Iqtisodiyot
Toshkentda Bojxona rasmiylashtiruvi markazi ishga tushdi
Shavkat Mirziyoyev Toshkentdagi Bojxona rasmiylashtiruvi markazi bilan tanishdi. Unda masofaviy elektron deklaratsiyalash, xavflarni boshqarish va boshqa bo‘limlar tashkil etilgan. Markaz rasmiylashtiruv vaqtini 2 baravarga qisqartiradi. Tizim faoliyatiga tadbirkorlar baho berishi kerak, dedi prezident.
O‘zbekiston Afg‘onistonga protein va vitaminlar yetkazib berish bo‘yicha kelishuvga erishdi
O‘zbekiston Afg‘onistonga 1 mln dollarlik protein va vitaminlar yetkazib berish bo‘yicha kelishuvga erishdi. 25 kungacha bo‘lgan muddatda dori vositalarini davlat ro‘yxatidan o‘tkazishning o‘zaro soddalashtirilgan tizimini joriy etish bo‘yicha kelishuv loyihasi ham ishlab chiqilmoqda.
Pokiston O‘zbekiston bilan bojxona ma’lumotlari almashinuvini yo‘lga qo‘yadi
Pokiston va O‘zbekiston bojxona ma’lumotlari almashinuvini yo‘lga qo‘yadi. Yil oxirigacha mamlakatlarning yagona darcha tizimlari o‘rtasida shartnomalar tuzish rejalashtirilgan.
Shavkat Mirziyoyev: 10 mln so‘mdan yuqori oylik oluvchi o‘qituvchilar 1000 nafardan oshdi
Prezident dushanba kungi videoselektorda 6 mln so‘mdan 10 mln so‘mgacha maosh oladigan o‘qituvchilar soni 23 mingga yetgani, 10 mln so‘mdan yuqori oylik olayotganlar soni esa ming nafardan oshganini ma’lum qildi. “Bu ham yaxshi, lekin bu juda kam”, — dedi Shavkat Mirziyoyev.
“Bu noto‘g‘ri ma’lumot”. “O‘zbekneftgaz” rahbari — gaz qazib olishning pasayishi haqida
“O‘zbekneftgaz” rahbari Bahodirjon Sidiqov, mamlakat rasmiy statistikasida aks ettirilganiga qaramay, gaz qazib olish kamaymayapti, deb hisoblaydi. Ishlab chiqarishning pasayishi haqida energetika vaziri gapirgan, “O‘zbekneftgaz” esa ishlab chiqarish prognozini pasaytirgandi.
O‘zbekiston, Qozog‘iston va Qirg‘iziston kuz-qish mavsumida o‘zaro elektr yetkazib berish bo‘yicha kelishuvga erishdi
O‘zbekiston, Qozog‘iston va Qirg‘iziston energetika vazirlari kuz-qish mavsumida o‘zaro elektr yetkazib berish, uning soatlik hisobini yuritish mexanizmini joriy etish, rejadan tashqari oqimlarni hisoblash bo‘yicha shartnomalarning amaldagi shartlarini qayta ko‘rib chiqish va boshqalar bo‘yicha kelishuvlarga erishdi.
O‘zbekiston Afg‘oniston orqali Pokistonga tranzit yuk tashuvlarini kengaytirmoqchi
O‘zbekiston delegatsiyasi Kobulga tashrifi davomida Afg‘onistonga sarmoya kiritishni ko‘paytirish, bu mamlakat hududi orqali tranzitga qo‘yilgan cheklovlarni bekor qilish va yuklarni Pokistonga olib o‘tishda tranzit to‘lovlarini kamaytirish, bojxona xizmatlari faoliyatini uzluksiz rejimga o‘tkazishni muhokama qildi.
Yilning dastlabki 7 oyida elektromobillar importi qariyb 6 barobarga oshdi
Statistika agentligi yanvar-iyul oylarida elektromobillar importi qariyb 6 barobarga oshganini ma’lum qildi. Mamlakatga bunday transport vositalari eng ko‘p Xitoy va Gonkongdan olib kelinyapti.
Namangan viloyatiga 100 ta yangi avtobus olib kelinadi
Namangan viloyatiga Xitoyning Yutong kompaniyasidan 100 ta yangi avtobus olib kelinadi. ZK6890HG modelidagi avtobuslarning dastlabki 20 tasi bir hafta ichida yetkazib berilishi kutilmoqda.
“Afg‘oniston bozoriga kirishimizni xohlamayotganlar juda ko‘p”. “O‘zbekneftgaz” rahbari — dizel yonilg‘isi qaytarilgani haqida
Afg‘oniston O‘zbekistonga dizel yonilg‘isini sifati yomonligi uchun qaytarmagan, dedi “O‘zbekneftgaz” rahbari Bahodirjon Sidiqov. Uning aytishicha, mahsulot Yevro-6 standartlariga javob beradi va Yevropa bozoriga eksport qilinmoqda. “O‘sha bozorga biz kirib borishimizni xohlamayotgan odamlar juda ko‘p”, — dedi u.
Uchinchi Jahon urushining oldini olish mumkinmi?
Insoniyat taqdiri AQSh va Xitoy qay darajada murosaga kela olishiga bog‘liq. Har ikki kuch qarshi tarafning strategik xavf tug‘dirishiga o‘z-o‘zini ishontirib bo‘lgan. Xitoy va AQSh bir-biri bilan keng qamrovli urush tahdidisiz birga yashay oladimi? Amerikalik nufuzli diplomat Genri Kissinjer mulohazalari.
