Iqtisodiyot
O‘zbekiston oltin eksportini rekord daraja — 8,1 mlrd dollarga yetkazdi
2023-yilning 11 oyida O‘zbekistonning tashqi savdo aylanmasi 57,3 mlrd dollarga (+26,2 foiz) yetdi. Import eksportdan qariyb 11 mlrd dollarga oshdi. Oltin eksporti 2,3 baravar ko‘payib, rekord daraja — 8,1 mlrd dollarni tashkil etdi. Samolyotlar, avtomobillar, neft va boshqa resurslar importi yuqoriladi.
Rossiyadan gaz import qilish faqatgina iqtisodiy talabdan kelib chiqib amalga oshirilmoqda — energetika vaziri
Jo‘rabek Mirzamahmudov nega O‘zbekiston oktabr oyida Rossiyadan ham gaz import qilishni boshlaganiga izoh berdi. “Asosiy sabab — ortib borayotgan talab, o‘sib borayotgan iste’mol”, — dedi energetika vaziri. U, shuningdek, Rossiyadan gaz olib kelish uchun tayyor infrastruktura bo‘lganini qayd etdi.
Mahallalar raqamlashtirilib, “Xalq nazorati” platformasiga e’tibor kuchaytiriladi
Prezident IT sohasiga doir yig‘ilishda mahalla qo‘mitalari xodimlari planshet va kompyuterlar bilan ta’minlansa ham, raqamli yechimlardan to‘liq foydalanilmayotganini tanqid qildi. “Raqamli mahalla” tizimini ishga tushirish, “Xalq nazorati” platformasini takomillashtirish bo‘yicha ko‘rsatmalar berildi.
Qurilish sohasida ayrim binolarni qurish uchun zarur bo‘lgan ishchilar soni me’yori joriy etiladi — Jamshid Qo‘chqorov
Qurilish sohasida ish o‘rinlarini qonuniylashtirish uchun 1-apreldan ayrim obyektlarni qurish uchun zarur bo‘lgan ishchilar soni me’yorini joriy etish rejalashtirilmoqda, dedi bosh vazir o‘rinbosari Jamshid Qo‘chqorov. Unga ko‘ra, bu birinchi bosqichda davlat budjetidan moliyalashtiriladigan qurilishlarga qo‘llaniladi.
2024-yilda IT xizmatlarini rivojlantirish uchun 65 mlrd so‘m ajratiladi
2024-yildan IT kompaniyalari bo‘sh turgan binolarga bir yil muddatga bepul joylashtiriladi. 50 dan ortiq mutaxassisni ishli qilgan kompaniyalarning bir yillik ish haqi xarajatining 15 foizgacha qismi qoplab beriladi. Shavkat Mirziyoyev soha uchun 65 mlrd so‘m ajratilishini ma’lum qildi.
O‘zbekistonda ayrim xizmatlar uchun to‘lovni naqd pulda qabul qilish to‘xtatilishi mumkin — bosh vazir o‘rinbosari
Bosh vazir o‘rinbosari Jamshid Qo‘chqorov yashirin iqtisodiyotga qarshi kurashish maqsadida naqd pul muomalasini qisqartirish bo‘yicha prezident qarori loyihasi tayyorlanganini ma’lum qildi. Uning so‘zlariga ko‘ra, gap ayrim to‘lovlarni faqat bank kartalari orqali to‘lash haqida bormoqda.
Budjet taqchilligining limitini 3 foizdan 5,5 foizga o‘zgartirish haqidagi qonun ma’qullandi
Senatda O‘zbekiston konsolidatsiyalashgan budjeti taqchilligining cheklangan miqdori 3 foizdan 5,5 foizga o‘zgartirish ko‘zda tutilgan qonun qabul qilindi.
Senat 2024-yilga mo‘jallangan davlat budjetini ma’qulladi
Senatorlar davlat budjeti to‘g‘risidagi qonunni ma’qulladi. budjet daromadlari 375,0 trln so‘m miqdorida, xarajatlari esa 427,6 trln so‘m miqdorida rejalashtirilgan holda konsolidatsiyalashgan budjet 52,6 trln so‘m yoki yalpi ichki mahsulotga nisbatan 4 foiz miqdoridagi taqchillik bilan shakllantirildi.
Prezident 2024-yilda temiryo‘l va aviatransport hajmini 20 foizga oshirish topshirig‘ini berdi
Prezident 2024-yilda temiryo‘l va aviatransport hajmini 20 foizga oshirish bo‘yicha topshiriq berdi. Bunga erishish uchun Toshkent va viloyatlar markazlari o‘rtasida kamida ikkita, viloyatlar o‘rtasida haftasiga bitta reys yo‘lga qo‘yish, kamida 7 ta samolyot va 6 ta tezyurar poyezd olib kelish rejalashtirilmoqda.
Garovsiz kredit limiti 100 mln so‘mgacha oshiriladi, YTTlar kredit olishi mumkin bo‘ladi
Prezident oilaviy tadbirkorlik uchun garovsiz kreditning maksimal miqdori 33 mln so‘mdan 100 mln so‘mgacha oshirilishini ma’lum qildi. U, shuningdek, “biznesga qadam qo‘yayotgan” yakka tartibdagi tadbirkorlarga kredit berish taklifini ma’qulladi.
