Iqtisodiyot
2022-yilda budjetdan g‘alla uchun jami 4 trln so‘m imtiyozli kreditlar ajratildi
O‘zbekistonda 2022-yilda budjetdan g‘alla uchun 4 tlrn so‘m imtiyozli kredit ajratildi, bu 2017-yilga nisbatan 3 barobarga ko‘p. Meva-sabzavotlar uchun 1,1 trln so‘m miqdoridagi imtiyozli kredit berildi. Qishloq xo‘jaligini qo‘llab-quvvatlash uchun so‘nggi yillarda 41 turdagi subsidiya joriy etilgan.
Prezident huzuridagi Tadbirkorlikni qo‘llab-quvvatlash kengashining tarkibi yangilandi
Prezident Tadbirkorlikni qo‘llab-quvvatlash bo‘yicha jamoat kengashining yangilangan tarkibini tasdiqladi. Kengash a’zoligini Prezident administratsiyasining sobiq rahbari Sardor Umurzakov, investitsiyalar, sanoat va savdo vaziri Laziz Kudratov, Murad Buildings asoschisi va boshqalar tark etgan.
Banklarda dollar kursi 12 200 so‘mga yaqinlashdi
Tijorat banklari 6-sentabr kuni aholidan 1 AQSh dollarini 12 070−12 110 so‘mdan sotib olmoqda, sotuv kursi esa 12 140−12 190 so‘m.
“Aqlli” “bog‘ shahar”. Prezidentga Yangi Toshkentning bosh rejasi loyihasi taqdim etildi
Prezident Yangi Toshkentning bosh rejasi loyihasi bilan tanishdi. Unda asosiy e’tibor “yashillik, qulaylik va tejamkorlik”ka qaratilgan. Shahar komponentlari loyihasi 20 ta xorijiy kompaniya tomonidan ishlab chiqilmoqda. “Odamlar birinchi o‘rinda bo‘lishi zarur”, — dedi Mirziyoyev.
O‘zbekistondan chet elga valyuta olib chiqish va olib kirish miqdori oshiriladi
Jismoniy shaxslar bojxonadan deklaratsiyasiz olib o‘tishi mumkin bo‘lgan naqd valyuta miqdori 70 mln so‘mdan 100 mln so‘m ekvivalentigacha oshirilmoqda.
Markaziy bank to‘lov xizmatlari uchun xalqaro pul o‘tkazmalarining cheklanganiga izoh berdi
Oson to‘lov xizmati qabul qiluvchi va jo‘natuvchi to‘g‘risidagi talab qilinadigan ma’lumotlarni qonunchilikda ko‘rsatilganidek aks ettirmagani uchun jarimaga tortildi, deya xabar qildi Markaziy bank. Regulyator to‘lov tashkilotlari uchun xalqaro pul o‘tkazmalari bo‘yicha cheklovlarga ham izoh berdi.
O‘zbekiston banklari Markaziy bankning to‘lov tizimlariga nisbatan harakatlarini qo‘llab-quvvatlashini ma’lum qildi
O‘zbekiston banklari to‘lov tizimlarining transchegaraviy tranzit operatsiyalarini to‘xtatish bo‘yicha MB qarorini qo‘llab-quvvatlovchi bir xil mazmundagi xabarlarni beryapti. Ularda qaror moliya tizimi va fintex bozorini xatarlar, jumladan, sanksiya bilan bog‘liq risklardan himoyalashga qaratilgani aytiladi.
Oson MB sanksiyasi bo‘yicha so‘rovlarni qaytarib olishi va jarimani to‘lamoqchiligini ma’lum qildi
Oson to‘lov xizmati Markaziy bank jarima sanksiyalari ishi bo‘yicha barcha so‘rovlarni qaytarib olishi va jarimani to‘lashini ma’lum qildi. Oson 5-sentabrdan mustaqil ravishda xorijiy pul operatsiyalarini amalga oshirmayapti, deya qayd etdi kompaniya.
Davlat suv havzalari tadbirkorlarga E-auksion orqali ijaraga beriladi
Hukumat qarori bilan tadbirkorlarga davlatga tegishli suv havzalarini E-auksion platformasi orqali ijaraga berish tartibi yo‘lga qo‘yildi. Ular suv bo‘yida plyaj zonalari, baliq ovi va suv sayohati kabi xizmatlarni tashkil etishi kerak bo‘ladi. Yer uchastkalari kamida 10 yil muddatga ijaraga beriladi.
Oson va PayWay xalqaro pul o‘tkazmalarini to‘xtatdi
Oson to‘lov xizmati 5-sentabrdan xalqaro pul o‘tkazmalari va xorijiy xizmatlar uchun to‘lovlarni vaqtincha to‘xtatdi. PayWay ham barcha xalqaro yo‘nalishlarda, shu jumladan, Rossiyadan va Rossiyaga pul o‘tkazmalarini to‘xtatmoqda va buni Markaziy bankning talabi bilan izohladi.
Avgustda 46,2 mlrd so‘mlik gaz va elektrdan noqonuniy foydalanilgani aniqlandi
O‘zbekistonda avgust oyida 26,2 mlrd so‘mlik tabiiy gaz va 19,9 mlrd so‘mlik elektr energiyasidan noqonuniy foydalanilgani ma’lum bo‘ldi. Bunday holatlar, o‘tgan oyda bo‘lgani kabi, Andijon, Samarqand va Toshkent viloyatlarida eng ko‘p qayd etilgan.