“Zomin” sayyohlik zonasida dor yo‘li ochildi
Jizzax viloyatidagi “Zomin” sayyohlik-rekreatsion zonasida dor yo‘li ochildi. 133,3 mlrd so‘mlik loyiha Shveysariyaning Bartolet kompaniyasi bilan hamkorlikda amalga oshirildi. Zonada “Suffa platosi. 2400” xalqaro umummavsumiy kurorti va “O‘riklisoy” turizm majmuasi ham tashkil etilmoqda.
O‘zbekistonda elektron tijorat bozori 2027-yilga borib 6−7 baravar kengayishi kutilmoqda — KPMG
KPMG xalqaro auditorlik kompaniyasi O‘zbekistondagi elektron tijorat bo‘yicha hisobotida bu bozor hajmi 2027-yilga borib 6−7 baravarga kengayishini va 1,8−2,2 mlrd dollarga yetishi mumkinligini prognoz qildi. Shuningdek, kompaniya bozor kengayishiga yordam beruvchi va to‘sqinlik qiluvchi omillarni sanab o‘tdi.
Turkmaniston O‘zbekistonga 2 mlrd kub metrgacha gaz yetkazib beradi
O‘zbekiston Turkmaniston bilan yiliga 2 mlrd kub metrgacha turkman gazini yetkazib berish bo‘yicha shartnoma imzoladi. Tomonlar, shuningdek, uzoq muddatli shartnomalar ustida ishlamoqda, — dedi O‘zbekiston Energetika vazirligi rahbari Jo‘rabek Mirzamahmudov.
Navoiyda uyni saqlash uchun to‘lovlardan qarzi borlar elektrdan uziladi
Navoiy shahrida ko‘p qavatli uyni saqlash bo‘yicha majburiy badal va to‘lovlardan qarzdorlik uchun kvartiralarni elektr energiyasidan uzib qo‘yish tajribasi joriy etiladi. Sinov butun O‘zbekiston bo‘ylab olib boriladimi-yo‘qmi, bu bo‘yicha ma’lumot keltirilmagan.
Aprel-iyun oylarida O‘zbekiston banan importini keskin oshirdi — EastFruit
EastFruit portaliga ko‘ra, 2023-yil aprel-iyun oylarida O‘zbekistonga 37,9 ming tonna banan import qilindi. Bu o‘tgan yilning shu davriga nisbatan 63 foizga, 2021-yilning shu davriga nisbatan esa 2,8 barobarga ko‘proq. May oyidan boshlab banan narxi oldingi yillarga nisbatan eng past darajaga tushgan.
O‘zbekiston eksportchilari uchun valyuta nazorati yumshatilmoqda
Senatorlar summa bir savdo shartnomasi bo‘yicha yetkazib beriladigan mahsulot qiymatining 5% idan oshmasa, eksportyorlarga aktivlar repatriatsiyasi ta’minlanmagani uchun jarima solinmasligi bo‘yicha o‘zgarishlarni ma’qulladi. Iqtisodiyot vaziri o‘rinbosari limit tanlovi va nega uni oshirib bo‘lmasligini tushuntirdi.
Senat ijara va lizing to‘g‘risidagi qonunlarga o‘zgartirishlar kiritishni ma’qulladi. Nimalar o‘zgarmoqda?
So‘nggi yillarda O‘zbekistonda avtomobil ijarasi yoki lizing bo‘yicha firibgarlik holatlari ko‘paydi. Senatorlar ijaraga olingan obyektni mulk qilib oladigan ijarachilar huquqini himoya qilishga qaratilgan o‘zgartirishlarni ma’qulladi. Lizingga oluvchining roziligisiz obyektni tasarruf etish ham taqiqlanmoqda.
Baliqchilik loyihalariga 50 mln so‘mgacha garovsiz kredit ajratiladi
Aholi va tadbirkorlar baliqchilik bilan shug‘ullanish uchun 50 mln so‘mgacha garovsiz kredit olishlari mumkin. Baliqchilik xo‘jaliklari uchun suv havzalari uchastkalari onlayn-auksion orqali ijaraga beriladi.
2025-yilgacha “Gazli” gaz ombori sig‘imini ikki baravar oshirish rejalashtirilmoqda. Loyiha haqida nimalar ma’lum?
“O‘zbekneftgaz” va Rossiyaning “Forus” kompaniyasi hamkorligida tashkil etilgan Gazli Gas Storage QK 2025-yilgacha “Gazli” yerosti gaz ombori quvvatini ikki barobarga oshirishni rejalashtirmoqda. “O‘zbekistonda neft va gaz sanoatining holati to‘g‘risida”gi ma’ruza mualliflari ayrim savollarni o‘rtaga tashlashdi.
Eng ko‘p o‘qilgan xabarlar | So‘nggi yangiliklar
- Volkswagen va Volvo O‘zbekiston fuqarolarini Slovakiyaga ishga taklif qilmoqda
- “Taqiqlar amalda ishlamayapti”. O‘zbekistonda bukmekerlik faoliyatini qonuniylashtirishdan maqsad nima?
- Humo to‘lov tizimi baribir xususiylashtiriladi
- 420 mln dollarga qurilgan va zarar ko‘rayotgan TMZning davlat ulushi kimoshdi savdosiga qo‘yiladi
Qo‘shimcha imkoniyatlarga ega bulish uchun saytda ro‘yxatdan o‘ting