Noyabrda avtomobillar sotuvi o‘tgan oyga nisbatan 19 foizga pasaydi
Iqtisodiy tadqiqotlar va islohotlar markazi noyabr oyida avtomobillar sotuvi 147,5 mingtani tashkil etib, oktabr oyiga nisbatan 19 foizga pasayganini ma’lum qildi. Elektromobillar sotuvi ketma-ket uchinchi oy pasaydi.
O‘zbekistonda brend mahsulotlar ishlab chiqaruvchi korxonalarga imtiyoz va yengilliklar beriladi
O‘zbekistonda brendlar nomi ostida ishlab chiqarishni boshlayotgan korxonalarga qator imtiyoz va yengilliklar beriladi. Xususan, ularning xalqaro standartlarni joriy qilishdagi xarajatlari qoplab beriladi hamda xomashyolari bojxona to‘lovlaridan ozod qilinadi.
Biznesning 400 mlrd so‘mlik jarimalari hisobdan chiqarilib, Soliq kodeksining 227−1-moddasi bo‘yicha jazo yengillashishi mumkin
Savdo-sanoat palatasi prezident qarori loyihasini ishlab chiqdi, unga ko‘ra tadbirkorlik subyektlariga “amnistiya” e’lon qilish va Soliq kodeksining 227−1-moddasiga asosan belgilangan 400 mlrd so‘mlik jarimani hisobdan chiqarish rejalashtirilgan. Moddada belgilangan jazoni yengillashtirish ham taklif etilmoqda.
“Pufak indeksi” Toshkentda uy-joy narxlari pufak xavfi chegarasiga yaqinlashayotganini ko‘rsatmoqda — MHTI
Toshkent shahrida “pufak indeksi” uy-joy narxlari pufak xavfi chegarasiga yaqinlashib borayotganini ko‘rsatmoqda, deyiladi MHTI hisobotida. Poytaxtda o‘rtacha ta’mirlangan 2 xonali kvartira sotib olish uchun kerak bo‘ladigan vaqt 10 yilgacha yetgan (o‘rtacha ish haqiga nisbatan).
Markaziy bank bitta tijorat bankining ayrim operatsiyalarni amalga oshirishini chekladi
Markaziy bank ko‘rsatmalarga amal qilmagani va makroprudensial vazifalar ijrosini o‘z vaqtida ta’minlamagani sababli bitta tijorat bankining ayrim operatsiyalarni amalga oshirishiga cheklovlar kiritdi. Shuningdek, regulyator 4 ta bank va 1 ta to‘lov tashkilotiga nisbatan jarima qo‘lladi.
Soliq qo‘mitasi xodimlari “xufiyona” biznesni yashirishda gumonlanib hibsga olindi
Huquq-tartibot idoralari Soliq qo‘mitasi markaziy apparatining ikki nafar mas’ul xodimi va Toshkent shahri Soliq boshqarmasi kameral soliq tekshiruvlar shu’basi sobiq rahbarini qo‘lga oldi. Ular noqonuniy tadbirkorlik faoliyatini yashirganlikda gumon qilinmoqda.
O‘zbekistonda geologiya-qidiruv ishlarini 6−7 kilometr chuqurlikka tushirish rejalashtirilmoqda
Shavkat Mirziyoyev raisligidagi yig‘ilishda geologiya-qidiruv ishlari 2−3 kilometrdan 4−5 kilometr chuqurlikkacha tushirilgani qayd etildi. Endi ushbu qidiruv ishlarini 6−7 kilometrga oshirish rejalashtirilmoqda.
Investitsiya vazirligining viloyat va tuman bo‘limlari tugatiladi
Investitsiyalar, sanoat va savdo vazirligining hozirgi tizimi qayta ko‘rib chiqiladi. Vazirlikning viloyat va tuman bo‘limlari tugatiladi. Ularning vazifalari hamda ishlab chiqarish, sanoat zonalari va eksport masalalari Savdo-sanoat palatasiga o‘tkaziladi.
2060-yilda O‘zbekiston iqtisodiyotiga semizlikdan yetadigan zarar YAIMning 4,7 foizigacha oshadi
JSST ma’lumotiga ko‘ra, O‘zbekistonda o‘rtacha tana massasi indeksi 1 kvadrat metrga 26,5 kg ni tashkil qilmoqda. Bu Markaziy Osiyodagi eng yuqori ko‘rsatkichdir. 2060-yilga borib semizlik oqibatida iqtisodiyotga yetadigan zarar 21,6 mlrd dollargacha oshishi kutilmoqda, bu — YAIMning 4,7 foiziga teng.
Noyabrda poytaxtning 10 ta tumanida uy-joy ijarasi narxi pasaydi — ITIM
Noyabr oyida Toshkentda uy ijarasining o‘rtacha narxi 2,1 foizga pasayib, kvadrat metri uchun 9,3 dollarni tashkil etdi, deya ma’lum qildi Iqtisodiy tadqiqotlar va islohotlar markazi. Poytaxtning 10 ta tumanida ijara narxi tushgan, bunda eng arzon hududlar Sergeli va Bektemir bo‘lib turibdi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Gaz va elektr tariflarining oshishi inflyatsiyaga qanday ta’sir qiladi?
- “Hozir Yangi Toshkent ustuvorlikda turibdi”. Alstom vitse-prezidenti — poytaxtda tramvay qurilishi haqida
- Yilning dastlabki 4 oyida davlat budjet defitsiti 25 trln so‘mdan oshdi
Qo‘shimcha imkoniyatlarga ega bulish uchun saytda ro‘yxatdan o‘ting