbekiston davlat budjeti taqchilligi qariyb 40 trln so‘mni tashkil etdi. O‘tgan ikki oyda xarajatlar daromaddan 12,2 trln so‘mga oshdi. Eslatib o‘tamiz, hukumat 2023-yil yakunlari bo‘yicha profitsit bo‘lishini prognoz qilgan edi.
“Svet” va gazning yangi tariflari tasdiqlandi. Gaz “zapravka”lardagi narxlarga cheklov o‘rnatildi
1-oktabrdan yirik korxonalar, budjet tashkilotlari, kompaniyalar va boshqa yuridik shaxslar uchun elektr energiyasi va gaz narxlari oshiriladi. Tariflar aholi uchun o‘zgarishsiz qoldi. Shuningdek, gaz “zapravka”larda 6 oy davomida narxni 3250 so‘mdan oshib ketmasligi bo‘yicha choralar ko‘riladi.
“Jamiyat qabul qilmagan qaror — noto‘g‘ri qaror” — Markaziy bank raisi
Valyuta operatsiyalarini cheklash qarori qizg‘in bahs-munozaralarga sabab bo‘ldi. Markaziy bank raisi Mamarizo Nurmuratov ushbu qaror bekor bo‘lganini e’lon qilarkan, “Jamiyat qabul qilmagan qaror noto‘g‘ri qarordir”, dedi. “Liberallashtirishda ortga qaytish haqida gap bo‘lishi mumkin emas”, — deya qo‘shimcha qildi u.
MB valyuta operatsiyalari bo‘yicha yangi cheklovlarni bekor qildi
O‘zbekistonda valyuta operatsiyalariga qo‘yilgan yangi cheklovlar bekor qilindi, deya ma’lum qildi Markaziy bank boshqaruv raisi Mamarizo Nurmuratov. Avvalroq tadbirkorlik subyektlarining valyuta operatsiyalari faqat asosiy hisobvaraq ochilgan banklar orqali amalga oshirilishi talabi haqida yozgandik.
O‘zbekistonda banklar va tadbirkorlik subyektlariga valyuta operatsiyalari bo‘yicha cheklovlar kiritilmoqda
O‘zbekistonda valyuta operatsiyalariga qo‘yilgan talablar kuchaytirilmoqda. Tadbirkorlik subyektlarining valyuta operatsiyalari faqat asosiy hisobvaraq ochilgan banklar orqali amalga oshiriladi. Konvertatsiya uchun milliy valyutadagi mablag‘larni boshqa banklardagi ikkilamchi hisobvaraqlariga o‘tkazish ham taqiqlanadi.
Konsolidatsiyalashgan budjet taqchilligi 5,7 foizga yetdi. Bu avvalgi yillardagidan ancha ko‘p
Birinchi yarimyillikda konsolidatsiyalashgan budjet taqchilligi 5,7 foizni tashkil etdi — xarajatlar daromadlardan 26,9 trln so‘mga ko‘proq. Bu pandemiya boshlangan 2020-yil, shuningdek, 2021−2022-yillardagi ko‘rsatkichlardan ko‘p. Hukumat bu davrda biror marta budjet taqchilligi chegarasini ushlab turolmagan.
Avtokreditlar bo‘yicha ko‘rsatmalar ularning ajratilishini taqiqlamaydi va foiz stavkalariga ta’sir qilmaydi — MB
Markaziy bank banklarga avtokreditlar bo‘yicha berilgan ko‘rsatmalar bunday kreditlar ajratilishini taqiqlamasligi va taklif etilayotgan foiz stavkalari oshishiga ta’sir qilmasligini bildirdi. Avvalroq banklarga nisbatan avtokreditlar bo‘yicha talablar kuchaytirilgandi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Gaz va elektr tariflarining oshishi inflyatsiyaga qanday ta’sir qiladi?
- Yilning dastlabki 4 oyida davlat budjet defitsiti 25 trln so‘mdan oshdi
- “Hozir Yangi Toshkent ustuvorlikda turibdi”. Alstom vitse-prezidenti — poytaxtda tramvay qurilishi haqida
Qo‘shimcha imkoniyatlarga ega bulish uchun saytda ro‘yxatdan o‘ting