Biznesni rivojlantirish banki tashkil etildi
Prezident qarori bilan “Qishloq qurilish bank” tijorat banki negizida Biznesni rivojlantirish banki hamda uning huzurida “Kichik biznesni rivojlantirish jamg‘armasi” mas’uliyati cheklangan jamiyati tashkil etildi.
ILMA O‘zbekiston kapital bozori regulyatoriga aylanadi
Istiqbolli loyihalar milliy agentligi Iqtisodiyot va moliya vazirligining kapital bozori sohasidagi vazifalari, funksiya va vakolatlarini o‘z zimmasiga olib, ushbu soha regulyatoriga aylanadi. ILMA, shuningdek, kapital bozori sohasida “Tartibga solish qumdoni” tartiblarini belgilaydi.
Dividend imtiyozlari 2029-yilgacha uzaytiriladi, ixtiyoriy pensiya badali pulidan aksiya sotib olish mumkin bo‘ladi
Iqtisodiyot va moliya vazirligiga fuqarolar tomonidan ixtiyoriy pensiya badallari hisobiga aksiya sotib olish, xodimlarga o‘z korxonasi aksiyalarini xarid qilish ustuvor huquq berish, dividendlar bo‘yicha imtiyozlarni 2028-yil oxirigacha uzaytirish kabilarni nazarda tutgan qonun loyihasini ishlab chiqish topshirildi.
Qimmatli qog‘ozlar markaziy depozitariysi Markaziy bankga o‘tkaziladi
“Qimmatli qog‘ozlar markaziy depozitariysi” davlat unitar korxonasi “Qimmatli qog‘ozlar markaziy depozitariysi” AJga o‘zgartiriladi va uning ustav kapitalidagi davlat aksiyalari paketi Markaziy bankka o‘tkaziladi. Shuningdek, “Milliy kliring markazi” tashkil etiladi.
Avgustda O‘zbekistonda inflyatsiya 0,5 foizni tashkil etdi va yillik hisobda 9 foizdan pastligicha qolmoqda
Avgust oyi yakunlariga ko‘ra, O‘zbekistonda 0,5 foizlik inflyatsiya qayd etildi, yillik inflyatsiya esa 9 foizdan pastligicha qolmoqda. O‘tgan oyda tuxum, guruch, go‘sht, sut qimmatladi, un, yog‘ va shakar esa arzonladi. Benzin, metan va propan narxi oshishda davom etmoqda.
“Elektroenergiya tariflari islohoti O‘zbekiston moliyasiga ijobiy ta’sir qiladi” — Fitch
O‘zbekiston budjet ko‘rsatkichlari yomonlashishining sabablaridan biri — elektr energiyasi tariflari islohoti keyinga qoldirilgani, deya qayd etdi Fitch agentligi. To‘liq miqyosdagi energetika islohoti qanchalik uzoqqa cho‘zilsa, yil oxirida 5,1 foiz bo‘lishi kutilayotgan budjet taqchilligi shunchalik sekin pasayadi.
Ayrim banklarda dollar kursi 12 165 so‘mgacha ko‘tarildi
Tijorat banklari 4-sentabr kuni aholidan 1 AQSh dollarini 12 040−12 070 so‘mdan sotib olmoqda, sotuv kursi esa 12 110−12 165 so‘m.
IFC O‘zbekistonga investitsiya qonunchiligini takomillashtirishga yordam beradi
Xalqaro moliya korporatsiyasi Yaponiya hukumati bilan hamkorlikda O‘zbekiston hukumatiga yangi investitsiya qonunchiligini tayyorlashda yordam beradi. Bunda to‘g‘ridan-to‘g‘ri xorijiy investitsiyalarni ko‘proq jalb qilish va iqtisodiy o‘sishni rag‘batlantirish maqsad qilingan.
Energetika vazirligi “zapravka”lar uchun kunlik gaz limiti belgilanganiga munosabat bildirdi
Tarmoqlarda “zapravka”lar uchun kunlik gaz limiti kiritilayotgani haqida xabar tarqaldi. Energetika vazirligi shartnomalarda “soatlik, kunlik, oylik va yillik” hajm belgilanishi mumkinligi ko‘rsatilganini bildirdi. Iste’molchilar qo‘shimcha gaz so‘rab murojaat qilishi mumkin, deydi vazirlik.
Eng ko‘p o‘qilgan xabarlar | So‘nggi yangiliklar
- Elektrning tannarxi qariyb 1000 so‘m, tabiiy gazniki esa qariyb 2000 so‘mni tashkil qiladi — Iqtisodiyot vazirligi
- 1-maydan elektr va gaz uchun tariflar oshiriladi, ijtimoiy norma joriy etiladi
- Elektr va gaz narxi qanchaga oshadi? Yangi tariflar bo‘yicha hisoblash qanday bo‘ladi? Tushuntiramiz
- Kiyevda urushdan zarar ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi
Qo‘shimcha imkoniyatlarga ega bulish uchun saytda ro‘yxatdan o‘ting